Клучка Континентал

Секторот за урбанизам на Град Скопје ги известува граѓаните за времена измена на сообраќајниот режим на делот од булеварот Александар Македонски, на потегот од крстосницата во Автокоманда кон Бит пазар. Возилата кои доаѓаат од Автокоманда, на крстосницата кај зелената кула, ќе се пренасочуваат во крајната лента од коловозот кој води кон излезот од Скопје. Овој сообраќаен режим ќе започне од утре во доцните попладневни часови и ќе важи до понеделник, 28 јули.

Се гради втората сообраќајна лента на клучката „Континентал“

Целосно ќе биде реконструиран и коловозот на булеварот „Александар Македонски“

Пуштањето во употреба на клучката кај „Континентал“, што требаше да се случи на почетокот од месецов, се одложува за два месеци. Од Град Скопје велат дека веќе подолго време се работи на завршната фаза на изградбата на кружниот тек на булеварот Александар Македонски. - Се надеваме дека работите целосно ќе финализираат и клучката со сите нејзини ленти ќе може целосно да биде пуштена во употреба за еден и пол месец, а најмногу за два месеци, и тоа само доколку се работи интензивно и, се разбира, доколку дозволат временските услови. Во изградбата ќе има уште една т.н. меѓуфаза, во која досегашниот сообраќај по долната лента за излез од Градот ќе биде пренасочена по новата горна лента на новиот подвозник. На тој начин ќе им се овозможи на нашите екипи полесно и непречено да ги изведуваат градежните активности на долната коловозна лента - изјави Коста Зекмановски, надлежен за изведувањето на работите за изградба на клучката кај Континентал. Од Градот велат дека истовремено со изградбата на клучката се работи и на хортикултурно уредување на просторот. Се садат дрвца и трева, се монтира уличното осветлување, а како завршна активност ќе биде поставувањето на сообраќајни знаци на булеварот и обележување на коловозните ленти по целата должина на клучката. - Работите се одвиваат според предвиденото. До сега се користеше само една коловозна лента за влез во градот и две ленти за излез. Сега возачите ќе можат да сообраќаат по три сообраќајни ленти за влез и две ленти за излез од градот - објаснува Зекмановски. Според него, втората фаза која се сметаше за најтешка при изградбата на клучката, е завршена во целост. Готови се и градежните зафати, кои опфаќаат земјени и бетонски активности на трасата, а паралелно се работи и на асфалтирање по целата должина на клучката. Пред да се почне со работа на последната, завршна фаза од изградбата, потребно беше да се отстрани подземната инсталација и да се тргнат билбордите кои беа поставени на места кои ја попречуваа работата на екипите. За целосно да се подготви теренот извадени беа уличните светилки и откорнати дрвата, кои беа засадени околу патот. Со пуштањето во употреба на новата клучка предвидено е да се растовари сообраќајот во правец на Бит-пазар и на пластичарската улица, а ќе се овозможи и излез на западниот дел на градот, без притоа возилата да минуваат низ Бит-пазар и преку булеварот Никола Карев.

На клучката се завршени инфраструктурни работи за отпочнување на последната фаза, изградба на кружните токови кои треба да бидат готови во период од петнаесетина дена. За месец и половина треба да биде завршена и улицата Македонска војска во Ѓорче Петров, како и проширувањето на булеварот Гоце Делчев

Клучката кај хотелот Континентал официјално треба да биде пуштена во употреба за месец и половина. Според градоначалникот на Скопје Трифун Костовски, кој вчера ги посети четирите актуелни градилишта во Скопје, градежните работи интензивно се одвиваат на клучката Континентал, улицата Македонска војска во Ѓорче Петров и проширување со по уште една лента од двете страни, на булеварот Гоце Делчев, коишто исто така се очекува да бидат целосно завршени во овој период. На делницата од булеварот Србија кај цементарницата Усје, по кој веќе се одвива сообраќајот, пак, издаден е налог на ЈП "Водовод и канализација" за изградба на одвод со цел да се реши проблемот со атмосферските води.

- Градежните работи на клучката се пролонгираа поради проблемите со подземната инфраструктура што конечно е решено, а деновиве е издаден налог и за хортикултурно уредување на потегот од семафорите во Автокоманда кон Битпазар, вели Костовски. Тој напоменува дека за клучката која се гради на тромеѓето помеѓу општините Гази Баба, Чаир и Центар, Градот се уште се чека и градежна дозвола од Општината Центар?!

Во однос на сообраќајницата Македонска војска која треба да ги поврзе улиците Ѓорче Петров со продолжението на Партизански одреди, од Градот посочуваат дека изградбата доцнеше поради дислокацијата на привремените објекти, кои конечно деновиве треба да бидат отстранети. Иако со проектот е предвидено оваа особраќајница да има булеварско решение, во првата фаза улицата ќе биде со по една лента во двете насоки.

Костовски додава дека во наредните дваесетина дена треба да почне и проширувањето на улицата Илинденска, каде се завршени преговори со неколкуте сопственици на спорното земјиште за нивно обесштетување. Од Градот пак додаваат дека веќе започнаа и подготвителните работи за проширување на клучката кај Битпазар која ќе биде во вид на детелинка.

http://vecer.com.mk/?ItemID=2795A9B3783DD34EBD9190D47E5EB56A

Клучката „Континентал“ ќе почне да се користи за еден и пол месец

Градоначалникот најави дека ќе започне уште три големи проекти, доколку Советот го одобри ребалансот на буџетот

Електричен кабел ја кочи изградбата на клучката „Континентал“

По пренесувањето на кабелот ќе остане уште еден и пол месец за завршување на кружниот тек

Градежните работи на клучката „Континентал“ се во застој заради пренесување кабел, што треба да го изведе „ЕВН-Македонија“. Екипите на „Пелагонија“ повеќе од дваесетина дена се занимаваат со споредни работи, а не со изградбата на кружниот тек, бидејќи мора да го чекаат префрлањето на кабелот. Во Градот Скопје очекуваат секој ден да почнат работите, но не се сигурни за колку време ќе завршат. По пренесувањето на кабелот ќе остане уште еден до еден и пол месец за завршување на кружниот тек, што значи дека финиширањето на клучката „Континентал“ ќе го зафати длабока зима.

Во меѓувреме, ќе биде довршен и дел од потпорниот ѕид на втората сообраќајна лента на булеварот „Александар Македонски“, а се работи и на проширување на улицата „Беласица“ со уште една лента, со што таа ќе има 4 ленти од по 3,5 метри. Во Градот велат дека со овие зафати, кои се надвор од проектот за клучката, всушност, се дооформуваат сите сообраќајници во околината во функција на олеснување на сообраќајот. Тука градските власти ги вбројуваат и проширувањето на булеварот „Гоце Делчев“, раскрсницата кај Судската палата и новиот мост кај Транспортниот центар.

Во последната фаза од изградбата ќе остане само изведбата на приклучните правци кон хотелот „Континентал“ и кон Скопски саем. Претходно се работеше и на премостување на топлификациската мрежа, на поправка на коловозот на булеварот „Александар Македонски“ до семафорите во Автокоманда и на поставување делови од фекална канализација која во иднина ќе ги одведува отпадните води од Гази Баба. (С.Н.)

http://utrinski.com.mk/?ItemID=F823807DF6109248A5EC0898B7CABC20