Интернет и телекомуникации

На Т-Мобиле Македонија денеска ќе му биде доделена лиценцата за 3G услуги Агенцијата за електронски комуникации на мобилнот оператор Т-Мобиле Македонија свечено ќе му го врачи одобрението за користење радиофреквенции за обезбедување јавни мобилни комуникациски мрежи и услуги од третата генерација (3G). Т-Мобиле Македонија го доби одобрението на јавен тендер, за што на државата и плати еднократен надомест од 10.000.100 евра. Одобрението ќе го врачи Петар Иваноски, в.д. директор на Агенцијата за електронски комуникации.

http://www.total.com.mk/default.aspx?mId=16&eventId=13967

Сега ми текна едно прашање поврзано со продажбата на Космофон: Се шпекулира дека заинтересирани за да се пријават на тендерот се и Мобилком Австрија, а тие нели се сопственици на вип? Е како може сега тие воопшто да се елигибилни да учествуваат, кога нели се продава космофон баш дека ист газда имаат со т-моубајл? Дали некој има информации околу ова пошто на вестите никој не се заинтересирал да го прочепка, што значи или јас не сум во право или врска немаат новинарите што се случува.

11:06 Турк Телеком доставил прелиминарна понуда за купување на Космофон Истанбул, 18 декември (МИА) - Турската телекомуникациска компанија Турк Телеком соопшти дека поднела прелиминарна понуда за купување на македонскиот мобилен оператор Космофон ...ПОВЕЌЕ

Турксел се нуди да го купи Космофон Турскиот мобилен оператор Турксел, дал понуда до грчката телекомуникациска компанија ОТЕ за купување на операторот Космофон. Информацијата ја објави новинската агенција Ројтерс, повикувајќи се на изјава на неименуван висок претставник на турската компанија. Во веста не се наведува сумата, која Турксел ја понудил за Космофон. Досега интерес за купување на Космофон пројавија Телеком Австрија и словенскиот Телеком. http://netpress.com.mk/vest.asp?id=48429&kategorija=2

Јас ич не сакам да си замине Космофон. Горе-долу тој е и најдобар мобилен оператор кај нас...

Ама ај, се надевам дека новиот што ќе дојде ќе биде уште подобар.

BTW, еден текст за Кејблтел:

„Кејблтел“ им ги кине нервите на корисниците

Граѓаните се жалат дека навреме плаќаат, а за возврат добиваат прекини во Интернет и во кабелските услуги

Александрија Стевковска

Прекини на телевизијата и по неколку часа, слаб сигнал, исклучување канали и предводи, паѓање на Интернет сообраќајот - се проблеми со кои секојдневно се соочуваат корисниците на услугите на кабелскиот оператор „Кејблтел“. Граѓаните се жалат дека навремено ги плаќаат сите сметки, кои пред неколку месеци поскапеа за 100 денари, поточно од 350 на 450 денари, а за возврат добиваат прекини во Интернет и кабелските услуги. Тоа најинтензивно се случуваше за време на новогодишните и божикните празници, кога најмногу се користи Интернет и се гледа телевизија.

Од „Кејблтел“ на овие поплаки одговараат дека проблемот наскоро ќе биде решен, бидејќи нивните екипи од вчера излегле на терен за да ги отстранат недостатоците. Но, корисниците реагираат дека таквата инертност е недопустлива ако се знае дека проблемот со кабелското опслужување постои повеќе од еден месец наназад.

„Му плаќам на ’Кејблтел‘ 450 денари за кабелска, плус 350 за дигитална телевизија, поради дополнителните канали и плус 500 денари за Интернет. Тоа значи дека овој оператор од мене добива 1.400 денари секој месец, а се што добивам од него се чести прекини во програмата и Интернет- конекцијата. Најчести прекини имаше за време на новогодишните празници, кога овие услуги ми беа и најпотребни. Најдраматичен беше моментот кога го гледав натпреварот меѓу Динамо, кој го обожавам, и Хајдук, кој не можам да го смислам, и ми снема сигнал. Е, тогаш бев подготвен на се'. Згора на се', кога сакам да го пријавам прекинот, никој никогаш не се јавува на дежурниот телефон“, се жали еден скопјанец, жител на Општина Кисела Вода.

Овој пример на незадоволен корисник на услугите на „Кејблтел“ не е осамен. Повеќе жители реагираат на лошите услуги. И додека граѓаните на Кисела Вода најмногу се соочуваат со проблемот на прекини во конекцијата на сигналите, жителите од другите делови на градот се жалат на подолг прекин на некои канали, како што е ТВ Нова.

„Ја исклучуваа Нова во време кога се емитуваше ’Операција триумф‘, но и по завршувањето на ова шоу, ние апстинираме од гледање на овој канал, бидејќи ’Кејблтел‘ често не го вклучува. Освен тоа, сигналот на оние програми кои ни се на располагање е многу слаб. Се' на се', овој оператор не нуди никаква услуга“, вели жителка на Карпош.

Образложението на „Кејблтел“ за честите прекини во опслужувањето на граѓаните со нивните услуги е дека тоа било поради прекинот во напојување со електрична енергија.

„Во реонот на Кисела Вода изминатиов период имаше прекин во напојувањето со електрична енергија, поради што нашата мрежа не можеше да дистрибуира сигнал до корисниците и поради тоа немаше можност да се следат програмите и да се користи Интернет-услугата“, вели менаџерот за програмски пакети во „Кејблтел“, Лидија Голубова.

Таа најавува дека деновиве проблемот ќе биде решен, бидејќи вчера екипи излегле на терен и работат на надминување на проблемот.

„И за нас не е пријатна ситуација, бидејќи имаме чести поплаки за прекините, но со интервенцијата на терен се надеваме дека овие проблеми ќе бидат отстранети и клиентите ќе добијат редовна дистрибуција на сигналите“, објаснува Голубова.

Поплаките на граѓаните се од оние делови каде што нема алтернативен избор за кабелски оператор. Еден од најголемите конкуренти на овој странски оператор, е домашниот „Телекабел“, кој се' уште се нема проширено во сите населби низ Скопје. Дел од незадоволните тврдат дека се пријавиле за „Макс ТВ“ на „Т-хоум“, бидејќи таа понуда е подобра, иако е поскапа.

Што се однесува до негодувањето на граѓаните дека не можат ниту да се пожалат на лошата услуга на „Кејблтел“, бидејќи никој не се јавува на телефоните, од овој кабелски оператор велат дека кога сите оператори се зафатени, корисникот добива сигнал за слободна линија, но мора да се почека или да се јави повторно. Но, оттаму изразуваат и сомневање дека операторите намерно не се јавуваат на дежурните линии.

http://www.utrinski.com.mk/?ItemID=11AB459AD934F1429B07169F5062F587

Гледам доста се жалат од Кејблтел... точно е што се збори за нив?

Edited by maestro - 21-Jan-2009 at 22:27

ШИРОКОПОЈАСЕН ИНТЕРНЕТ Стратегијата е при крај Стратегијата за развој на следна генерација широкопојасен интернет е во завршна фаза на изработка. Од Министерството за транспорт велат дека во неа се имплементирани голем дел од идеите што беа добиени при непосредната консултација со заинтересираните лица и преку интернет страницата www.epolicy.mk. Според податоците од Државниот завод за статистика и ЕУРОСТАТ, Македонија е водечка држава во регионот во користењето на широкопојасен интернет од стана на физички лица, домаќинства и компании. Со Стратегијата за развој на следна генерација широкопојасен интернет се предвидува спроведување на многу значајни проекти кои ќе создадат дополнителни поволности за зголемување на конкуренцијата и развојот во областа на електронските комуникации, како на национално, така и на локално ниво. Дел од предвидените проекти се однесуваат на креирање на единствен национален катастар за електронски комуникации, како и создавање поволна околина за развој на нови видови услуги кои се обезбедуваат преку широкопојасниот интернет. (С. Бл.) http://www.vecer.com.mk/?ItemID=7EF1B1DDBCE1F041B003D50362E7C74A

МИНИСТЕРСТВО ЗА ТРАНСПОРТ Epolicy - добитник на светскиот самит Интернет-платформата www.epolicy.mk која Министерството за транспорт и врски ја користи за вклучување на сите заинтересирани граѓани, компании и институции во процесот на креирање стратешки документи е победник на националниот избор за Наградата на светскиот самит за информатичко општество во областа е-владеење и институции. Оваа интернет-платформа е македонски кандидат за добивање на Наградата на светскиот самит за информатичко општество во областа е-владеење и институции на светско ниво. http://www.vecer.com.mk/?ItemID=0A5F59394701D4488ABECBE4533419E3

Ве молам посетете го сајтот што го пишува горе во веста  www.epolicy.mk. Видете што праќа Македонија како кандидат за награда на СВЕТСКИОТ самиот за информатичко општетство. 

Само Телеком Словенија со понуда за дозвола за дигитална телевизија Телеком Словенија“ е единствената компанија која достави понуда на тендерот што го распиша Агенцијата за електронски комуникации за доделување одобрение за користење радиофреквенции за обезбедување радиокомуникациска услуга - пренос на дигитални телевизиски услуги преку јавни комуникациски мрежи (DVD-T). На денешното јавно отворање на понудите во АЕК, тендерската Комисија констатира дека понудувачот ја доставил потребната документација за дозволата, која се издава за период од десет години. - Ќе ја разгледаме документацијата и ќе ја доставиме до Комисијата на АЕК, која ќе ја донесе конечната одлука за одобрението, кое треба да биде доделено најдоцна до 30 следниот месец, изјави Јане Јакимовски, претседател на тендерската Комисија. Доколку Комисијата се изјасни позитивно „Телеком Словенија“, за одобрението, покрај понудената цена, која ќе биде објавена по конечната одлука, треба да плати и еднократен паричен надомест во износ од 300.000 евра. За да нуди пренос на дигитални телевизиски услуги компанијата треба да изгради сопствена предавателска мрежа. Крајниот рок за целосен премин од аналогна во дигитална телевизија во Европската унија е 2012 година, додека во Македонија тој рок е пролонгиран до 2015 година. На тендерот за доделување одобрение за дигитална телевизија има право на учество само компании кои обезбедуваат електронски комуникациски услуги на минимум 500.000 претплатници и имаат годишен приход од минимум триста милиони евра од обезбедување на тој вид услуги во последните две години. Канал5 -  04.02.2009

незнам само дали тоа со сопствена предавателска мрежа ќе ја искористат веќе постоечката вифи или сосем нови предаватели ќе креваат, патем што бидна со она трипл плеј што најавуваше пепи, бидна дигитална тв преку мрежата на телеком? 

предавателите, за што станавме први во свет, мислиш базните станици добиваа сигнал од кабел, јасно е дека имаше предаватели кои сега можат да се искористат за дигиталната телевизија. 

па столб е столб, дали на него ќе закачиш ваков или онаков предавател тоа е друга работа.

инаку сега баш прочепкав и статива, според информацијава од капитал  wifi-то  одело преку предавателите на СРД, а само базните станици биле на он.нет,  така да немале столбови па ќе мора сега да креваат свои...

Поврзувањето на Интернет сигналот се одвива преку предавателите на МРТВ, каде што “Он нет” има закупено свој простор [1]

Edited by beTon - 04-Feb-2009 at 19:26