Јас од 41 би направил една долга линија Од Драчево до Радишани. Со свртување низ железничка како една од централните станици.

Пензионерите ќе се возат бесплатно секој ден од 9 до 15 часот?! По неодамнешната иницијатива на двајца советници од Град Скопје, да се воведе платен билет за пензионерите кој би чинел 1.200 денари и би се плаќал на две рати од по 600 денари, повторно никна нова иницијатива за пензионерскиот превоз. Пензионерите да се возат бесплатно секој работен ден 09.00 до 15.00 часот, е новиот предлог кој ќе се разгледува на утрешната 54. Седница на Советот на Град Скопје. Според директорот на ЈСП-Скопје, Мишо Николов во автобусите во вторник и петок се случува голем метеж во автобусите. -Знаеме што се случува и мораме да најдеме решение за тој проблем. Сега за сега постојат повеќе иницијативи и правиме анализа на сите нив, но како и да е мора да има некоја промена која ќе ги реши проблемите. Како опција, постои и воведување на повеќе бесплатни денови за пензионерите со цел да се растовари метежот. Во текот на пролета се очекува да има некои промени, потенцира Николов. http://www.kurir.mk/republika/skopje/53248-Penzionerite-ke-se-vozat-besplatno-sekoj-den-od-9-do-15-casot

Ова е па уште поглупо од самата идеа за бесплатен превоз. Кој ќе ги контролира дали некој се вози бесплатно во 10 до 9 или во 8 навечер? 64те контролори вработени во ЈСП? Кои ги немам видено во автобус веќе 3-4 месеци? Смешка невидена се овие значи

Добро, каква и да е оваа смотана работа со пензионериве, сепак е привремена. Кога ќе воведат картички, тогаш пензионерите би требало да имаат свои посебни пензионерски картички што даваат попуст или се за бесплатно возење (како ќе решат). Така веднаш сето тоа ќе се евидентира при влез и проблемите се елиминираат. Барем така е во некои земји што сум ги посетил. Дали ќе го направат кај нас така, е друго прашање, но порано или подоцна ќе мора така да биде.

Edited by Граѓанин - 13-Dec-2011 at 09:04

Originally posted by phenomenon Секоја чест на граѓаните од Железарница! До пред неколку години имаа само две линии: 16 и 13, која беше многу ретка. А сега и 13 е многу почеста, и плус имаат и 2а, 26 и од среда ќе имаат и 42. Споредете со многу поголемите Кисела Вода (само 24 и 13) и Драчево (41 и 42).

Ниту мене не ми е јасно како успеаја да воведат уште една линија до населбата Железара, барем да одлучеа да поминува преку населбата Железара и Топанско поле и да сообраќа до Шуто Оризари или до Скопје Север. Разбирам дека има многу вработени во скопската железарница и многу фабрики и слични објекти во Гази Баба, но не разбирам автобусите да завршуваат во една толку мала скопска населба. А можеа многу лесно да ја поврзат општина Кисела Вода, преку Гази Баба и Бутел со општината Чаир или Шуто Оризари.

Тргнаа автобусите Скопје- Александар Велики
Македонија | 1. март 2012 - 16:15
„ТАВ Македонија“ денеска ја промовираше новата автобуска линија од центарот на Скопје до аеродромот „Александар Велики“ и обратно.


Од денеска на оваа релација ќе сообраќаат автобуси на превозникот „Вардар ескпрес“ со кого ТАВ склучи договор за да го реши долгогодишниот проблем со превозот на патниците од аеродромот до Скопје.



Предвидена е автобуската линија да сообраќа со возен ред кој ќе биде приспособен според распоредот на летовите. Главниот оперативен директор на ТАВ Аеродромот Мурат Орнекол на прес-конференција изразувајќи задоволство поради промовирањето на автобуската линија рече дека многу време се дискутирале за овој превоз.



- Сега имаме договор со „Вардар Ескпрес“ кој ќе го организира превозот. Првата автобуска линија е пуштена денеска токму на роденденот на ТАВ Македонија, рече Орнекол. Факт е, посочи тој, дека бројот на патници на скопскиот и охридскиот аеродром е зголемен и ние работиме и натаму тоа да го одржиме.



Од ТАВ Македонија истакнаа дека се размуслува да се воведе и автобуски превоз кон аеродромот во Охрид.



Автобусите на „Вардар Експрес“ ќе тргнуваат од платото пред хотелот „Александар Палас“ и на патот до аеродромот ќе застануваат пред хотелот „Холидеј ин“, кај транспортниот центар и пред хотелот „Континентал“. Автобусите ќе тргнуваат и застануваат и до девет пати во текот на денот и ноќта во зависност од распоредот на летање.



Градоначалникот на Скопје Коце Трајановски изрази задоволство што, како што рече, граѓаните ќе имаат можност да патуваат со автобус од градот Скопје до аеродромот.



- Со ова се зголемува квалитетот на услуги на граѓаните при авионскиот превоз. Им честитам за двегодишното успешно менаџирање со аеродромот кој е многу значаен за Скопје и Република Македонија бидејќи страниците првиот впечаток го стекнуваат при доаѓањето на аеродромот, а тоа е значајно и за севкупниот економски развој на држвата, истакна Трајановски.



Генералниот директор на „Вардар Експрес“ Мунир Колашинац рече дека по долги години аеродромот ќе биде поврзан со главниот град и оти цената на билетот во еден правец ќе чини сто денари.



Холдингот „ТАВ Аеродроми“ е меѓу водечките авио-оператори во светот. Управува со инстанбулскиот аеродром Ататурк кој е еден од најфреквентните аеродроми во Европа, со аеродромот Есенбога во Анкара, Аднан Мендерес во Измир и Газипаша во Анталија. ТАВ Аеродроми управуваат со аеродромите во Тбилиси и Батуми во Грузија, Монастир и Енфидха во Тунис, како и со скопскиот и охридскиот во Македонија.



ТАВ го презеде управувањето на аеродромите „Александар Велики“ и „Св. Апостол Павле“ во Македонија на 1 март 2010 година. Овие аеродроми ќе бидат управувани од ТАВ во следните 20 години. Реновирањето и подобрувањето на охридскиот аеродром заврши во април 2011, а во септември 2011 беше пуштена во употреба и новата терминална зграда на аеродромот „Александар Велики“ во Скопје. Годишниот капацитет на патници на новиот аеродром е преку 4 милиони патници и се очекува овој аеродром да прерасне во регионален центар во следните години.

http://press24.mk/story/makedonija/trgnaa-avtobusite-skopje-aleksandar-veliki

ПС.црвените панделки им стојат на автобусите

А хотел Карпош, и слично? Не не, ако линијава не поминува на Партизанска, џабе. Не одат на аеродром само луѓе кои престојуваат во хотел, знаете.

  Трагично!. Да живее Нејзиното Височество, бидејќи на секој имбецил му овозможува да се искачи на врвот и да се себепромовира во својата беда. Зборувам за Неа - Партиската книшка  

натпис на автобусот "Vardar Ekspres" наместо "Vardar Express", очигледно ни треба описменување со латиницата и англиските називи како и воведување на соодветна македонска латиница