Црна хроника

Отворена пругата кон Кичево  

И повторно !!!

Патнички воз удри во одрон кај селата Јегуновце и Орешани, причинета материјална штета Скопје, 20 март (МИА) - Патнички воз кој сообраќал на релација Кичево – Скопје денеска околу 13 часот и 45 минути удри во мал одрон меѓу селата Јегуновце и Орешани при што е оштетен резервоарот на локомотивата. Центарот за управување со кризи соопшти дека други материјални штети не се предизвикани, а со помош на влечна локомотива е извлечена возната композиција од местото каде се случил инцидентот. Сообраќајот на овој потег од железничката линија привремено бил во прекин, а по интервенцијата се одвива со намалена брзина. бак/16:10 http://www.mia.com.mk/default.aspx?vId=72456873&lId=1&pmId=501

Македонски железници најавија штрајк

	Коментари (0)

25.03.2010 13:48

Македонската јавност нема да биде изненадена ако наскоро се случи тешка железничка сообраќајна несреќа, затоа што постојат сите основни предуслови за такво нешто, со оглед на влошената безбедност во сообраќајот.

Ова беше истакнато на денешната прес конференција на Синдикатот на машинскиот персонал на Македонски железници АД „Транспорт“, на која беше најавено дека од денеска започнува процес за организирање на штрајк, што ќе стапи во сила доколку во следните денови не се одржат преговори со надлежните.

Според претседателот на синдикатот, Ристо Пејовски, одроните што се случија на пругата Скопје-Кичево, не се случајност, туку е последица на тоа што вработените, кои се задолжени за одржување на безбедноста на пругите, биле испратени на принуден одмор.

„Што се однесува до безбедноста на локомотивите, најдобар показател е тоа што кај нас локомотивите не се осигурани, а мерило за нивна техничка исправност е дали е таа осигурана“, рече Пејовски.

Тој се пожали дека и минималното животно осигурување кое што претпријатието е должно да го плати за секој машиновозач не се подмирени, а не се води грижа ниту за заштитни средства за работа, како што се облеката, чевлите и помошните помагала.

Пејовски укажа дека безбедноста на сообраќајот нема цена, бидејќи таа е најзначајна и за вработените и за граѓаните.

„Јавноста во Македонија нека не биде изненадена доколку се случи тоа што се случи во Хрватска и во Црна Гора каде што имаше слизнување на вагони со човечки жртви. Одговорно укажуваме на недостатоците и неисправностите на возилата. Ако одговорните не ги засега оваа ситуација, нека не ве чуди ако се случи нешто и во Македонија“, рече Пејовски, додавајќи дека за инвестиции во безбедноста не смее да се штети.

Покрај ова, синдикатот на машинскиот персонал на железницата бара на оваа група на вработени да им се уважи правото на бенефициран работен стаж.

Пејовски истакна дека за овие состојби синдикатот му укажал на раководството на претпријатието и на ресорното министерство, но засега нема конкретни резултати.

„Вработените во железница донесовме одлука од денеска започнуваме процес за организација на штрајк, доколку во следните денови немаме директни и конкретни разговори, кои ќе дадат резултат, ние ќе го започнеме штрајкот“, изјави Пејовски.

Воедно, вработените во железница сметаат дека им припаѓа правото и на акции од компанијата, бидејќи со години давале придонес во издигање на инфраструктурата.

„Ние сме акционерско друштво со државен капитал, во кое владата се декларира дека е стопостотен сопственик и треба да бидеме обесштетени со одреден процент на капиталот од компанијата“, изјави машиновозачот Зоран Цветановски, додавајќи дека вработените би требало да добија околу 30 отсто од акциите на компанијата.

Синдикатот на машинскиот персонал на Македонски железници АД „Транспорт“ сепак изрази надеж дека раководството на компанијата, која брои околу 1.500 вработени, во наредните денови ќе излезе во пресрет на нивните барања.

Izvor: http://www.a1.com.mk/vesti/default.aspx?VestID=121390

Навистина очекуван потег, само беше прашање на време кога ќе излезат железничарите со ваква реакција.

Видео информација за истата вест

Колку се исправни македонските возови и колку се безбедни патниците кои се возат со нив?

Децениите веќе неинвестирање и распарчување во МЖ си ги зимаат прогресивно своите жртви!

Воз излета од шините кај Чашка 29.03.2010 Вагон полн со патници излета од шините синоќа на пругата Велес - Битола, кај населбата Чашка. Повредени нема, но вистинска драма се случувала во моментот на несреќата. На два километри од станицата во Чашка, претпоследниот вагон на возот, кој од Скопје патувал кон Битола, околу 20 часот се излизгал од шините. Очевидците раскажуваат дека почувствувале силен тресок, багажот почнал да лета наоколу, а дел од патниците од силината на ударот паднале на подот. „Наеднаш се откачи и почна да се тресе. Ние бевме тука над колцата и веднаш се сокривме под седиштата и застанавме. -Многу се уплашивме, тука имаше провалија. -Децата ги држевме, почнаа да паѓаат торбици, на 500 метри застанавме“, изјавија очевидци. Вагонот излетал од шините кога осовината што ги спојува задните тркала се откинала. Половина километар возот ги влечел откачените тркала по дрвените прагови, а потоа закочил. Излетувањето на вагонот предизвикал и дефект на пругата, но од Македонски железници велат дека таа ќе биде оспособена, но на оваа делница возовите ќе мораат да возат многу споро. За десетина дена, ова е трета железничка несреќа. Патниците се плашат да патуваат со возови и велат дека тие се небезбедни. „Мораме да кажеме дека сме исплашени и дека треба да преземат нешто Македонски железници, а не сакаат ништо да преземат. Нон-стоп се возиме со воз, ние работиме во Скопје и никакви услови нема, за џабе плаќаме карта. - Овие возови не се повеќе за возење, кога врне, капе на глава, дува од сите страни, замрзнаа луѓето, сношти тргнав во два саатот од Битола“, додадоа очевидци. Пред три дена, и од синдикатот на машинскиот персонал во Македонски железници предупредија дека безбедноста е влошена и можни се тешки железнички несреќи. За среќа, синоќешната помина без жртви, но се почестите инциденти ги оправдуваат стравувањата за поголеми трагедии.

среќа што нема жртви и не ми се верува дека некој може уште да наоѓа оправдувања, па треба ли да загинат луѓе за да се превземе нешто..  

И кога сме кај новинарите, еве уште еден бисер од новинарите којшто е подвлечен подолу. За километар и пол ќе закочи носачот на авиони "Роналд Реган", а камоли локомотива, освен доколку машиновозачот не забележал дека не е во ред нешто со вагоните.

СО ПРИСЕБНОСТА НА МАШИНОВОЗАЧОТ

Избегната катастрофа на патничкиот воз 4905

Благодарение на машиновозачот, кој успеал по еден и пол километар, откако настанал дефектот, да го сопре возот, не дошло до голема катастрофа

Претпоследниот вагон од патничкиот воз 4905, што завчеравечер се лизна од шините во близина на железничката станица Чашка, веќе се наоѓа во депото на Македонски железници во скопско Лисиче. Стручните екипи на МЖ веќе вршат технички преглед и точно ќе ја утврдат причината за неговото исклизнување од шините.

По извршеното вештачење ќе се знае зошто се лизнале двете тркала на вагонот од шините", изјави директорот на МЖ Транспорт, Благоја Крстевски.

Дефектот на претпоследниот, од вкупно петте вагони на патничкиот воз, што завчера вечер сообраќаше од Скопје кон Битола се појави на километар и пол пред железничката станица во Чашка во 20,30 часот. Во возот имало повеќе од шеесет патници, а во вагонот што се лизнал биле 15 патници. Благодарение на присебноста на машиновозачот, кој успеал по еден и пол километар откако настанал дефектот да го сопре возот, не дошло до голема катастрофа. Никој од патниците не е повреденн, ни рече Тодорче Најдовски од железничката станица во Велес. Лизгањето предизвикало паника кај патниците. За голема среќа е што возот брзо бил запрен и што вагонот се лизнал на левата страна. Доколку пак лизгањето на вагонот било на десната страна, можело вагонот да падне во провалијата и во водите на реката Тополка. Македонски железници веднаш по несреќата интервенирале и екипи пристигнале на самото место. На патниците кои патувале кон Битола, им бил обезбеден превоз. Подоцна тие го продолжиле патувањето со воз што во Чашка пристигнл од Битола. Откако вагонот бил отстранет и довезен до железничката станица Чашка, сообраќајот по нешто повеќе од два часа бил нормализиран. Увидната екипа на Македонски железници на самото место првично соопшти дека вагонот се лизнал поради пукната осовина на две тркала. Тоа било причина што тркалата се лизнале од шините и околу половина километар се движеле по дрвените прагови. Сепак, во железничката станица во Велес ни рекоа дека експертите на дежурна комисија на МЖ, која веќе врши испитување, точно ќе каже која била причината за лизгањето на претпоследниот од петте вагони на патничкиот воз 4905.

Извор: Вечер, http://www.vecer.com.mk/?ItemID=5BB5A3B8EC5DEF4F91012FF9E3B6BDD3

Отказ за работникот на железница кој предупреди на безбедноста

Отказ за машиновозачот Ристо Пејовски кој предупреди дека состојбите во железницата се алармантни. Отстранет е од работа и во меѓувреме го чека отказното решение. Неговиот синдикат не бил репрезентативен, а со изјавите нанел материјална штета и го нарушил угледот на железницата.

Но и без ова МЖ е во незавидна позиција, за само десетина дена се соочи со три железнички несреќи. Но тоа за раководството биле само вонредни настани. Менаџментот не чувствува, а Владата од нив не побара одговорност.

„Јас жалам за тие инциденти и не се чувствувам баш пријатно за истите, зашто бев повикуван, а јас неможам да кажам дека ние како транспортна компанија и јас лично како прв човек на транспортната компанија би чувствувал некаква одговорност, ако се најдат некакви пропусти, на пример во инфраструктурата“, рече Благоја Крстевски, директор на МЖ Транспорт.

Возовите доцнат, се расипуваат на пола пат, состојбата внатре застрашувачка. Ладни и дотраени вагони, стари повеќе од 40 години се уште сообраќаат. Владата засега нема намера да купи нови патнички вагони, но убедува - сообраќајот бил безбеден.

Синдикалецот кој предупреди дека ситуацијата е алармантна експресно е отстранет од работа - но изостана експресна реакција во утврдувањето на одговорноста за несреќите.

Владата и по неколку недели откако вагоните полни со патници излета од пругите се уште ги чека извештаите за несреќите за да каже ќе побара ли одговорност од раководството.

http://www.a1.com.mk/vesti/default.aspx?VestID=121817

Edited by zookisk - 07-Apr-2010 at 23:57

Неодамна зборував со еден Англичанец од предградијата на Лондон, и кога му кажав колку за никаде држава сме и што се прави кај нас, тој рече: Ами кај нас секоја втора шахта е украдена, а се случува и луѓе во работнички одела и со камиони да блокираат пат демек работат, а тие всушност го крадат секој метал што е од вредност.

Така што не сме биле само ние заебани Макаршто мислам дека со забрана на откуп на старо железо ќе се реши голем дел од овој проблем.