Гранични премини и царински терминали

Се уредува граничниот премин кај Ново Село



Во соработка на Царинската управа, Министерството за внатрешни работи и општина Ново Село, деновиве се врши уредување на граничниот премин кај Ново Село.

Комплетно се чисти и хортикултурно се уредува просторот околу граничниот премин, се бојадисуваат објектите, се поплочуваат тротоари, нови простори, се обновува сообраќајната сигнализација, осветлувањето.

Како што не информира Столе Лазаров, шеф на Царинска испостава Ново Село, оваа заедничка акција со МВР и општината Ново Село, е во насока за поефикасно функционирање на едношалтерскиот систем со цел побрз сервис на граѓаните и нормален проток на луѓе и стоки.

http://www.strumicanet.com/index.php?option=com_k2&view=item&id=2118:%D1%81%D0%B5-%D1%83%D1%80%D0%B5%D0%B4%D1%83%D0%B2%D0%B0-%D0%B3%D1%80%D0%B0%D0%BD%D0%B8%D1%87%D0%BD%D0%B8%D0%BE%D1%82-%D0%BF%D1%80%D0%B5%D0%BC%D0%B8%D0%BD-%D0%BA%D0%B0%D1%98-%D0%BD%D0%BE%D0%B2%D0%BE-%D1%81%D0%B5%D0%BB%D0%BE&Itemid=296

МИА.мк

Edited by Џоле - 27-Dec-2013 at 19:20

Закон за гранична контрола

Член 20
На оние гранични премини каде што ќе се оцени дека е потребно и каде што тоа го дозволуваат условите можат да се определат посебни сообраќајни ленти наменети за државјаните на Република Македонија, за државјаните на Европската унија, како и за државјани на трети земји и таквиот режим на сообраќај треба да се применува со тоа што државјаните на Република Македонија можат да ја користат која било сообраќајна лента, а не само онаа којашто за нив е определена.

Originally posted by OCB Закон за гранична контрола Член 20 На оние гранични премини каде што ќе се оцени дека е потребно и каде што тоа го дозволуваат условите можат да се определат посебни сообраќајни ленти наменети за државјаните на Република Македонија, за државјаните на Европската унија, како и за државјани на трети земји и таквиот режим на сообраќај треба да се применува со тоа што државјаните на Република Македонија можат да ја користат која било сообраќајна лента, а не само онаа којашто за нив е определена.

Текстот во членот е ОК, но џабе е тоа кога никој незнае дека државјаните на РМ може да ги користат сите ленти. Ако ги следиш знаците логично е да се наместиш на лентата каде што пишува државјани на РМ...

Edited by nylon - 30-Dec-2013 at 19:12

Значи не се работи за тоа дали полицајците усмеруваат или не... Едноставно, обележаноста (распределбата) на лентите нема логика. Или со други зборови, не ги привилегира граѓаните на таа држава. Или со други зборови, самите себе си не се привилегираме

Во секој случај, обележувањето на лентите на Блаце ми боде очи.

Реконструкција на граничниот премин „Богородица“



Започнуваат градежните работи за реконструкција на граничниот премин „Богородица“, административната зграда и придружните објекти.

Реконструкцијата на најголемиот и најфреквентниот граничен премин кон соседна Грција е дел од проектот за Развој на граничната инфраструктура – Border.In, финансиран во рамките на Програмата за прекугранична соработка помеѓу Македонија и Грција 2007-2013 од Инструментот за предпристапна помош (ИПА).

Истовремено овој проект претставува дополнение кон воведувањето на Новиот компјутеризиран транзитен систем на ЕУ во Македонија, проект исто така поддржан од ЕУ во рамките на Програмата ИПА. Новиот систем, компатибилен со системите на ЕУ, кој ќе започне да се применува од 1 март 2014 година, преку исклучиво електронско поднесување на документи за транзит, претставува дополнително забрзување и олеснување на царинските постапки. Воведениот нов транзитен систем, преку поврзување со системите на ЕУ во текот на идната година, ќе овозможи избегнување на граничните хартиени царински формалности при стоковата размена со државите членки на ЕУ и дополнителна корист за економските оператори.

http://www.porta3.mk/rekonstrukcija-na-granichniot-premin-bogorodica/

Sto e ova so soobrakajnite informativni talbi? Na Tabanovce stoi tabla so informacija 60, 80, 110, i avtopat 130km/h, a ovde na slikata gledam nesto drugo, 50, 80, 100, 120km/h!?

Znae li nekoj dali konecno se planira rekonstrukcija na granicniot premin "Prohor Pcinski"? Ovoj granicen premin izgleda epten zanikade...

ГП Табановце – автопат е најуспешна царинска испостава за период април – јуни



Царинската управа на Република Македонија информира дека во вториот квартал за 2014 година, за период април – јуни, Царинската управа за најуспешна царинска испостава која врши патнички промет ја избра Царинската испостава Табановце-автопат, Царинарница Куманово, а за најуспешна внатрешна царинска испостава која врши стоково царинење ја избра Царинската испостава Гевгелија, Царинарница Гевгелија

Покрај прворангираните царински испостави, се прави селекција и на второ и трето рангирани царински испостави и тоа: Второрангирана гранична царинска испостава е царинската испостава Дојран, Царинарница Гевгелија, а треторангирана гранична царинска испостава е царинската испостава Богородица, Царинарница Гевгелија.

Второрангирана стокова царинска испостава е царинската испостава Куманово, Царинарница Куманово, а треторангирана стокова царинска испостава е царинската испостава Аеродром – отсек за стоково царинење, Царинарница Скопје.

http://www.kumanovskimuabeti.mk/gp-tabanovtse-avtopat-e-najuspeshna-tsarinska-ispostava-za-period-april-juni/

Edited by jyvation - 13-Jan-2015 at 11:30

Табановце и Ќафасан ќе се надградуваат и модернизираат



Граничните премини кон Србија и Албанија ќе се надградуваат и модернизираат. Царинската управа избра консултантска фирма која до крајот на годината треба да изготви градежно-техничка документација за надградба на објектите на граничните премини Табановце и Ќафасан. Во план е постојниот терминал за увоз и извоз на стока на граничниот премин Табановце да се прошири за дополнителни 4.000 квадратни метри и да се изградат нови придружни објекти, додека на преминот Ќафасан, пак, на површина од 9.500 квадрати ќе се гради нов увозно-извозен царински терминал со пристапни патишта, ќе се градат нови објекти за царинење и за други инспекциски органи, а постојните објекти ќе бидат реконструирани.

За реализација на двата проекти се обезбедени средства од ИПА фондовите. За проектот за граничниот премин Табановци 1,9 милиони евра, додека за граничниот премин Ќафасан 1,5 милиони евра.

„Со овие проекти, кои се дел од програмата на Владата за периодот 2014-2018 година, ќе се олесни стоковата размена, особено на фреквентните гранични премини, а истовремено ќе се забрза транспортот долж пан-европските коридори 8 и 10“, се вели со соопштението од Царинската управа.

http://www.porta3.mk/tabanovce-i-kjafasan-kje-se-nadgraduvaat-i-moderniziraat/

Што испадна со отварањето на преминот од селото Мајден,Кавадарци до грција ? знам дека уште пред 4-5 години почна да се пробива патот , дали е некој запознат со ситуацијата ?