Кружен тек кај Момин Поток

СО КРУЖЕН ТЕК НА ДВЕ НИВОА ЌЕ СЕ РЕШАВА МЕТЕЖОТ ВО СООБРАЌАЈОТ КАЈ СКОПСКИ МОМИН ПОТОК



Напролет ќе стартува изградбата на кружниот тек на две нивоа кај населбата Момин поток во Скопје. Владата на последната седница му додели 5 милиони денари на Град Скопје за старт на градежните работи за реализизација на овој капитален проект, со кој ќе се реши метежот во сообраќајот што секојдневно се создава во овој дел од Скопје.

Проектот предвидува решенија за двете крстосници. На крстосницата кај „Хубо маркет“ ќе се гради голем кружен тек кој, како што велат од Град Скопје, ќе овозможи проток на возилата без застој и нема да се создаваат колони особено наутро и попладне. На втората крстосница, односно онаа кај улицата Никола Карев, се предвидува изградба на кружен тек на две нивоа со кој непречено ќе се движат возилата и кон Визбегово и улицата Словенечка и кон касарната Илинден.

„Наскоро ќе се распише тендерот за избор на фирма изведувач, а напролет очекуваме да почнат градежните работи. Дотогаш ќе се работи на реконструкцијата и проширувањето на улицата Никола Карев односно продолжението на Пластичарска улица. Годинава завршивме со реконструкцијата до крстосницата кај касарната Илинден, а во текот на овој месец ќе стартуваат градежните работи за вториот дел односно од касарната до крстосницата каде ќе се гради клучката на две нивоа“, велат од Град Скопје.

Од Град Скопје објаснуваат дека месецов завршија со реконстуркција на булеварот 8 Септември од крстосницата кај „Хубо маркет“ до Илинденска, со што оваа сообраќајница ќе биде целосно обновена со изградбата на кружниот тек.

Град Скопје од Владата доби и 4 милиони денари за почетокот на градежните работи за изградба на мостот во Карпош 4 односно од улицата Љубљанска до Скупи.


https://sdk.mk/index.php/dopisna-mrezha/so-kruzhen-tek-na-dve-nivoa-ke-se-reshava-metezhot-vo-soobrakajot-kaj-skopski-momin-potok/

Еве што викаат регулационите линии од катастар за овој простор. Ниту двата кружни тека не се во согласност со ГУП. Не ми е јасно како вака градските власти си проектираат инфраструктурни проекти надвор од согласност со ГУП?! Па ги наведуваат после стручните служби на тенок мраз да потпишуваат дека се е у согласност, кога не е.



Кај Момин Поток е предвидена T-bone клучка.
https://www.google.com/search?q=t-bone+interchange&rlz=1C1CHBD_enMK742MK742&source=lnms&tbm=isch&sa=X&ved=2ahUKEwjGrcqclKXtAhXSDewKHebqDSEQ_AUoAXoECAgQAw&biw=1920&bih=969

Edited by user8642 - 28-Nov-2020 at 12:42

Одлично што конечно ќе се решат овие две крстосници! Мостот голем бонус
Одсекогаш ми се свиѓала идејата за кружен кај Хубо, прегуст сообраќај...

Дај боже да ги реализираат!

Претпоставувам дека тука се направени одредени студии, посебно кај разкрсницата/клучкта кај Никола Карев зошто тука ќе се влева сообраќајот од автопатот од Блаце

Нели станува збор за турбо кружен тек, односно кружен тек на две нивоа? (слично како ова подолу)



Edited by гитардемон - 01-Feb-2021 at 21:15

Турбо кружен е кај Хубо, другата клучка е на две нивоа

Ај да ги раздвоиме работите:

1. Кај Хубо се вртат два видови кружен тек во опција:
- Едниот е турбо кружен тек каде лентите се вртат спирално према надвор во насока на правецот на движење, и таков кружен тек во Скопје е единствено тој кај Католичка. Оваков кружен тек според симулации на сообраќајни инженери е за 12% поефикасен во проточност од обичен.
- Обичен кружен тек, што се врти по некои визуелизации, како таа на Коце и како во тој ДУПот горе со зеленилото.

2. Кај Момин Поток на патот за Приштина се вртат три различни опции:
- Кружен тек со денивелација на главниот форсиран правец Пластичарска-Блаце, а горе обичен кружен тек за комуникација со булеварот према Хубо. Овој тип има една маана, а тоа е дека е проточен беспрекерно само во еден правец, форсираниот во случајов Пластичарска-Блаце, а тука на оваа раскринца тоа не е случај. Третиот правец има еднакво загушен сообраќај. Мислам дека ова не е соодветно решение за тука. Оваков тип кружни текови многу се форсираат во Косово и Албанија.
- Обична клучка тип: Труба. Оваква е првично предвидена уште во првите планови за овие булевари пред децении. Оваа нема форсиран правец, туку сите правци се еднакво важни и максимално ефикасни, нема застој во ниеден правец на движење.
- Полуизведена клучка детелина. Ова по функционалност е слична на Труба, само што овозможува плус превец да возило што доаѓа од правец на Хубо да може да се врати назад према Хубо, што и не е некој голем плус, и го нема кај обичната Труба. Исто така е максимално ефикасна и во сите правци на движење нема застој. Овој тип обезбедува future-compatibility за некогаш да се отвори четврти правец према Касарната. И ова е најдобрата опција за оваа клучка. Оваа е таа што ја има кај Коце во симулацијата, а и оваа е таа што е вцртана во ГУП-от моментален на Скопје. Ако се реши Шилегов да прави други типови, ќе треба прво да го смени ГУП-от како не би градел против-законски контра важечките планови.

Еве извадок од Катастар каде јасно се гледа дека тука би се идело на полуизведена клучка детелина.






Edited by user8642 - 02-Feb-2021 at 00:06