build.mk Homepage
Forum Home Forum Home > Главни теми > Урбани прашања
  Active Topics Active Topics
  FAQ FAQ  Forum Search   Register Register  Login Login

Новогодишно украсување

Bookmark and Share
 Post Reply Post Reply Page  <1 678910>
Author
Message
  Topic Search Topic Search  Topic Options Topic Options
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #141 Posted: 25-Dec-2012 at 10:06
Слабо Прилеп, слабо Скопје... еве како треба. Ова е во Ресен  LOL




Back to Top
Teglarot View Drop Down
Senior Member
Senior Member
Avatar

Joined: 15-Nov-2012
Location: Skopje
Online Status: Offline
Posts: 569
  Quote Teglarot Quote  Post ReplyReply #142 Posted: 25-Dec-2012 at 17:29
AjAOOOOOOOOOOOOOOOOOOO...
Back to Top
gjoko View Drop Down
Senior Member
Senior Member


Joined: 18-Jun-2011
Location: kicevo
Online Status: Offline
Posts: 6554
  Quote gjoko Quote  Post ReplyReply #143 Posted: 28-Dec-2012 at 23:45
Кичево,малку подобро од лани


Back to Top
gjoko View Drop Down
Senior Member
Senior Member


Joined: 18-Jun-2011
Location: kicevo
Online Status: Offline
Posts: 6554
  Quote gjoko Quote  Post ReplyReply #144 Posted: 29-Dec-2012 at 16:59
ФОТО: Накитени новогодишните елки во Охридско езеро
Сабота, 29 Декември 2012 15:08

Дваесетина нуркачи од Нуркачкиот центар „Амфора“ од Охрид, на Сојузот за подводни активности од Македонија, како и нивни колеги од Албанија, денеска традиционално по 11-ти пат поставуваа и украсуваа елки во водите на Охридското Езеро.

Една елка беше поставена во Заливот на коските во непосредна близина на Музејот на вода, додека другата во изворите на Црн Дрим кај Свети Наум. Двете дрва се накитени со специјални украси.

Горан Балевски од „Амфора“ кој оваа година ја играше улогата на Дедо Мраз под вода, рече дека китењето на елката претставува една убава традиција, со акцент ставен на учество на млади нуркачи во китењето на дрвјата под вода.

- И нам повозрасните нуркачи китењето ни претставува задоволство, една своевидна предновогодишна забава. Наше беше да се погрижиме целиот тој процес да мина безбедно, рече Балески.

Претседателот на Сојузот за подводни активности на РМ, Периклија Бешка, од своја страна изрази задоволство што се поголем број млади нуркачи учествуваат во китењето на елката под вода, најавувајќи за идната година најави некои новини насочени кон збогатување на оваа необична традиција.

Украсувањето елка под вода претставува своевидна атракција, за која искуствата од минатите години покажуваат дека е интересна како за домашните, така и за странските туристи кои новогодишните празници ги минуваат на охридската ривиера.

ФОТО: OhridNews

Курир
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #145 Posted: 09-Nov-2021 at 09:48
Дали недостигот на струја ќе го остави Скопје без новогодишно украсување?!

Град Скопје склучил договор со фирмата „Линк Медиа Плус“ да го украси градот со светлечки фигури и мрежи, сијалички и лустери за новогодишните празници што се ближат, за што треба да и искешира 244 илјади евра. За да се долови новогодишна атмосфера – украсите и елките треба да светат нон-стоп и да трошат струја цел месец. Дали новата градоначалничка на Град Скопје, Данела Арсовска, ќе го преиспита и евентуално раскине договорот со „Линк Медиа Плус“ – со оглед на енергетската криза, ќе видиме наредниве денови. Според тендерските услови, поставувањето на двете елки и украсите треба да се реализира до 20-ти овој месец

Град Скопје склучил договор со фирмата „Линк Медиа Плус“ да го украси градот со светлечки фигури и мрежи, сијалички и лустери за новогодишните празници што се ближат. За новогодишната скопска магија Град Скопје на фирмата украсувач (која патем веќе со години наназад е истата која го украсува градот), треба да и искешира 14.986.000 денари или 244 илјади евра. Во оваа цена е вкалкулирано и поставувањето на 20-метарска новогодишна елка на плоштадот „Македонија“ која треба да свети со смарт светилки, како и уште една пониска 9-метарска елка на булеварот „Илинден“.

Дали сето ова ќе се реализира? Владата на утрешната седница треба да прогласи кризна состојба, но без рестрикции на електричната енергија, така деновиве најави министерот за економија Крешник Бектеши. Тој уверуваше дека граѓаните можат да бидат мирни, дека струја нема да се гаси, но само пред десетина дена, Владата донесе уредба за прогласување на кризна состојба во енергетиката. Уредбата предвидува исклучување светлечки реклами, намалување до сигурносен обем на осветлувањето на улиците, плоштадите, ограничување на осветлувањето на излозите до сигурносен минимум и забрана за употреба на електрична енергија за дополнително загревање деловни и службени простории.

А за да се долови новогодишната атмосфера украсите и елките треба да светат нон-стоп и да трошат струја цел месец.

Прашавме во Град Скопје што ќе прават по ова прашање, а оттаму кусо ни одговорија дека не знаат со оглед дека денеска беше свеченото примопредавање на градоначалничката функција од досегашниот прв човек на градот Петре Шилегов на новата градоначалничка Данела Арсовска. Дали таа ќе го преиспита и евентуално раскине договорот за новогодишно украсување кој веќе е склучен со „Линк Медиа Плус“, со оглед на енергетската криза, ќе видиме наредниве денови.

Инаку, според тендерските услови, поставувањето на двете елки и украсите треба да се реализира до 20-ти овој месец.

https://www.vecer.press/дали-недостигот-на-струја-ќе-го-остави/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #146 Posted: 09-Nov-2021 at 18:06
СКЛУЧЕН ДОГОВОРОТ ЗА НОВОГОДИШНО УКРАСУВАЊЕ НА СКОПЈЕ, ЌЕ ЧИНИ 240.000 ЕВРА

Град Скопје го склучи договорот за новогодишно украсување на градот. Украсувањето ќе чини 243.000, а договорот ексградоначалникот Петре Шилегов го потпишал со фирмата „Линк медиа плус“. Оваа фирма била единствена која доставила понуда на јавниот повик кој беше објавен во септември.

„Украсување предвидува поставување централна новогодишна елка на Плоштадот Македонија и украсување на неколку други локации и улици. Украсувањето треба да е во духот на модерното време и живеење, со високи естетски, уметнички и ликовни ефекти, запазувајќи при тоа унифициран концепт на целиот простор. Новогодишното украсувањето треба да биде завршено до 20 ноември“, стои во договорот објавен на страната на Бирото за јавни набавки.

Лани главниот град беше украсен за Нова година, но немаше новогодишна прослава поради пандемијата на ковид-19. Од ВМРО-ДПМНЕ тогаш бараа Град Скопје и општините да се откажат од новогодишно украсување поради пандемијата на ковид-19 односно да не се трошат буџетски пари за новогодишни светилки и украси.

https://sdk.mk/index.php/dopisna-mrezha/skluchen-dogovorot-za-novogodishno-ukrasuvane-na-skopje-ke-chini-240-000-evra/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #147 Posted: 10-Nov-2021 at 13:58
ГРАДОНАЧАЛНИЧКАТА АРСОВСКА ГО РАСКИНА ДОГОВОРОТ ЗА НОВОГОДИШНО УКРАСУВАЊЕ НА СКОПЈЕ

Новата градоначалничка на Скопје Данела Арсовска го раскина договорот за новогодишно украсување на Скопје.

Причина за раскинување на договорот, како што дознава САКАМДАКАЖАМ.МК, е можната енергетска криза и можните рестрикции во снабдувањето со електрична енергија.

„Соочени со енергетската криза која е во тек, а имајќи во предвид дека државата набавува електрична енергија со драстично повисока цена, како и во согласност со Владината одлука за прогласена кризна состојба во енергетскиот сектор, сакаме да ја информираме јавноста дека Град Скопје побара раскинување на договорот со Линк медиа плус за новогодишно украсување на градот во вредност од 14.986.000,00 денари односно 243.000,00 евра“, соопштија од кабинетот на Арсовска.

Од таму додаваат дека следната година наместо досегашната практика на ненаменско трошење на парите на граѓаните и ангажирање на компанија за украсување, Град Скопје ќе набави украси кои ќе бидат сопственост на градот со што ќе се заштедат значителни средства од градскиот буџет кои досега секоја година се трошеле за еднократен годишен закуп на овие украси.

Договорот за новогодишно украсување беше склучен од претходниот градоначалник Петре Шилегов со фирмата „Линк медиа плус“ и чини 240.000 евра.

https://sdk.mk/index.php/dopisna-mrezha/gradonachalnichkata-arsovska-go-raskina-dogovorot-za-novogodishno-ukrasuvane-na-skopje/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #148 Posted: 15-Nov-2021 at 15:01
СТРУМИЦА ГИ СКРАТИ ПАРИТЕ ЗА НОВОГОДИШНО УКРАСУВАЊЕ, ЌЕ СЕ КИТИ САМО ПЛОШТАДОТ

За Нова година и Божиќ во Струмица ќе биде украсен само плоштадот, а не и целиот град како досега. Ваква одлука донесоа струмичките советници прифаќајќи го предлогот на градоначалникот Костадин Костадинов да се скратат парите за ова намена за речиси 75 отсто, заради енергетската криза. Во буџетот за новогодишно украсување беа планирани 1,5 милиони денари или околу 22 илјади евра, а со новата одлука за ребаланс за таа намена ќе се потрошат максимум 400 илјади денари или неполни 7.000 евра.

Зад ваквиот предлог застанаа сите советници кои сметаат дека за празниците треба да има колку-толку позитивна атмосфера во Струмица, но од друга страна мора да има заштеди на енергијата во услови кога се заканува енергетска криза. Од таа причина беа дадени и сугестии препораки до физичките и правните лица да прават заштеди при користење на енергијата, но и да не се осветлува еко паркот изграден годинава.

„Јас како граѓанин би сакал да ја видам општината украсена, но од друга страна имаме европска енергетска криза заради која Владата има донесено и кризна состојба, затоа сметам и предлагам до Советот да биде донесена одлука да биде украсен само плоштадот“, кажа Костадинов.

Средствата што беа планирани за новогодишно украсување на Струмица, Советот ги пренасочи за проектите од Програмата за уредување на градежното земјиште.

https://sdk.mk/index.php/dopisna-mrezha/strumitsa-gi-skrati-parite-za-novogodishno-ukrasuvane-ke-se-kiti-samo-ploshtadot/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #149 Posted: 06-Dec-2021 at 16:19
СКОПЈЕ И ГОДИНАВА ЌЕ ИМА „ВИНТЕРЛЕНД“, ЌЕ ЧИНИ 32.000 ЕВРА, ШТО Е ТРИ ПАТИ ПОМАЛКУ ОД ПРЕДВИДЕНИОТ БУЏЕТ, ВЕЛАТ ОД ГРАДОТ

Град Скопје и оваа година за новогодишните празници во центарот на градот ќе го организра новогодишниот базар „Винтерленд“. Минатата недела Градот објави јавен повик за изработка на идеен проект. Право на учество на јавниот повик имаат сите здруженија на граѓани, фондации,федерации, установи, трговски друштва и маркетинг агенции.

Од Кабинетот на градоначалничката Арсовска ни одговорија дека детали за програмата ќе бидат објавени по завшување на огласот кој трае до 8 декември, а за реализација на „Винтерленд“ од буџетот на Градот ќе бидат потрошени 2 милиони денари што е за три пати помалку од она што било предвидено од претходната локална власт.

„Целата постапка за организирање на ‘Винтерленд‘ и буџетските средства се поминати на Совет во буџетот за изминатата 2020-21 година. ‘Винтерленд‘ е предвиден во програмата со буџет значително помал од 2019 година. Сега буџетот со ребалансот е намален за трипати и од првичните 6 милиони е намален на 2 милиони денари за организација на целиот настан. На 8 декември завршува јавниот повик за одржување на овој настан по што јавноста ќе биде информирана за сите детали поврзани со новогодишниот базар“, велат од Град Скопје.

Градоначалничката Данела Арсовска во петокот објави дека Скопје сепак за новогодишните празници ќе биде украсен. Како што кажа Арсовска градот ќе се кити без пари односно на нејзинот повик се одзвале општествено одговорни компании, а фирмата „Линк медиа плус“ прифатила спогодбено да се раскине договорот од 240.000 евра склучен од нејзниниот претходник Петре Шилегов и Скопје да се украсува без финансиски импликации.

https://sdk.mk/index.php/dopisna-mrezha/skopje-i-godinava-ke-ima-vinterlend-ke-chini-32-000-evra-shto-e-tri-pati-pomalku-od-predvideniot-budhet-velat-od-gradot/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #150 Posted: 13-Dec-2021 at 18:33
Плоштадите можеби нема да бидат во полн сјај, но сјајот ќе го донесат граѓаните

ЕНЕРГЕТСКАТА КРИЗА и организирањето на новогодишните прослави на јавни простори
Енергетската криза, за жал, успева да влијае на свечените „светлини на градот“ на плоштадите, булеварите, улиците, објектите во пресрет на еден од најубавите периоди од годината – Нова година. Новогодишното украсување во главниот град можеби нема да го достигне полниот сјај поради недостигот од електрична енергија, поради финансиската криза, како и поради пандемијата… Општините во градот Скопје донесоа одлука новогодишното украсување да го остават за подобри времиња. Освен Град Скопје, под чија надлежност се плоштадот „Македонија“ и главните сообраќајници и булевари, другите плоштади и улици ќе останат без китнестиот новогодишен декор.

ЗАПОЧНА УКРАСУВАЊЕТО НА ГРАДОТ

И покрај раскинувањето на тендерот за украсување на градот Скопје, градоначалничката Данела Арсовска сепак нема да ги остави скопјани без новогодишниот китнест декор. Плоштадот во централното градско подрачје ќе биде украсен, како и голем дел од другите сообраќајници што се под директна надлежност на градските власти. Како што истакна Арсовска, годинашното украсување на градот ќе биде со големо растоварување на градската каса, бидејќи истото тоа ќе биде направено со помош на општествено одговорни компании.
– На 10 декември започнува да се украсува градот Скопје за Нова година. На повикот на градоначалничката на Скопје, Данела Арсовска, до компаниите да покажат општествена одговорност за време на здравствено-економска и енергетска криза, се јавија компании заинтересирани да помогнат. Новогодишното украсување ќе се изврши без пари и без понатамошни финансиски импликации кон градскиот буџет – информираа градските власти.
Оттаму додадоа дека и оваа година ќе се организира „Винтерленд“.
– Во однос на целата постапка за организирање на „Винтерленд“ и буџетските средства се поминати на Советот во буџетот за изминатата 2020-2021 година. „Винтерленд“ е предвиден во програмата со буџет значително помал од 2019 година. Сега буџетот со ребалансот е намален за трипати и од првичните шест милиони е намален на два милиони денари за организација на целиот настан. На 8 декември завршува јавниот повик за одржување на овој настан, по што јавноста ќе биде информирана за сите детали поврзани со новогодишниот базар – велат од Градот.
За радост на децата на градскиот плоштад, како и секоја година така и оваа, во рамките на „Винтерленд“ ќе има ликови на Дедо Мраз со кои најмалите ќе се фотографираат и ќе добиваат новогодишни пакетчиња.
– И оваа година, како и изминатите неколку години дозволите за Дедо Мраз на скопскиот плоштад се регулирани во рамките на „Винтерленд“. Град Скопје отпочна постапка во согласност со која од следната година, базирано врз анализа, ќе се предвидат измени во постапката за доделување дозволи – велат оттаму.

ГРАЃАНИТЕ СЕПАК САКААТ ДА СЕ УКРАСУВА

И покрај големата фама што се крена во јавноста околу тоа дали треба или не треба градот да биде новогодишно украсен, сепак голем број од граѓаните, кои екипата на „Нова Македонија“ ги анкетира на оваа тема, сметаат дека иако можеби треба да биде поскромно, сепак новогодишното украсување му е потребно на Скопје. Анкетата покажа дека граѓаните сѐ уште носат во себе силен оптимизам, верба и надеж дека наредната година ќе ни донесе нови поубави моменти, на здравствен, финансиски, па и на внатрешен и надворешнополитички план.
– Да, сите сме свесни дека е голема енергетска и финансиска криза. Сите живееме во истите околност, како за сите така и за градот и општините. Но сепак, овој период од годината е еден од најрадосните за дечињата, па и за нас постарите, нивните родители, бабите и дедовците. Во ова сивило кога владее толку лоша енергија на информации, беспарица, а да не ја заборавиме ниту здравствената криза што на сите ни тропа на врата, убаво е да имаме мала можност да избегаме од реалноста и да поуживаме во новогодишното шаренило на детска безгрижност – вели Верче Трајановска.
Многумина од граѓаните исто така ја поздравуваат одлуката за давање на наменетите средства за новогодишно украсување за граѓаните од социјално ранливи категории.
– Треба да бидеме свесни дека сме сиромашна држава во која голем дел од населението едвај преживува и најновогодишно однесување од сите нас ќе биде да бидеме хумани и да им помогнеме на нашите сограѓани. Затоа и ја поздравувам одлуката да се заштеди и средства да се пренаменат за оние на кои им е најпотребно – вели Саше Стојковски.
Сепак, големо влијание има и енергетската криза, па токму затоа граѓаните велат дека не треба да се расфрламе со средствата за кои сите ние ќе плаќаме.
– Сосема е рационално и исправно да не се однесуваме со електричната енергија како да утре ќе нема. Ситуацијата е таква каква што е. Увезуваме скапа струја, а украсувањето ќе биде крајно недомаќинско однесување. И јас уживам во Нова година, но во вакви услови, најдобро е да штедиме колку што можеме – вели Благоја Милевски.

УКРАСУВАЊЕТО НА ОПШТИНИТЕ ЌЕ ЧЕКА ПОДОБРИ ВРЕМИЊА

Скопските општини оваа година нема да ги украсуваат сообраќајниците и плоштадите што се во нивна надлежност.
Многу од општините информираа дека поради енергетската криза, ќе го остават украсувањето за подобри времиња.
Жителите на Кисела Вода, наместо новогодишно украсување, со средствата наменети за тоа ќе добијат пренамена и истите тие ќе се трошат за голем број проекти, меѓу кои има и капитални проекти. Граѓаните силно ја поддржуваат и охрабруваат ваквата одлука.
– Со оглед на финансиската и енергетската криза во која се наоѓа државата, Кисела Вода, во координација со Град Скопје, донесе одлука да не троши финансиски средства од својот буџет за предновогодишно китење на јавните површини во општината. Во фаза на подготовка е новиот буџет за 2022 година, во кој во согласност со Програмата на градоначалникот Орце Ѓорѓиевски ќе бидат предвидени голем број проекти, некои од нив и капитални, па сите финансиски средства ќе бидат насочени кон нивна реализација – информираа од Општина Кисела Вода.
Оттаму додаваат дека во поглед на новогодишните празнувања, планиран е Новогодишен хуманитарен базар во паркот „Шопен“, на кој ќе се продаваат изработки од дечињата од општинските градинки.
– Средствата од продажбата се наменети за лицата со попреченост „Куќа на среќата“. За децата со посебни потреби ќе се организира и приредба, на која ќе учествуваат и учениците од ДУРМДОВ „Димитар Влахов“, а обезбедена е и донација за пакетчиња – велат оттаму.
Новогодишно нема да се украсува ниту Општина Карпош, од каде што велат дека има повеќе причини за таквата одлука. И во таа општина, градоначалникот Јакимовски има поразлични иновативни идеи во функција на карпошани.
– Новиот градоначалник Стевче Јакимовски, кој стапи на функција на четврти ноември, оцени дека нема потреба од распишување тендер од три причини. Прво, поради прекраткото време за распишување на тендерот, второ, поради најавите за енергетска криза во државата и трето, поради заштеда на средства од буџетот на Општината – велат од Општина Карпош.
И од Општина Ѓорче Петров информираа дека енергетската криза е најголемата причина за неукрасувањето на општината. Но градоначалникот вели дека никако нема да ги заборави да ги развесели најмладите ѓорчепетровци за празниците.
– Имајќи ги предвид енергетската криза што е во тек и повисоките цени за набавка на електрична енергија, како и во согласност со одлуката на Владата за прогласена кризна состојба во енергетскиот сектор, годинава нема да склучиме договор за новогодишно украсување. Со оглед на состојбата со буџетот и задолжувањата со кои се соочуваме, овие средства, кои претходно се трошеле за вакви намени, ќе останат во буџетот за поприоритетни потреби на граѓаните на Ѓорче Петров – велат оттаму.
Од Ѓорче Петров додаваат дека ќе бидат поделени пакетчиња за првоодделенците, а за социјално-ранливите групи, ученици и жители, општината обезбедила спонзори, односно општествено одговорни фирми преку кои биле обезбедени прехранбени пакети за лица со тешкотии во развојот и за социјално-загрозените жители.
– За децата со посебни потреби од спонзорства обезбедивме прехранбени и хигиенски артикли и новогодишни пакетчиња. Нема да бидат заборавени ниту семејствата на бранителите.
По повод претстојните празници, Општината ќе организира и настани на кои ќе учествуваат родителите и месното население. Во план е да се соберат финансии што ќе бидат наменети за деца на самохрани родители. Училиштата на територија на Општина Ѓорче Перов ќе бидат украсени – информираа од Ѓорче Петров.

https://www.novamakedonija.com.mk/makedonija/skopje/плоштадите-можеби-нема-да-бидат-во-пол/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #151 Posted: 14-Dec-2021 at 11:50
ДАЛИ СКОПЈЕ ЌЕ ОСТАНЕ ТАЖНО? Ниту светилка, ниту лампион нема од бесплатното украсување

Со наближување на прославата на најлудата ноќ во годината, повеќето градови во светот веќе го завршија новогодишното украсување со цел да се долови празничната атмосфера, но тоа не е така во нашиот главен град.

„Мрачно“, „Тмурно“, „Катастрофално“, „Како да не е Нова година“, „Можеби бесплатното украсување е невидливо“, вака граѓаните на социјалните мрежи реагираат на моменталната слика во Скопје. Затоа рестораните и кафулињата покрај шетачката улица на Кејот 13 Ноември и на улицата Македонија веќе се накитени со новогодишни украси и светилки и ја поседуваат препознатливата предновогодишна еуфорија. Исто така, украсени се и моловите низ градот. Претходно градоначалничката Данела Арсовска најави бесплатно разубавување на градот, но засега нема ништо од тоа.

Арсовска на првиот брифинг и засега единствениот со новинарите, на три дена по стапувањето на функцијата рече дека е неприфатливо да се дадат околу 240.000 евра за новогодишно украсување на градот, а притоа да се најавува дека ќе има можни рестрикции на струјата и со тоа да нема светло на улиците.

Неприфатливо Градот е секоја година да плаќа 240.000 евра за новогодишно украсување. Сметам дека тоа може да се постигне со помалку пари, како што претходно чинело и по 80.000 евра, а може и за многу помалку. Кој вели дека градот ќе биде тажен затоа што нема да има такво новогодишно украсување? Мислам дека нема потреба да се дадат толку пари, затоа што како ќе светат светилките кога ќе нема струја? Јас се надевам дека фирмата со која е склучен договорот ќе биде општествено одговорна и ќе има разбирање да се раскине договорот – објасни Арсовска.

Арсовска прво се пофали дека успеала да го раскине првичниот договор со компанијата „Линк медиа плус“ во вредност од околу 240.000 евра, потоа градоначалничката повторно се пофали дека истата фирма ќе го украсува Скопје, но овој пат без пари. Првично според информациите кои беа споделени во јавноста, новогодишното украсување на главниот град требаше да започне на 10 декември, но во моментов единствено што светка се уличните светилки.

– Ова е време кога треба да се менуваат работите, кога треба да покажеме дека заедно можеме повеќе за нашиот град. На мојот повик се јавија компании кои ја покажаа својата општествена одговорност, а една од нив најави дека ќе го украси градот Скопје за Нова година без финансиски импликации по градот – изјави градоначалничката Арсовска по средбата со компанијата „Линк медиа“.

Сепак, и покрај сите најави, доколку прошетате низ плоштадот „Македонија“, улиците во централното градско подрачје ќе забележите дека нема никакво разубавување на Скопје, нешто по што е препознатлив Градот во овој период од годината, нешто на коешто се радуваат најмладите, но и повозрасните.

https://plusinfo.mk/dali-skop-e-e-ostane-tazhno-nitu-svetilka-nitu-lampion-nema-od-besplatnoto-ukrasuva-e
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15001
  Quote Џоле Quote  Post ReplyReply #152 Posted: 14-Dec-2021 at 12:26
Оф, мори мајко, Скопје се распаѓа, луѓево запнале за новогодишно украсување, ќе немаат каде да се сликаат за на инстаграм.
За сè има вторпат
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #153 Posted: 16-Dec-2021 at 16:37
ВО СКОПЈЕ ЌЕ СЕ УКРАСАТ ТРИ УЛИЦИ ЗА НОВА ГОДИНА, ПОЧНА ПОСТАВУВАЊЕТО НА ЕЛКАТА НА ПЛОШТАД МАКЕДОНИЈА



Екипи од фирмата „Линк медиа плус“ почнаа да ја поставуваат новогодишната елка на Плоштадот Македонија. Елката е првиот украс кој ги симболизира претстојните новогодишни и божиќни празници.

Од Град Скопје ни изјавија дека освен елката, на Плоштадот ќе бидат поставени и други новогодишни украси, а ќе светнат и улиците Димитрие Чуповски и Стив Наумов, како и булеварот Илинден.

Град Скопје на Плоштадот ќе организира и новогодишен базар „Винтерленд“, за што беше распишан оглас и од буџетот се предвидени 32.000 евра.

Градоначалничката Данела Арсовска по доаѓањето на функцијата го раскина договорот од 240.000 евра со фирмата „Линк медиа плус“ и најави дека градот ќе биде украсен бесплатно, со донации на општествено-одговорни фирми.

https://sdk.mk/index.php/dopisna-mrezha/vo-skopje-ke-se-ukrasat-tri-ulitsi-za-nova-godina-pochna-postavuvaneto-na-elkata-na-ploshtad-makedonija/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #154 Posted: 17-Dec-2021 at 18:03
Бавно оди китењето на Скопје







Бавно оди китењето на центарот на Скопје, за разлика од претходните години, кога експресно беа поставувани украсите.

Иако градоначалничката на град Скопје, Данела Арсовска најави дека фирмата која во изминативе 10 години го добиваше тендерот за украсување на градот „Линк Медиа Плус“ треба да почне да украсува од 10 декември, тоа започна дури вчера.

Оваа година на нејзиното барање фирмата треба бесплатно да го заврши украсувањето, откако спогодбено беше раскинат договорот со неа, кој беше склучен од нејзиниот претходник Петре Шилегов. Како што рече Арсовска на денешниот брифинг со новинарите, во ред е сега и таа во состојба на енегретска, економска и здравствена криза да даде свој придонес за Скопје и за скопјани.

Инаку, во моментот се поставува зелената обвивка на костурот на елката кој беше наместен вчера на Градскиот плоштад. Поставен е и светлечки тунел кај фонтаната „Воин на коњ“.

https://www.vecer.press/бавно-оди-китењето-на-скопје/
Back to Top
ehrlich View Drop Down
Senior Member
Senior Member
Avatar

Joined: 31-May-2012
Location: Скопје
Online Status: Offline
Posts: 1365
  Quote ehrlich Quote  Post ReplyReply #155 Posted: 17-Dec-2021 at 20:28
Навистина не ја разбирам фамава со новогодишново осветлување во време кога од 1 јануари не очекува пораст на цените на електричната енергија. Патем, новинариве олку да се заинтересирани макар еднаш да напнуваат за битни теми како отпад, квалитет на воздух, инфраструктура.
Back to Top
Citizen View Drop Down
Groupie
Groupie


Joined: 18-Mar-2020
Online Status: Offline
Posts: 47
  Quote Citizen Quote  Post ReplyReply #156 Posted: 17-Dec-2021 at 20:35
Originally posted by ehrlich

Навистина не ја разбирам фамава со новогодишново осветлување во време кога од 1 јануари не очекува пораст на цените на електричната енергија. Патем, новинариве олку да се заинтересирани макар еднаш да напнуваат за битни теми како отпад, квалитет на воздух, инфраструктура.

Одвлекување внимание, ништо друго.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #157 Posted: 18-Dec-2021 at 15:17
Струга е доста понапред со годините



од твитер
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #158 Posted: 18-Dec-2021 at 18:25
Тоа е бидејќи во Струга моментално е 1437 година после Хиџра. Никој не знае после Христа.
Arguing on the internet is like running at the special olympics. Even if you win, you're still retarded.
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15001
  Quote Џоле Quote  Post ReplyReply #159 Posted: 18-Dec-2021 at 18:36
Не е Струга, Улцињ е.

https://telma.com.mk/2021/12/18/%D0%BD%D0%B0%D0%BC%D0%B5%D1%81%D1%82%D0%B8-2022-%D0%B2%D0%BE-%D1%83%D0%BB%D1%86%D0%B8%D1%9A-%D1%9C%D0%B5-%D1%81%D0%B5-%D1%81%D0%BB%D0%B0%D0%B2%D0%B8-2202-%D0%B3%D0%BE%D0%B4%D0%B8%D0%BD%D0%B0/



И внимателно со фотки од твитер, често се заебанции и лажни вести.
За сè има вторпат
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #160 Posted: 18-Dec-2021 at 18:51
Originally posted by Џоле

Не е Струга, Улцињ е.

https://telma.com.mk/2021/12/18/%D0%BD%D0%B0%D0%BC%D0%B5%D1%81%D1%82%D0%B8-2022-%D0%B2%D0%BE-%D1%83%D0%BB%D1%86%D0%B8%D1%9A-%D1%9C%D0%B5-%D1%81%D0%B5-%D1%81%D0%BB%D0%B0%D0%B2%D0%B8-2202-%D0%B3%D0%BE%D0%B4%D0%B8%D0%BD%D0%B0/



И внимателно со фотки од твитер, често се заебанции и лажни вести.


Мојот коментар и за таму важи
Arguing on the internet is like running at the special olympics. Even if you win, you're still retarded.
Back to Top
 Post Reply Post Reply Page  <1 678910>

Forum Jump Forum Permissions View Drop Down



This page was generated in 0.112 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.