Фонтани во Вардар

Фонтаните во Вардар ќе се градат идната година Проектот предвидува во Вардар да бидат поставени две фонтани Иако изминаа два месеца од почетокот на подготвителните работи за реализација на проектот „Фонтани во Вардар“, најавуваниот чин на официјализирање на изградбата ќе се случи дури в година. На терен во изминатиов период беа видливи активности на кејот во линија на двете локации во реката на кои е предвидено да се постават фонтаните, а шеталиштето на некои места беше дури и затворено. Од Општина Центар, која е носител на проектот, информираат дека досега се испитувале слоевитоста на почвата и нивото на подземна вода, што е неопходно за конечната изведба. Надлежните потврдуваат дека камен- темелникот на проектот ќе се случи дури идната година и тоа поради објективни причини. „Изведбата на фонтаните е одложена, бидејќи изведувачот ‘Ла Моне Мореда‘ одлучи да продолжи со работа во текот на наредната година поради водата во реката Вардар, која во овој период е непредвидлива, па може да дојде до покачување на нивното, што би било неповолно за старт на работите“, вели Јовица Ацковски, портпарол во општина Центар. Според него, непредвиденото одложување на изградбата нема да значи и доцнење на реализацијата на проектот. Изведувачите дале гаранции дека ќе го испочитуваат рокот за изведба, кој според потпишаниот договор, изнесува 7 месеци од почетокот на теренската работа. Според проектот, во Вардар ќе „никнат“ две фонтани од кои ќе се распрскува вода. Едната ќе биде во линија на Театарот, а другата пред објектот што се гради за потребите на Уставниот суд. Изведувач е италијанската фирма „Ла Моне Мореда“, а финансиер Општина Центар, од каде што вчера не можеа да информираат колку средства од буџетот се предвидени за оваа намена. (Дс.Т.)

http://www.utrinski.com.mk/?ItemID=44991B4B14AF694CB5C416F341F19FA9

Се подготвува градилиштето за фонтаните во Вардар Италијанците од „Ла Моне Мореда“, фирмата која ќе ги гради двете фонтани во Вардар, од викендов интензивно го подготвуваат градилиштето. На брегот на Вардар, во близина на Камен мост, монтирани се контејнерите за работниците, се транспортираат потребните машини, а поставена е и информативната табла за градилиштето. Од Општина Центар, која е носител на проектот, не прецизираат кога и дали воопшто ќе биде официјализиран почетокот на изградбата на фонтаните, за кои се' уште не се откриваат ниту димензиите. Изведувачот ќе има обврска во рок од седум месеци од почетокот на изградбата да финишира со двете фонтани. Инаку, општинарите потврдуваат дека, конечно, се пристигнати градежните машини од Сплит неопходни за почеток на изградбата на мостот „Око“. Изведувачот „Конструктор“, информираат од Центар, веќе дел од машините ги транспортира на кејот. „Деновиве се очекува тие да бидат ставени во функција и изградбата, конечно, да почне“, велат општинарите. (Дс.Т.)

http://www.utrinski.com.mk/?ItemID=C2BD06A13B8B8B4D9501178CE603452A


Edited by pbanks - 29-Jun-2010 at 10:27

Авторот на идејата

Фонтаните на Вардар ќе прскаат бактерии

Фекално-контаминираниот Вардар содржи ешерихија коли, стептококус фекалис и други бактерии опасни за здравјето на луѓето

Фекални бактерии и стрептококи, исклучително опасни за здравјето на луѓето, ќе летаат од водените млазови на двете фонтани што општина Центар веќе ги гради во коритото на реката Вардар. Фонтаните, кои ќе бидат поставени лево и десно од Камениот мост, ќе исфрлаат водени млазови високи до 30 метри, што значи дека минувачите на мостот постојано ќе бидат заплискувани од водени капки и прав, која под силни млазови ќе се исфрла директно од реката со фекална загаденост од четврти степен.

Фонтаните се градат и покрај одлуката на Уставниот суд, од пред една недела, да се стопираат дел од градбите во ДУП „Мал ринг“. Веќе се монтирани контејнерите за работниците, а транспортирани се и потребните машини.

Од Општината велат дека фонтаната ќе користи комбинирана вода од реката Вардар и од подземни води. Според микробиолозите, капките вода од Вардар, кој е фекално контаминиран, со сигурност ќе ги содржат ешерихија коли, стептококус фекалис и други бактерии опасни за здравјето на луѓето. Од Институтот за микробиологија велат дека луѓето што ќе дојдат во допир со ваква вода, во себе ќе внесат бактерии што предизвикуваат опасни болести, кои понекогаш, ако не се третираат, завршуваат и фатално.

- Реката Вардар е фекално контаминирана. Постарите лица и тие со слаб имунитет може да бидат заразени при минувањето по Камениот мост - потврдуваат и од лабораторијата на Јавното претпријатие „Водовод и канализација“.

Според најавите на општина Центар, веќе е почната изградбата на фонтаните, а се градат и машинските хали за инсталација на пумпите што ќе ја исфрлаат водата. Тие ќе имаат филтер, но тој ќе биде само за габаритни работи, како шишиња, гранки и слично, но секако ќе нема хемиска лабораторија што ќе ја прочистува водата.

- Ако временските услови се поволни, градежните работи ќе бидат завршени во рок од една година. Материјалот од кој ќе бидат изработени фонтаните е армирано-бетонски постамент, на кој ќе се монтираат прскалки од пониклувани водоводни цевки и прскалки видливо поставени во коритото на реката Вардар.

Водените ефекти ќе ги видиме откако ќе биде изведена фонтаната. Идејното решение на фонтаната е ИН-ПУМА, а фонтаните ќе ги гради италијанската фирма „Ла моне мореда“ - велат во општината Центар.

Фонтаните ќе имаат кружна форма, на средината ќе има цевка која ќе испушта млаз висок 30 метри, а од страната ќе има осум помали цевки што ќе испуштаат млазови, високи 7 метри. Цевките воопшто нема да се гледаат бидејќи ќе се постават на дното на реката и ќе бидат практично во вода. Надвор од реката ќе се гледаат само млазовите што ќе ги испуштаат. Фонтаните ќе бидат осветлени со специјални подводни рефлектори.

Водената површина на коритото од Вардар е широка околу 60 метри. Според проектот, фонтаните ќе се поставуваат на средина, а максималниот млаз што ќе биде исфрлан од фонтаните ќе биде висок 30 метри.

http://www.dnevnik.com.mk/?ItemID=80ACD07228CE5F43AC452396F1C637D6

Ако де, ќе си го јачаме имунитетот и ќе направиме еден голем научен експеримент на полето на капљични инфекции

И после Цацко ни бил крив (во контекст на клипот)

Напротив, жално е тоа што се турка овој малоумен проект. Нема ниту песимизам ниту пропаст во тоа да се предупреди дека млазовите ќе продуцираат огромни количини капки и аеросол од таа гнасна вода.

Не знам каков ќе биде точниот микробиолошки состав на она што ќе го распрскуваат млазовите и колкав е потенцијалот за да предизвика здраствени проблеми, но мене ми е гад и од самата помисла да дојдам во допир или пак да вдишувам од тоа, па дури и да беше лековито.

Еве ајде да бидам оптимист, но што точно би сменило тоа? Нели е тоа само пикање на главата во песок додека ни се случуваат вакви нетокму работи како фонтани во Вардар? Да речеме дека фонтаните сами по себе се работа на вкус, ама барем да сфатеа на ваква работа не смее да се помисли додека Вардар не се исчисти.

Незнам, мене Вардар не ми изгледа толку загаден. Застанете на пример на мало растојание од водата и гледајте каде што се камењата од коритото (ако е на тоа ниво), ќе видите дека водата и не е толку матна. Мислам дека бојата што ја добива е од талогот (кал, тиња) во коритото.

Да се земе да се исчисти цело корито во Скопје, да се направат каскади и да се постават неколку филтери, чистота значително ќе се зголеми, ако не за капење, барем да може да те испрска на раат, да не се вознемируваш.

Originally posted by FoSsiL Да се земе да се исчисти цело корито во Скопје, да се направат каскади и да се постават неколку филтери, чистота значително ќе се зголеми, ако не за капење, барем да може да те испрска на раат, да не се вознемируваш.

 

@ Skyboy

Ми пречат и по двата основи, со тоа што вториот не остава многу простор за личен вкус и субјективни согледувања и те молам немој да се обидуваш да го протуркаш како безосновано плукање.
Дали е текстот преувеличен ќе знаевме доколку за проектов била направена некаква анализа околу тоа што ќе прска од тие млазови. Ама за таква немам слушнато и со оглед на тоа како се протурка работата сигурен сум дека не ни имало. Доколку има нека повелат нека ја презентираат и со тоа автоматски ќе демантираат.
А тоа дека прочистувањето на Вардар е најавено, најавено е како што се најавени и многу други големи проекти па ништо од тоа. Вардар нема да се прочисти со каскади, туку со колекторски систем и пречистителни станици кои се проценува дека ќе чинат околу 200 милиони евра, што значи тешко дека ќе го дочекаме тоа набргу. Но кога и да биде, зарем не е едноставна логиката дека прво требаше да имаме чиста река, па после да видиме дали ќе правиме водоскоци? Или подобро вака да ги направиме „фонтаните“, па после да го чекаме најавеното прочистување на Вардар?


Edited by Cloverstack - 10-Jul-2010 at 13:26

Има и една друга вистина...за Водици, кога владиката го фрла крстот во Вардар, некои луѓе знаат да си го измијат лицето со „осветената“ вода од реката, па немало после никакви последици...само ова треба да се заборави...

Originally posted by Cloverstack Вардар нема да се прочисти со каскади, туку со колекторски систем и пречистителни станици кои се проценува дека ќе чинат околу 200 милиони евра, што значи тешко дека ќе го дочекаме тоа набргу. Но кога и да биде, зарем не е едноставна логиката дека прво требаше да имаме чиста река, па после да видиме дали ќе правиме водоскоци?

Не сум сигурен за цената, ама во принцип тоа е тоа...

Не ми е јасно како некој ако каже нешто логично и рационално е песимст....проблемот е во тоа што за овие работи посериозно размислуваат луѓе што заради некаква занимација ќе стаат мислење на интернет форум, него некои волови што земаат дебели плати и реално треба да се занимаваат со проблемите...темата за пречистителна станица е веќе видена работа во поголем дел од афричките земји, само овде се занимаваме со водоскоци, жални врби и градски плажи - пикни пумпа, нека летаат г***а на сите страни, пресечи лента (само не знам како ќе го напраат тоа) и сликај се за новини...многу е потешко да собереш експерти, да се состави студија на оваа тема и да се побараат кредити (од ЕУ или којзнае каде) и да се направи нешто стварно корисно за градов...