Здравствени институции (општо)

Два милиони евра за реконструкција на болници Министерот за здравство, Никола Тодоров, денеска најави инвестиции во Градската општа болница „8 Септември“ во Скопје, објектот на Детската клиника во Клиничкиот центар во Скопје и Клиничката болница во Штип. Во „8 Септември“ ќе бидат вложени вкупно 870 илјади евра, од кои 550 илјади евра за реновирање на болничките одделенија со замена на дотраени подови и тавани, молерисување, замена на врати, плочки, санитарни елементи, како и комплетна замена на водоводната и канализациската инсталација во санитарните јазли. Преостанатите 320 илјади евра се предвидени за замена на пет лифтови во оваа здравствена установа. Инвестицијата во Клиниката за детски болести во Скопје ќе изнесува околу 1 милион евра, од кои 250 илјади евра за замена на прозорците, 600 илјади евра за климатизација и внатрешно реновирање и 150 илјади евра за замена на лифтовите. Во рамки на тендерот за лифтовите, предвидена е и набавка на лифт за Клиничката болница во Штип. Сите градежни активности е предвидено да завршат до крајот на годинава. # Објавено на 22.01.2012

http://www.build.mk/?p=11983

Има лифтови во Воена, ама се на сосема спротивен крај. Можно е сеа за подостапност до собите да се постави и овој лифт, иако изгледа како чир.

Сега кога ја завршија конструкцијата кај/на Воена болница... мислам дека се работи за скали во случај на опасност.... е сега незнам дали има лифт... не се гледа... но колку што гледам јас сигурно има скали...

Инаку според мене излезе одлично. Ми се допаѓа деталот со ДНК-низата... Вака, во овој стил, да ја реновираат цела болница ќе биде/излезе бомбона...

Повелете фотки:

Edited by FoSsiL - 01-Jun-2012 at 21:16

Пред некој ден видов кај мктв дека болницата 8 ми септември внатре се реновира а се очекува наскоро да се реновира и фасадата! Инвестицијата е 53 мил. денари а не знам дали таа сума е само за реновирање на внатрешните простории или пак за двете( фасада + внатре).

Originally posted by Makedonij Старото болничко крило во урнатини - Охрид<em style="font-style: normal;">Неодамна започна реконструкцијата на старото крило на охридската општа болница. Одделенијата за уво грло и нос, урологија, хирургија и гинекологија се затворени, а вработените прераспоредени во други одделенија. Охридските новороденчниња во наредните 16 месеци, колку што е предвидено да трае реконструкцијата на болницата, ќе се раѓаат во другите градови. Амбулантата на хирургија, како и на другите затворени одделенија се преместени во другите болнички згради.<em style="font-style: normal;">Неодамна започна реконструкцијата на старото крило на охридската општа болница. Одделенијата за уво грло и нос, урологија, хирургија и гинекологија се затворени, а вработените прераспоредени во други одделенија. Охридските новороденчниња во наредните 16 месеци, колку што е предвидено да трае реконструкцијата на болницата, ќе се раѓаат во другите градови. Амбулантата на хирургија, како и на другите затворени одделенија се преместени во другите болнички згради.<em style="font-style: normal;">Во новото болничко крило ќе бидат инвестирани 2,1 милиони евра, а Охрид ќе добие модерен здравствен центар кој ќе може да одговори на потребите на градот, информираат од општата болница.<em style="font-style: normal;"><em style="font-style: normal;">http://ohridnews.com

Над две и пол години после почетокот на реконструкцијата (дури 14 месеци после најавениот рок), најава за конечен крај на шпанската серија во охридското здравство.Засега само овие слики од посетата на министерот и нешто од ohridnews.com







Edited by Тркало - 19-Mar-2013 at 22:45

очна болница во Ѓорче Петров

Во Карпош ќе се гради уште една болница

Уште една болница ќе се гради во непосредна близина на Градската општина болница „8 Септември“ во Карпош. Општинарите продаваат плац наменет за изградба на објект од областа на здравството и социјалната заштита, а дополнително ќе биде дозволена изградба и на хотелски комплекс, наменет за пациентите, како и катче за спорт и рекреација...



Станува збор за земјиште од 11.207 квадратни метри. Почетна цена за квадрат изнесува 2.780 денари. Урбанистичкиот план дозволува максимална висина до 21 метар, односно ќе може да се изгради објект на пет ката со потпокрив, пишува Утрински.

„Станува збор за земјиште во кругот на некогашната Воена болница. Сметаме дека просторот, со оглед на веќе постојната околина и објекти сосема одговара на вцртаните маркици за изградба на нова болница. Очекуваме интерес на јавното наддавање кое ќе се одржи во почетокот на идната година. Инаку, ова е прв обид да се продаде овој плац и се надевам дека лицитацијата ќе биде успешна од старт“, вели Стевчо Јакимовски, градоначалник на Општина Карпош.

Според распишаната објава, потенцијалните купци на плацот за да учествуваат на лицитацијата ќе имаат обврска да достават банкарска гаранција во износ од 30.000 евра.

http://www.skopjeinfo.mk/gradot/243044545/bo-karpos-ke-se-gradi-uste-edna-bolnica

Приватна е. Турска инвестиција. Цитирам:

„Европската Очна Болница е специјализирана офталмолошка институција со која во Македонија воведуваме европска процедура за дијагностика и операции со врвна технологија и искусен тим. Во нашата болница ќе добиете одговорна и професионална грижа за решение на проблемот со вашиот вид.

Лекарската екипа составена од еминентни офталмолози-специјалисти ќе бидат на ваше располагање обезбедувајќи ви квалитет, брзина и високостручно лекување. Секој наш пациент станува дел од нашето семејство и добива врвна медицинска услуга од дијагностика до третман по принципот ’додека да трепнеш со око’.

Компетентноста на нашиот тим е потврдена со процентот на неуспешни операции кој го има матичната болница во Турција во своето долгогодишно работење. Тој изнесува фантастични 0,001 процент, или една неуспешна операција на вкупно 100.000 извршени.

Болницата има капацитет од 15.000 до 20.000 прегледи месечно. Здравствениот туризам е дел од нашиот примарен фокус, развивајќи гранка која во Македонија е сè уште во зачеток. Нашето мото е: Кај нас нема ветувања, постојат само исполнувања.“

Edited by Џоле - 02-Dec-2013 at 15:58

Originally posted by Џоле Приватна е. Турска инвестиција. Цитирам: „Европската Очна Болница е специјализирана офталмолошка институција со која во Македонија воведуваме европска процедура за дијагностика и операции со врвна технологија и искусен тим. Во нашата болница ќе добиете одговорна и професионална грижа за решение на проблемот со вашиот вид. Лекарската екипа составена од еминентни офталмолози-специјалисти ќе бидат на ваше располагање обезбедувајќи ви квалитет, брзина и високостручно лекување. Секој наш пациент станува дел од нашето семејство и добива врвна медицинска услуга од дијагностика до третман по принципот ’додека да трепнеш со око’. Компетентноста на нашиот тим е потврдена со процентот на неуспешни операции кој го има матичната болница во Турција во своето долгогодишно работење. Тој изнесува фантастични 0,001 процент, или една неуспешна операција на вкупно 100.000 извршени. Болницата има капацитет од 15.000 до 20.000 прегледи месечно. Здравствениот туризам е дел од нашиот примарен фокус, развивајќи гранка која во Македонија е сè уште во зачеток. Нашето мото е: Кај нас нема ветувања, постојат само исполнувања.“

Да,така е.Мој пријател се оперираше таму деновиве,и операциите на очи ги изведува лично турскиот хирург кој е и директор на болницата.пријателот ги поминал сите специјализирани болници за операција на очи,цената се движела од 750 евра по око најевтино до 1100 евра,но во сите други болници му кажале дека пред операција неможам да му го предвидат исходот бидејќи немале увид на нервот.На оваа болница му кажале дека само тие ја имаат таа опрема со која можат и тоа да го снимат и дирекно ти ја кажуваат состојаба каква ќе биди.Опремени биле со медицинска опрема која е нема во другите очни болници

Македонија доби модерен Детски ургентен центар

Ургентениот центар располага со четири главни и два дополнителни кревети, опфаќа шест простории за специјалистички амбуланти, една лабораторија и чекална

Во целосно реновиран и комплетно опремен простор денеска е отворен првиот специјализиран Детски ургентен центар во Македонија, сместен во Универзитетската клиника за детски болести во Скопје. За потребите на новата организациона единица беа изведени повеќе градежни реконструкции, објектот беше внатрешно преуреден, а беше обезбедена и најсовремена медицинска апаратура.

Средствата за реконструкцијата и адаптацијата на просториите во Клиниката беа собрани во рамки на Националната донаторска кампања под мотото „Да помогнеме навреме“, а беше спроведена под покровителство на сопругата на претседателот на Република Македонија, Маја Иванова. Ургентниот центар е изграден со поддршка на Турската меѓународна агенција за соработка и развој-ТИКА, а дополнителните донации ќе се искористат за доопремување на Ургентниот центар и новите амбуланти.

Иванова во обраќањето пред присутните рече дека како покровител на Националната кампања била полна со ентузијазам, имала силна инспирација, но најмногу била охрабрена со безрезервната поддршка на нејзиниот сопруг, претседателот на Република Македонија Ѓорге Иванов, кој денеска ја придружуваше на отворањето на Детскиот ургентен центар.

Министерот за здравство Никола Тодоров истакна дека Детската клиника мора да биде целосно опремена да одговори на сите најсовремени предизвици во медицината и затоа многу инвестирале-сменети се прозорците, се работело на енергетска ефикасност, на зголемување на стандардот за сместување на децата, тоалети во секоја соба, набавка на ново возило за неонатален педијатриски транспорт, набавка на нова медицинска опрема и се’ тоа во вредност над 100 милиони денари.

Директорката на Клиниката, Аспазија Софијанова, изразувајќи задоволство од отворањето на Детскиот ургентен центар, рече дека иницијативата тој да се направи на почетокот била само една скромна замисла која ја поддржале и надградиле нејзините најблиски соработници и советници.

Сопругата на американскиот амбасадор Мери Џо Волерс истакна дека експертската грижа и сочувство на медицинскиот персонал на Ургентниот центар ќе спасат многу од животите на околу 20.000 деца кои се очекуваат да го посетат идната година.

Мехмет Суреја Ер, потпретседател на Турската меѓународна агенција за соработка и развој-ТИКА рече дека работите за адаптација и реконструкција кои се одвивале од нивна страна биле комплетирани за само 60-тина дена.

- Проектот за Ургентниот центар содржел целосна реконструкција, адаптација, медицински гасови, термо техника, електрични инсталации, медицинска опрема и целосно опремување со мебел, истакна Суреја Ер и додаде дека сето тоа е подарок на Република Турција за Република Македонија.

Нагласи дека Ургентниот центар со најдобар и најквалитетен стандард на функционирање ќе нуди добри услови.

Турскиот амбасадор Ѓурол Сокменсуер им посака здрава иднина на децата од Клиниката и укажа на подготвеноста на Република Турција секогаш да ја поддржи, како што рече, пријателска и братска Република Македонија.

Специјализираниот Детски ургентен центар располага со четири главни и два дополнителни кревети, опфаќа шест простории за специјалистички амбуланти, една лабораторија и чекална. Амбулантите ќе ги покријат областите: неонатологија, кардиологија, хемато-онкологија, ендокринологија, гастроентерохепатологија и нефрологија.

http://www.utrinski.mk/?ItemID=9CEC92BBF110AD459C03597F192F1C96