Skopje City Mall

Владата ја загрозува изградбата на „Сити мол“? Мишко Иванов Коментари (0)    08.01.2011 18:49 Дејан Рациќ   Власта фрли лопата за изградба на голем трговски центар на локација за која со години министерството за транспорт и врски води судски спор со српската компанија „Делта холдинг“. Голем дел токму од оваа локација, во скопската населба Карпош пред повеќе од четири години и беше доделена на компанијата на милијардерот Миодраг Мишковиќ, но со доаѓањето на власт на ВМРО-ДПМНЕ тој договор беше раскинат, „Делта“ покрена судски спор против министерството за транспорт и врски, кој се уште нема завршница. Сега токму на ова земјиште, неодамна беше удрен камен темелник на „Скопје Сити мол“, инвестиција во објект што се најавува дека ќе биде најголемиот трговски центар во југоисточна Европа. Неодамна во ексклузивно интервју за А1 Телевизија, вториот човек во „Делта Холдинг“, Дејан Рациќ најави дека нивната компанија ќе ги искористи сите правни лекови за да си ги заштитат своите интереси. „Тоа е под голем знак прашалник. Ние сигурно ќе бараме нашите права да се заштитат и тој дел од земјиштето кое нам ни беше доделено, не може да се додели на никој друг, додека не заврши спорот со нас“, вели Дејан Рациќ, генерален директор на „Делта реал естејт“. Какви се сега односите, вие сте на суд? „Да, ние и понатаму сме на суд со министерството за транспорт и врски“, одговара Рациќ. Каде во Македонија? „Да, во Македонија. Со тоа што ви велам ние ќе одиме во заштита на нашите интереси каде и да треба, бидејќи сметаме дека тоа е логично, но и за да покажеме една доследност сите заедно во работењето“, објаснува Рациќ. Министерството за транспорт и врски, тврди дека дел од тоа земјиште било на приватни лица, кои си го добиле назад со денационализација. „Станува збор за градежно земјиште кое е вратено на поранешните сопственици во постапка за денационализација на земјиштето. По стекнување на правната сопственост, сопствениците на земјиштето извршиле дооформување на парцела во законска постапка согласно законот за градежно земјиште“, објаснуваат од министерството за транспорт и врски. Токму правната несигурност е таа која ги одвраќа странските инвеститори од Македонија, а ваквиот бизнис амбиент, беше критикуван и од ЕК, нотиран дури и во извештајот. Негативен ефект на деловниот-амбиент има и непримената на Законите, особено во судството, што се карактеризира со бавни процедури, нестабилни договори и корупцијата, стоеше меѓу другото во извештајот од Брисел.

http://a1.com.mk/vesti/default.aspx?VestID=132748