Јавен автобуски превоз (општо) |
Post Reply | Page <1 838485 |
Author | |
stef4o
Moderator Group Joined: 20-Oct-2015 Location: Skopje Online Status: Offline Posts: 20006 |
Quote Reply #1681 Posted: 21-May-2023 at 13:53 |
Превозниците неделава се вклучуваат во сообраќај
Приватните превозници од почетокот на неделава ќе се вклучат во сообраќај. Градоначалничката на Град Скопје, Данела Арсовска истакна дека ги потпишала решенијата по огласот за доделување пакет-линии за вклучување на приватните превозници во јавниот градскиот превоз. – Решенијата се веќе потпишани, правосилноста е веќе настаната и на почетокот на неделава, приватните превозници ќе се вклучат во сообраќај, најави таа. Со вклучувањето на приватните превозници со своите автобуси, ќе се зголеми бројот на возила во јавниот градски превоз. Со тоа ќе се намали и метежот во нив, а воедно граѓаните повеќе нема да чекаат со часови на автобуските постојки. Инаку, со последниот оглас, кој беше објавен по четврти пат, се бараа превозници за три пакети линии. Во првиот пакет беа опфатени линиите со броевите „23“, „45“, „61“, „63“ и „73“, за чие опслужување се потребни најмалку 35 автобуси и 76-мина возачи. Вториот пакет се однесува на превоз на линиите „9“, „11“, „11а“, „12“, „47а“ и „55“. За автобусите да може редовно да сообраќаат на овие релации, потребни се 39 автобуси и 83 возачи. Третиот пакет ги опфаќаше линиите „19“, „20“, „22“, „52“ и „54“, за што се бараа вкупно 41 автобус и 87-мина возачи. Третиот оглас пропадна, како што објаснија од Град Скопје поради нецелосна документација на приватните превозници. https://www.vecer.press/превозниците-неделава-се-вклучуваат/ |
|
Carpe diem
|
|
Magdalena
Newbiе Joined: 25-Jul-2023 Online Status: Offline Posts: 5 |
Quote Reply #1682 Posted: 16-Aug-2023 at 12:01 |
this is perfect, yet until an answer is found to change that piece of waste from the roads, this sort of information is optional. I truly don't have the foggiest idea how they didn't treat this issue in a serious way, the city, the state, everybody... to see where the financing is spilling, to see as a model, it can't be difficult to track down. In any case, there is no serious discussion about this by any means, or possibly we don't know about it, and the result of such one-sided drives is clear ahead of time.
|
|
stef4o
Moderator Group Joined: 20-Oct-2015 Location: Skopje Online Status: Offline Posts: 20006 |
Quote Reply #1683 Posted: 24-Aug-2023 at 17:37 |
ШЕСТ НОВИ АВТОБУСИ ЗА ЈАВНИОТ ПРЕВОЗ ВО ШТИП И ЕДЕН ЗАЕДНИЧКИ СО ОПШТИНА КАРБИНЦИ
Општина Штип набави шест нови автобуси за потребите на јавниот превоз кој ќе стартува од први септември. Приоритет во јавниот превоз ќе имаат учениците, а ќе го користат и останатите граѓани. „Според веќе донесените одлуки и утврдениот возен ред од страна на Советот на Општината предвидени се седум линии кон сите правци во градот, неговата околина и до приградските населби. Станиците се веќе обележани, а почетна односно последна станица ќе биде Трговскиот центар во Штип. Превозот ќе почнува од шест часот до 19,30 часот. За поголемите населби јавен превоз ќе има и преку викендите“, рече градоначалникот на Штип Иван Јорданов кој ги пречека новите автобуси и веднаш ги пушти во сообраќај. Општина Штип ќе има заеднички јавен превоз и со Општина Карбинци, па така од понеделник до петок неколку пати во денот ќе има автобус од центарот на Штип, населбите Баби, приградската населба Караормнан, селото Карбинци и крајната дестинација е селото Радење и обратно. „За учениците превозот е бесплатен, а за останатите цената на поединечниот билет за градскиот превоз ќе изнесува 30 денари, а за населбите во Општината во зависност од одалаченоста ќе изнесува 35, 40 или 60 денари во градот, 70 денари до селото Карбинци и 90 денари за најодалечената дестинација, селото Радење. Повратните билети ќе чинат од 50 до 140 до Радење, а месечните билети ќе се движат од 700 денари за градските линии до 1.300 денари за најодалечените места“, вели Панче Стефановски, директорот на ЈП „Стипион“ кое ќе стопанисува со јавниот превоз. Според него, во наредниот период јавниот превоз ќе се надополнува со нови автобуси и со нови линии кон населбите и селата во Општината кои не се опфатени во оваа фаза. https://sdk.mk/index.php/dopisna-mrezha/shest-novi-avtobusi-za-javniot-prevoz-vo-shtip-i-eden-zaednichki-so-opshtina-karbintsi/ |
|
Carpe diem
|
|
stef4o
Moderator Group Joined: 20-Oct-2015 Location: Skopje Online Status: Offline Posts: 20006 |
Quote Reply #1684 Posted: 18-Jan-2024 at 19:40 |
ВО ПОНЕДЕЛНИК ЌЕ НЕМА АВТОБУСИ ВО СКОПЈЕ, ВРАБОТЕНИТЕ НЕМААТ ЗЕМЕНО ПЛАТА ЗА ДЕКЕМВРИ
Во понеделнк нема да возат автобусите на ЈСП „Скопје“ затоа што вработените во градското претпријатие немаат земено плата за декември. Нема да работи ни администрацијата, ниту возачите. ЈСП „Скопје“ не може да подели плата затоа што одлуката за доделување на субвенции во висина од 11 милиони евра од Град Скопје не помина затоа што за неа не гласаа советниците од ВМРО-ДПМНЕ. „Законски рок за исплата на плата е 15 јануари, денеска сме 18 јануари, а плата немаме добиено, ниту има пари да се подели бидејќи претпријатието нема пари. Бараме итно да се свика седница и да се подели плата“, вели Миќо Стојановски од синдикатот на ЈСП. Од синдикаторот на ЈСП велат ако до недела не се закаже вонредна седница на која ќе се доделат субвенции, в понеделник престануваат да работат. Градоначалничката Данела Арсовска вели дека таа свикала вонредна седница, но точката за субвенции за ЈСП претседателот на Советот Трајко Славески ja отстранил од дневниот ред. „Како што можете да видите побаравме нова вонредна седница, истата сѐ уште не е свикана до овој ден. Доколку сакаат свесно да ги уништат претпријатијата, одговорноста е нивна, ние од наша страна сѐ што сме можеле сме направиле. Од нивното однесување на луѓето им зависи егзистенцијата, но и целосното функционирање на Скопје“, рече Арсовска. Претседателот на Советот на Град Скопје Трајко Славески вели дека Арсовска не дошла на вонредната седница и затоа не била ставена на дневен ред оваа точка. „Точката за субвенции ќе ја ставев после вонредната седница, но таа не се одржа затоа што Арсовска не дојде, очигледно имала партиски активности. Советнциите гласаат по сопствено убедување, но не може Градот постојано да дава пари на ЈСП, а никаква траспарентност да нема како се трошат парите“, вели Славески. https://sdk.mk/index.php/dopisna-mrezha/vo-ponedelnik-ke-nema-avtobusi-vo-skopje-vrabotenite-nemaat-zemeno-plata-za-dekemvri/ |
|
Carpe diem
|
|
zabegan
Senior Member Joined: 01-Jul-2008 Location: Skopje Online Status: Offline Posts: 7859 |
Quote Reply #1685 Posted: 21-Jan-2024 at 03:55 |
абе ало, значи не може кога како ќе им текне да малтретираат народ вака... пола од населението што користи автобуси ги плаќа и исто така земаат пари од реклами... сите инвестиции им се буквално од градот, аман
|
|
Architects create dreams...politicians create nightmares
|
|
user8642
Senior Member Joined: 18-May-2020 Online Status: Offline Posts: 2020 |
Quote Reply #1686 Posted: 21-Jan-2024 at 16:05 |
Концесии, Лиценци, Приватни превозници, Јавно-приватно партнерство. Има разни модели освен Јавни Претпријатија што се инкубатори за загуба на буџет, партиски вработувања и лош менаџмент.
|
|
podgoricki
Newbiе Joined: 23-Feb-2024 Online Status: Offline Posts: 3 |
Quote Reply #1687 Posted: 25-Feb-2024 at 09:07 |
Podgorica je u vrijeme tranzicije privatizovala javni prevoz što se pokazalo loše.
Prije dvije godine je grad počeo da preuzima linije od privatnika, za sada imamo 45 BMC neocity autobusa što je nedovoljno za Podgoricu ali je stanje svakako bolje nego što je bilo. Planirana je nabavka još 40 autobusa |
|
Џоле
Moderator Group Joined: 23-Apr-2013 Location: Скопје Online Status: Offline Posts: 15108 |
Quote Reply #1688 Posted: 26-Mar-2024 at 18:31 |
Струмичани ќе се возат во јапонски автобуси од 700.000 евра
Од: Орце Костов Граѓаните во Струмица ќе користат модерен градски превоз со автобуси кои користат електрична енергија како гориво откако јавното сообраќајно претпријатие „Струмица Транспорт“ кое го формираше општината склучи договор за јавна набавка со увозникот „Аутомакедонија“ АД Скопје за набавка на десет возила. Според договорот „Струмица Транспорт“ ќе ги набави автобусите преку лизинг на Шпаркасе банка. Возилата чинат 429,9 милиони денари или седум милиони евра со вклучен ДДВ, а годинава ќе пристигнат пет од вкупно десет автобуси од марката „Isuzu Novociti Volt“, јапонски бренд чија фабрика се наоѓа во Турција. Останатите пет возила ќе пристигнат најдоцна до средината на 2025 година. Автобусите имаат капацитет од 21 седиште плус четири склопливи седишта плус 22 позиции за стоење. Опсегот на движење на автобусите со едно полнење е околу 350 км. Имаат капацитет на батерија од 268 kWh. Тааќе биде поставена на дел од покривот на автобусот. На брзи полначи со капацитет од 150 KW батеријата се полни за околу 2,5 часа, а на полнач од 22 KW, полнењето би траело 11 часа. Вакви слични автобуси претходно набавија општинските власти во Тетово и во Куманово. https://a1on.mk/macedonia/strumichani-kje-se-vozat-vo-japonski-avtobusi-od-700-000-evra/?fbclid=IwAR0GdqNnPTExs6oHxaKvFszU8WXe9igx8GG05f4-UeHi0n96SEoXxsqyKxs |
|
За сè има вторпат
|
|
Post Reply | Page <1 838485 |
Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |