Улица Орце Николов |
Post Reply | Page <1 789 |
Author | |
stef4o
Moderator Group Joined: 20-Oct-2015 Location: Skopje Online Status: Offline Posts: 20538 |
Quote Reply #161 Posted: 18-Nov-2021 at 18:18 |
Утре започнува последната шеста фаза од реконструкцијата на „Орце Николов“
Утре почнува реализацијата на шестата и последна фаза од реконструкцијата на улицата „Орце Николов“ во Дебар Маало. Овој капитален проект, кој го започна претходниот градоначалник на општината, Саша Богдановиќ, има за цел да воведе ред во сообраќајот, да даде хумана димензија и да го врати препознатливиот лик на една од најважните центарски улици, „Орце Николов“. Со стеснувањето на коловозните ленти, системот на паралелно паркирање и воведувањето на физички мерки за ограничувања на улицата се зголемува безбедноста на одвивање на сообраќајот, а со изведбата на нови тротоари и велосипедски патеки, особено внимание им се посветува на пешаците и велосипедистите. Оваа фаза од реконструкцијата предвидува целосно затворање на улицата „Орце Николов“, од крајот на фаза 5, до раскрсницата со улицата „Франклин Рузвелт“. Во овој потег се предвидува затворање на улицата „Ѓорѓи Пулевски“. Истата улица се предвидува да биде двонасочна и со тоа ќе се овозможи пристапување на жителите со што се забранува паркирање по должина на улицата „Ѓорѓи Пулевски“ и на дел од улицата „Благоја Давков“. Се затвора и пристапот преку тротоар до улица „Донбас“, со тоа што жителтите по истата ќе пристапуваат преку улицата „Алберт Ајнштајн“. Сите приоди по должинa на улицата се затвораат. Реализацијата на последната фаза од реконструкцијата е предвидено да трае 30 дена. Реконструкцијата на „Орце Николов“, поделена во 6 посебни фази, опфаќа површина од вкупно 7.182 метри квадратни. Целиот зафат чини 64.847.608, 47 денари, средства обезбедени од Буџетот на Општина Центар. https://nezavisen.mk/utre-zapochnuva-poslednata-shesta-faza-od-rekonstrukcijata-na-orce-nikolov/ |
|
ehrlich
Senior Member Joined: 31-May-2012 Location: Скопје Online Status: Offline Posts: 1365 |
Quote Reply #162 Posted: 18-Nov-2021 at 18:34 |
Издигнатите делови на улицата кои се направени од бекатон, уште недовршени покажуваат први знаци на пропаѓање, што е знак дека изработката на улицата е катастрофално лоша.
|
|
user8642
Senior Member Joined: 18-May-2020 Online Status: Offline Posts: 2026 |
Quote Reply #163 Posted: 18-Nov-2021 at 18:35 |
|
|
MKDSTRUGA
Senior Member Joined: 20-Jun-2018 Online Status: Offline Posts: 460 |
Quote Reply #164 Posted: 19-Nov-2021 at 14:02 |
Znachi 3 mandati so red od vreme na zernovski se praat boemski i orce u debar maalo i 3 pati se renovirase ulicata u kappistec pred beverlihils sto e. Ostanuva noviov gradonacalnik i on po 3 pat da ja izrenovira
|
|
xnx
Senior Member Joined: 05-Apr-2009 Online Status: Offline Posts: 1943 |
Quote Reply #165 Posted: 24-Nov-2021 at 10:44 |
не знам дали сте прошле на боемска 2 ама улицава е таков хаос да му се повраќа колку пари се фрлија за да стане бетер од предходно
|
|
stef4o
Moderator Group Joined: 20-Oct-2015 Location: Skopje Online Status: Offline Posts: 20538 |
Quote Reply #166 Posted: 11-Jan-2022 at 18:20 |
од твитер
|
|
stef4o
Moderator Group Joined: 20-Oct-2015 Location: Skopje Online Status: Offline Posts: 20538 |
Quote Reply #167 Posted: 12-Jan-2022 at 14:49 |
Незнам ова како го замислиле да биде кружен тек без да има повисоки рабници или ограда во круг на средина бидејќи вака најголем процент ќе си минуваат како на обична раскрсница
од твитер |
|
alexsend
Senior Member Joined: 11-May-2011 Location: Скопје, Центар Online Status: Offline Posts: 2085 |
Quote Reply #168 Posted: 12-Jan-2022 at 19:40 |
Не само тоа. Неколку пати како поминувам има паркирано возило на средина...
Е поголем среден прст на општеството од тоа да се паркирапш на сред кружен во Центар на главен град нема... |
|
Јас Скопје никогаш не сум го замислувал вака.
|
|
fichot
Senior Member Joined: 02-Feb-2010 Location: Skopje Online Status: Offline Posts: 2602 |
Quote Reply #169 Posted: 12-Jan-2022 at 23:54 |
Може да го обојат бар некако дречливо. Инаку, денес поминав од таму и тие три коли што во моментот беа сите го испоштуваа, така да...
|
|
stef4o
Moderator Group Joined: 20-Oct-2015 Location: Skopje Online Status: Offline Posts: 20538 |
Quote Reply #170 Posted: 30-Jan-2022 at 12:07 |
ПАК БЛОКИРАНИ СО КОЛИ ПЕШАЧКИТЕ ПАТЕКИ НА РЕНОВИРАНАТА УЛИЦА ОРЦЕ НИКОЛОВ ВО СКОПЈЕ
Пешачките патеки на реновираната улица Орце Николов во скопско Дебар Маало, пак се паркинг простор. Наместо да бидат ослободени од паркирани коли, што беше и главната причина за реконструкцијата на улицата и воведување ново сообраќајно решение, делови повторно се блокирани. На одредени места не се поставени пластични столпчиња како на поголемиот дел од улицата, па затоа колите слободно можат да влегуваат и да се паркираат на тротоарот реновиран со павер елементи. При почетокот на градежните работи беше кажано дека автомобилите на станарите ќе се паркираат само паралелно со улицата и заради тоа се направија џебови. За да има место за сите станари, на Орце Николов е воведено резиденцијално паркирањето односно беше кажано дека нема да се издаваат паркинг карти за фирми и граѓани кои не се станари. Од Општина Центар не добивме одговор зошто се дозволува во делови на улицата тротоарите да се повторно окупирани со коли, со што се уништува квалитетот на реновираната улица. Улицата Орце Николов почна да се ренови лани во март, а беше завршена пред еден месец. Сo реновирањето, тротоарите се ослободени од терасите на кафулињата, а изведени се пешачки и велосипедски патеки. На крстосницата со улицата Ленинова изведен е кружен тек, а на улицата е воведено паралелно паркирање со џебови за паркинг. Коловозната лента е намалена на 6 метри. Реконструкцијата чини 1.2 милиони евра. https://sdk.mk/index.php/dopisna-mrezha/pak-blokirani-so-koli-peshachkite-pateki-na-renoviranata-ulitsa-ortse-nikolov-vo-skopje/ |
|
stef4o
Moderator Group Joined: 20-Oct-2015 Location: Skopje Online Status: Offline Posts: 20538 |
Quote Reply #171 Posted: 21-Jun-2022 at 16:34 |
НА ОРЦЕ НИКОЛОВ ВО ДЕБАР МААЛО ОД ДЕНЕС МОЖЕ ДА СЕ ПАРКИРААТ САМО ЖИТЕЛИТЕ
На улицата Орце Николов во скопско Дебар Маало од денеска може да се паркираат само жителите на околните куќи и згради. ЈП „Паркинзи на Општина Центар“ воведе резидентно паркирање на овој потег за да има место за станарите бидејќи со реновирањето на улицата намален е бројот на паркинг места. „Паркинг местата на потегот од бензинската пумпа ‘Макпетрол‘ до улицата Рузвелтова ќе бидат резидентни паркиралишта наменети за станарите и жителите коишто живеат во опфатот на станбените единици со непарни броеви од бр.69 до бр.147 и со парни броеви од бр.84 до бр.146. Сите жители коишто живеат на оваа улица и поседуваат сопствено патничко моторно возило треба да извадат повластена паркинг карта. Жителите коишто веќе поседуваат повластена паркинг карта за Зона Ц треба да направат промена на зоната со цел да можат непречено да ги користат резидентните паркиралишта“, велат од претпријатието. Од денес, сите возила кои ќе бидат затекнати на улицата Орце Николов, а не се на резиденти односно станари, ќе бидат казнети односно ќе им се постави блокатор или ќе бидат подигнати од пајак возилата. https://sdk.mk/index.php/dopisna-mrezha/na-ortse-nikolov-vo-debar-maalo-od-denes-mozhe-da-se-parkiraat-samo-zhitelite/ |
|
Carpe diem
|
|
stef4o
Moderator Group Joined: 20-Oct-2015 Location: Skopje Online Status: Offline Posts: 20538 |
Quote Reply #172 Posted: 24-Feb-2023 at 18:14 |
Камерите на „Орце Николов“ поставени, никако да „прогледаат“
Камерите на улицата „Орце Николов“, која се реконструираше, никако да профункционираат иако тие почнаа да се поставуваат уште пред две години, односно во мај 2021 година. Тогаш од Општина Центар и од ЈП ПОЦ беше ветено дека тие ќе бидат ставени во функција штом ќе заврши реконструкцијата на улицата. Таа заврши пред повеќе од една година, а камерите сè уште не проработеа. Од Општина Центар велат дека камерите на улицата „ Орце Николов“ ќе проработат и ќе бидат ставени во функција во оној момент кога во целост ќе ги преземе ЈП ПОЦ и ќе ги имплементира сите одредби од Законот за заштита на личните податоци. – Камерите се набавени од Општина Центар, со намера да му се предадат на ЈП „ПОЦ“. Камерите се наменети за снимање на паркинзите, пред сѐ од безбедносни и од практични причини. Процесот за префрлање на камерите во надлежност на ЈП „ПОЦ“ се забави поради административни процедури, но и поради поплаките од дел од жителите за наводно „снимање во спалните соби“. Општина Центар беше предмет на ревизија на целиот проект за снимање на паркинзите на улицата „Орце Николов“ и сето тоа го забави процесот – образложуваат од Општина Центар. Во моментов се поставени вкупно 45 камери од двете страни по целата должина на улицата. Станува збор за пилот-проект и прв од ваков тип. Тоа е дел од проектот „Смарт сити“ на Град Скопје. Камерите ќе служат за увид на состојбата со паркинг-местата, на апликација на ЈП ПОЦ ќе може да се види колку слободни паркинг-места има на располагање, а воедно, системот автоматски ќе препознава дали имате дозвола за паркирање на одреденото место, дали сте платиле билет за тој комерцијален паркинг, додека дневните паркинг-карти ќе се доставуваат на домашна адреса. – Доколку се покаже дека дава резултати, проектот ќе се прошири и на други улици и други делови во Центар – потенцираат од Општина Центар. https://www.vecer.press/камерите-на-орце-николов-поставен/ |
|
Carpe diem
|
|
Post Reply | Page <1 789 |
Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |