ТИРЗ Штип

Originally posted by pbanks Originally posted by Vire Не е убо да охрабруваш љуѓе на таков чин,макар и сатирично или иронично. Платата е премала,шо е проблемо ако се кажи ? Лага е то ? па тоа ти е генералниот призвук на сите постови. Ајде малку 101.... За да има повисоки плати треба да има повисока продуктивност и повисока додадена вредност. Македонската работна сила е или барем беше исклучително неквалификувана. Знаењата што некои луѓе ги имале во некои стечајни фирми се застарени и никој не ги бара. Овие фабрики нудат нова шанса за тој што сака. Освен преквалифкување и обучување според тековни стандади на тие луѓе им се дава шанса да работат на проекти/продукти кои се пласираат на светски пазар. Учат како да комуницираат со странски добавувачи и купувачи, како да продуцираат и гарантираат квалитет итн. И за сето тоа добиваат веројатно барем нешто поголемо од просечна плата. Истовремено тие луѓе живеат во околина со исклучително ниски животни трошоци. Ако Скопје е еден од најефтините ако не и најефтин град во Европа, Штип многу поефтин во Скопје. Моментално во Макеоднија невработеноста е на најниско можно ниво во својата историја, вклучувајќи ги и југословенските години. Оние што не работат се 90% не само неквалификувани туку и необразовани. Како дојдовме до овој процент на невработеност е друга приказна, но освен големиот број на иселени луѓе (што воопшто не е ненормално) голем удел во сето тоа имаат и проектите како овој во комбинација со услужен сектор, пред се ИТ. Така да ова може да е само и само добра вест. Останува на Штип и Македонија да ги искористат овие прилики и да работат за да утре станат поконкурентни па да имаат поголеми плати.

Нема да ја должам,се сложвам со појќето работи шо си ги пишал,ама факто стои дека генерално платите се ниски а дека немат невработеност,или дека е најниска,не знам баш,можи немат зошо немат љуѓе останато овде.
Конкретно за фабрикава ќе видиме колкај ќе бидат платите,немам надеж дека ќе бидат близу или над 30к,камо да се.
Еве џоле пишал не била 20,21 една била па уште сум тролал,ок џоле извини голема разлика е та 1000ка,сигурно ќе можиш фамилија да гледаш со 21к

СО РАБОТА ПОЧНУВА НОВАТА ФАБРИКА ЗА АВТОДЕЛОВИ КАЈ ШТИП, КАНАДСКА ИНВЕСТИЦИЈА ВРЕДНА 45-50 МИЛИОНИ ЕВРА

Следната недела со работа ќе започне нова странска инвестиција во Технолошката индустриска развојна зона кај Штип (ТИРЗ-Штип). Станува збор за фабрика на канадската компанија „Магна“, која почна да се гради во 2023 година, а ќе произведува компоненти за автомобилската индустрија.

Премиерот Христијан Мицкоски рече дека оваа компанија ќе вложи околу 45-50 милиони евра и ќе вработи од 500 до 600 луѓе.

Уште кога почна да се гради оваа фабрика беше најавено дека вработените ќе имаат просечни плати од 850 евра и дека намерата е со проширување на производствените капацитети бројот на вработени да се зголеми за уште толку.

Мицкоски кажа дека покрај оваа инвестиција, во процес на развивање се уште 15 странски инвестиции и очекува најмалку половина да бидат успешно реализирани, а зошто да не и сите.

„Со ова само се потврдува фактот дека Македонија во регионот ќе апсорбира најголем број странски инвестиции по глава на жител“, рече Мицкоски.

Како што најави градоначалникот на Штип, Иван Јорданов, по средбата со италијанскиот амбасадор и италијански бизнисмени во Штип, наскоро и една италијанска компанија ќе отвори фабрика за производство на елементи за базени, во која ќе бидат вработени најмалку 50 лица.

https://sdk.mk/index.php/dopisna-mrezha/so-rabota-pochnuva-novata-fabrika-za-avtodelovi-kaj-shtip-kanadska-investitsija-vredna-45-50-milioni-evra/