Статиката на тркалото не е проблем, тркалото ќе го носи мостот, а не обратно (сфатете го мостот како платформа прикачена на тркалото чии столбови се на двата брега на Вардар).

Проблемот е друг - со ова целосно ќе се затвори погледот од Гоце Делчев на Камени Мост, а и од Кале ќе пречи делумно за поглед кон плоштадот. Плус Театарот ќе биде затскриен целосно гледано од Камени и Плоштад.

Значи, не е проблем статиката, туку местоположбата. Зашто не го стават на Кале или спроти Холидеј Ин кога веќе решиле да го прават?!

Edited by Superman - 22-Oct-2011 at 20:31

Originally posted by Superman Статиката на тркалото не е проблем, тркалото ќе го носи мостот, а не обратно (сфатете го мостот како платформа прикачена на тркалото чии столбови се на двата брега на Вардар).

Дали ова го кажуваш од стручна гледна точка? Ако е така, имам многу дилеми во врска со таквиот приод, па можеби би можел да ми ги разјасниш?

(не го сфаќај ова како провокација, навистина ме интересира како мислат тоа да го спроведат)

Панорамското тркало ќе се заврти дури в година

Општина Центар се' уште бара нова локација за објектот, а Градот, пак, допрва ќе одлучи за неговиот изглед

Деспина Трајковска



Панормаското тркало ќе почне да се гради дури в година, иако проектот досега требаше да биде готов и да стартува со теренската реализација. Измената на локацијата на објектот, а со тоа автоматски и потребата од ново идејно решение, ги проби очекуваните рокови за почеток на изградба на оваа атракција во центарот на градот.

И градските власти и Општина Центар се' уште работат на неопходните процедури за да почне да се гради панорамата. Градот го избира новиот изглед на тркалото, а од Центар, пак, наводно, се' уште бараат нова локација за објектот.

„Во тек е измена и дополна на новиот ДУП ’Мал ринг‘. По неговото разгледување од комисијата, ќе имаме точен податок за новата локација на панорамското тркало“, велат од Центар.

Градските власти се очекува наскоро да го изберат новиот изглед на атрактивното здание. Повторениот конкурс за избор на идејно решение завршил но, комисијата се' уште не донела конечна одлука.

„Конкурсот за панорамското тркало заврши на 25 октомври и во моментов комисијата ги разгледува пристигнатите идејни решенија“, велат од Градот, од каде што не знаат ниту приближно колку средства ќе бидат издвоени за реализацијата на проектот, ниту, пак, дали евентуално финансиски удел ќе има и Владата, со оглед на тоа дека панорамското тркало е дел од урбанизацијата на центарот на Скопје.

Градските власти истовремено посочуваат дека, најверојатно, 500.000 денари што беа планирани за изработка на неопходните проекти во текот на оваа година ќе бидат пренаменети за идната, имајќи предвид дека не се потрошени. Имено, Градот единствено избра идејно решение. Беше одлучено тркалото да се гради по замисла на архитектот Јован Стефановски-Жан, но надлежните се откажаа од неговата идеја поради планираната траса на подземната сообраќајница. Поради неа, панорамата треба да се дислоцира, па автоматски било потребно ново идејно решение.

Панорамското тркало требаше да се издигне во зелениот појас на десниот брег на реката Вардар, меѓу Камени мост и мостот „Гоце Делчев“. Во неговата околина, според замислата на Стефановски, беше предвидена изградба на патека на македонските ѕвезди, цветен и сончев часовник, две летни тераси, фонтана...

http://www.utrinski.com.mk/?ItemID=84E7AE670CC01C4CAAE923F775A78ED1

Панорамското тркало, сепак, ќе се врти, а ќе добие и нов мост

По трет пат градската власт објави конкурс за идејно решение за Панорамско тркало, кое овој пат ќе добие и свој мост. Оваа содржина е предвидена со Деталниот урбанистички план „Мал Ринг“. Огласот е објавен денеска на страната на Бирото за јавни набавки, и во него се предвидува изработка на архитектонско-урбанистичко идејно решение за Панорамско тркало со придружни објекти и мостови.
Проектите треба да се достават најдоцна до 12 јануари, а предвидена е главна награда од 100.000 денари. Првиот пат конкурсот беше поништен поради промена на локацијата, а вториот пат поради измени во димензиите на тркалото. Овој пат, огласот е проширен и со него се бара и решение за мост.
Според единственото понудено решение на Јован Стефановски Жан, шеесетметарското Панорамско тркало, содржеше патека на македонските ѕвезди, цветен и сончев часовник, две летни тераси, фонтана, панорамско тркало и мирни водени површини.

http://www.plusinfo.mk/vest/22376/Panoramskoto-trkalo-sepak-kje-se-vrti-a-kje-dobie-i-nov-most

Постои трошка надеж дека оваа пародија нема да се реализира ....

‘‘...Од градскиот Сектор за сообраќај појаснија дека за панорамското тркало Градот прави само проект, а дури потоа ќе се види дали ќе се реализира или не.‘‘

ИЗВОР:

http://www.dnevnik.com.mk/?ItemID=058B361DE20B0E4081D558B821999BEB



Edited by Auric Goldfinger - 16-Nov-2011 at 09:50

Аааа ова изгледа доста храбро, особено што сакаат да претстават нов принцип за вртење на тркалото. Како ќе ја изведат статиката на самиот обрач, друг предизвик е тоа.

во право си FBC(фудб.клуб Барселона),принцип на лагер каде кабините представуваат кугли

Денес се повеќе се оди кон енергетски ефикасни решенија, па јас еве предлагам да се вградат два елемента во тркалото што планираат да го изградат. Првиот е тегови кои поради структурата натежнуваат со различни тежини и од разликата на различните центрипетални сили се добива некоја дополнителна енергија што помага во вртењето или па дури би можело и самостојно да се движи.





Второто е малку смешно може да изгледа но зошто да не. Меѓу структурата да има некои минимални перки кои ќе го стимулираат раздвижувањење на воздухот низ центарот.




Edited by lslcrew - 01-Dec-2011 at 21:40

Новата скопска атракција Панорамското тркало ќе се издигне над уште еден нов пешачки мост, кој се планира да се гради помеѓу Музејот на ВМРО и Стариот театар од една страна и зградата на МЕПСО од друга. Всушност, тој мост е возобновување на стариот дрвен мост, кој скопјани го паметат уште пред катастрофалниот земјотрес во градов и е дел ДУП-от „Мал ринг“ уште пред дваесетина години.
Според објаснувањата на планерот Силвана Ванковска, во делот на пешачкиот мост е предвидена „површина со инфраструктура“, на која се предвидува да се постави тркалото, но не даде прецизни детали за тоа како точно би се извел целиот проект.
За архитектонското урбанистичко идејно решение за Панорамското тркало, досега се поништија два конкурса. Последниот поради измена на одредени параметри. Третиот конкурс е во тек, а трудовите треба да се достават најдоцна до 12 јануари. Досега, како победник на првиот конкурс и воедно единствен учесник на вториот беше архитектот Јован Стефановски – Жан, а за изработка на проектот за Панорамското тркало, од буџетот на градската власт за следната година се предвидени 500.000 евра. Новите измени на планот, со кои дефинитивно се тргнува маркичката за црква на градскиот плоштад и се заменува со административна зграда, висока 29 метри, а верскиот објект се поставува на локација помеѓу феудалната кула и Домот на АРМ, денеска беа презентирани пред мал број граѓани, кои реагираа на условите и тајмингот на излагањето на новите урбанистички решенија.
Критиките околу презентацијата беа поддржани и од претседателот на Асоцијацијата на архитекти во земјава, Даница Павловска, која достави и отворено писмо до градоначалникот на општина Центар, Владимир Тодоровиќ, во кое се вели дека е недопустливо презентација за ДУП на најтесното централно јадро да се спроведува во време кога сите граѓаните се на работа, во мал простор, со оскудна презентација и без претходно изработена студија и јавни дебати со конструктивни дискусии во кои треба да бидат вклучени општата и стручната јавност.
-Недопустливо е без студија да се ставаат објекти на ваков начин. Во име на подигнување на ниската јавна свест, апелираме за подолги и поиздржани јавни презентации на плановите кои се однесуваат на централното градско јадро. Недопустливо е презентирање на ваков важен документ во извонредно бедни услови, во просторија 3 на 3 метри. Неопходна е широка јавна дебата за интервенции во најрепрезентативниот дел на земјава - вели Павловска.

http://www.plusinfo.mk/vest/27264/Panoramskoto-trkalo-kje-se-gradi-na-nov-most

Trebaa da go stavat nekade nadvor od ovoj krug.
Me interesira kako ke go izvedat... Bi se zatvoril pogledod kon stariot teatar i muzejot... Aj da vidam renderi pred da go osudam objektov, iako ne mi zvuci pozitivno osobeno so budjet od 500k evra .