✔ Феро Инвест - Дебар Маало

Почна нешто да се работи на следнава локација  41°59'58.30"N  21°25'33.34"E во центарот на Скопје, спроти соборниот храм. Нема сеуште табла со натпис за што станува збор.

Го имаме, Медо постави фотка уште кога почнуваше. Но нема никаква информација ниту табла за што се случува таму.

Уф, тоа е тоа! Конечно, интелигентно решение.
„Страшен” ќе биде цел „Климент Охридски”. Греота е на овој потег да се упропастуваат триилјадиевраквадрат терени со класични гранап-спрат-балкон-поткровје објекти.
Булеваров е мој фаворит за наредните 5 години. Тука ќе ги дочекаме нашите Casa Batllò и Casa Milà. Тука ќе го прославиме нашиот „Гауди”! Здравје боже!

Edited by OKA - 13-Oct-2010 at 23:26

Originally posted by OKA Греота е на овој потег да се упропастуваат триилјадиевраквадрат терени со класични гранап-спрат-балкон-поткровје објекти.

Генерално можам да се сложам со оваа твоја констатација. Но само до таму.

Св. Климент Охридски е генерално веќе уништен. Кратката делница помеѓу Партизанска и Илинденска има шанси (сеште само на хартија) да биде пристојна, но "ударниот дел" помеѓу Партизанска и Гологанов е во катастфорална состојба со новоградбите како Аркадија и неколкуте новокомпонирани објекти покрај Кинг Бургер.

Тука е и Корнер, можеби крајната реализација ми ги надмина очекувањата јалово се потроши таа многу битна аголна локација. Клучно ќе биде како ќе се искористи аголната локација "Бачило" за заокружување на впечатокот.

Судбината на третата делница на улицата пак ќе ја крои реализацијата на проектот за театар центар. До тогаш ќе доминира плексигласот на Бојо.

Да не зборам дека со поместувањето на градежните линии трајно е нарушена шансата оваа улица да го задржи својот авениски карактер.

Веројатно си во право ОКА, не сум од оние песимисти/мрчатори што мислат дека се е изгубено, секако градот е динамична материја и околностите ќе си го наложуваат развојот и на простори кои се веќе дефинирани. Сепак укажувам дека она што во моментот го добиваме на тој дел, иако далеку подобро од гранап транзициските станбени со поткровје, не е доволно добро за она како треба да изгледа поширокиот центар на Скопје (кој јас го гледам од прилика во рамките на општина центар а минимум во рамките на големиот ринг).

Слична (полоша) судбина според мене има и ул. Железничка која заслужува многу повеќе од тие станбени згради кои се испоредија по цела должина.

Што се однесува до твоето прашање. Еве еден мој пост од 2007 година.

Originally posted by pbanks за почеток оваа работа ми боде очи подолго време. Новиот деловен објект што почна да се гради дијагонално од соборна црква. Колку што знам се е чисто со тој објект но...     Ако добро ме служи меморијата црвената линија која ја повлеков на Гугл 'рт сликава е градежната линија на Бул. Климент Охридски. Значи тоа се оние два блока кои се вовлечени повнатре додека цело она ѓубре од Корнери, Аркадии, Стели итн треба да се руши некој убав сончев ден. Како тука се вклопува новиот објект. Под услов комплетно да е залепен до Порта Буњаковец, има 15 метри максимум до градежната линија. Од оној никаков рендер што го имавме на располагање не ми е јасно како таков објект би се вклопил во толку малку простор и би праел лак.  Има ли некој идеја што тука уствари се дешава?

Во кратко. Климент Охридски треба(ше) да биде авенија со 2х3 ленти и простор за тротоари. Тоа ќе се постигнше доколку оската на булеварот се изместеше кон Буњаковец за што имаше повеќе од доволно простор (според старата градежна линија која лесно се воочува според вовлечените станбени објекти на тој потег).

Во последниве години, со Корнер, Аркадија и веројатно тоа што следува... Се што може да добиеме е еден добар булевар.

Штета, иако средишниот дрворед/патека/шеталиште на Св. Климент Охридски, скопјани не научија да го почитуваат и реално претставуваше грда слика во центарот на градот, штета е што градот ќе остане без ниедна авенија.

Сите новоградби на Климент се со локациски услов да се вовлечат дополнителни 3,5 метра, сметано од границата на сопствениот терен со постоечкиот тротоар. Тоа значи решение за тротоарите со трем, а објектите после првите h = 4 м, ќе смеат еркерно „да се исфрлат” до Булеварот.
Булеварот ќе има засводени, топли, широки, осветлени, чисти тротоари, чиниш на boulevard Haussmann во Париз си!
Веќе има неколку објекти „несенезнамшто”, но тремовите се топ како функционалност.

Originally posted by OKA Сите новоградби на Климент се со локациски услов да се вовлечат дополнителни 3,5 метра, сметано од границата на сопствениот терен со постоечкиот тротоар. Тоа значи решение за тротоарите со трем, а објектите после првите h = 4 м, ќе смеат еркерно „да се исфрлат” до Булеварот. Булеварот ќе има засводени, топли, широки, осветлени, чисти тротоари, чиниш на boulevard Haussmann во Париз си! Веќе има неколку објекти „несенезнамшто”, но тремовите се топ како функционалност.

Да топ се, но мора да се доведе во ред тој кафиќот кој што го узурпира цел трем ( Аркадија)

Генерално пристоен добро скоцкан објект. Може би не е којзнае што, но проаѓа. Малку како се оградени прозорите ме потсеќа на стамбената позади Гема 2. Е сега оној детал кружниот прозор би го изземал. Некако многу ми се демоде тие кружни прозори. А и незнам зашто малку ми се морбидни, кога ќе видам таков кружен прозор како некоја траума ми се враќаат ужасно грдите товарните лифтови во трговски и некако ми игра во стомак.

Ме бендисува објектов (т.е. рендеро). 

Originally posted by OKA ...комуникацијата со општинската администрација. Која до последно ќе си го експлоатира своето латентно, дискреционо право, нештата да ги толкува како ќе и се ќефне!Ако Ви „се понашаат”, одма дигајте џева! Опсипете ги со жалби. Министерот, градоначалникот, Коце, Моце...

Да не ја завлекувам темава у друг правец и да вадам некои интерни детаљи во јавност, ама се е така набаждарено да се сопкаш цело време и никогаш да не си на чисто. Тоа се лошите остатоци од претходното уредување (а не архитектурата). Генерален впечаток е дека се добиваат на лист еден куп урбанистичи недоумици, што се видливи од авион и околу нив се води дискусија, надмудрување со месеци, а се може да се реши во еден потег - а тоа се вика урбанистичко проектирање во коректна форма, со прецизни параметри и без никакви ребуси и замки...инаку вака секогаш треба да чекаш некој зналац со повисок чин да се врати од пат, одмор исл. па после и тој да се мисли што си мислел тој пред него...
Претпоставувам дека истите проблеми ги имале инвеститорите и проектантите и за објектов за кој е темава...за овие бирократски прашања веројатно на друго место треба да се разговара, да не гушиме овде...