Hа 23 октомври 2011 година, (недела) на денот кога Светата православна црква го празнува споменот на Светиот маченик Теофил Струмички, а македонската држава го празнуваше Денот на македонската револуционерна борба се изврши осветување на камен - темелник на нова црква во градот Велес.
Новата црква ќе биде посветена на светите бесребреници лекари и чудотворци "Козма и Дамјан", а ќе се гради во дворот на Општата Болница во Велес. Осветувањето на камен-темелникот го извршија Митрополитот Повардарски г.Агатангел во сослужение на Митрополитот Преспанско-пелагониски г. Петар и бројно свештенство од двете епархии. На чинот на осветувањето,присуствуваа заменик министерот за здравство г-дин Јовица Андоновски, пратениците г-дин Илија Димовски и г-дин Марјанчо Николов, Претседателот на Советот на град Велес, г-дин Славчо Чадиев заедно со советници од Општината, потоа директорот на Општата Болница г-дин Ванчо Граматов заедно со поголем дел од докторите, како и многу други верници, кои заедно со сите останати го проследија чинот на осветување во
благопријатна молитвена атмосфера.

Отпочнувањето на изградбата на оваа црква доаѓа по големи напори на Повардарската епархија во еден подолг период да успее да се реализира замислата за Болничка црква во градот Велес, и затоа ја изразуваме нашата благодарност до сите оние кои помогнаа да почне реализацијата на овој проект.Црквата ќе се гради со средства на Повардарската епархија, како и со донации на верници.

Митрополитот Агатангел во своето обраќање пред присутните истакна дека болничката црква „Св. Козма и Дамјан“ ќе биде место каде што сите верни души ќе можат да ги задоволат своите духовни потреби преку добивањето на Светите Тајни - Молитви, Исповед и Причест, а особено ќе биде наменета за сите оние кои доаѓаат во Болницата заради лекување, можат да си запалат свеќа и да се помолат на Севишниот Бог Исус Христос за исцеление на нивните телесни и духовни болки, место каде што ќе можат да ги смират своите мисли пред разни операции, место каде ќе се помолат за покој на душите на нивните починати, но и место каде што првпат ќе Му благодарат на Бога за добиената рожба или успешно извршена операција. Исто така наменета е и за сиот медицински персонал, кој поради својата посветеност и грижа за болните не може да присуствува на Богослужбите, така што со градењето на оваа црква ќе им биде овозможено на сите кои работат овде да доаѓаат редовно на Литургија, особено за најголемите празници.Исто така и директорот на општата болница г-дин Ванчо Граматов,во својот говор го поздрави отпочнувањето на изградбата на овој свет храм,изразувајќи надеж дека самиот храм ќе претставува огромна помош на
болницата во остварувањето на основната дејност - грижа и лекување на
телесните, душевните и духовните болести на луѓето.
Пред чинот на осветување на камен-темелникот, Митрополитите Агатангел и
Петар отслужија Света Божествена Литургија во храмот „Успение на
Пресвета Богородица“ во Велес.





http://www.povardarska-eparhija.org.mk



Edited by Makedonij - 02-Feb-2013 at 10:24

Во тек е изградбата на црквата Св.Козма и Дамјан во кругот на Болницата Црквата се гради со средства на Повардарската епархија, како и со донации на верници.



http://www.povardarska-eparhija.org.mk



Edited by Makedonij - 02-Feb-2013 at 10:22

Originally posted by Makedonij Ако може да се уреди со старите постови?

Македониј, успеав да најдам два постари постови и ги префрлив во нишкава. Ако знаеш да има уште некој, те молам пиши.

Се изгради црквата Св. Кузман и Дамјан ама далеку е од готова

недела, 07 јули 2013

Завршија градежните работи на црквата Св. Кузман и Дамјан која се наоѓа во кругот на велешката Болница. Градежните работи ги изврши фирмата ,,Изгрев,,. Црквата се простира на стотина метри квадрати и ќе служи за потребите на пациентите и нивните блиски. Владиката Агатангел, Митрополит на Повардарската Епархија очекува дека таа повеќе ќе има повеќе радосни отколку тажни моменти.

Очекувам дека овде верниците ќе се собираат повеќе за радосни и весели монети, како што се раѓања и оздравувања а помалку за тажни. Но сето тоа е дел од животот. Овој храм ќе служи и за духовните потреби но и за телесните, сите кои сакаат пред тешки операции да се помолат пред Бога за оздравување. Црквата ќе биде место за плачење но и радоста, бидејќи болницата е место каде се раѓа нов живот, но и каде тој завршува – рече Владиката Агатангел при поставувањето на камен темелникот на црквата на 23 октомври 2011 година.

Владиката Агатангел вели дека сега останува да се доврши најтешкиот дел од изградбата на црквата, пронаоѓање на мајстори за фреско живописување и цртање на икони но и мајстор резбара за иконостасот. Тој не даде рок кога може да се очекува осветување на оваа црква.



http://tirekovmirece.com/Novosti/Article/6008

Партерно се уредува дворот на црквата Св. Кузман и Дамјан во Велес

14.08.2013

Изминатиов период во дворот на црквата Св. Кузман и Дамјан која се наоѓа во кругот на oпштата болница започнаа градежните работи за партерно уредување на истиот.

По завршувањето на бетонските работи за изградба на патеки и тротоари на просторот ќе се премине и кон хортикултурно уредување на дворната површина.

http://regioni.mk

Чинот на осветување на болничкиот новоизграден храм го изврши, митрополитот Повардарски г. Агатангел, а потоа заедно со свештеници на епархијата ја отслужи и првата литургија во оваа црква.

На осветувањето присуствуваше градоначалникот Славчо Чадиев, пратениците во македонското собрание и останати функционери од централната и локалната власт.

Болничкиот храм „Свети Козма и Дамјан“ е едена од значајните цркви за Велешани. Камен темелникот на оваа црква беше поставен на 23-ти октомври 2011 година.
Од денес велешани и другите граѓани од околните градови кои секојдневно доаѓаат во велешката болница ќе го имаат овој велелепен храм за молитва и духовно воздигнување.

Нека е за многу години!

Edited by Makedonij - 22-May-2016 at 10:06