Обнова на манастирот Трескавец

Гори манастирот Трескавец
Македонија | 4. февруари 2013 - 14:33
Изгорени се двата конаци, потврдуваат извори на Press24 од терен

667
Пламени јазици го зафатија манастирот Трескавец во Прилеп. Изгорени се двата конаци, потврдуваат извори на Press24 од терен. Засега нема информации во какви околности избил пожарот. Нашата екипа се упати кон манастирот. Очекуваме повеќе информации.

Противпожарните екипи не можеле да стигнат до манастирот
Понеделник, 04 Февруари 2013 14:52

Според најновите информации пожарот во манастирот Трескавец во Прилеп избувнал околу 14 часот.


Пламените јазици го зафатиле целиот објект на манастирот, а изгорени се двата конаци.

Информациите до кои дојде Курир говорат дека противпожарните екипи не биле во можност да стигнат до објектот за да пристапат кон негово гаснење.

По пријавата на случајот во полиција, МВР го информирал Центарот за управување со кризи кој треба да превземе мерки за гаснење на пожарот во манастирот.

Манастирот пред околу 30 години беше изгорен до темел, но истиот беше целосно обновен со донации од граѓани и прилепски фирми.
http://www.kurir.mk/makedonija/vesti/102183-Protivpozarnite-ekipi-ne-mozele-da-stignat-do-manastirot

sega moze da se slikame so patot nov

Da pogodam, sto se slucilo... zastareni uredi i izolacii... isto kako i vo postata vo Skopje...

Odrzuvanje i obnovuvanje na uredi i aparati, nesto sto ne postoi vo Makedonija. Ako raboti - ne go cepkaj.

Страшно е ова , треба да се научиме да ги штитиме ваквите културни знаменитости со непроценлива вредност пред да се случат вакви несреќи. Среќа во несреќата е што црквата не е зафатена од пожарот.

За жал веќе неколку годину наназад заштитата на старите Манастири и Цркви воопшто не е приоритет на Државата. Пред неколку години се случи Бигорски, еве сега Трескавец, а никој ништо не превзема и сигурен сум дека во ниеден манастир во РМ нема ППА....
.... навистина е жално, вакви манастири да имаше во некои други земји ќе беа и тоа како заштитени, а кај нас никој не се грижи.
... И навистина не ми е јасно каква потреба имаме да се града Цркви кога постоечки не можеме да ги сочуваме....

Има нешто што смрди околу целава работа, но не е димот од пожарот. . .
Огромни штети прават пожарите по манстирите ширум Македонија, а потоа има игри и огромни профити за сите при обновата на уништените манастири.
Едноставно, страшно !

Како изгледа Трескавец по пожарот?

Утринава заедно со претставници од Завод и Музеј градоначалникот Ристески го посети манастирскиот комплекс „Трескавец“ кој вчера попладне го зафати огнена стихија во која до темел изгореа конаците.
Во текот на денот ќе се врши увид во манастирот „Трескавец“ со цел да се утврди која е причината за појавата на пожарот во кој целосно изгореа конаците, а со пожртвуваната интервенција на прилепчани, на надлежните служби беше спасена црквата Успение на Пресвета Богородица од 13 век, како и сите вредни предмети.
Денеска за состојбата во манастирот ќе расправа економскиот совет на општина Прилеп, а на пладне ќе се одржи и вонредна седница на Советот.

Пожарникарите и доброволоци се на терен и будно ја следат состојбата, а во текот на наредните денови ќе започне и расчистувањето на просторот. Ќе се работи на нов проект за изградба кој ќе биде според стандарди за градба, согласно законот за заштита на културното наследство.

Ова е трет пожар од 19 век па наваму во манастирот. Претходно конаците гореле во 1867 година и во 1990 година.







http://kurir.mk/makedonija/vesti/102280-FOTO-Kako-izgleda-Treskavec-po-pozarot

Владиката Климент: Во таа пепел ќе изникне манастирот како феникс (04.02.2013)

Изгореа конаците, а за среќа остана црквата „Успение на пресвета Богородица“. Срцето на манастирот е спасено. Тажна е сликата која денеска дојде до очите на секој човек со добра волја. „Трескавец“ изгледа на едно големо пеплосано тело, но, фала му на Бога, и на Мајката Божја што во целиот тој пепел живо е срцето, жива е црквата, остана трпезаријата. Кога е жив храмот Божји и кога е жив народот божји што го чини храмот, се надеваме дека во таа пепел ќе изникне манастирот како феникс сето она што е градено со векови, а денеска за неколку часа беше зафатено од пламените јазици.

Ова изјава ја даде владиката Климент, кој во својот емотивен апел сите да помогнат за да се спаси манастирот, потсетил дека и пожарот пред 23 години бил ист.

Владиката Климент вели дека првично пожарот почнал од гостинска соба и се ширел кон монашкиот конак. Во моментот на избувнувањето во манастирот биле искушеникот Калист и еден гостин.

Министерката за култура Елизабета Канческа-Милеска попладнево пристигна во Прилеп.

- Сакам да изразам огромно жалење за овој денешен немил настан кој се случи на манастирскиот комплекс Трескавец. Изгореа конаците, но значајно е тоа што се сочуваа црквата која датира од 13. век и трпезаријата од 14 век - изјави министерката Канческа-Милеска.
Таа вети дека итно ќе се направи план за да се обнови манастирот и оти во моментов стручните лица од прилепскиот Завод и музеј вршат увид на лице место.

- Утре ќе доставиме целокупна информација до Владата. Ќе има акциски план за брза санација и реконструкција на опожарениот дел. Веднаш ќе се изработи проект и преку надлежните институции веднаш ќе пристапиме да извршиме брза санација и реконструкција за да се вратат автентичноста и сјајот на конаците што изгореа - изјави Канческа-Милеска.

Општина Прилеп за утре закажа вонредни седници на Општинскиот и на Економскиот совет. Пред 23 години прилепчани заедно со сите во Македонија го издигнаа манастирот, така ќе биде и овој пат, уверува градоначалникот Марјан Ристески.

- За прилепчани манастирот „Трескавец“ значи многу. Потресно беше да се гледа како горат конаците. Но уверен сум дека сите заедно повторно ќе го обновиме. Сега е битно да се констатира состојбата, полека да се расчистува теренот и да се најде фирма изведувач на работите, изјави Ристески упатувајќи апел за обновата на манастирот да се придружат сите, не само од Прилеп.

Противпожарните екипи, доброволците ќе останат во манастирот Трескавец сè додека огнот целосно не се изгасне.




http://preminportal.com.mk/content/view/11504/1/

Edited by Makedonij - 05-Feb-2013 at 16:04