ПРУГАТА ОД БИТОЛА ЗА ГРЦИЈА ДО НОВА ГОДИНА ЌЕ БИДЕ ПУШТЕНА ВО УПОТРЕБА, ВОЗ ДОПРВА ЌЕ СЕ ОБЕЗБЕДИ



Поставени се шините на пругата од Битола до грчка граница, а до Нова година останува да се довршат другите делови околу пругата, како сигнализацијата, струјата, информатичкиот систем, железничката станица и паркингот. Вицепремиерот за економски прашања Кочо Анѓушев при денешниот увид на градбата рече дека пругата ќе биде пуштена во употреба до Нова година.

„Ова беше проект со многу технички проблеми и со проблеми во изведба. Имаше претходно изведувач кој не ги завршуваше работите. Вложивме голем напор за да се надминат проблемите како од технички, така и од финансиски аспект. Пругата со сите свои сегменти ќе биде завршена до крајот на оваа година. Можно е да биде пуштена во употреба до 31 декември. Целокупните градежни работи се завршени, останува да се надеваме дека до Нова година ќе ги видиме и првите возови како поминуваат по оваа пруга“, рече Анѓушев.

Министерот за транспорт и врски Горан Сугарески запрашан дали тоа ќе бидат нови возови или ќе се користат старите, рече дека дел од локомотивите ќе бидат поправени, а сѐ друго што е неопходно, ќе се набави.

„Најбитно за нас во моментот е да овозможиме оваа пруга да биде функционална. Во делот на возобновување на возовите размислува Владата, а со вицепремиерот и со директорите на Транспорт и железници сме разговарале за поправките на локомотивите. Дел од тие локомотиви ќе бидат во употреба, а сè она што треба дополнително да се набави, вклучувајќи возови, ќе биде од наша страна направено“, рече Сугарески.

Пругата од Битола за Грција ќе биде ставена во функција по 32 години. Проектот за нејзино обновување беше едно од големите ветувања на претходната власт, но тогашниот бугарски конзорциум не ја изгради пругата, ги проби роковите, а подизведувачите ги остави со празни џебови. Новата Влада пролетоска вети дека до ноември ќе се изгради пругата и таа забрзано се градеше изминатите месеци. Станува збор за проект од 17,2 милиони евра, од кои шест милиони се ИПА средства, а 11 милиони евра се од буџетот.

Со претходната компанија која не ги исполни договорите Македонија води судски спор.

Пругата ќе го забрза и транспортот на стока и патници. Досега, извозно ориентираните компании од Битола го вршеа извозот на стока до Солунското пристаните преку Гевгелија.

https://sdk.mk/index.php/dopisna-mrezha/prugata-od-bitola-za-grtsija-do-nova-godina-ke-bide-pushtena-vo-upotreba-voz-doprva-ke-se-obezbedi/

Бидејќи работам во браншата електрична енергија, само да потенцирам дека равенката либерализација на пазарот на електрична енергија = помала цена не е така едноставна. Патем, либерализацијата на пазарот на електрична енергија е веќе случен за големите фирми, а МЖ „Транспорт“ е дел од него и веќе набавува енергија на слободниот пазар (последниот тендер им беше пред некој месец).

Се додека ние како држава не излеземе од магичниот круг да зависиме за енергија од други, односно сме увозно зависни, цената нема да биде помала од сегашната, бидејќи на Балканот повеќе недостига енергија, така што поради поголемата побарувачка цената оди и нагоре во последниве години на единствената регионална берза, а тоа е во Унгарија.

На страна струјава, јас ќе бидам пресреќен и само да ги довршат проективе, и на најфрекфентниот коридор 10 да се изнајдат начини за два колосеци по цела должина.

Дали овој сектор на коридор 10, од Велес до Битола и понатаму Кременица има план некогаш да биде електрифицирана ?

Originally posted by FiLo Јас мислам дека си правите бајрами на паметот затоа што ако товарниот сообраќај трпи, а мора да се пренесе робата со железница, и ако ја погледнеме мапата, поисплатливо им е од Солун да се тргне према пругата кон Петрич-Софија и потоа Софија-Ниш, отколку да кружат преку Битола.

Она што со сигурност можам да ти го кажам е дека пругата од Солун кон бугарската граница е исто така неелектрифицирана, заедно со пругата од српската граница со Ниш. Воедно, од искуство можам да ти кажам дека од Ниш до српско-бугарската граница се патува поспоро од Велес до Битола. Со сигурност. Воедно, пругата од Велес преку Битола до Кременица е дел од Коридор 10, т.е. Коридор 10д и затоа и ЕУ ја финансира нејзината изградба. Затоа, нема причина да се верува дека не би се користела истата како алтернатива.

Originally posted by Obedineta Makedonija Originally posted by ehrlich Јас навистина не знам колку од тие дизел локомотиви може натоварени со лимови или нафта или контејнери да го преминат делот Богомила-Гостиражни, дури и да беше изградена оваа пруга. Можеби новите 4ри ќе бидат вклучени во сообраќај на таа делница....

Новите четири локомотиви ќе бидат вклучени на пругата Табановце-Гевгелија, бидејќи станува збор за електрични локомотиви. На неелектрифицираната пруга од Велес преку Битола до Кременица може да сообраќаат единствено дизелки. Не верувам дека дизел локомотивите не можат да го совладаат делот од Богомила до Гостиражни. Доколку постои вакво нешто, тогаш вообичаена практика е да се прикачат две локомотиви на чело на композицијата, со една локомотива дополнително на крајот од вагоните. Нема шанси да не може вакво нешто да се направи


Единствено што би можело да направи проблем е носивоста на пругата меѓу Велес и Прилеп. Јас навистина не знам колкава е таа, бидејќи од тоа може да зависи големината на товарните композиции. Да речеме, кон Гевгелија сега сообраќаат композиции и по 50-тина вагони и би било навистина проблематично доколку кон Битола е дозволено да сообраќаат по 5 или 10 вагони по еден товарен воз.

Јас навистина не знам колку од тие дизел локомотиви може натоварени со лимови или нафта или контејнери да го преминат делот Богомила-Гостиражни, дури и да беше изградена оваа пруга.