Пошта 1

Originally posted by Z|evzek Да ставеле адетив за бела боја на бетонот, 100 % сите ќе ги сакаа

збориш да има нешто слична боја како новоизградената катна гаража?
дали е можно да е само до бојата?

Originally posted by Z|evzek Originally posted by zabegan Originally posted by Z|evzek Да ставеле адетив за бела боја на бетонот, 100 % сите ќе ги сакаа збориш да има нешто слична боја како новоизградената катна гаража? дали е можно да е само до бојата? Се добива боја налик Македониумот во Крушево или Костурницата во Велес. Тие објекти се и најприфатените од овој тип на градба...

мислам дека се прифатени затоа што се меморијални центри и се наоѓаат надвор од урбаните средини...

Да ги тужиме за copyright ?

Објектот е дел од историјата на градот, многу години бил на некој начин симбол, е сега што новите градби си го добиваат заслуженото внимание а објектот веќе важи за "старомоден" тоа е нормално.. Но сега не значи дека треба да го рушиме или да го запуштиме! Може да се направи некој план, не знам ако веќе не се користи како пошта, може некој музеј на нешто, или галерија на пример, само да не се запушти и уништи сепак спаѓа во брутализмот а него го нема многу во светот..

Edited by JovanOdGjorche - 28-Oct-2015 at 11:20

Би сакал да ја реактуелизирам темата на разгоивор за Пошта 1, односно за една идеја која ми падна на памет. Зашто градот да фрла огормна пара за изградба на нова Универзална Сала, а притоа во центарот на градот имаме објект од сличен калибар кој седи напуштен и уништен. Господа, пренамена на Пошта во Универзална Сала, што да не, ако е возможно технички?!
1. Објектите како што се гледа подолу се од иста големина
2. Кај сегашната универзална сала не е решено паркирањето, па кога има златно славејче автобуси чекаат на партизанска изнаредени, а во центар има неколку катни гаражи во околина.
3. Скопје би добило Универзална Сала за поефтина пара
4. Ќе се спаси објектот на Пошта од понатамошно пропаѓање.

Молам за мислења и ако некој е постручно упатен нека сподели информации дали има можност ентериерно да се отвори простор во објектот на пошта доволно голем за да тоа личи на сала, дали има конструктивна можност за такво нешто?



Втора опција, ако неможе да се отвори внатре голем амфитеатрален простор заради столбови во средината, тогаш градот да ја превземе како градска куќа. Скопје неславно нема сеуште градска куќа заради многу злоупотреби на ова прашање, а Шилегов во неколку наврати има изјавено дека сака кочено да го реши ова прашање, ама да биде во градот во епицентралното градско подрачје или на скопски јазик кажано "мал ринг". И така сега е во бараки, зашто да не се искористи овој објект.







Edited by user8642 - 22-May-2020 at 03:33

И не е само плоштината на основата на објектот, туку и неговиот волумен, внатрешен распоред, помошни простории... централниот хол на поштата ми делува многу помал од Универзална и доста понизок, па нема простор ни за партер, а не па галерии. Понатаму, големите стаклени површини и осветленоста на сцената се неспоиви со нејзиниот карактер (и нивното отстранување би го уништило овој прекрасен објект), а прашање е дали може да се изведе бина.

Не верувам дека тука би можеле да се сместат ~500-550 вработени на Град Скопје. На пошта ѝ треба само дедуизација и реставрација на објектов.

и јас ги видов сликиве од МКЦ и го помислив истото, може да се користи за помали настани, изложби и слично, само малце шминка да му се фрли, а не потребно големо вложување во функционалноста на објектот во поглед на инсталации за струја,/вода/вентилација, паркинг места и т.н.

Originally posted by <Fresno> Не ми се верува дека уште не е реновиран објектов. Не шминка, комплетно треба да реновира и внатре и надвор и да се смести некоја институција.

која друга институција би се сместила внатре?
се работи за една голема сала со ходници, генерално иако ова е Пошта 1, тука им беше сместен делот за услуга на странки само

Супер...

Abandoned Post Office by Daniel, on Flickr

Abandoned Post Office by Daniel, on Flickr

Abandoned Post Office by Daniel, on Flickr

Abandoned Post Office by Daniel, on Flickr

Abandoned Post Office by Daniel, on Flickr

Abandoned Post Office by Daniel, on Flickr

ВЛАСТА СЕГА ЌЕ БАРА ПАРИ ОД ЕУ ЗА РЕСТАВРАЦИЈА НА ПОШТАТА ВО СКОПЈЕ, ИАКО ЕВРОПА УШТЕ ЛАНИ ПОНУДИ ПОМОШ, А НИЕДНА ИНСТИТУЦИЈА НЕ СЕ ПРИЈАВИ

Македонија допрва сега ќе бара пари од Европската унија (ЕУ) за да се реконструира зградата на Централната пошта во Скопје, која во 2021 се најде на листата 7 најзагрозени споменици во Европа за таа година. Листата на најзагрозени споменици ја составуваат Европа Ностра и Европската инвестициска банка. Уште тогаш тие објавија дека секој од загрозените споменици на листата ќе добие по 10.000 евра грант за активност која ќе придонесе за зачувување.

Редакцијата САКАМДАКАЖАМ.МК лани во јули објави дека европските тела ги повикуваат македонските институции да конкурираат за грант за почеток на процесот. Но, и тогаш рекоа дека апликација за грант сѐ уште не е стигната.

Како што објави денеска МИА, евроамбасадорот Дејвид Гир кој е во заминување, се сретнал со вицепремиерот и министер за транспорт Александар Николоски и со претставници на Министерството за култура и разговарале за реставрација на централната зграда на Македонска пошта во центарот на Скопје како објект од културно и архитектонско значење.

„Негрижата за културното наследство доведе до овој степен да објектите кои ни се од културолошка и архитектонска важност да останат незаштитени. Тоа нема да го толерираме. Денешната средба со евроамбасадорот Гир беше токму во таа насока, оштетениот објект на централната зграда на Пошта да го реставрираме и да го заштитиме како објект кој има културна вредност во историјата на Македонија. Тоа нема да е ниту лесен потфат, ниту евтин проект. Напротив, ќе треба да се вложи многу енергија, време и пред сѐ стручно знаење како и сериозни средства. Но, централниот објект на Пошта е од огромно историско и културно значење за Македонија како еден од најзначајните објекти од времето на брутализмот и мора да биде заштитен во својата основна форма и ставен во функција”, рече Николоски по средбата.

Гир со години често апелираше до македонските политичари и институции да не дозволат да пропадне зградата на Централната пошта во Скопје.

Целиот комплекс на Пошта на Северна Македонија, на кејот на Вардар во строгиот центар на Скопје, претставува вредно архитектонско дело на познатиот македонски и југословенски архитект Јанко Константинов (1926-2010). Објектот претрпе голем пожар во 2013 и како последица на тоа, оригиналната површина на куполата и фреските од Борко Лазески, како и опремата и осветлувањето, беа целосно уништени.

Дел од овој историски комплекс е и Телекомуникацискиот центар, но претходната власт на ВМРО-ДПМНЕ на чело со Никола Груевски објектот во кој е сместен МЕПСО го преоблече со барокна фасада. Тоа беше во рамките на озлогласениот проект „Скопје 2014“ за кој тогашната власт потроши над 700 милиони евра.

Во ноември 2023, Европската куќа во Скопје го одбележа 4. роденден со настан и изложба во зградата на Поштата.

„Денес стоиме овде во Пошта, веројатно најзначајниот пример на бруталистичка уметност, естетика што го обликуваше постземјотресниот архитектонски идентитет на Скопје. Да се потсетиме на културното наследство што треба да се заштити и негува. Денес, Пошта сè уште нема покрив и сѐ поголем е ризикот повеќе да не се користи и да се распадне. Сепак, Пошта, да ги употребиме зборовите на Сартр, не прифаќа пораз! Ниту ние. Решивме да го одбележиме четвртиот роденден на Европска куќа во Скопје токму тука. На Денот на ослободувањето на Скопје“, рече амбасадорот Гир, потсетувајќи ги гостите на листата на Европа Ностра и Европската инвестициска банка.

На 4. роденден на Европска куќа говореше и тогашната министерка за култура, Бисера Костадиновска-Стојчевска, која не искоментира ништо за неговите забелешки, туку се заблагодари на амбасадорот Гир и кажа дека „Оваа значајна пригода, на Европска куќа од културен карактер успеа да ги зближи историјата и иднината, со креативноста на студентите по архитектура“.

https://sdk.mk/index.php/makedonija/vlasta-sega-ke-bara-pari-od-eu-za-restavratsija-na-poshtata-vo-skopje-iako-evropa-ushte-lani-ponudi-pomosh-a-niedna-institutsija-ne-se-prijavi/