Sky City (Џеваир облакодери и трговски центар)

Ќе се гради уште една висококатница во Аеродром

ВО АЕРОДРОМ
Потребен е инвеститор и за четвртиот облакодер Земјиштето за четвртиот облакодер во општина Аеродром, кој треба да се гради на просторот меѓу бензинската пумпа „Макоил“ и касарната „Гоце Делчев“, од вчера е на продажба. Во соопштението на Министерството за транспорт и за врски стои дека објектот што ќе се гради на површина од 12.460 квадратни метри е наменет за семејно домување и треба да има минимум 33 ката, а максимум 124. Почетната цена на јавното наддавање, кое ќе се одржи на 26 октомври, е 4.600 денари по квадратен метар. Зградата ќе треба да се изгради за шест години, сметано од денот кога инвеститорот ќе ја добие градежната дозвола. Пред пет месеци, турската компанија „Џеваир холдинг“ ги купи останатите три парцели предвидени за облакодери со истата висина, по цена од 4.700 денари за квадратен метар.

http://www.vreme.com.mk/DesktopDefault.aspx?tabindex=2&tabid=1&EditionID=2128&ArticleID=148958

Ова само кај нас го има, урбанистички план да определува МИНИМАЛНА висина и површина за градба

Originally posted by alexgizh Простете, веќе ми се дефецира кога ќе прочитам пост кој содржи „ова само кај нас“

@Alexgizh И мене! "Ова само кај нас" во комбинација со нешто што врска нема. Како на пример во случајов. А и најчесто "ова само кај нас" се кажува онака како узречица, непромислено, без да се провери дали е стварно само кај нас.

@Martin ДУП предвидува максимална висина. Условот за минимална го поставија од Влада како орган што го распишува тендерот. Така да тоа е тендерски услов, не урбанистички. А и не е само кај нас, провери. На многу места низ свет го има, макар што и не е тоа битно.

 Дали мислите дека е тоа што е, дека ја продале парцелата и сега инвеститорот ќе почне да гради или дека се спремаат да ја расчистат или средат пред инвеститорот да почне да гради  незнам ај ќе видиме.

За најповолен понудувач на јавното наддавање е избрана „Турк Мак Иншаат Санаји Ве Тиџарет ЛТД“, фирма на турскиот холдинг Чевахир (Cevahir Holding A.Ş.)

Турк Мак Иншаат Санаји Ве Тиџарет ЛТД = Turkey Construction Machinery Industry and commerce



Edited by lslcrew - 20-Nov-2010 at 23:12

хехе , ама сепак почнале,ќе се градат трите кули умерено одеднаш, или една по една ?

Јас типувам на 40+ катови

Зашто овие три згради не се изградија карши холидеј ин?? Уште една голема промашена работа на погрешна локација,

Скопскиот Менхетeн се урна од 100 ката на 40

Турскиот холдинг „Џеваир“ нема да ја искористи можноста за изградба на облакодери од 125 ката

Наместо стокатници во Аеродром, ќе се градат четири четириесеткатници. Турскиот холдинг „Џеваир“ од Истанбул, кој го купи плацот за изградба на стокатниците за 1,6 милиони евра, нема да ја искористи можноста да изгради облакодери високи до 125 ката. Откако од компанијата ги „снимиле“ условите на теренот, одлучиле да инвестираат во поскромни објекти, иако урбанистичкиот план предвидува изградба на таканаречен скопски Менхетeн. Се очекува изградбата да започне по новогодишните празници.

Градоначалникот Ивица Коневски вели дека Турците периодов обезбедуваат машини потребни за геомеханичко испитување на теренот, а истовремено се подготвуваат да ја почнат и процедурата за добивање градежна дозвола.

„Верувам дека целата постапка ќе заврши во скоро време, оти станува збор за навистина сериозна компанија со реноме, чиј влез во Аеродром ќе ја означи досега најголемата инвестиција од оваа сфера во нашата општина, но и во Скопје. Станува збор за проект вреден речиси 200 милиони евра, од кои општината ќе инкасира околу 1 милион евра само од комуналии“, вели Коневски.

Според градоначалникот, скопскиот Менхетн ќе го сочинуваат, генерално, станови, но и значителен дел деловни простории, а Турците планираат да градат и трговски центар. Зградите ќе имаат 40 ката, иако ДУП-от дозволува изградба на висококатници високи дури до 125 ката, но обврзува да не се пониски 33 ката.

Трусното подрачје на Скопје, како и условите за изградба на потребната инфраструктура биле дел од главните причини од кои од „Џеваир“ не се одлучиле да изградат толку високи објекти. Според нивните анализи и од досегашното искуство во градење, утврдиле дека просторот предвиден за градба, меѓу бензинската пумпа „Макоил“ и касарната „Гоце Делчев“ е идеален за четири четириесеткатници. „Снимањето“ на условите на теренот беше една од причините зошто веднаш по лицитацијата за земјиштето, од компанијата не кажаа што и колку планираат да градат. Ибраим Џеваир, сопственик на холдингот, единствено изјави оти е убеден дека тоа ќе бидат згради досега невидени во Скопје и во Македонија.

Инаку, компанијата „Џеваир“ во своето шеесетгодишно постоење има изградено неколку хотели со пет ѕвезди, фабрики и трговски центар во Истанбул, а свои објекти има и во Либан и во Саудиска Арабија. Влезот во Македонија го најавува токму преку општината Аеродром, регистрирани преку фирмата „Турк-Мак“.

Сопственици на наменското земјиште станаа по пат на лицитација на која за еден квадрат понудија 4.700 денари, што беше само за 100 денари повеќе од почетната утврдена цена. Земјиштето, практично, доби сопственик во вториот обид за отуѓување, и тоа по половина година откако прв пат беше понудено на лицитација, но тогаш немаше заинтересирана компанија што би инвестирала во досега невидениот проект за Скопје.

http://www.utrinski.com.mk/default.asp?ItemID=833C8387F960564DBDD91095A71F3F58

Edited by Djole88 - 23-Nov-2010 at 14:58