13 November, 2008 04:24:00

Големина на фонт:

Пуштена е во употреба клучката кај хотелот Континентал, која треба да овозможи растеретување на сообраќајот во главниот град во реонот кај Бит Пазар.

Проектот вреден три милиони евра е финансиран од градот Скопје, а црвената лента беше пресечена симболично на денешната прослава на  64 годишнината од ослободувањето на Скопје од фашистичкиот окупатор.

„За мене поголем е празникот бидејќи во градот објективно од осамостојувањето на Република Македонија ова е најкапитален објект кој претставува едно современо решение на сообраќајот како треба да функционира во урбани средини ,а  особено во метрополи како што треба и претендира да биде градот Скопје“ изјави градоначалникот Трифун Костовски.

На свеченоста беше и скопјанецот Зоран Георѓиевски кој го обвинува Костовски за узурпација на приватна парцела, за што најави и кривична пријава.

„Проблемот е во тоа што господинот Трифун Костовски извршил класична узурпација на приватен имот на начин што нашол за потребно да земе дел од катастарска парцела која што е моја сопственост и на мојот брат“ обвини Георѓиевски.

Денот на ослободувањето на Скопје, 13 Ноември, беше одбележан со низа свечености. Имаше уметничка програма каде најмалите сликаа на тема:“Го градиме нашиот град“, беа положени венци и цвеќиња на партизанските гробишта, а градот традиционално ја додели наградата „13 Ноември“ која годинава ја добија десет поединци од областа на културата, спорот науката, како и една установа, едне ученик и двајца студенти.

http://alsat-m.tv/mk/zemja/7127.html