Јас имам едно прашање. Што се тие бетонските со врата, поставени покрај пругата на секој километар или нешто (мислам дека се влез за подземја, но не сум сигурен), дали се тие за струјата? Бидејќи ги гледам само на електрични пруги, и само во Македонија (во Грција немам видено).
Еве да го илустрирам прашањето на гитар, за оние кој не ги приметиле - лево на сликата
So ogled na toa,deka i patnite premini spagaat vo signalno sigurnosni uredi i se vo megusebna zavisnost so zeleznickite signali (ako patniot premin ne e obezbeden,zeleznickiot signal e vo polozba "stoj"), vakvi kukicki mozat da se vidat i pokraj niv.
Vladimir, ako ne se lazam ova e patniot premin za lopate (pod kumanovo).Ovoj PP vazi za eden od najopasnite patni premini vo MK. Ne e zgodno so voz da go pomines, a kamo li da slikas vo negova blizina... tomo441
Vladimir, ako ne se lazam ova e patniot premin za lopate (pod kumanovo).Ovoj PP vazi za eden od najopasnite patni premini vo MK. Ne e zgodno so voz da go pomines, a kamo li da slikas vo negova blizina... tomo441
Точно, Томо тој е преминот, за жал един од илјадниците проблематични за вас во транспорт
Originally posted by zookisk
pozdrav Tomo441 i dobredojde na forumov... e sega imame ekspert za zeleznica isto kako mene LOLLOLLOLLOLLOLLOLLOL
Зоки, експерт - професионалец, па тоа и на двајцата ви е струка, а нас сама преубаво хоби а на некого и страст
Повеќе
од 10 илјади евра по основ на камати, платиле железничките компании на
Управата за јавни приходи, поради доцнењето на платите.
Од
почетокот на годинава двете компании во МЖ секој месец ги пробиваат
законските рокови за исплата на плата. Во меѓувреме управата пресметува
нова камата што ќе треба да се плати за мајското доцнење.
Нередовноста
во исплатата значи дека секој месец од салдото на МЖ се двојат по околу
2 илјади евра за казни. Освен каматите, законот предвидува и
дополнителни парични санкции за фирмите што ги пробиваат законските
роковите.
Сепак досега вакви санкции не стигнале до двете
државни компании во железницата... иако роковите се пробиваат веќе 5
месеци, казни за претпријатијата што се под државна капа засега нема.
Доцнењето на платите, во неколку наврати е причина вработените да ги
запрат возовите.
Незавидната финансиска позиција на компанијата
доаѓа по намалениот обем на работа, но освен ова доцнат и ветените
субвенции од 2 милиони евра - што владата лани ги најави за патничкиот
сообраќај.
Зошто во минатите години на големо се отпуштаа железничари ради превработеност, трансформација итн итн... За сега така едноставно да се начукаат 400 „подобни“ за само една година??? Ќе извини господинот министер, ама со вакво темпо и во вакви околности, приказната за „подмладување“ не делува баш многу убедливо!
Само напред! Вака сигурно ќе процветаат и инфраструктура и транспорт...
Еве ја веста и во пишана форма
Железничарите добија плата, проблемите остануваат
вторник, 30 јуни 2009, 18:08
Вработените
во двете компании на Македонски железници - Транспорт и Инфраструктура,
денеска добија плата, откако во петокот штрајкуваа и блокираа дел од
македнските пруги. Во Синдикатот се задоволни, но велат дека проблемите
во Македонски железници се подлабоки. Двете компании, според
синдикалците, пропаѓаат поради лошо спроведената трансформација.
Дел
од вработените, при неодамнешниот штрајк, отворено обвинија дека само
во последната година, во Македонски железници биле примени 400 нови
луѓе по партиски клуч . Директорите на двете фирми не сакаат да
коментираат за превработеноста и за наводните партиски вработувања во
Железници. За министерот Јанакиески, примањето нови луѓе било
подмладување на кадарот.
За трансформацијата, Владата доби
пари од Светската банка, со кои требаше да се модернизираат Македонски
железници. Претпријатието се подели на две нови фирми: Транспорт, кое
Владата се надеваше да го даде под концесија, и Инфраструктура, која
остана во државна сопственост. Три години по поделбата, парите се
потрошени, а инвеститорите не покажуваат интерез за влез во Македонски
железници, каде работат близу 3000 луѓе.
По најавата за визна либе-рализација за многумина граѓани првата помисла беше дека ќе се качат на воз и ќе фатат правец кон досега за нас подзатворената Европа. Колку „Македонски железници“ се подготвени за тој предизвик се обиде да провери нашата екипата, патувајќи со воз на релацијата Скопје - Прилеп.
Првата пречка на која наидовме беше куче-скитник, кое мораше да го заобиколиме за да влеземе во приземјето на главната железничка станица во Скопје. Редицата патници чекаа пред единствената билетарница што работи, иако има уште десет до неа. Присутна беше нервозата кај тие што чекаа, за разлика од смиреноста кај неколкутемина странци, кои поседнале на скалите што водат до првиот кат од двокатната станица. Причината што „одмораат“ на нечистите скали е чекалницата заклучена со синџир и голем катанец. Отклучената чекалница, пак, е стара, несоодветна, полутемна, непроветрена, полна со муви...
- Погледнете го плафонот, во секој момент може да падне. Ескалаторите не работат со години и никој ништо не презема - вели еден патник. Тој советува да се качиме најгоре на пероните, каде што барем воздухот е почист за дишење, бидејќи тука е застоен и измешан со мирисот на санитариите, за кои се наплаќа 10 денари.
Голем број патници веројатно го имале истиот заклучок и стојат горе на десетте перони, многу порано отколку што е потребно. Ако не се внимава, лесно може рабовите на пероните, кои се одронуваат, да ве „турнат“ на шините. Времето поминува и во истражување дали и кој од неколкуте големи часовници, кои се поставени на пероните, работат. Повеќето покажуваат дека времето овде застанало веднаш по 70-тите години на минатиот век, кога одлично замисленото здание било направено.
За министерот се Чистело интензивно
Нашиот воз со број 4901 на релацијата Скопје - Битола тргна на време, во 6 часот и 45 минути. Задоволство од навременоста го наруши силна смрдеа уште на влезот во еден од вагоните. Отворената врата од тоалетот само ја покажа причината за тоа. Но, нема време да се погледнат детали, масата луѓе што силно се турка за да зафатат место во купеата едноставно те носат напред. Патниците влегуваат во едно, па во друго купе и токму кога заклучивме дека се некултурни и пребирливи сфативме, дека сето тоа е поради барање барем малку почисто место за седнување. Со години неиспран тапацир, кој фатил мрсна кора, влакна, првут, дамки од јадење, тоа е првичната слика кога ќе влезете во купето со шест седишта.
- Треба самите да си го подзачистиме седиштето и пак со гнасење седнуваме. Потпирачките за глава воопшто не ги користиме, освен ако не заспиеме, па не сакајќи се потпреме - низ смеа вели студентката Христина Костадиновска, додавајќи дека, за жал, навикнала на ова па и не реагира како пред две години кога почнала често да патува на релацијата Скопје - Битола.Иако возот со пет вагони, кои се стари по 50 години, се пристигнати од депо каде што имале време да ги подзачистат и поправат, наидувавме на нечисти прозорци и врати, скршено парно во ходникот и сл.
- Кога пред еден месец МЖ ги посети министерот за транспорт и врски, вагонот во кој тој се возеше претходно се чистеше цела недела и едвај беше доведен во пристојна состојба - ни објасни вработен во ова државно претпријатие. Неколкумина негови колеги, кои секојдневно се возат со воз, поради големите бенефиции што ги добиваат, ни го потврдија истото што и еден патник, кој видел стаорец како ѕирка од кутијата на парното. Во зима, велат, ги има повеќе оти е топло.
Само цената е прифатлива
Во Велес на возот му додадоа уште два вагона, но не патнички, туку цистерни. Се направи композиција каква скоро никогаш не може да се види низ светот. Патнички вагони и цистерни заедно.
Колку возот се движеше побрзо (ако е брзо 70 км/час) толку повеќе вагоните се нишаа и тресеа. Слабите амортизери предизвикуваат потскокнувања, кои не би требало да бидат карактеристика на патување со воз. Ако на тоа се додаде дека и покрај забраната секаде и секој што ќе посака пуши, и не не' зачуди случката кога една мајка го изнесе своето дете во ходникот да повраќа.
- Па јас избрав да го возам синот со воз до Битола само за да го избегнам мачното патување во нашите автобуси. Ама ова било полошо. А сега ако ми побара и во тоалет да го однесам што ќе правам, таму уште и зараза да закачиме - вели револтираната мајка. Разговорот ни го прекина наглото затемнување, влеговме во тунел. Немаше никакво осветление ниту во купеата ниту во ходникот.
- Овдешните возови се како за во музеј. Ме загрижува колку се несигурни - вели Сузана Квакик од Англија, која како што рече од учтивост нема да прави споредба со возовите во нејзината држава.
На релацијата Велес - Прилеп возот застануваше на станици што не личат на тоа. Некои дури се и со паднати покриви.
- Поради ова доцниме скоро секогаш, ама цената е поприфатлива од автобуската па патувам со воз - вели Тања Димова.
За неа е необјасниво како не се подобруваат условите во возот иако тој работи рентабилно оти секогаш е полн со патници што купиле карти.По ваквото патување, навистина бевме среќни кога стигнавме во Прилеп. Наместо во 9 и 25 минути од вагонот слеговме во 10 и 5 минути. Сите беа задоволни од толку „малото“ доцнење. Не' пречека перон обраснат со трева и мала зграда на Железничката станица направена во 1931 година. Се чини не е реновирана од тогаш. Ова е местото од каде што кон Скопје и Велес тргнуваат или се враќаат најмногу патници во Македонија, но има само еден мал шалтер и чекалница со само три-четири клупи и упропастен под. На ѕидовите има графити од времето кога некои заминувале во ЈНА. По само 10 минути откако пристигнавме, вработените со катанец ја затворија влезната врата. Немало потреба некој да влегува оти повеќе часови ќе нема друг патнички воз. Празната зграда ќе го чека истиот воз да се врати од Битола и пак да тргне за Скопје, а од в година и кон Европа...
Антонио Спасев (Утре: Како вози 60-годишна локомотива по уште постара пруга)
По најавата за визна либе-рализација за многумина граѓани првата помисла беше дека ќе се качат на воз и ќе фатат правец кон досега за нас подзатворената Европа.
Прв посериозен текст на наш новинар за состојбата во која ни се наоѓаат железниците. Нема што да додадам, освен моето патување со воз до Белград пред една недела. Морам да признаам дека оваа година возовите кон Белград каснат многу помалку од минатата година, а и можеа да се најдат чисти вагони. Тоалетите беа чисти, а имаше и вода за да се измијат раце. Знам дека набројувањава се глупави бидејќи се работи за основни потреби, но треба да се споменат знаејќи ја ситуацијата кај нас.
Бенефициран стаж е единст-вената привилегија за маш-иновозачите во Македонски железници за умешноста да управуваат околу 60-годишни локомотиви по уште постари пруги и да се грижат за безбедноста на илјадници патници. Екипата на „Дневник“ патуваше од Велес до Богомила во кабината на моторовозачот со цел најдиректно да ја регистрира „привилегијата“ на луѓето што управуваат прастари дизел-локомотиви и по 12 часа дневно.
Низ малата железна врата влеговме во тесната кабина кај моторовозачот Блажо Мајнов и неговиот помошник Јонче Николовски. Бучавата е голема од дизел-машината со 1.950 коњски сили. „Коњите“ виждат, а од нив не' делат само неколку лимови што дихтуваат како прозорци на зграда пред распаѓање. Буквално се дереме за да се разбереме меѓусебе. Влезете, влезете во нашиот дел од пеколот. Ова е нашето 12-часовно секојдневие - ни довикнува Николовски, обидувајќи се да најде место каде што барем ќе може да стоиме и тоа поднаведнати, оти е многу ниско.
Дишење низ прозор
Моторовозачот преку прозорецот примаше упатства од главниот на Железничката станицата во Велес за тоа во каква состојба се шините што следат. Набрзина ги прегледа долгите листи, ѕирна кон неколкуте застарени инструменти и копчиња пред себе и со десната рака ја сврте рачката налево. Даде полн гас. Бучавата толку се засили што речиси и не можеше да се чуе инаку пресилната сирена што ги опомена сите што се надвор дека големата композиција тргнува.
- Ајде, машино, ајде „Кенеди“ - довикна Мајнов додека тресењето во кабината буквално не' поткренуваше од подот. По неколку минути американската дизел-локомотива, која е донесена во Македонија по земјотресот во Скопје 1963 година (затоа и ја нарекуваат нагалено „Кенеди“, по тогашниот претседател на САД), постигна брзина од 75 - 80 километри на час. Тресењето и бучавата тогаш малку се потсмирија.
- Може да оди и до 100 км/ч, но не е пожелно такво брзање - низ смеа ни објаснува моторовозачот. Заради сигурност и безбедност на патниците, пред секое тргнување тој, заедно со помошникот, детаљно ја прегледува локомотивата најмалку еден час. Сепак и прегледите и ремонтите не може да помогнат од сите страни во кабината да не влегува чад од моторот. Мириса и на нафта, која во резервоарот ја има 3.000 литри. Тешко издржливата задушливост дополнително ја зголемува и високата температура. Иако цело лето во овој простор температурата е над 40 степени, еркондишн немаат.
- Се ладиме, а истовремено и дишеме чист воздух само со главите извадени низ прозорци. Затоа и сме постојано болни - објаснуваше Николовски и одеднаш подвикна:
- Кочи! Имаме автомобил на пругата, преминува див премин.
Моторовозачот нагло одзеде гас, повлече и рачка за кочење и почна силно да свири. Поминавме покрај возилото (кое навреме се повлече) со брзина од 40 километри на час.
- Во вакви случаи не можеме ништо повеќе. На тешката локомотива со плус седум вагони и' требаат цели 700 метри да закочи ако се движиме како сега, со 80 км на час. Затоа ова е многу, многу стресна работа - ни објаснуваат двајцата.
Скромните седишта на кои седат возачите и инструментите се поставени од двете страни на локомотивата и така имаат целосна прегледност на патот пред и зад себе. Со довикување си разменуваат важни информации.
Украдена сигнализација
Покрај многуте диви премини, дополнителен стрес за нив, особено кога возат кон Кичево, се и намерно ставените камења или дрва на шините од несовесни граѓани. Ако не се доволно будни, како што велат, лесно може со цела композиција да излетаат од пругата.
- Некои сигнални и претсигнални знаци и семафори не работат, па не знаме што не' очекува пред влез во станица. Дали патот е затворен или не. Несовесни луѓе ги крадат покажувачите сосе жиците што се поставени покрај пругата, а преку нив се упатуваат командите до нас - се жалат машиновозачите на тешкотиите со кои секојдневно се судираат, укажувајќи ни дека поради тоа не треба сите критики за доцнењата да им се упатуваат ним.
Погледнавме во патниот налог и заклучивме дека доцниме 20 минути во станицата пред нас. Повторно почна истата процедура, листи од пругата, внимателност дали се' е во ред со сите инструменти, дали сите безбедно се симнале и качиле во вагоните и потоа гас, тресење, бучава и залет од 80 до 90 километи на час. По неколку такви тргнувања и застанувања, едноставно се заматува главата.
- Тешката работа ни овозможи да имаме бенефициран стаж, но сега сме во неизвесност оти се најавува нова регулација околу тоа. Ќе ни кратат сигурно - велат нашите домаќини, испраќајќи не' до скалите по кои се симнавме од врелата локомотива.
Влеговме во малку попријатна атмосфера во вагоните. Блажо и помошникот си ја продолжија работата во кабината и во истите услови во кои работат 30, односно 23 години.
Двата текста ми беше просто незгодно да ги читам несакајќи да се соочам со вистината како голем возољубител и фан на желизницата, но вистината е таа и некогаш може стварно да боли.
Мала забелешка на текстот; локомотивите не се испорачани после земјотресот т.е. 1963 него сукцесивно од 1960 па понатаму, во конкретниов случај ако е локомотивата од илустрацијата во весникот МЖ 661-235 таа е произведена 1970 а испорачана во осми месец истата година.
Илустрација на управувачницата на серијата МЖ 661 - „Кенеди“ дизел локомотива
Сликано од седистето на машиновозачот
Прозорот преку кој гледа машиновозачот а од другата страна и помошникот
Владимир, дали МЖ има вагони кои дозволуваат транспорт со велосипеди? Знам дека кај Deutsche Bahn речиси секој патнички воз има по еден таков вагон, ама не знам како е кај нас тоа, и дали се плаќа посебна карта
Супер е сајтот иначе
Помогнете во Македонската Википедија - Слободна енциклопедија!
You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum
Quote 
Topic Options
