Патна мрежа (општо)

НА +40 И ВО ДРУШТВО НА ЗМИИ, СЕ БЕТОНИРА СВЛЕЧИШТЕТО НА КАРПАТА ЦУЦКА КАЈ ВЕЛЕС



Привршува санацијата на карпата Цуцка и на свлечиштото на влезот во Велес од правец на Градско. Таа започна во средина на април, а изведувачот најавува дека до крајот на месецов ќе завршат градежните работи, што е порано од рокот кој беше даден, крајот на октомври. Во изведбата на градежните работи активно се вклучени четворица алпинисти, кои работат на поставувањето на мрежата, односно анкерисувањето.

„На ова жешко време, друштво по карпите ни прават змиите. Ни малку не е лесно да се искачуваме и работиме на +40 во сенка, со шлемови“, вели Игор Сакалиев.

Бидејќи деновиве се работи на пругата, железничкиот сообраќај на релацијата Велес-Гевгелија и обратно е запрен од 8 до 16 часот.

„Деновиве вршиме торкетирање на бетон на долниот дел од свлечиштето, кој е на ниво под регионалниот пат. Потоа продолжуваме со уште еден дел од карпата, над патот. Работи кои потоа треба да се извршат се изработка на одводен канал за вода со бетонски ивичњак и асфалтирање на оваа делница. При рушењето на карпите се поставуваа анкери кои се длабоки и до шест метри. Врз тие анкери се поставени мрежи, по што се вршеше двократно бетонирање и поставување на еластични мрежи. Така се спречува натамошно паѓање на камења од карпата. Поставена е бариера за заштита од одрони со минимум кинетичка енергија на апсорпција од 1.000 килоџули“, кажа Блажо Петров, градежен инженер во изведувачот „Стентон градба“.

Инвеститор на работите е ЈП за државни патишта, кое најави дека вкупните предвидени зафати ќе чинат 62,4 милиони денари.

https://sdk.mk/index.php/dopisna-mrezha/na-40-i-vo-drushtvo-na-zmii-se-betonira-svlechishtoto-na-karpata-tsutska-kaj-veles/

Патниот правец Струга – Ќафасан останува во тешка состојба



Сѐ уште нема реконструкција на патот Струга – Ќафасан кој поради пандемијата со Ковид 19 и затворањето на границата со Косово на Блаце е единствената алтернатива за граѓаните кои со своите возила патуваат кон Албанија. Министерството за транспорт и врски многу пати ветуваше дека ќе се поправи патот. Ова го ветува и новиот министер Благоја Бочварски, велејќи дека ќе биде запознаен со деталите од Јавното претпријатие за државни патишта.

Од Јавното претпријатие за државни патишта, иако во мај соопштија дека за десет дена ќе го распишат тендерот за реконструкција на патот, велат дека продолжуваат да работат на изработка на проектни документи.

„За делот Подмоље – Струга – Ќафасан со должина од 20,2 километри, ве известуваме дека санацијата е предвидена во годишната програма на претпријатието за 2020 година со средства од Европската банка за обнова и развој. Во моментов се работи на комплетирање на проектните документи. Очекуваме во текот на октомври 2020 година да биде објавен тендерот за избор на најповолен понудувач, по што ќе следи последната фаза, односно од крајот на годината градежните работи ќе започнат“, наведуваат од Јавното претпријатие за државни патишта.

Од ова претпријатие истото го соопштија и во март годинава кога жителите од оваа област излегоа на протест. Директорот на ова претпријатие, Зоран Китанов, тогаш вети дека тендерот ќе биде објавен за 20 дена. Но, тоа не се случи ниту после шест месеци.

https://alsat-m.tv/mk/патниот-правец-струга-ќафасан-остану/

Патот во Крушино – сè уште не почнале градежните работи

Патот во Крушино кој беше уништен пред неколку години кога почнаа градежните работи на автопатот Кичево – Охрид, за кој известуваше ТВ21 пред одредено време, продолжува да биде уништен.

Пред еден месец од компанијата „Гранит“ која го добила тендерот за изградба на овој пат, рекоа дека на крајот на август ќе почнат градежните активности штом добијат дозвола од надлежните институции.

Изгледа се уште има застој и документите за овој пат останале во канцелариите на институциите.

Градежните работи на патот , кој е доста фреквентен од кичевчани и е неопходен за жителите на Кнежино, е во застој веќе неколку години.

ТВ21 ја контактираше и компанијата Гранит, која треба да ги започне работите во овој дел и која пред еден месец вети дека ќе започне со работа на крајот на август. Повторно рекоа дека се подготвени да почнат со работа веднаш штом Јавното претпријатие Државни патишта даде зелено светло дека документацијата е подготвена и може да почнат со работа.

Од Јавното претпријатие за Државни патишта велат дека ја испратиле документацијата до општина Кичево за да добијат согласност, иако тој пат е во надлежност на гореспоменатото Претпријатие.

Од општина Кичево велат дека немаат добиено ниту еден документ во врска со овој пат.

Овој пат многу често го посетуваат кичевчани кои спортуваат трчање или велосипедизам, но и семејствата кои излегуваат на излет во Крушино. Но, состојба во која е овој пат го комплицира слободното движење на возилата и велосипедите. Малку подолу има дупка направена при изградбата на патот, а ова покажува на опасноста што го имаат возачите во случај на лизгање при влажно време. За ова отворена дупка околу патот нема никаков знак за предупредување за опасноста.

https://tv21.tv/mk/patot-vo-krushino-se-ushte-ne-pochnale-gradezhnite-raboti/

Поправка и рехабилитација на Р1302 делница, Струмица-Берово
Должина од 6,6 км
Ширина: 6 км
Вредност: 46,40 милиони денари
Статус: извршено е орапавување на постоечкиот коловоз од 0-3см во должина од 5.00км, како и крпење на ударни дупки, локална санација и поправка на деформации со асфалтна маса БНС 22A



https://www.facebook.com/drzavnipatista

Е ова е одлично рехабилитиран пат.

Се надевам дека после месец дена нема да се рони асфалтот.

Рехабилитација на регионален пат Р2238, делница Маврово-Галичник
Должина: 8,9 км
Ширина: просечна од 4м
Вредност: 40 милиони денари
Статус: 80% завршено







https://www.facebook.com/drzavnipatista

Ako treba da se razminis so nekoj ke fatis po megjata de ))

Обезбедивме над 3 милиони евра за рехабилитација на делницата Кичево-Македонски Брод.
Директорот на јавното претпријатие за државни патишта Зоран Китанов и министерот за транспорт и врски Благој Бочварски извршија увид во градежните активности отпочнати на делницата кадешто во моментов е започнато со обработка на постоечката коловозна асфалтна површина.
Рехабилитацијата на регионалниот пат Р1303 делница Кичево–Македонски Брод, е во должина од 25,7 км и со ширина од 6 м. Издвоениот буџет со средства обезбедени од ЕБОР е 3,15 милиони евра.







https://www.facebook.com/drzavnipatista

Јас не сум градежен инженер, а верувам не се ни новинарите, ама исто така знам дека не е ниту министерот за транспорт и врски, па така ако тој нема поим што зборува, нема потреба и јас да се глупирам со изјави од типот дека е нешто прво вакво, кога не е. (Пат до брана Света Петка)

Точкарскава моја заедница нема известено дека е завршено