Запрена изградбата на „Космос“

Општината Гази Баба ја запре изградбата на стенбениот луксузен комплекс „Космос“ поради утврдени отстапки во висината во предвидениот детален урбанистички план
Советникот од СДСМ, Борче Георгиевски, на седницата на општината Гази Баба го отвори ова прашање на советот, а градоначалникот на општината Тони Трајковски ја потврди информацијата. - Констатирани се неправилности, отстапување од предвидената висина. Доколку инвеститорот направи корекции и се приспособи кон важечкото решение за градба, станбениот комплекс може да продолжи да се гради - соопшти градоначалникот. Од фирмата „Фине“, која го гради „Космос“, потврдија дека сега нема градежни активности. Но тие тврдат дека зборовите на градоначалникот Трајковски се дезинформации, односно дека сегашниот застој е поради тоа што бил прогласен колективен одмор.

http://www.novamakedonija.com.mk/NewsDetal.asp?vest=72911929368&id=14&prilog=0&setIzdanie=22343

Се урива објектот на Цаноски „Космос“

понеделник, 01 август 2011, 09:18

Од рано утринава и со силно полициско обезбедување, градежни инспектори од општина Гази Баба се наоѓаат пред комплексот во изградба-Космос, на бизнисменот и пратеник Фијат Цаноски. Со намера да урнат еден дел од него, поточно шест ката, или околу 35.000 квадратни метри од објектот.
Цаноски, на кого не му беше дозволен пристап до објектот, тврди дека се што гради досега е легално и за тоа поседува документација, како и дека се уште не му е поминат рокот за жалба на, како што тврди, заклучокот кој што му бил неправилно доставен. Најави кривични пријави и тужби и правда и пред меѓународни судски институции.

http://www.time.mk/read/c412f674b7/53bf0ec79b/index.html

vladee kolektivno ludilo

politika....

Поголем проблем е тоа што он веќе има продаден дел од становите кои се во изгрдба (навистина лоша ситуација), а од друга страна самиот обијект моментално мислам дека има 5-6 ката броено се разбира од приземје, па да се рушат 5-6 ката тоа е скоро до земје (изгледа го промениле дупот и висината). 

Известување од Општина Гази Баба во врска со комплексот „Космос“

Поради сериозни повреди на Законот за градење и констатирани неправилности и нелегални дејствија во текот на изградбата, а исто така и неотстранување на констатираните отстапувања и забелешките со кои што се дејствува спротивно на законите, а во склад со заложбите за борба против урбаната мафија и заштита на граѓаните од злоупотреби, Општина Гази Баба во согласност со законот и во рамки на предвидената законска процедура на ден 01.08.2011 година започна со отстранување на градбата станбено деловен комплекс “КОСМОС” чиј инвеститор е фирмата Фине Скопје ДОО.

Овластениот градежен инспектор на Општина Гази Баба, врз основа на член 71, 72, 73, 74, 75 и 197 од Законот за општа управна постапка („Сл. Весник на РМ” бр. 38/05 год. и 110/08) и член 131 и 132 од Законот за градење (“Сл.весник на РМ” бр.130/09, 124/10, 18/11, 36/11 и 54/11) изврши увид на лице место на ден 30.05.2011 година и 31.05.2011 година во врска со изградбата на објект Станбено деловен комплекс КОСМОС” објект од втора (2-ра) категорија, кој се гради на ул. “Перо Наков” бр.94 во Скопје, на КП бр.1399/1, 1400/1, 1345/1, 1343, 1346/1, 1346/2, 1348/2 КО Гази Баба, општина Гази Баба. Извршена е контрола на изградбата и побаран е увид во потребната документација за изградба која изведувачот е должен да ја има на градилиште за објектот “Станбено деловен коплекс “КОСМОС”, при што беа констатирани серија на прекршувања на Законoт за градење кои ги наведуваме подолу:

Во моментот на инспекцискиот надзор на градбата на објектот, ниту изведувачот, ниту инвеститорот не доставија заверен Основен проект по кој што се изведува градбата, односно спротивно на Законот за градење градбата се изведуваше без потребната документација на градилиштето, што претставува грубо кршење на Законот и на законската процедура.

Исто така, во присуство на геодетска фирма, беше направено мерење на висините и котите и беше констатирано отстапување на фактичката состојба од проектираната која е во Основниот проект кој што е одобрен од Општина Гази Баба ,што исто така претставува грубо кршење на законите и законската процедура. Забележани се следните отстапувања:


1. Отстапувања во однос на висината се следните:
- Отстапување во однос на апсолутната висинска кота и тоа: проектираната улица е предвидена на кота +240,74 м, тротоарот на проектираната улица е на кота +240,89, додека проектираната кота на приземје е +242,09 односно на +1,20 м над котата на тротоарот, додека на лице место котата на приземје утврдена со Геодетско мерење е на кота +243,52. Од изнесеното се констатира дека целиот објект се изведува спротивно на основниот проект, односно повисоко за висинска разлика од 1,43 м.

2. Отстапувања во однос на габаритот и димензиите и тоа:
- На кота на приземје изведени се армирано бетонски плочи и армирано бетонски парапет околу целата плоча целосно и на просторот каде со основниот проект се предвидени рампи за приод на возила од улица до котата на приземје и преку пролази-подвозници до задниот двор за паркирање, со што се констатира дека објектот се изведува спротивно на Основниот проект.

- На кота на приземје изведени се армирано бетонски плочи и армирано бетонски парапет околу целата плоча целосно и на просторот каде со основниот проект се предвидени скали за пристап од проектираниот тротоар на улицата до кота на приземје, со што повторно се прекршуваат законските норми и процедури.

3. Конструктивни отстапувања се следните:
- На кота на приземје, изведени се столбови, кои ги нема во основниот проект и тоа на двете крајни површини на габаритот на градбата, со што повторно е констатирано незаконска измена на конструкцијата на објектот во однос на проектираниот Основен проект.
       
Поради тоа што беше констатирано сериозно прекршување на Законот за градење и законските процедури, противправно постапување, значителни отстапувања, како и дека целата градба се гради спротивно на Основниот проект и спротивно на Законот за градење, од страна на овластениот градежен инспектор се пристапи кон затварање на градилиштето и давање на рок до инвеститорот да ја корегира градбата согласно одобрените услови во Основниот проект.
Бидејќи инвеститорот во предвидениот рок тоа не го стори на ден 01.08.2011 година градежната инспекција на Општина Гази Баба, во рамките на своите законски надлежности, пристапи кон административно спроведување на Решението, односно отстранување на градбата.
Сето претходно споменато остава простор за сомнеж дека во трката за нелегален профит можело да постои корелација помеѓу инволвираните субјекти во изградбата.
Во наредната фаза ќе бидат преземени соодветни мерки согласно Законот за градење и Кривичниот Закон на Република Македонија против сите учесници во изградбата, меѓу кои и надзорот на објектот кој е задолжен навреме да информира за сите евентуали измени во текот на градбата.
Општина Гази Баба потенцира дека нема да дозволи прекршување на законите во Република Македонија. Остро ќе се спротиставиме и навреме ќе реагираме против сите вакви незаконски и самоволни начини на градба и против сите прекршувања на Законот за градење. Против сите учесници во градењето ќе бидат преземени соодветни законски мерки се со цел да ставиме еднаш засекогаш крај на урбаната мафија. Наша обврска е да обезбедиме владеење на правото и почитување на Законот, како и заштита на граѓаните од злоупотреби. Нема да дозволиме манипулација на потенцијалните купувачи на становите или деловните простории, кои се доведуваат во опасност да бидат оштетени доколку купат станови или деловни простории кои се изградени спротивно на Законот, а со таквата манипулација од страна на субјектите би се предизвикале сериозни проблеми за граѓаните во поглед на владеењето или сопственоста на станот или деловниот простор во иднина.

Со почит,

Општина Гази Баба
Одделение за односи со јавност

Originally posted by Mjölnir Соопштениево ми изгледа дека има аргументи?

Ako baras, sigurno deka kje najdes

Кога викав на оваа тема уште пред којзнае колку страни, дека знаејќи за какви луѓе се работи секој што купува објект во Космос си ја ризикува заштедата, некои тука убедуваа дека се било по закон, немало никаков проблем... ете сега нека си сркаат од манџата. Се знае дека овој човек е невиден трчи-лажго во секој „бизнис“ што го има почнато, зар некој очекуваше дека тука ќе биде различно?

А тие што купиле станови, сепак треба да се обештетат директно од имотот на Цаноски. Ако ништо друго, нека се продаде зградата на ФОН па нека земат пари.

Е како бе Томи, види ги 3 точки ги имаш. Сега не знам што е реално на терен изведено, ама воопшто не е наивно да подигнеш ниво за скоро 1,5м од дозволеното, ако претходно приземјето било на кота +1,00 од теренот, според ова подрумот станал приземје, кое нема баш како подрум да се продава и користи - ефтина финта, ама очигледно сакале да ја направат...мене втората точка (во делот со пристапните рампи за возила)ми изгледа најмалку критична, мада размислувам изгледа ептен наивно - не се планира да се паркира во подрум - не знаеме што се планирало со проектот, ама очигледно е друга намерата овде...
Вистината е веројатно некаде на пола пат - инвеститорот без сомневање нешто се обидел да збрља (што го праат 90% од инвеститорите наши) со тоа што и политичкиот момент е актуелен во моментов, па не изненадува експедитивноста на општинските власти...

Edited by Dave Gahan - 01-Aug-2011 at 13:34

Ќе бидам среќен ако институциите со иста мерка реагираа за еден куп згради кои никнаа насекаде низ Скопје изминативе години. Јасно е дека е политички мотивирано, но очигледно - има сериозни пропусти.

Паѓаат во вода констатациите дека се е чисто. Како и секогаш, кога-тогаш се ќе излезе на виделина.