Македонски железници низ слика и видео

фали уште по некој тунел во репортажата, претпоставувам порано ги имало!?! ајде ако ништо друго допрва ќе ги има во продолжение.  Владимир да не имаш податок или некакво инфо колку пати старата пруга е минирана и рушена, кога од кого  со каква цел, знам дека сите зеле мерка од окупаторите па до ослободителите, но незнам кој што точно и зошто поточно ја реметел теснолинејката!
интересно, пошта сигурно носеле со возот удоле, туку колку тоа било безбедно, колку само писма не стигнале на своите одредишта, со оглед дека возот постојано бил напаѓан од разбојници.

Originally posted by beTon фали уште по некој тунел во репортажата, претпоставувам порано ги имало!?! ајде ако ништо друго допрва ќе ги има во продолжение.

Мислам дека ги има 5 тунели на оваја траса со вкупна должина од 2,080 метри

Originally posted by beTon Владимир да не имаш податок или некакво инфо колку пати старата пруга е минирана и рушена, кога од кого  со каква цел, знам дека сите зеле мерка од окупаторите па до ослободителите, но незнам кој што точно и зошто поточно ја реметел теснолинејката! интересно, пошта сигурно носеле со возот удоле, туку колку тоа било безбедно, колку само писма не стигнале на своите одредишта, со оглед дека возот постојано бил напаѓан од разбојници.

Е тоа е приказна која е мојата преокупација, па се надевам ке следи една друга репортажа прагајќи ја старата траса пешки во делот од после Гостивар.

И накратко за твоето прашање; Буквално сите ја рушеле и граделе, сета среќе за таа пруга е што е со ширина од 600 мм и лесно се поставувала и вадела, бидејќи и намената и била за брзо со железница да се движат трупите (иначе тоа е германската воeна железница Feldbahn)

Originally posted by beTon ова се 5 тунели кои се користеле и за старата пруга така? знам само за тунелот кај Падавиште, повторно од репортажа, не сум се возел ни јас по оваа траса, но сигурно ќе ја сефтосам доколку одам кон Манастирот Пресвета Богородица (Пречиста - Кичевска) , до Кичево со воз, сетне со точак или такси...

Не, 5-те тунели се на новата пруга, а од старата ги имало 100-тици (мали) денеска секој може да види еден од тунелиоте на патот Велес - Прилеп во кањонот од десната страна поред самиот пат

Originally posted by Vladimir P Не, 5-те тунели се на новата пруга, а од старата ги имало 100-тици (мали) денеска секој може да види еден од тунелиоте на патот Велес - Прилеп во кањонот од десната страна поред самиот пат

велиш стотина, постои некоја карта каде се одбележани, или треба допрва да се копа по окупаторски архиви  добро би било утре истите да се одбележат на некоја гпс траса за теснолинијките во МКД, јасно со се станици и мостови.
само малку опасно е таква мапа да се пушти во јавност без притоа да се испита теренот од заостаната муниција по тие траси, дали од депоа криени долж пругите или пак од самите минирања заборавени експлозиви, како што беше случајот со динамитот во камен мост...

Ај да не се повторуваме сите ама стварно одлична репортажа владимир ( марјан и третиот непознат член)  Иначе со воз сум бил само до гостивар и очигледно сум го пропуштил баш најубавиот дел од оваа линија

Еве конечно имам време да се вклучам со коментар. Оние што ги пратат железничките нишки сигурно претпоставија дека јас сум мистериозниот трет форумаш на патувањево бидејќи баш пред некој ден побарав информации за возовите што се обраќаат до Кичево

Импресиите ми се испомешани, но патувањето во целост беше прекрасно искуство. Патувањето со воз верувајте е многу попријатно отколку со автобус и на својата дестинација стигнувате многу поопуштени и поодморени.
Покрај тоа, конкретно оваа релација поминува низ навистина живописни предели. Нормално височините помеѓу Гостивар и Кичево се на прво место, но за мене и Дервенската Клисура (по течението на Вардар помеѓу Скопје и Тетово) беше вистинско откровение.

Пругата не е во сјајна, но барем е во пристојна состојба и очигледно возот ја изоде целата делница со прифатлива брзина и без застои поради лоша инфраструктура. Најголема замерка имам за станиците кои се која од која во поочајна состојба.

Вагоните сами по себе беа океј, се гледаше дека биле скоро реновирани, но веќе оддаваа впечаток на нечистотија. За жал културата па и хигиената на некои од патниците е на многу ниско ниво и ова беше вистински трн во око. Очигледно е дека железницата воглавно ја користат посиромашните слоеви од населението поради значително поевтините билети, но ова сигурно одвраќа многу други потенцијални патници. Мислам дека МЖ мора да бара начин да го минимизира овој проблем, почнувајќи од воведување на поголем ред во возовите, функционирање со 1-ва и 2-ра класа и слични мерки.
Исто така замерка до МЖ кои имаа закачено само два вагони кои очигледно беа недоволни и веќе од станицата Скопје Север почна да се создава гужва која траеше се до Кичево. Владимир и Марјан ме информираа дека ова е поради недостаток на вагони во возна состојба, а и „шпанците“ ни се очигледно дефицитарни, па на релацијава праќаат класична композиција за која не можат да обезбедат ни доволно вагони. Се надевам на што побрзо пуштање во сообраќај на трите шпанци што се на обнова!




Патувањето го продолжив накај Охрид со автобус, но не така успешно... Прво на автобуската во Кичево се отсечени од светот и карти продаваат само кога автобус ќе пристигне (бидејќи мора на лице место да проверат дали има места), а плус не знаат кој автобус ќе застане а кој ќе ја одмине станицата, бидејќи на ова поле очигледно владее самоволие
Така ми се случи да ми биде најавено дека автобус имам во 10:30, но од него немаше ни трага ни глас. Автобусот ја одминал станицата без да застане (иако е на само 100 метри од патот по кој поминува ), а жената што работеше во билетарата ме убедуваше дека кај да е ќе дојде. Следниот автобус беше во 12:00. Доцнеше но за среќа реши барем да ја удостои кичевската автобуска станица со застанување. Срањата продолжуваат... Беше преполн и немаше доволно места. Ми беше понудена карта за седење на под . Немав друг избор - не ми се чекаше уште којзнае колку за друг автобус кој можеби нема ни да застане. Сликата за автобускиот превоз ми се докомплетира внатре во автобусот каде регистрирав неколку примери на непрофесионален однос на „посадата“. Автобусот исто така не беше ништо посебно иако припаѓаше на еден од нашите најреномирани автгобуски превозници.


Да се вратам на железничкиот дел од патувањето.
Поаѓање од Скопје во 08:00 и пристигање на секоја попатна станица точно на време, вклучувајќи ја и последната - Кичево во 10:07 навистина пријатно ме изненади и покрај тоа што ми беше наговестено. Не само од аспект на точноста, туку и брзината е сосема пристојна. Со разумни подобрувања на инфраструктурата верувам дека времето може да биде и значително скратено. Замислете само како би изгледало патување на релација Скопје - Охрид со комплетиран крак од К8 и со подобрувања на постоечката пруга!

Еве и споредба на цената:

Билет во еден правец од Скопје до Кичево со железница = 138,5 денари
Билет во еден правец од Кичево до Охрид со автобус = 210 денари
(нормално земете во предвид дека Скопје-Кичево е цирка двојно подолга релација од Кичево-Охрид, што вкупниот сооднос на цената ја прави железничката опција повеќе од три пати поефтина!)

И покрај сите слабости на нашата железница, навистина не ми е јасно зошто не се користи повеќе, бидејќи кога се ќе се собере и одземе, автобускиот превоз (кој доминира и на релациите каде имаме пруги) сепак ми изгледа како инфериорна опција од многу аспекти на многу релации.


Edited by Cloverstack - 18-May-2009 at 23:59

Супер дополнување Кловер, јас воопшто не поврзав дека ти си третиот патник

Доколку имаш и слики да ги дополниш впечатоците од патувањето а богами и доколку немаш предлагам на оваа делница да и се посвети и посебна нишка, мислам дека заслужува.

Кловер ти погрешно си ме сватил! Не се однесуваше за тебе, реченицата се однесуваше каде го гледам всушност проблемот на тоа што патничкиот транспорт ни е речиси празен. Нормално дека ќе ти се превртуваат црева кога ќе седне до тебе некој небањат, и мене ќе ми се превртуваат. Нема тука ништо ретроградно во тоа да имаш чутвсво за мирис! За елементарната култура да не правиме муабет. Дополнително горчливо прашање!

Муабетот беше за некои сосема трети лица со ретроградна матрица на размислување.

Класите дефинитивно можат да го намалат...па може би и целосно да го решат ова прашање.

Имаше на меѓународниот Солун-Белград, но по ова што го гледам во последниот месец ја укинаа и таа прва класа (во која седнуваше кој сака, немаше врска каков билет имате, и онака 10 души вкупно беа во цел воз) и сега грчкиот вагон е шпанска кола т.е. со седишта како во автобус, а не со купиња, и пишува дека е втора класа... Но сепак е 10 пати подобар од другите (нашите и српските) од втора класа. Јас мислев дека за меѓународен воз мора да има прва класа, но ете не било така 

Edited by гитардемон - 18-May-2009 at 21:37

Originally posted by Cloverstack   но за мене и Дервенската Клисура (по течението на Вардар помеѓу Скопје и Тетово) беше вистинско откровение.

Каква е споредбата во овој дел со возењето во Таорската или Велешката клисура кои се исто импресивни одејќи по железничката траса?