Градинка во нас.Пролет-Центар

Населба Пролет ќе ја добие најмодерната градинка за 150 деца




По изградбата на основното училиште „Киро Глигоров“ во Капиштец, Општина Центар продолжува со реализација на уште еден капитален проект, а тоа е изградба на градинка во Пролет која ќе биде најмодерна во Македонија.

Детската градинка е предвидена да биде со капацитет за околу 150 деца, организирани во девет занимални, по возрасни групи.

Како што информираше градоначалникот на Општина Центар, Саша Богдановиќ, локацијата на оваа градинка е во централното градско подрачје, со густа населеност, со аголна поставеност и граничи со собирната улица „Никола Карев“ и станбената улица „Мирче Ацев“.

– Со оглед на тесната локација при процесот на проектирање, посебно се внимаваше да бидат задоволени сите услови предвидени за детски градинки, а воедно да се почитуваат и побарувањата на инвеститорот. Локацијата е приклучена на постојната инфраструктура – објасни Богдановиќ.

Детската градинка ќе биде на приземје и еден кат со вкупна површина од 2.760 квадратни метри. Во отворениот дел обезбедено е 20 проценти зеленило од градежната парцела каде ќе можат децата од 2 до 6 години, кои ќе бидат сместени во приземјето во 5 занимални, да излезат во дворот каде е предвидена урбана градина со сандаци со песок и земја, детски реквизити (лизгалки, лулашки, мостови), до кои можат да пристапат и децата со попреченост во движење.

На катот се сместени четири јасли, групирани по две занимални и заеднички простор за санитарен дел, ќе има и галерија и тераса. На катот е сместен и делот за администрација, каде се предвидени просторија за раководител, сала за состаноци, просторија за благајник и сметководител со свој санитарен дел.

Во подрумскиот дел е сместена и централната кујна која е во функција само за потребите на градинката, додека во приземниот дел сместена е помошна кујна која служи само за миење на садови. Освен тоа, обезбеден е и паркинг-простор со контролен пристап преку рампа во објектот.

Како што истакна Богдановиќ, изградбата на градинката ќе започне во јули, а ќе чини 133 милиони денари без ДДВ.

https://www.vecer.press/населба-пролет-ќе-ја-добие-најмодерна/

Рендери од градинката во населба Пролет





https://www.facebook.com/Јагода-Шахпаска

Edited by Théoden - 21-Sep-2021 at 14:10

Започнавме со првите подготовки за изградба на најголемата детска градинка во населбата Пролет во Општина Центар.
На површина од 3276 м2 ќе се изгради нова и најмодерна градинка, која што ќе биде со инклузивен карактер, еколошки одржлива и со енергетско ефикасна фасада.

Објектот ќе биде изграден по сите стандарди за квалитет, а од општинскиот буџет ќе бидат обезбедени 154.243.997 денари.







https://www.facebook.com/sasha.bogdanovikj

Во понеделникот го срушија белиот објект,теренот се расчистува

------------------------------------------------------------------------------
Со една година задоцнување ќе почне изградбата на градинка во населбата Пролет

Градоначалникот на Општина Центар, Горан Герасимовски, во денешното гостување на утринската емисија на ТВ Сител, ги презентираше тековните општински активности, но и плановите за работа во претстојниот период.

Герасимовски, покрај останатите проекти, ја спомена и новата градинка која ќе се гради во населбата Пролет, која воедно ќе биде и прва детска градинка во ова населено место.

„Градинката во Пролет ќе биде една убава, модерна градинка, на површина од 3270 метри квадратни, каде што ќе можат да се сместат околу 150 наши дечиња од Општина Центар. Една од помодерните градинки во државата, нешто слично како основното училиште ‘Киро Глигоров’, отворено пред неколку години“, рече Герасимовски во гостувањето.

Градинката ќе биде изградена на вкупна површина од 3276 метри квадратни, на приземје и два ката. Капацитетот на градинката предвидува згрижување на 150 деца, распоредени во 9 занимални и 2 јасли. Предвидено е во состав на објектот да има урбана градина со сандаци со песок и земја и детски реквизити (лизгалки, лулашки и мостови). Надворешното игралиште ќе биде инклузивно и до него ќе можат да пристапат и деца со попреченост во движењето. На надворешниот дел од фасадата предвидено е фасадно поставување на детска болдер карпа, а концептот на градинката е да се обезебди простор во кој акцентот пред сѐ, се става во функција на децата и обезбедување на удобен простор за ран развој и нивна игра.

Градинката ќе има и сопствена кујна, која ќе биде изведена по HACCP стандарди, ќе има енергетска ефикасна фасада, греењето ќе биде еколошко – дел на парно, а дел на топлински пумпи. Со изведбата на овој објект, кој ќе биде во рамки на надлежност на ЈУДГ „Раде Јовчевски Корчагин“, сите детски градинки во Општина Центар ќе имаат по 4 објекти.

Градежните работи се предвидени да започнат во текот на месецот, а рокот за изведба е 18 месеци. Изградбата на новата градинка ќе чини 154.243.997 денари, средства обезбедни од Буџетот на Општина Центар.

Изградбата на оваа градинка се најавува од поодамна. Имено, претходниот градоначалник на Центар, Саша Бограновиќ, почетокот на изградбата на градинката го најавуваше за јуни 2021 година, но тоа не се случи. Претходно пак, на тоа место се планираше изградба на деловен објект, но со измените на планот се нацрта маркичка за градинка.

https://nezavisen.mk/so-edna-godina-zadocnuvanje-kje-pochne-izgradbata-na-gradinka-vo-naselbata-prolet/

За новата градника во Центар ќе се сечат четири дрва за да потоа се насадат 20 нови

Четири дрва ќе бидат исечени за да се ослободи просторот за почеток на градба на новата градинка во наслбата Пролет, соопшти денеска скопската општина Пролет. Наскоро треба да почне градбата на детска установа на вкупна бруто површина од 3276 метри квадратни, со што ќе биде една од најголемите детски градинки во државата.

-Во наредните денови ЈП „Паркови и зеленило“ по налог на општината ќе отстрани 4 дрва (2 копривки, липа и софора), со кои ќе се ослободи простор и ќе се овозможи изградба на градинката. Дополнително, со помош на специјална механизација, ќе бидат пресадени уште 4 јасени во парцелата на која ќе се гради градинката. На местото на отстранетите дрва ќе бидат засадени нови 20 високо калемени садници од видот Јавор и друг вид на средно и ниско зеленило кое на просторот околу објектот на градинката ќе му даде нова свежина и нов лик, се наведува во информацијата.

По завршувањето на градежните активности поврзани со новата градинка, ќе се добие зелена површина на околу 2.000 метри квадратни, со што општината ќе заштити животната средина, а овој простор ќе стане ново зелено катче во населбата Пролет.

Детската градинка, која наскоро ќе започне со изведба, е првата целосно нова градинка која ќе се гради во Општина Центар по повеќе од 50 години, прва воопшто во населбата Пролет.

https://skopskoeho.mk/za-novata-gradnika-vo-centar-kje-se-sechat-chetiri-drva-za-da-potoa-se-nasadat-20-novi/

https://www.facebook.com/gerasimovskig/videos/361119049537758

Денешни

Денес

НАПРЕДУВА ИЗГРАДБАТА НА ГРАДИНКАТА “ПРОЛЕТ“, 40 % СЕ ВЕЌЕ ГОТОВИ.
Со капацитет за 150 дечиња во 9 занимални градинката ќе понуди најсовремени услови за згрижување на децата од населбите Пролет и Маџир Маало. На површина од 3.276 метри квадратни на две нивоа и капацитет за згрижување на 150 деца во 9 занимални градинката ќе понуди најсовремени услови за предучилишно воспитание и образование.
Покрај внатрешните содржини меѓу кои просторија за лекар со изолација за дете и сопствена кујна со трпезарија за свежо приготвена и здрава храна за дечињата, градинката ќе располага и со лифт и надворешно игралиште до кое можат да пристапат и деца со попреченост во движењето.
Изградбата на градинката е целосно финансирана од Општина Центар и ќе чини околу околу 2,5 милиони евра.



https://www.facebook.com/photo/?fbid=580780794062367&set=pcb.580780944062352