Тетовски сообраќај (општо)

Ќе се продолжи булеварот „Благоја Тоска“? – Касами вели дека е потребен проект и да се обезбедат финансиски средства

Пуштен во употреба долгоочекуваниот дел од булеварот „Благоја Тоска“ во Тетово, но за продолжување на истиот е потребен уште еден проект, бидејќи општина Тетово нема детален проект и не знае колку би чинело „Благоја Тоска“ да се поврзува со булеварот „Илинден“. Градоначалникот на Тетово, Билал Касами вели дека прво треба да се направи проект, а потоа да се обезбедат средства за да се продолжи патот.

„Во моментов не, разговаравме и со соработниците, според информациите што ги имам, има основен проект, треба да се нарача студија за експропријација, да се направи финансиска конструкција, да видиме колку ќе чини експропријацијата на овој проект и да се обезбедат средства за да продолжиме со реализација на овој проект“, вели Биљал Касами.

Тетовци очекуваат овој булевар да продолжи. Тие велат дека општината треба да инвестира во инфраструктурата, бидејќи само така ќе се олесни сообраќајот.

„Мислам дека булеварот треба да се отвори до булеварот „Илинден“ и доколку не може да се оди до таму, барем до првата кривина, да се намали сообраќајот, тоа би било во најдобар интерес за граѓаните. Благодарни сме на сите фактори кои даваат дали е тоа централната или локалната власт и без сомнение тоа е во најдобар интерес на граѓаните“.

Булеварот „Благоја Тоска“ пред три дена го пушти во употреба градоначалникот на општина Тетово. Должината на овој дел е речиси 1 километар, додека отворањето на овој булевар има за цел да го поврзе булеварот „Илинден“ со регионалниот пат Тетово- Јажинце, но 20 години се одложува отворањето на истиот поради финансиските средства.

https://mk.tv21.tv/ke-se-prodolzhi-bulevarot-blagoja-toska-kasami-veli-deka-e-potreben-proekt-i-da-se-obezbedat-finansiski-sredstva/

Не сум знаел дека Пена на Албански јазик се вика Shkumbin, исто како и една друга река во Албанија. Ве молам доколку некој знае буквален превод на зборот "Shkumbin" да преведе што значи, дали исто како и што зборот "Пена" означува на словенските јазици?

Застој во градежните активности за пробивање на булеварот „Благоја Тоска“



Застој во градежните активности за пробивање на булеварот Благоја Тоска, проект кој граѓаните го чекаат со децении, за да се растовари сообраќајниот метеж во Тетово. Од локалната самоуправа велат дека фирмата изведувач направила пауза поради временските прилики. 65% од работите се завршени, а најавите се дека ќе биде целосно готов до крајот месецов.

https://telma.com.mk/2023/03/04/zastoj-vo-gradezhnite-aktivnosti-za-probivanje-na-bulevarot-blagoja-toska/

Општина Тетово незаконски ќе урива приватен објект иако процесот експропријација се уште трае тврди сопственикот



Откако го добиле известувањето од Општина Тетово за отстранување на куќата на чие место треба да поминува булеварот „Благоја Тоска“, сопственикот Ислам Рушити се пожали на притисок. Тој тврди дека рушењето не треба да спроведе затоа што сѐ уште трае постапка за експропријација на имотот, односно треба да се направи супер вештачење од овластен судски вештак за определување надоместок, одлука донесена на судско рочиште во мај годинава.

Според приватното вештачење цената е многу повисока од таа на Општината, вели Рушити.

ШТО ЌЕ ПРАВАМ, ЈАС ЌЕ СЕДАМ ВО КУЌАТА, ЌЕ КАЖАМ И НА ПОЛИЦИЈАТА И НА ДРУГИТЕ, ЗАТОА ШТО СМЕ НА СУД, ДА ИЗЛЕЗЕМЕ ОД ПРОСЕЦОТ, ПОСЛЕ ЌЕ ВИДИМЕ. НЕ Е ЗАВРШЕН ПРОЦЕСОТ. НИЕ БАРАМЕ КОЛКУ ШТО ПОКАЖА ВЕШТАЧЕЊЕТО, 120 ИЛЈАДИ ЕВРА, ОПШТИНА ДАВА 76. МЕСТОТО МИ Е СО ГОЛЕМИНА ОД 426 М2, А ОПШТИНАТА ЗЕМА 350, ВЕЛИ РУШИТИ.

Градоначалникот Биљал Касами, пак, информираше дека рушењето ќе го спроведат во понеделник.

ЗНАЧИ ПОНЕДЕЛНИК, ВЕЌЕ Е ИНФОРМИРАНА ПОЛИЦИЈАТА ЗА ДА АСИСТИРА, ЗА ДА СЕ ЕЛИМИНИРА И ПОСЛЕДНАТА ПРЕЧКА ВО ПРОДОЛЖУВАЊЕ НА ОСТАНАТИОТ ДЕЛ ОД ТРАСАТА НА БУЛЕВАРОТ. СЕ НАДЕВАМЕ ДЕКА ПОЛИЦИЈАТА ПОЗИТИВНО ЌЕ ОДГОВОРИ И ЌЕ ГО ЕЛИМИНИРАМЕ И ПОСЛЕДНИОТ ПРОБЛЕМ И ЌЕ СЕ ПРОДОЛЖИ СО ДИНАМИКАТА. ОБЈЕКТ КАДЕШТО СИТЕ ЗАКОНСКИ ПРОЦЕДУРИ СЕ ЗАВРШЕНИ, СЕГА ТРЕБА ДА СЕ ОТСТАНИ ГРАЃАНИНОТ И ДА СЕ ПРЕМЕСТИ НА ДРУГО ЖИВЕАЛИШТЕ, РЕЧЕ КАСАМИ.

Куќата е последниот објект на трасата на која булеварот „Благоја Тоска“ треба да продолжи во правец кон станбениот Блок 70, проект за растеретување на сообраќајот, кој граѓаните на Тетово го чекаат речиси две децении.

https://telma.com.mk/2022/11/12/opshtina-tetovo-nezakonski-kje-uriva-privaten-objekt-iako-procesot-eksproprijacija-se-ushte-trae-tvrdi-sopstvenikot/

Не се знае дали булеварот „Благоја Тоска“ ќе биде готов наесен, Општина Тетово молчи (ВИДЕО)



Толку многу ветуваниот и многу дискутиран булевар „Благоја Тоска“ во Тетово, никако да се доврши и да се растовари сообраќајниот хаос. Иако беше ветено дека булеварот ќе биде готов во текот на есента, работите таму се изведуваат со слаб интензитет, тврдат граѓаните коишто ја користат оваа сообраќајница. Од општината молчат за тоа кога ќе завршат градежните работи, пишува Порталб.мк.

Се ближи есента а со тоа и рокот за завршување на работите и пуштање во употреба на оваа сообраќајница. За да види до каде се работите, Порталб.мк излезе на терен. Таму може да се види само еден багер и четворица работници. Работите се одвиваат многу бавно.

Жителите од околината велат дека таму некогаш се работи, а некогаш не, и тоа многу бавно. Од Општина Тетово, иако рекоа дека ќе одговорат на новинарските прашања за тоа дали има проблеми во реализацијата на работите и кога ќе завршат, сепак не одговорија.

Потсетуваме дека првиот човек на општината пред два месеца изјави дека при работата за продолжување на булеварот се појавиле многу непредвидени работи, но дека очекува истите во иднина да се санираат.

Сега веќе поранешните општински советници од ДУИ и новоизбраните советници, ја критикуваат општината дека ги присвојува заслугите за овој проект што е добиен од претходното раководство.

Работите за продолжување на булеварот започнаа на 16 мај од Текстилното училиште „Гоце Стојчевски“, за да завршат таму каде што лани во август започна претходното раководство, кај мостот под Градската болница, па и беше оставен на половина.

Според предвидената динамика се очекува работите да завршат во овој месец или во октомври.

Инвеститор на проектот е Владата на РСМ, а финансиран е од ТАВ. Работите на булеварот ги изведува фирмата НБ, а општина Тетово е надзорно тело.

https://meta.mk/ne-se-znae-dali-bulevarot-blagoja-toska-kje-bide-gotov-naesen-opshtina-tetovo-molchi-video/

КАСАМИ САКА ОД УТРЕ ДА ИМ ЗАБРАНИ ВЛЕЗ ВО ТЕТОВО НА ПРИВАТНИТЕ ПРЕВОЗНИЦИ, ПОЛИЦИЈАТА НЕГИРА ДЕКА ДАЛА СОГЛАСНОСТ



Градоначалникот на Тетово, Билал Касами, сака од утре да им забрани влез во градот на превозниците. Тие ќе треба патниците да ги донесат до предградието, односно кај Штуловиот универзитет, или до автобуската станица, а оттаму да го користат јавниот градски превоз. Целта е, како што вели, да се растовари сообраќајот во градот од големиот број комбиња што превезуваат патници.

„Со одлука на Советот на Општина Тетово, сите превозници кои вршат превоз на патници од други општини и приградски населени места ќе немаат право да влезат во градскиот дел. Општинскиот инспекторат врши и ќе врши контроли, па ги информирам сите превозници дека ќе бидеме принудени и да запленуваме возила. Значи, сите што ќе влезат во градското подрачје без дозвола за движење во тој дел ќе бидат спречени. Транспорт на патници во градот ќе може да врши само Јавното градско транспортно претпријатие. Со дозвола ќе може да се врши наменски превоз, како разни стоки или работници, но не и превоз на патници“, изјави Касами.

Оваа одлука е донесена на 9. седница на Советот, пред тој да се распушти, а стапува на сила на 1 јули. Касами вели дека мерката е направена во соработка со СВР Тетово, но од тетовската полиција го демантираат ова.

„Во врска со најавената забрана за влез на превозни возила во Тетово, Секторот за внатрешни работи Тетово категорично демантира дека за ваквата забрана е остварена координација со надлежните служби од Одделението за полиција, односно со инспекторите по сообраќај. СВР Тетово нагласува и дека до овие служби не е доставено никакво писмено барање, ниту известување за најавената забрана. На секоја измена на сообраќајниот режим треба да претходат ревидиран стручен проект и согласност од Министерството за внатрешни работи, а не да се преземаат чекори на своја рака и надвор од законски предвидената процедура. Доколку службите на СВР Тетово констатираат законски неправилности, адекватно ќе реагираат и ќе изготват пријави против сите кои ќе ја прекршат законската регулатива, без разлика дали станува збор за институции, правни или физички лица“, се вели во соопштението на СВР Тетово.

Касами вели дека не е информиран за соопштението на полицијата.

„Ние имаме одлука на Советот на Град Тетово и таа треба да се почитува. Не ни е кажано дека има некоја пречка од полицијата. Ние сме во секојдневна координација со полицијата и ако има потреба од какво било барање, ние ќе се координираме“, вели Касами.

Сопствениците на возилата кои вршат локален превоз на патници се револтирани од ваквата одлука. Тие велат дека тоа многу ќе се одрази на нивната работа, бидејќи патниците кои доаѓаат од други населени места ќе мора да плаќаат двојни сметки.

Според некои проценки на општината, во ваков превоз се вклучени 250 до 300 возила, од кои само мал дел имаат лиценца.

https://sdk.mk/index.php/dopisna-mrezha/kasami-saka-od-utre-da-im-zabrani-vlez-vo-tetovo-na-privatnite-prevoznitsi-politsijata-negira-deka-dala-soglasnost/

Не е само до Тетово, цела Македонија има неспособни луѓе. Во Скопје доста примери, Тирана се подалеку од нашото Скопје, ќе тераме со Приштина..

Булеварот „Благоја Тоска“ во Тетово конечно ќе се изгради?



Решен е последниот проблем за да почнат градежните работи за булеварот „Благоја Тоска“ во Тетово. Општината склучила договор за експропријација со сопствениците на објектот кој треба да се урне. Сопственикот на зградата ги отфрли оправдувањата на претходниот состав на општината за неговиот имот.

„Никогаш не не повикаа. Дури сакавме патот да се направи брзо бидејќи траеше веќе долго. Никогаш не сме ја спречила општината, но сега најдовме решение. Порано, пред четири години, побарав да контактирам со поранешната градоначалничка, но не успеав да стигнам до канцеларијата. Сега се договоривме, но јас никогаш не сум се спротивставил“, вели Али Рушити Сопственик на куќа покрај „Благоја Тоска“.

Работите за „Благоја Тоска“, која се финансира со средства на Тав Македонија, ќе започнат неделава, а се планира да заврши кон крајот на септември. Шефот на општинскиот совет Бесар Дурмиши го обвини претходниот состав на општината за одолговлекување на процедурите.

„Сите договори што требаше да ги направи општината се завршени. Не знам зошто претходното раководство не го обработи до крај прашањето за експропријација и не го испрати предметот во катастар, Министерството за транспорт, подрачната единица за имотни права за да заврши експропријацијата во последните инстанци на државните институции“, рече Бесар Дурмиши, претседател на Советот на општината.

Со експропријација на последните згради завршува првата фаза од познатиот проект „Благоја Тоска“ по повеќе од една деценија. Во меѓувреме, по завршувањето на овој дел, вториот дел од проектот ќе продолжи, сѐ до стариот ректорат на УТ“.

На третата делница од булеварот се работи веќе четири години, но ништо повеќе не е направено освен копање на теренот. Патот кој започна во овој дел, се претвори во депонија.

https://alsat.mk/mk/bulevarot-blagoja-toska-vo-tetovo-konechno-ke-se-izgradi/

Улицата „Страшо Пинџур“ во Тетово од денеска нема дрвја, граѓаните вознемирени, бараат да сопре сечата



Десетина долгогодишни дрвја кои се наоѓаа на тротоарите долж улицата „Страшо Пинџур“ во Тетово денес беа исечени, откако Општината започна со целосна реконструкција во овој дел од градот. Но, овој потег наиде на несогласување кај дел од граѓаните.

Независниот советник, Хамди Сулејмани, од Иницијативата подобро за Тетово, смета дека дрвјата не требало да се исечат и бара да се сопре сечењето на оние кои останаа.

Градоначалникот, Биљал Касами, пак, вели дека дрвјата биле отстранети затоа што ги оштетувале тротоарите, по што ќе бидат заменети со нови и дека тоа било неопходно поради целосната реконструкција на улицата.

Асфалтот на оваа улица беше раскопан уште во октомври минатата година, за време на претходната локална власт. Касами најави дека активностите за санација ќе завршат до крајот на јуни.

https://telma.com.mk/2022/04/19/ulicata-strasho-pindzhur-vo-tetovo-od-deneska-nema-drvja-gragjanite-voznemireni-baraat-da-sopre-sechata/

Градоначалникот на Тетово лично ќе преговара за експропријација на куќи за проширување на булевар Тетовскиот градоначалник Биљал Касами вели дека лично ќе се заложи и ќе разговара со сопственици на куќи во градот за да се реши проблем со експропријација за да се реализира предвиденото продолжување на булеварот „Благоја Тоска“. На трасата почна да се работи во времето на претходната локална власт, пред мостот на река Пена, додека после преминот работите не продолжија. -Има три куќи кои се на трасата предвидени за булевар и за кои има решенија за експропријација, сопствениците не се задоволни и процедурата е преку суд да се реши. Јас се надевам до пролет да се реши, уште немам лично седнато со сопствениците да видиме дали можеме да најдеме заеднички јазик. Сектор за урбанизам е ангажиран и чекам да достават извештај и ќе го решиме тоа брзо. Ќе седнам јас лично со сопствениците и се надевам ќе најдеме заеднички јазик. Проектот во моментот кој треба да се реализира е сегмент од болница до средното текстилно училиште, изјави Касами на денешната прес-конференција во општината каде образложуваше план за повеќе паркинг места во градот. Во август 2021 година започнаа градежни работи за проширување на булеварот. Средствата освен од Владата, се обезбедени и преку компанијата ТАВ, проект за кој Тетово доби 43 милиони денари. Предвидено е да се обесштетат и рушат осум куќи. https://mk.tv21.tv/gradonachalnikot-na-tetovo-lichno-ke-pregovara-za-eksproprijatsija-na-kuki-za-proshiruvane-na-bulevar/