Sky City (Џеваир облакодери и трговски центар)

Некако многу аматерски ми делуват проектов,ко гето ко крастајци насадени,има впечаток оти да беа расштркани пример со по 100 метра раздалеченост еден од друг,неколку преку улица,да беа со различен изглед каде каде поарно ќе беше.
Вака ко да ги мрзело,ко набрзина напраен,преблиску се и најглупо е се е што се со иста висина и изглед...

Декорации на фасадата од Cevahir Mall





https://www.facebook.com/cevahirskycity

Хм,баш пријатно изненаден од шареноликоста на трговскиов,барем однадвор.
Доказ колку очајно на скопје му требит боја,креативност,уметност...

До крај на година им е таргет. Ако го брзаат можат и есен.

Многу веројатно истите од Сити Мол и Ист Гејт.

Originally posted by Vire Хм,баш пријатно изненаден од шареноликоста на трговскиов,барем однадвор. Доказ колку очајно на скопје му требит боја,креативност,уметност...

шареноликоста е очаен обид да се прикрие евтино фактот дека ова е огромен хангар без никаков дизајн на фасада... школски спортски сали имаат подобра фасада од ова... врати се назад и види што има на старите рендери

Ја разбива белата монотонија на комплексов, така да паметен потег. Ќе видиме на крај што впечаток ќе има заедно со хортикултура, пристапот од бул. Србија итн.

https://www.facebook.com/photo?fbid=754847479132425&set=pcb.754852055798634

СТАНАРИТЕ ВО КУЛИТЕ НА „ЏЕВАИР“ ВО ШОК ОД СМЕТКИТЕ ЗА СТРУЈА, КОИ СЕ ИСКАЧИЈА ДО 20.000 ДЕНАРИ

Жителите на двата облакодера на „Џеваир холдинг“ во Аеродром реагираат на високите сметки за струја воопшто, но и за оние што ги плаќаат за работењето на централниот систем за ладење и за греење во објектите. Велат дека се ставени во четвртата категорија на потрошувачи и плаќаат за 138 проценти повисоки сметки. Тие се подготвуваат за протест доколку не им се реши проблемот, бидејќи Регулаторната комисија за енергетика и ЕВН воопшто не се заинтересирани да помогнат. Се обратиле до ЕВН и до Регулаторната комисија за енергетика, од каде што им одговориле дека тие се одговорни само за доставувањето на електричната енергија до крајниот потрошувач. Проблемот е пријавен и во Општината Аеродром, кај инспекторот за домување



Жителите на двата облакодера на „Џеваир холдинг“ во Аеродром реагираат на високите сметки за струја воопшто, но и за оние што ги плаќаат за работењето на централниот систем за ладење и за греење во објектите. Велат дека се ставени во четвртата категорија на потрошувачи и плаќаат за 138 проценти повисоки сметки. Тие се решени да излезат и да штрајкуваат доколку не им се реши проблемот, бидејќи Регулаторната комисија за енергетика и ЕВН воопшто не се заинтересирани да помогнат.

Воедно, појаснуваат дека централниот систем инсталиран во кулите А и Б од страна на инвеститорот е поврзан само на едно струјно броило за сите 334 стана. Се жалат дека немаат увид во системот и во броилото, и не знаат кој колку потрошил.

– Кога побаравме увид, ни дадоа табеларен извештај во „Ексел“ со податоци за времето колку сме го користеле системот или колку киловати имаме потрошено. На секој кат има по две надворешни единици од системот за ладење и за греење и имаат електронски менаџмент што ја разделува потрошувачката по стан и тие го читаат тоа – вели за весникот ВЕЧЕР станар во една од кулите.

Потенцира дека на станарите им стигнале огромни сметки – од 8 до 20 илјади денари за месец уште пред поскапувањето на електричната енергија. На некои станари што воопшто не ја вклучувале климата, им стигнувале сметки за струја за внатрешна единица за наплата.

– Има станари што си ставија сопствени инвертори и бојлери, но управителот на зградите ги тера да ги плаќаат фиксните трошоци – тврди станар во висококатниците, додавајќи дека и на оние исклучените им стигнувало да плаќаат фиксен трошок кој, како што потенцира, бил измислен.

– Ова е нешто слично како што беше со парното, кога оние што се исклучуваа, мораа и понатаму да плаќаат одредена сума иако не го користеа парното греење – споредува станар во висококатниците на „Џеваир холдинг“.

Тој посочува дека за ставањето на фиксниот трошок во фактурите не биле известени, ниту дале согласност. Станарите се обратиле до ЕВН и до Регулаторната комисија за енергетика, од каде што им одговориле дека тие се одговорни само за доставување на електричната енергија до крајниот потрошувач. Проблемот е пријавен и во Општината Аеродром, кај инспекторот за домување. Тие велат дека немаат вакви проблеми во другите две кули – Ц и Д.

– Најверојатно, инвеститорот увидел дека згрешил, па во кулите Ц и Д во секој стан има посебни единици од овој систем. Таму, тој не е централен – вели станар во една од кулите.

Од менаџментот на фирмата „Се клуб фасилити менаџмент“ која од февруари годинава е задолжена за одржување на кулите и која е управител на зградите, велат дека уште при предавањето на становите, станарите знаеле дека се работи за централен систем.

– Во самите договори, при купувањето на становите, е наведено дека се работи за таков систем, а цената на фиксниот трошок се одредува во зависност од големината на станот. Доколку е со поголема површина, тогаш и цената е повисока. Нам ни пристигнуваат сметки од ЕВН, а потоа ги распеделуваме – објаснуваат од менаџментот на „Се клуб фасилити менаџмент“.

Фиксната цена, како што објаснуваат тие, е зголемена бидејќи се зголемила цената на електричната енергија. Оттаму додаваат дека ова е прв ваков систем поставен во зграда во Македонија и затоа луѓето имаат проблеми.

– Ние неколку пати имавме состаноци со ЕВН и со Регулаторната комисија за енергетика, но тие цело време нè префрлаат од еден до друг и обратно. Од ЕВН велат, што ќе каже Регулаторна, а од Регулаторна комија повторно нè препраќаат во ЕВН – нагласуваат од менаџментот на „Се клуб фасилити“.

При тоа, додаваат дека од ЕВН им одговориле дека се ставени во четврта категорија бидејќи имаатсамо едно броило и истотот броило ја отчитува вкупната потрошувачка за цела зграда, а вредноста на истата не префрлала во друга во друга категорија на потрошувачи во која како што велат реално не припаѓаат.

– ЕВН и Регулатроната комисија не сакаат да ни излезат во пресрет. Ние настојуваме да најдеме заедничко решение. И ние, како управител, немаме добивка од работата и ние губиме во овој случај. Ваков систем е направен во кулите А и Б од страна на „Џеваир холдинг“, бидејќи сметале дека ќе го користат сите станари. А, доколку го користат сите станари, трошокот ќе биде помал – тврдат од менаџментот на „Се клуб фасилити менаџмент“.

Тие прво пробале да постават ваков систем во двете згради, но станарите не сакале да го прифатат, па затоа во кулите Ц и Д е поставен друг систем, односно има поединечни броила, а не едно. Сега се обидуваат да изнајдат решение да го сменат тоа и во зградите А и Б.

– Имаме многу барања да се смени системот во зградите А и Б, сега бараме нешто што ќе биде поефикасно и по пониска цена за да бидат задоволни двете страни – потенцираат од менаџментот.     

Од Регулаторната комисија за енергетика велат дека се запознаени со овој случај и имаат остварено неколку заеднички средби и оти се бараат опции и решенија во рамките на постоечките закони.

Од ЕВН, пак, тврдат дека кулите на „Џеваир холдинг“ во Аеродром поседуваат броило, кое ја регистрира потрошената електрична енергија на централниот систем за греење и за ладење на станарите на објектот.

– За оваа потрошувачка, сопственикот на броилото, односно управителот на станбениот објект уредно добива фактури за електрична енергија, а натамошното внатрешно менаџирање е однос меѓу него и станарите. Поконкретно, „Електродистрибуција“ е одговорна за делот од мрежата до броилото, а за внатрешната инсталација е одговорен сопственикот. Станарите треба да се обратат кај сопственикот на броилото ако сакаат да имаат пристап до него – децидни се од ЕВН.

https://www.vecer.press/станарите-во-кулите-на-џеваир-во-ш/

Ај честито полумесечина на трговскиов