Возен парк (ЈСП - двокатни автобуси)

Senior Member

Joined: 06-Jan-2008
Location: Skopje
Online Status: Offline
Posts: 1739

Quote

Reply #145 Posted: 16-Sep-2008 at 00:54

За да купи 102 двокатни автобуса на Владата и' се потребни 40 милиони евра!

Фирмата „Денис“ од САД еден двокатен автобус на пазарот го продава за 400 илјади евра

Снежана Калабакова

Откако Владата се реши да партиципира во осовременувањето на јавниот градски превоз, во јавноста се отворија бројни прашања. Најпрвин колку плус средства ќе издвои од првичните 4,4 милиони евра за да се купат нови 102 двокатни автобуса. Од Министерството за транспорт и врски велат дека ако треба ќе се издвојат уште пари од буџетите за оваа и идната година, но не излегуваат со точна бројка за колку народни пари станува збор. Затоа и се отворија шпекулации дека Владата има намера да купи стари автобуси од типот на лондонските двокатни автобуси и дека можеби веќе однапред е направена зделка со некоја фирма-производител.

Позната фирма „Денис“ од САД, еден двокатен автобус на пазарот го нуди по цена од 400 илјади евра, што значи дека со 4,4 милиони евра можат да се купат 11 вакви автобуси. Доколку се планира купување на нови 102 двокатни автобуса, како што стои во тендерот на Министерството за транспорт и врски, би требало да се издвојат десет пати повеќе средства, односно над 40 милиони евра. Ова го потврдија и домашните сообраќајни експерти кои, меѓу другото, велат дека двокатни автобуси се произведуваат во Шведска и во Америка. Еден нов „обичен“ американски автобус чини од 130 до 250 илјади евра. Станува збор за климатизирано возило со автоматски менувач, дизел-мотор и рампа за хендикепирани лица, значи, возило со сите перформанси што беа побарани на тендерот на Владата.

„Моите сознанија се дека најскапиот автобус на американската фирма ’Денис‘ чини 250 илјади евра, колку и еден наш со сите врвни перформанси. Цената расте со зголемувањето на перформансите на возилото, како на пример дали тоа има автоматски менувач или клима-уред. Се' зависи од желбите на оној што го нарачува. Можеби Владата прави добар потег, но се поставува прашањето дали треба да се развива домашната или странската индустрија, или можеби станува збор за однапред склучена зделка!? А, ’Санос‘ има подготвена проектна документација за производство на двокатни автобуси, доколку тоа се побара од нас “, вели Славе Распашковски, директор на скопски „Санос“.

Домашните сообраќајни експерти уверуваат дека моделите на единечните автобуси, кои ги користи ЈСП „Скопје“, сега чинат 150 илјади евра, додека зглобните , кои имаат двојно поголем капацитет, чинат 180 илјади евра. Реално, со 4,4 милиони евра, за кои се знае дека ги одобри Владата, може да се купат околу триесетина обични, или само 25 зглобни автобуси. Математиката вели дека се потребни многу повеќе пари за купување на 102 двокатни автобуса.

http://utrinski.com.mk/?ItemID=01A21F6692DBDC4B98C29CF027F16F99

"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)

Cloverstack View Drop Down

Admin Group

Joined: 01-Sep-2007
Location: Скопје
Online Status: Offline
Posts: 12453

Quote

Reply #146 Posted: 16-Sep-2008 at 01:17

Ништо не е скапо кога станува збор за „духот“ на Скопје Crazy

А Распашковски по обичај неосновано се чука во гради... Да беше толку слично да се произведе двоспратен како класичен автобус, сигурно ќе имаше и поголем избор на производители.

mitatos

Senior Member

Joined: 06-Jan-2008
Location: Skopje
Online Status: Offline
Posts: 1739

Quote

Reply #147 Posted: 16-Sep-2008 at 01:18

Clover@ Jas mislam deka ne se raboti za duhot na skopje, ova go pravat namerno za da odzemat malku poveke vreme, i da mu obvinat nekoj vo vrska so ova, i na kraj od koga veke nema koj da se obvini ,da preminat pak na 1-katni autobusi

"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)

lslcrew

Senior Member

Joined: 14-Jan-2008
Location: Skopje
Online Status: Offline
Posts: 10988

Quote

Reply #148 Posted: 22-Sep-2008 at 11:47

Улиците ќе се подготвуваат за двокатните автобуси



Автор: Радмила Заревска

Улиците во исчекување на новите двокатни автобуси ќе почнат да се реновираат во ноември, а надвозниците, подвозниците и семафорите ќе се подигаат за да можат да се приспособат за одвивање на новиот градски превоз. Александар Бошковиќ, в.д. директор на јавното сообраќајно претпријатие „Скопје“, објасни дека ќе почнат подготовките за да се обезбедат услови за нормално одвивање на возниот ред на двокатните автобуси низ градот и поради тоа ќе се подигаат семафорите и надвозниците, а ќе се врши и обука на возачите. Од градската управа додаваат дека Владата треба да се справи со проблемите што ќе настанат со воведувањето на овие возила бидејќи тие имаат ограничен буџет и испланирани проекти што треба да ги реализираат. ОКОЛУ 300.000 ЕВРА ЗА ПОПРАВКИ Од ЈСП „Скопје“ велат дека се обидувале да ги истакнат недостатоците што би се појавиле ако низ градот се возат двокатните автобуси, но сепак возилата се очекуваат во февруари и тие ќе почнат со подготовките за приспособувањето на улиците и на сервисните центри за да може да се одвива градскиот превоз. - Веќе е во тек тендерот за набавка на двокатните автобуси. Тоа значи дека првите возила ќе бидат во февруари низ градските улици, па затоа неколку месеци пред да стапат во сообраќај мораме да ги реконструираме сите семафори, надвозници, ќе извршиме сечење на дрворедите, а ќе направиме и соодветна сигнализација. Најголем проблем ќе бидат надвозниците што ќе мора да се подигаат, бидејќи возилата ќе бидат високи околу четири метри, а законот налага надвозниците да бидат половина метар над автобусите, поради нерамнините на улиците. Проблематични се надвозниците кај Градскиот трговски центар, подвозникот кон населбата Црниче, надвозникот „Влајко“, така што на тие линии ќе се користат нископодните возила, а таму каде што ќе има можност ќе извршиме реконструкција и ќе ги подигнеме половина метар погоре. Најлесно ќе биде околу семафорите, таму нема бетонски конструкции. Исто така ќе вршиме обука на возачите со експерти од Англија или од Шведска, а веројатно ќе биде потребно и вработување нови лица, затоа што за управување со еден двокатен автобус ќе бидат потребни тројца обучени возачи – објасни в.д. директорот Бошковиќ. Тој додаде дека сите технички зафати ќе се одвиваат етапно, бидејќи проектот за набавка на автобусите треба да се реализира до 2010 година. Тоа значи дека нема веднаш сите возила да бидат пуштени во сообраќај и дека ќе имаат доволно време да се приспособат на нив. Сите потребни реконструкции ќе чинат над 300 илјади евра, финансии што треба да се обезбедат од градот и од јавното претпријатие. ЕВРОПСКИТЕ ЗЕМЈИ ИМААТ ЛОШО ИСКУСТВО Сообраќајните експерти се двоумат за тоа дека двокатните автобуси ќе ги задоволат потребите на граѓаните, а го нагласуваат и лошото искуство на оние држави што користеле такви возила за превоз на патници. Тие сметаат дека ќе мора да се задоволат сите стандарди и да се направат потребните реконструкции за да се пуштат во сообраќај даблдекерите, чија ширина е како кај стандардните автобуси, висината е околу четири метри, а можат да соберат околу 100 патници, за разлика од нископодните, кои имаат капацитет и до 110 лица. - Требаше да земеме пример од државите кај кои се употребувале двокатните автобуси и кои имаат лошо искуство, особено за уништувањето на опремата во возилата на горниот кат каде што патниците можат само да седат. Во Лондон се донела европска директива во 2005 година за исфрлање од употреба на даблдекерите, а ние со нив ќе правиме нов концепт на градскиот превоз. Се надеваме дека улиците ќе се реконструираат и дека нема да се јавуваат проблеми во превозните услуги, бидејќи граѓаните треба да бидат задоволни – додаваат од секторот за сообраќај во градот. Владата смета дека ако вакви автобуси се возеле во педесеттите години на минатиот век, нема причина и денес да не се употребуваат, затоа што Скопје како град пораснал во својата урбана инфраструктура. Оттаму додаваат дека неприспособеноста на улиците, семафорите и на надвозниците е техничко прашање што брзо се решава, а за сервисот на автобусите ќе биде задолжен оној што ја врши набавката на автобусите. Кон крајот на минатиот месец се најавуваа преговори меѓу Владата, градот и ЈСП за тоа дали да се набават нископодни или двокатни автобуси, но тоа не се случи. Владата сама одлучи да се купат 102 наместо најавуваните 52 двокатни возила и 100 да му подари на јавното сообраќајно претпријатие, а два да ги употреби за туристичко разгледување на Охрид. Тие треба да бидат модерни, климатизирани, приспособени за лица со посебни потреби и да ги исполнуваат еколошките стандарди.

http://novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=189&ArticleID=7584

pbanks

Admin Group

Joined: 01-Sep-2007
Location: Skopje
Online Status: Offline
Posts: 9141

Quote

Reply #149 Posted: 22-Sep-2008 at 12:24

- Требаше да земеме пример од државите кај кои се употребувале двокатните автобуси и кои имаат лошо искуство, особено за уништувањето на опремата во возилата на горниот кат каде што патниците можат само да седат. Во Лондон се донела европска директива во 2005 година за исфрлање од употреба на даблдекерите, а ние со нив ќе правиме нов концепт на градскиот превоз. Се надеваме дека улиците ќе се реконструираат и дека нема да се јавуваат проблеми во превозните услуги, бидејќи граѓаните треба да бидат задоволни – додаваат од секторот за сообраќај во градот.

lslcrew

Senior Member

Joined: 14-Jan-2008
Location: Skopje
Online Status: Offline
Posts: 10988

Quote

Reply #150 Posted: 22-Sep-2008 at 12:37

Со оглед на тоа што автобусите ќе се набавуваат во повеќе наврати, очекувам после првите неколку автобуси (кои нормално дека ќе се покажат како неуспешни) да се прекине со ваквата пракса и да си идеме на еднокатни нормални автобуси.

Cloverstack View Drop Down

Admin Group

Joined: 01-Sep-2007
Location: Скопје
Online Status: Offline
Posts: 12453

Quote

Reply #151 Posted: 22-Sep-2008 at 13:09

Неверојатно, се протурка дури и глупост од волкави размери... Suicide

Не можам а да не им ставам огромна замерка на експертите на ова поле, за отсуството на посериозно спротиставување на овој проект. Со ретки и млаки дипломатски изјави, послужија само како декор во целава работа. Не слушнав некој од нив цврсто и без влакна на јазик да се спротистави (ако има некој исклучок што сум го пропуштил, нека ми прости).
Епа токму затоа што сме општество каде брзоплетите идеи на разноразни политиканти ги имаат заменето сериозните анализи, а најголем дел од стручната јавност се однесува понизно и млитаво, затоа можат да проаѓаат вакви блесави работи!

Инаку проценките кои ни се сервираат од „архитектите“ на овој проект околу дополнителните трошоци и другите маани на двокатните автобуси, се очигледно тенденциозно нереални и површни. Напротив, извесно е дека овој каприц ќе го платиме многу скапо, на најразлични начини.

Edited by Cloverstack - 22-Sep-2008 at 13:11

BOJAN

Senior Member

Joined: 09-Sep-2008
Location: SKOPJE
Online Status: Offline
Posts: 3438

Quote

Reply #152 Posted: 22-Sep-2008 at 19:43

Се работи за инает што го тераат државните и локалните власти на сметка на граѓаните. Веќе цела година се обвинуваат едни со други, да се кадарни ќе измислат и трокатни автобуси, а граѓаните наместо да се возат во нови автобуси сеуште се возат во скапаници стари и по 30 години. Пред месец дена бев во Нови Сад и можам да кажам дека не само што тамошните градски автобуси се нови, туку имаат и телевизорите на кои патниците може да следат програми!

lslcrew

Senior Member

Joined: 14-Jan-2008
Location: Skopje
Online Status: Offline
Posts: 10988

Quote

Reply #153 Posted: 27-Sep-2008 at 15:01

Извадок од објава...

Костовски: Скопјани треба да имаат бесплатен јавен превоз

... Костовски ја критикуваше идејата на Владата да купи 102 „даблдекери“ и да му ги подари на ЈСП и потсети дека централната власт еднаш го спречи градот да го обнови возниот парк на претпријатието. - Тоа е срамота и залудно потрошени пари. Сигурно возилата ќе чинат и по 400.000 евра. Со толку многу пари може да се направи многу повеќе. Неразбирливо е и тоа што воопшто не се слушаат укажувањата од ниту еден експерт дека таквиот вид превоз нема да биде соодветен. А ние од целосно неразбирлива логика загубивме шанса да купиме многу квалитетни автобуси што ги исполнуваа стандардите Еуро 4 и Еуро 5. Тие ќе не чинеа по околу 70.000 евра. Но Владата не спречи да се задолжиме без образложение. Наводно за да не сме го зголемеле вкупниот јавен долг. За жал, локалната самоуправа сè уште нема можности самата да се задолжува и мора да бара дозвола за тоа од централната власт - објасни Костовски.

http://novamakedonija.com.mk/DesktopDefault.aspx?tabindex=2&tabid=2&fCat=1&top=1&EditionID=194&ArticleID=8023

Edited by pbanks - 04-Dec-2008 at 10:55

pbanks

Admin Group

Joined: 01-Sep-2007
Location: Skopje
Online Status: Offline
Posts: 9141

Quote

Reply #154 Posted: 13-Oct-2008 at 16:08

Reality check... Ohno

Тоа значи дека ќе се потрошат толку многу пари за во еден замав да се реши јавниот превоз во Скопје.

On the bright side, со волку голема бројка барем дефинитивно нема да гледаме половина од кршот кој вози по скопските улици (што ќе стане со приватнците незнам бидејќи реално тие се и во полоша состојба).

Наместо 100 Владата ќе купи 300 нови двокатни автобуси

Владата ќе набави 300 нови двокатни автобуси наместо првично предвидените 100 во тендерот за набавка на автобуси за градскиот сообраќај, соопшти вицепремиерот за европски прашања Ивица Боцевски.

Како што рече Боцевски, тендерот ќе биде спроведен од Министерството за транспорт и врски и потоа автобусите во форма на донација ќе му бидат предадени на ЈСП.

“Ова е значајно бидејќи инвестирањето во квалитетот на живеењето е инвестиција која што е клучна и критична за секоја земја. Владите во современото општество мора да влијаат да се подобри можноста на граѓаните за пристап во до јавниот транспорт кој влијае и врз бизнисот и културата“ истакна Боцевски.

Тој потенцира дека станува збор за автобуси кои ќе бидат според најмодерните стандарди и најсовремените еко стандарди како и дека ќе бидат климатизирани и ќе имаат рампи за лицата со посебни потреби.

“Двокатните автобуси ќе му го вратат шармот на Скопје кој што го паметиме од разгледниците на тоа време кои стојат во нашите семејни албуми“ додаде вицепремиерот Боцевски.

http://www.netpress.com.mk/vest.asp?id=42011&kategorija=2

Edited by pbanks - 13-Oct-2008 at 16:16

zabegan

Senior Member

Joined: 01-Jul-2008
Location: Skopje
Online Status: Offline
Posts: 7859

Quote

Reply #155 Posted: 13-Oct-2008 at 16:23

“Двокатните автобуси ќе му го вратат шармот на Скопје кој што го паметиме од разгледниците на тоа време кои стојат во нашите семејни албуми“ додаде вицепремиерот Боцевски.
значи колку поетски се изразуваат бреее Crazy

за џабе имав толкави надежиза возниот парк на ЈСП, не знаев дека толкави идиоти има на планетава
сега уште повеќе ме плаши дека ќе бидат старите лондонски рутмастери, земајќи в предвид дека толку многу најавуваат враќање на времето Shifty

Architects create dreams...politicians create nightmares

mitatos

Senior Member

Joined: 06-Jan-2008
Location: Skopje
Online Status: Offline
Posts: 1739

Quote

Reply #156 Posted: 13-Oct-2008 at 16:46

300 se malku da vidime dali ke se iskaci brojkata, se osekam kako da sum vo aukcija

"Најлошиот град од градовите е тој што нема ред,мир и сигурност за своите граѓани" (Али ибн Еби Талиб)

Cloverstack View Drop Down

Admin Group

Joined: 01-Sep-2007
Location: Скопје
Online Status: Offline
Posts: 12453

Quote

Reply #157 Posted: 13-Oct-2008 at 16:50

Кога на вести слушнав, се понадевав дека дополнителните 200 автобуси се обични, кои само ќе ги придодадат кон 100-те веќе легендарни двокатни... Сега ми е јасно дека овие тотално одлепиле... Мислев дека си имаме работа со неодговорли популисти, ама изгледа дека си имаме работа со лудаци.

beTon

Senior Member

Joined: 25-Jun-2008
Online Status: Offline
Posts: 3893

Quote

Reply #158 Posted: 13-Oct-2008 at 19:08

Originally posted by Cloverstack

Кога на вести слушнав, се понадевав дека дополнителните 200 автобуси се обични, кои само ќе ги придодадат кон 100-те веќе легендарни двокатни... Сега ми е јасно дека овие тотално одлепиле... Мислев дека си имаме работа со неодговорли популисти, ама изгледа дека си имаме работа со лудаци.

досега по мене беше оправдан чекорот 100 тката, додека сега веќе е популизам, мирисот на владината интервенција долго ќе се чувствува низ СК, најверојатно ова се должи на инаетот со градските власти на сите нивоа.

владата заради EHF EURO '08 се залета да го нашминка СК а и да ја исполни изборната програма па се отпочнаа разно разни интервенции на сите полиња и донекаде се изгледаше подмачкано, но неочекуваше да добие опструкции од градот за својот шминкерски излет кој во секој случај е повеќе од добредојден но премногу исфорсиран, а откако “лавчето од илинденска бб“ ја презеде организацијата на EHF EURO 2008 од “бувот од илинденска бб“ стана јасно дека трифка скроз нема интерес за првенството па истиот толку се заангажира со отпочнување на нови проекти во скопската инфраструктура (илинденска) и успорување на постојните (континентал и гоце), па така сега и многу фајде нема да се види доколку по раскопани и блокирани улици се движат двокатните автобуси, одтука мислам дека произлезе овој популистички инат и одложување на набавката. за да бидат работите уште по смешни инаетот се префрли и на улица па преку нерегулираниот сообраќај денес заради зафатите во инфраструктурата го осетија и скопјани на свој грб...

иако популизам, мислам дека нема да му штети на СК ваквиот упад што би рекол ти кловер, дури се надевам дека ќе упаднат уште на почетокот околу трамваите, па да донесат и двокатни трамови. но дефинитивно ќе му фалат на СК старите добри унгарски икаруси со кои сите пораснавме, абе за современа младина мора современи автобуси LOL . што е до футуризмот набрзо ќе има интересна појава во јавниот сообраќај, но за тоа подоцна...

lslcrew

Senior Member

Joined: 14-Jan-2008
Location: Skopje
Online Status: Offline
Posts: 10988

Quote

Reply #159 Posted: 14-Oct-2008 at 00:24

Владата ќе купи 302 нови двокатни автобуса

Грубите пресметки покажуваат дека за толку автобуси се потребни меѓу 60 и 75 милиони евра

Снежана Калабакова

Владата решила да купи 302 новопроизведени двокатни автобуси наменети за јавниот превоз. Иако на завчерашната маратонска владина седница министерот за транспорт, Миле Јанакиески, не потенцираше дали сите автобуси ќе бидат за ЈСП, или можеби дел од нив ќе го подноват возниот парк и во некои од другите градови во земјава, сепак, неофицијално дознаваме дека автобусите ќе бидат наменети за јавниот превоз на Скопје. Така, само за малку повеќе од два месеца, Владата втор пат ја менува одлуката за бројот на автобусите што сака да ги набави. Првичното решение да се купат 45 обични автобуси набрзо беше преиначено во набавка на 102 двокатни автобуса. Сега, еден месец по објавување на тендерот, одлучено е да се купат 302 нови двокатни автобуса.

ЈСП „Скопје“ моментално располага со возен парк од 360 автобуси, од кои 290 постојано се движат на градските улици. Набавката на нови 300 автобуси би требало да значи речиси комплетно обновување на возниот парк на ова претпријатие, кое опстојува шест децении со автобуси со просечна старост од над 15 години.

Според Министерството за транспорт, првите 102 автобуса ќе се набават во текот на 2009 година, а останатите 200 во наредните две години.

Оваа последна одлука отвори повеќе прашања во јавноста. Владата не кажа колку средства ќе издвои за набавка на три пати поголема број возила за градски превоз. Но, ако се земе предвид дека просечната цена на автобус кој ги има сите перформанси што ги исполнуваат владините барања изнесува од 200 до 250 илјади евра, тогаш е јасно дека Владата ќе треба да инвестира меѓу 60 и 75 милиони евра ако сака да купи 300 квалитетни еколошки двокатни автобуси. Покрај парите за набавка, дополнителни средства ќе треба да вложи и ЈСП „Скопје“ за обука на возачите и за преадаптација на автобазите, сервисите и сите други објекти во кои треба да влезат двокатните автобуси. Првичните „груби“ калкулации во претпријатието покажале дека за ова ќе им бидат потребни околу 500 илјади евра.

Првиот човек на ЈСП „Скопје“, Александр Бошковиќ, вели дека биле информирани оти ќе бидат набавени нови 300 двокатни автобуси, бидејќи претставник на претпријатието бил вклучен во тендерот.

„Владата, веројатно, веќе обезбедила средства штом соопштува дека ќе набави 302 автобуса. Само два од нив ќе бидат од отворен тип и ќе се користат во градскиот сообраќај во Охрид, а сите други ќе го покриваат градскиот и приградскиот сообраќај во Скопје. Но, затоа сега ќе мора да размислуваме и за издвојување средства за приспособување на сите придружни објекти на новите двокатните автобуси“, објасни Бошковиќ.

http://utrinski.com.mk/?ItemID=7B53E13941125F47A59395332B97FCF5

Да биде перверзијата поголема: 302 !!!

assyst