Навивам за Аеродром да се гради по теркот на Нови Београд. Само така можеме да се надеваме на целосен урбанизиран развој на Скопје. За Центар се согласувам, меѓутоа си имаат свој градоначалник којшто очигледно сеуште е со мислите кон бизнисот. Плус не е туку така едноставно да се среди центарот на еден транзициски главен град. Има многу јадачи што не ги даваат така ефтино парцелите. Затоа и не ме зачудува што се повеќе граѓани се селат од други општини во Аеродром. Само ќе биде интересно како сообраќајно ќе го решат проблемот после изградба на веќе започнатите висококатници. Да се надеваме дека имаат план.

Турците се подготвуваат да направат Менхетн од Скопје

Големите градежни компании од Турција сметаат дека во нашиот главен град има премногу празни и неискористени места на кои би можело да се направат облакодери
Десетина турски компании се дојдени во Скопје на саемот за градежништво и ги испитуваат пазарот на недвижности и условите за инвестирање во градежништвото, како и можната соработка со македонски фирми, општини и поединци. Најмногу сакаат да градат големи станбени комплекси и облакодери. Тие претходно ја испитувале состојбата со концентрацијата на вакви објекти во државава и заклучиле дека има големи потенцијал за заработка ако се вложи во овој бизнис во нашата држава. Сите се заинтересирани главно за Скопје, а потоа за неколкуте града во кои може да се води и развива туризам. Бахадир Арпачи, директор за Македонија на турската фирма „Темелташ“, вели дека тие веќе година и пол се присутни кај нас и доаѓаат како претходница на големите турски градежни компании што се подготвуваат да дојдат во наредниов период. - Мојата компанија работи на специфични работи во градежништвото. Работиме на истражување на почвата со дупчење на големи длабочини, геофизички прегледи, тест на пропустливост, дупчење на водна површина, изработуваме мапи на геолошки студии и геотехнички извештаи. Во Македонија нема конкуренција за оваа работа. Ние сме веќе тука и во наредните години очекуваме градежништвото да доживее вистински бум. Немате високи згради, облакодери. Имате многу празен и неискористен простор. Планираме да работиме за ваши компании и главно ќе ги очекуваме турските градежни гиганти, кои верувам дека нема да ја заобиколат Македонија. За нив ќе работиме како подизведувачи - вели тој. Арпачи појаснува дека со идното влегување на државава во ЕУ и во НАТО се очекува Македонија, а особено Скопје, да стане регионален центри на Балканот од секоја гледна точка. Тој посебно нагласува дека на Скопје му е се потребни објекти што ќе бидат градени исклучиво со висок квалитет и со длабински истражувања на почвата, нешто што сега не е случај. - Скопје се наоѓа на ризично трусно подрачје и треба да се внимава на тоа. Ние дупчиме темели со дијаметар од два метри во длабочина до 60 метри. Ова е предвидено за огромни објекти, а тука сега ретко кој го прави тоа. Имаме меѓународно искуство, кое ќе го покажеме и во Македонија - појаснува Бахадир Арпачи. Тој објаснува дека во државава ќе донесат и знаење и технологија, но работа ќе обезбедат само за нивните вработени. Велат дека имаат доволно стручен кадар, а во потрага во работа и профит ќе ловат бизнис-зделки и кај нас. Турските бизнис-интереси сé почесто ја нагласуваат државава како можна инвестициска зона. Традиционално добрите односи со Турција ќе обезбедат брза и плодна соработка меѓу фирмите, но прашање е колку ние како држава или приватен сектор можеме да извлечеме бенефиција од сето ова или ќе останеме само неми набљудувачи на состојбите. Во урбанистичките планови во главниот град веќе пет-шест години има предвидено маркички за високи згради. Три такви треба да се градат на големиот паркинг спроти хотелот „Холидеј ин“, а уште три покрај булеварот Србија, близу населбата Лисиче, чија максимална висина може да биде дури и 500 метри. Ако се најде некој да изгради толкав објект, тој би бил меѓу петте највисоки во светот.

http://www.novamakedonija.com.mk/NewsDetal.asp?vest=3311921427&id=10&setIzdanie=22221

Е ајде конечно нека се бутне кршот карши Холидеј Ин!!!

Баш така, си кажуваат дека пазаров и подрачјево имаат потенцијал и ништо повеќе, но очигледно секој си има своја интерпретација

Од пред некој ден. Сеа за сеа само се копаат дупките и се мери тлото. Деновиве забележав и големо присуство на луѓе задолжени за обезбедување.

Да се потсетиме што презентираше општина Аеродром за оваа локација




Не ми е јасно дали ова е базирано на рендери изработени од турскиот инвеститор или се работи за фантазија на аниматорот на презентацијата?
Инаку според бројноста на катовите би требало да се високи минумим 120м (40ката х 3м)

je...te, Tbilisi ali pred demokratska era. Ne sum videl do sega volku grandiozen objekt sto ostava 0 , ama bas nula, vpecatok.

ne da ostava 0 vcpecatok beter e,milsev deka turcite nesto podobro ke go napravea ama izgleda sum bil greska

АКо веќе прават нешто налик на облакодери можеле да бидат малку поинвентивни, вака ми се meeehhh .....

А ние се жалиме дека споро му оди

Турските облакодери им го зедоа сонот на аеродромци Откако турската фирма „Џеваир“ започна со интензивна изградба, жителите немаат мир од бучава и вибрации од машините Бојан Шашевски Откако во Аеродром турската фирма „Џеваир“ започна со интензивна изградба на највисоките згради во земјава, локалните жители останаа без сон. Граѓаните што живеат покрај градежната парцела што се протега меѓу касарната „Гоце Делчев“, булеварот „Србија“ и бензинската на „Макоил“ повеќе од два месеца се изложени на неподнослива бучава и силни вибрации од работата на машините во текот на цел ден, па дури и во ноќните часови. Бранко Милошевски, кој живее во една од зградите покрај градилиштето, вели дека постојано се слуша бучава, а има и силни вибрации и звуци на сечење, дупчење и стругање метали. Интензивната работа на виљушкарите, багерите и камионите им го одзема одморот на луѓето. „На градилиштето се работи 24 часа во денот, можеби и по четири смени. Интензивната бучава се слуша и во 2, 3, понекогаш и во 4 часот по полноќ. Тотално е несоодветен и нелогичен режимот на работа за едно вакво урбано, градско подрачје. Неподносливиот звучен бран ги зафаќа станбените објекти покрај касарната ’Гоце Делчев’, почнувајќи од зградите поставени паралелно од пазарчето кај ТЦ ’Бисер’, па се' до блоковите до булеварот ’Србија’“, вели Милошевски, објаснувајќи дека освен што пробале да се обратат до надлежните во Општина Аеродром, со соседите побарале помош и од најблиската полициска станица. „Полицајците не сакаа да ни дадат информации околу сопствениците на парцелата и што, всушност, се гради. Единствено ни рекоа дека изведувачите на градежните работи имаат добиено дозвола од Министерството за труд и социјала да работат под полна пареа 24 часа дневно“, рече Милошевски. Од Општина Аеродром, пак, ни кажаа дека досега немале никакви поплаки од граѓаните. Но, потенцираа дека веднаш ќе ги пратат своите инспектори да ја проверат ситуацијата на терен, да го измерат изложувањето од бучава, да побараат соодветна работна дозвола од изведувачите и, доколку има потреба, ќе преземат соодветни мерки. „И да имаат турските сопственици добиено дозвола за целодневна работа од надлежното Министерство, сепак, согласно со Законот за бучава треба да се почитува дозволената децибелажа и важечките прописи со кои нема да се наруши квалитетот на живеење на граѓаните“, рече Маја Манчевска, портпаролка на Општина Аеродром. На градежната локација чуварите и работниците се оградија од какви било информации за работата околу висококатниците. Не кажуваат дали се работи во доцните ноќни часови, какви машини ја произведуваат неподносливата бучава и дали работат во законски рамки. „Ќе се работи онолку колку што треба. И дење и ноќе. Не постои машина на светот што може да работи нечујно“, кратко одговори еден од градежниците. Инаку, облакодерите во Аеродром ги гради „Турк-мак“, домашниот претставник на турскиот холдинг „Џеваир“ од Истанбул. Турците победија на минатогодишното наддавање за градежната парцела, кога за 4.700 денари за квадрат добија можност да градат висококатници на површина од 21.150 квадратни метри. За земјиштето платија 1,6 милиони евра. Иако според ДУП на местото е предвидена изградба на станбени објекти меѓу 33 и 124 ката со максимална висина од 500 метри, инвеститорот одлучил да изгради четири објекти по 40 ката. По лицитацијата, сопственикот на турската фирма, Ибраим Џеваир, најави изградба и на трговски центар и голем паркинг.

http://utrinski.com.mk/?ItemID=7FA2DCEA0F9B944680CFE9BC2974ED31