Нова градска болница ќе никне кај Мајчин дом, болницата за хируршки болести од центарот на градот се сели таму

Уште една нова градска болница ќе никне на местото на Мајчин дом во скопската населба Аеродром, дознава „Фокус“ од извори во министерството за здравство.

Според нашите информации, таму ќе биде преселена Болницата за хируршки болести „Св. Наум Охридски“, која е лоцирана во центарот на градот. Причината за ваквата одлука е да има две градски болници, со цел да се растерети гужвата во старата воена болница.

Нашите извори уште информираат дека во моментот се обезбедува маркица за градба и техничка документација со цел побрзо да почне постапката, а целата процедура оди преку министерството за здравство кои веќе ги потврдија информациите.

Министерот за здравство Венко Филипче за “Фокус” потврди дека на местото на Мајчин дом ќе се гради нова градска болница,  а причината за тоа е да се растерети гужвата во болницата „8 Септември“.

И.М.

https://fokus.mk/nova-gradska-bolnitsa-ke-nikne-kaj-majchin-dom-bolnitsata-za-hirurshki-bolesti-od-tsentarot-na-gradot-se-seli-tamu/

Би било добро и во Аеродром да ја изградат,бидејќи отидоа многу со трупање згради а за градинки,средни школи и здравствени институции не им текнува.Колку што знам за локацијава имаше дека е сопственост на ЗСФ КОМ и дека за некое време требаше да никне деветкатница.

Значи ќе имаме две градски болници, една во Карпош (бивша воена) и оваа.

Добра е идејата, ама не знам како ќе го решат сообраќајот, а и гужвата која ќе се создава во оваа станбена населба. Можеби последна 5ка (со изградба на мост) е подобро решение.

А што ќе стане со сегашна, т.е. бивша градска? Мислам дека хотел или административна зграда се единствени можни решенија. Се надевам дека нема да успеат и неа да ја срушат.

Локацијата излегува на булевар Јане Сандански, а преку Васко Карангелески и новиот булевар кон Скопски саем би требало да има брз пристап од две страни. Да не заборавиме дека се работеше и на проектот за продолжување на Васко Карангелески кон булевар Трета Македонска бригада. Ако се работи паралелно (а не гледам зошто не би се изградиле овие две сообраќајници за 5-6 години), оваа градска болница во Аеродром би имала солидна конекција со оној дел од Скопје на којшто таа би му била неопходна (Аеродром, дел од Кисела Вода, дел од Гази Баба). Се надевам дека нема да остане ова ветување единствено на хартија, т.е. дека ќе се сработи овој проект.

Од друга страна, јас мислам дека постојниот објект треба да се зачува во некаква форма на болница. Клинички центар ќе оди исто надвор од центарот на Скопје, 8-ми Септември е во Карпош 3, а со новата зграда кај Мајчин дом нема да остане ниту една здравствена установа од повисок ранг во центар. А да не се лажеме, најголем дел од сообраќајките и слични незгоди се случуваат околу центарот. Тука е и најголемата густина на луѓе.

За на крај, постојниот објект на Градска болница спроти Собрание не смее да се руши бидејќи е заштитено културно наследство од национално значење. Изградена е од хрватскиот архитект Драго Иблер на почетокот од 30-тите.

Првонаграденото идејно решение



https://sdk.mk/index.php/makedonija/fino-shto-ke-gradite-nova-shto-ke-pravite-uslovite-vo-starata-gradska-bolnitsa-dodeka-ja-izgradite-go-prashaa-lekarite-ministerot-filipche/#.W5GRHj2kX18.facebook

Од фб

Супер е ова, но со оглед на тоа што сега ќе се гради во ливада вон Скопје, нема потреба од подземни паркинзи, едноставно додади уште една соседна ливада за паркинг

Епа во тој случај е супер! Моја грешка.

Веќе со месеци немам слушнато никаква вест па макар и лажна надеж за реализација на овој проект...впрочем слично како и со новиот клинички кој требаше да почне да се гради крај на 2019 ама сеуште нема абер(се правдаат дека имаат проблеми со кредитирањето на проектот) а за ова со новата градска болница чисто се сомневам дека ќе се реализира наскоро.