Денес
[1] Новата пруга

[2] Спојот на новата со старата


Во меѓувреме, околу 350 метри северно (41°00'59.9"N 21°20'37.8"E)
[3] Поглед кон југ


[4] Поглед кон север

До пред една седмица овој дел од пругата беше целосно обраснат со висока трева, но еве денес беше искосена. (sort of)

А каде Деве Баир кога ще ги видим те така!!!!!

Дали уште е активна работата или се завлече поради одредени причини?

Edited by Тркало - 31-Jul-2016 at 23:42

Уште колку рокови ќе истечат ехеееее ич не му се секирај    

Наместо пруга кон Грција, состаноци за пари во Битола

Доцни изградбата на пругата од Битола до Кременица. Наместо да биде завршена до 30 јули, на терен работите уште не се стигнати до поставување на долен и горен строј долж целата траса со должина од 17 километри. Локалните подизведувачи на пругата денеска се пожалија дека „Понстрој инженеринг“, една од бугарските фирми – членки на конзорциумот, не им ги исплатила средствата. Како што јавува телевизија „Орбис“ од Битола, градежните фирми денеска имале средба со раководството на конзорциумот за да се пронајде решение на проблемот. Ако не им се исплати сработеното, подизведувачите најавуваат радикални мерки на терен.

На денешната средба присуствувал и менаџерот на овој проект, Валери Барбунски. „Неисплатени суми кон „Понстрој инженеринг“, „Трејс“, „Карпош“ и „Водстрој“ нема. Зошто „Понстрој инженеринг“ не сака да им исплати на подизведувачите, тоа не е мој проблем. Подизведувачите немаат никаква работа со конзорциумот, тие се подизведувачи на „Понстрој“, посочува Барбунски.

Додека се водат преговори за разрешување на постоечкиот проблем, изградбата на железничката врска кон Грција се наоѓа на мртва точка. Периодов на терен не се одвиваат градежни работи, а нов краен рок за пуштање во употреба на пругата не е утврден. Самите подизведувачи нема да продолжат да работат до моментот на исплата на веќе заработените средства. Во меѓувреме, бугарската фирма „Понстрој инженеринг“ е отстранета од конзорциумот што го изведува проектот.

Пругата Битола – Кременица им се ветува на македонските граѓани уште од пред 2009 година. По повеќегодишни одложувања на почетокот на градежните работи, реализацијата почна на 30 јануари 2015 година. Проектот е во вредност од 19,9 милиони евра, кои се обезбедени од европските ИПА фондови. Долж целата траса треба да се изведат девет помали мостови, 10 железнички премини, едно стојалиште во село Кравари и да се постави сигнална и телекомуникациска опрема. Оваа пруга треба да овозможи повторно воведување на патничкиот и товарниот сообраќај кон Грција, со максимална брзина на движење на возовите од 100 километри на час.


http://www.build.mk/?p=51688

Треба да се нагласи и дека дел од подизведувачите за четврток најавија дека ќе ја блокираат изградбата на пругата Битола-Кременица до моментот на нивна исплата.

Подизведувачите на пругата најавуваат штрајк на терен
Засега нема одговор, ниту пак решение за подизведувачите по однос на нивната досегашна работа на пругата кон Кременица. Неофицијално, најавуваат штрајк на терен во четврток, со поставување на механизација, со што ќе биде запрена работата на пругата Битола-Кременица.

Незадоволни од тоа што засега никој не нуди решение за нивниот проблем, поточно начин како да си ги земат заработените пари, подизведувачите кои работеа на изградба на пругата Битола-Кременица, најавуваат штрајк на терен за наредните денови. Еден од главните проблеми е тоа што фирмата од која што биле ангажирани Понстрој инженеринг, не е веќе дел од конзорциумот, а новата фирма нема обврска да ги преземе долговите од претходната. На веќе одржаната средба во седиштето на Водстрој во Битола, на која присуствуваа незадоволните подизведувачи и менаџерот на проектот Валери Барбунски, не присуствуваа претставници од фирмата Понстрој инженеринг.

ТВ Орбис не успеа да дојде до информации од македонската подружница на Понстрој Инженеринг, чие седиште е во Прилеп и во моментов работи на неколку проекти во земјава, за тоа како и кога ќе се реши проблемот на подизведувачите, за да се продолжи со изградба на пругата кон Кременица, која што веќе 17 дена требаше да биде ставена во функција на железничкиот превоз.

Локалните фирми подизведувачи, велат дека се оставени на милост и немилост да ги добијат парите за тоа што веќе го сработиле. Прашуваат дали државата кога ангажира странски конзорциуми, има правен механизам да ги заштити сопствените фирми ангажирани како во конкретниот случај? Дали пак ЕУ, која е надлежна за парите, води сметка каде и како тие се трошат? ТВ Орбис побара став и од делегацијата на ЕУ во Македонија во однос на ненавремената изградба на пругата од Битола кон Кременица, бидејќи истата се гради со европски средства. Дали од некого ќе биде побарана одговорност и од кого и дали Делегацијата има механизам да побара исплата на средствата кон локалните подизведувачи од фирмата Понстрој инженеринг. Одговор побаравме и од Македонски железници инфраструктура, кои првично истакнаа дека ќе се побара пролонгирање на рокот за изградба на пругата до крајот на годинава, поради објективни и субјективни причини. Во текот на наредните денови, ги очекуваме и нивните ставови.

Izvor: TV Orbis Bitola, http://tvorbis.com.mk/?p=39347

(ВИДЕО) Репортажа: Наместо готова пруга до Грција, работите се запрени, изградбата ниту до половина

Целата репортажа на следниов линк: http://alsat.mk/News/268406/reportazha-namesto-gotova-pruga-do-grcija-rabotite-se-zapreni-izgradbata-nitu-d

ЗАПРЕ ИЗГРАДБАТА НА ПРУГАТА КОН ГРЦИЈА

Запре изградбата на железничката пруга од Битола за Кременица, а од таму кон грчката граница. Министерството за транспорт и врски го раскина договорот со бугарската фирма „Водстрој“, која беше водечки партнер на конзорциумот составен од четири фирми. Пругата требаше да биде завршена пред два месеца, но бугарската фирма не го почитува рокот, па сега, кога договорот е раскинат, Министерството ќе ја активира банкарската гаранција. Тоа го потврди и министерот Владо Мисајловски истакнувајќи дека активирањето е механизам што произлегува од договорот во насока на заштита на државниот интерес.

„Случајот многу внимателно го разгледувавме со ЕУ бидејќи овој проект се гради со пари од ИПА-фондовите. Сега е раскинат договорот и ние ќе ги почитуваме законските прописи што важат во Македонија, а кои оставаат простор за активирање на банкарската гаранција“, рече Мисајловски.

За оваа делница од пругата кон Грција, во должина од 17 километри, што се гради со пари од ИПА-фондовите, се доделени 20 милиони евра. Колку пари добил бугарскиот конзорциум не е познато, но македонските фирми што се вклучени во проектот како подизведувачи се пожалија дека не им се исплати средства за она што го сработиле досега. Неисплатените обврски ја забавија изградбата, а кон средината на август годинава работниците најавија и штрајк, но потоа го откажаа кога им било ветено дека набрзо ќе си ги добијат парите.

Менаџерот на проектот, Валери Барбунски, тогаш рече дека бугарската фирма „Понстрој инженеринг“ требало да ги исплати подизведувачите во Македонија.

„Се' што е сработено до овој период е исплатено. Нема неисплатени пари кон ’Понстрој инженеринг‘, ’Трејс‘, ’Карпош‘ и ’Водстрој‘. Зошто ’Понстрој инженеринг‘ не сака да им плати на подизведувачите, не е мој проблем“, се огради Бабунски пред два месеца кога имаше средба со подизведувачите во Битола.

За (не)исплатените обврски кон домашните подизведувачи летото полемизираа и политичките партии кои изградбата на пругата ја искористија за меѓусебни обвинувања. Од СДСМ рекоа дека долгот на изведувачот кон фирмите подизведувачи и доставувачи надминува милион евра. Опозицијата се сомнева дека со цел да се забошотат работите во изградбата на пругата се вклучува нова фирма од Тетово. Но, од ВМРО-ДПМНЕ, пак, рекоа дека сите проблеми се решаваат во текот на работењето и дека се постапува според законските прописи. Оттаму тогаш појаснија дека „Водострој 98“ ја презема целосно обврската да успешна реализација на проектот.

Но, очигледно не е така, па сега изградбата е целосно запрена. Министерот Мисајловски ги советува домашните компании да преземат мерки во согласност со договорите што ги имаат потпишано со бугарските фирми од конзорциумот. Во овој случај нашите градежници не можат да сметаат на помош од државата бидејќи таа нема никаква улога зашто потпишаните договори не се со согласност со Министерството. Мисајловски најави нов тендер за избор на друга компанија што ќе ја заврши изградбата на пругата, но за тоа чека инструкции од ЕУ. Имајќи предвид дека сме во предизборен период, повеќе од извесно е дека тоа нема да се случи до крајот на годинава, што дефинитивно значи пролонгирање на изградбата на пругата. (Б.А.)

http://www.utrinski.mk/?ItemID=FF33281225CC7A46A7165D07D083916B

Още снимки няма ли?

п.п. В Wikimapia изображението показва, че са извършвани не малко строителни работи (има готови нови мостове и водостоци, даже на малко разстояние след Битоля има положен и баласт).

Edited by katani - 27-Sep-2017 at 10:44