Телеком арена (арена Филип II Македонски)

Благојче Петрески

Градежен работник со скршено ребро и со набиеници по телото завчера попладнето завршил во скопскиот Ургентен центар, откако паднал од шестметарското монтажно скеле, поставено на градилиштето од јужната трибина од националната спортска арена „Филип Втори“, која е во изградба. ?етириесет и четиригодишниот кумановец Радослав И., ангажиран од градежната фирма „Бетон“, околу 14 часот монтирал скеле на трибината и во еден момент паднал од шест метри висина, по што тешко се повредил. Тој бил пренесен во болница, каде, пак, докторите констатирале дека има скршеница на едно ребро и набиеници на вратот и на грбот. Од трудовата инспекција велат дека тие веднаш излегле на местото на несреќата и утврдиле дека градежникот се повредил монтирајќи скеле. - Повредата се случила кога работникот се симнувал од скеле, а причина за несреќата е лизгавата површина поради временските услови. Утврдено е дека тој носел лична заштитна опрема и користел заштитен појас - велат од Инспекторатот за труд.
Оттаму соопштија дека работникот по падот бил контактибилен, а инспекторите останале во националната арена да ја „чешлаат“ целата документација за вработените и за опремата на градилиштето.
Ова е втор случај за речиси една година, во кој градежник од фирмата „Бетон“ е тешко повреден при изведување градежни работи на националната арена. Пред десетина месеци на истото градилиште загина работникот од Куманово, кој падна од 15-метарско монтажно скеле. Истрагата утврди дека несреќата се случила бидејќи скелето било непрописно поставено. Директорите и менаџерите на „Бетон“, вчера не беа недостапни за коментар за тоа кои се причините за несреќите на ова градилиште. Од градежната фирма добивме само одговор дека тие се на градилиште и дека немало да се вратат во фирмата се до завршувањето на работниот ден.

И работник на „Фонко“ се повреди

Дваесетгодишен работник, кој местел клима-уред во скопскиот „Тутунски Комбинат“, завчера околу 15,30 часот паднал од околу седум метри височина и скршил два прешлени. Тој бил ангажиран од фирмата „Фонко“ да го монтира клима-уредот на една од зградите на комбинатот. Под неразјаснети околности, монтирајќи ја климата паднал и се повредил. Веднаш бил пренесен во Ургентниот центар во Скопје, каде докторите констатирале скршеници на третиот и на четвртиот прешлен.

како бе вака си паѓаат..ко круши..