build.mk Homepage
Forum Home Forum Home > Главни теми > Инфраструктура > Железници
  Active Topics Active Topics
  FAQ FAQ  Forum Search   Register Register  Login Login

Реконструкција на пругата Битола - Лерин

Bookmark and Share
 Post Reply Post Reply Page  <1234 12>
Author
Message
  Topic Search Topic Search  Topic Options Topic Options
Мартин View Drop Down
Senior Member
Senior Member
Avatar

Joined: 04-Jan-2009
Online Status: Offline
Posts: 366
  Quote Мартин Quote  Post ReplyReply #21 Posted: 26-Feb-2010 at 12:01
Прекрасна вест! Но, навистина не ми е јасно зошто толку долг период ќе треба да чекаме за да почне да функционира...

Ми се допаѓа тоа што средствата се од ЕУ, Македонија може да искористи големи количини од нивните средства, и за железничкиот и за патниот сообраќај кога е во прашање Коридорот 10 како еден од најбитните низ цела Европа.

Сепак поздрав за потегот!Applause
Back to Top
Danielbtmk View Drop Down
Senior Member
Senior Member
Avatar

Joined: 26-Jan-2010
Location: Skopje
Online Status: Offline
Posts: 693
  Quote Danielbtmk Quote  Post ReplyReply #22 Posted: 26-Feb-2010 at 14:02
Нема многу скапо да чини ова. Не треба истражувања и испитувања, туку само реконструкција на постоечката пруга од околу 20км.
Back to Top
zookisk View Drop Down
Senior Member
Senior Member
Avatar

Joined: 26-Dec-2008
Location: Skopje
Online Status: Offline
Posts: 334
  Quote zookisk Quote  Post ReplyReply #23 Posted: 26-Feb-2010 at 23:23
Е тогаш ќе треба да се врати деловниот меѓународен воз ,,Пелагонија'' 410/411 кој сообраќаше на релација Љубљана-Битола-Љубљана...
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #24 Posted: 28-Feb-2010 at 13:33

Нова шанса за возот од Битола за Лерин





Целосно заборавена и слеп колосек повеќе од 20 години е железничката пруга Битола-Лерин. Овде последен пат воз поминал во 1986 година, а денес таа е обрасната во трева каде се напасува стоката од околните села. Неколку години од централната и локалната власт доаѓаат оптимистички најави за реконструкција на пругата. На средбата која вчера се одржа во Битола претставници на Еврорегионот и Министерството за транспорт и врски, уште еднаш најавија дека обезбедени се 11 милиони денари од ИПА-фондовите на ЕУ за целосна реконструкција на железничката линија од Битола до грчката граница. Работите треба да започнат во 2013 година, а пругата ќе биде пуштена во употреба во 2014 година.

- Придобивките од овој проект се неколкукратни. Железничкиот превоз е многу поевтин, со тоа ќе се зголеми протокот на луѓе и стока, а пелагонискиот регион ќе има излез на солунското пристаниште. Сите тие предности укажуваат дека ние треба да се насочиме кон развој на железницата, која е основа за развој на економијата - вели Дарко Смилевски, раководител на секторот за ЕУ во Министерство за транспорт и врски.

Градоначалниците на Битола, Прилеп и Лерин се согласни дека проектот е од исклучително значење за локалните заедници, а во рамките на прекуграничната соработка ова е еден од првите утврдени приоритети.

- Железничката линија од Лерин до границата на Грција е готова, што значи за да ја подобриме комуникацијата треба единствено да се ревитализира железничката линија од Битола до вашата граница. Потоа се надеваме на одлични резултат. Вие знаете дека Грција секогаш е заинтересирана да ви помогне на патот кон ЕУ и кон подобро утре, а врз тоа одлучувачко влијание имаат локалните заедници кои бараат и подобра меѓусебна комуникација - изјави градоначалникот на Лерин Стефанос Папанастасиу.

Проектната документација за 20 километри долгата делница треба да започне да се изготвува ова лето, за што се обезбедени два милиони евра.

- Поддршката за овој проект доаѓа од сите општини кај нас и во соседна Грција, а целта е да се направи поголема комуникација, да се зближат луѓето, да се развие целиот регион. Тоа е од интерес на стопанствениците и граѓаните. Не можеме да ја планираме индустриската зона „Жабени“ без да се поврземе со солунското пристаниште, но со ова се поврзува целиот регион - вели битолскиот градоначалник Владимир Талески.

Со проектот е предвидено осовременување и реконструкција на железничките станици во Битола и Прилеп, а паралелно со активностите за реконструкција на пругата, ќе биде потпишан и договор за слободен проток на луѓе и стока. На средбата, градоначалниците од Еврорегионот разговараа и за можноста автопатот Велес-Прилеп-Битола да се поврзе со Солун и Атина.

http://novamakedonija.com.mk/NewsDetal.asp?vest=22710948367&id=10&prilog=0&setIzdanie=21921
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #25 Posted: 28-Feb-2010 at 13:42

Повторно со воз од Битола кон Солун

Со пари од европските фондови ќе се реконструира железничката пруга од Битола до границата со Грција, која повеќе од две децении е запуштена и руинирана

По дваесет и петгодишна запуштеност и нефункционалност ќе се реконструира и повторно ќе биде отворена за сообраќај железничката пруга од Битола кон Грција. За овој инфраструктурен проект обезбедени се над 10 милиони евра преку претпристапните европски фондови со цел да се развие паневропскиот коридор. Летово ќе се распише тендер за изработка на техничка документација, а реконструкцијата се очекува да заврши до 2014 година, кога по долг период повторно ќе тргне воз од Битола кон Грција.

- Се работи интензивно на проектот за рехабилитација на железничката делница од Битола до Кременица. Тоа е делница напуштена во 1986 година, пред распадот на поранешна Југославија и оттогаш не е во функција. Парите се обезбедени од ИПА-фондовите, дел за проектна документација, а останатите за реконструкција на пругата - изјави Дарко Спировски, раководител на Секторот за ЕУ при Министерството за транспорт и врски.

Ставањето на оваа железничка пруга во функција ќе значи голем развој за Пелагонискиот регион, пред се' за стопанството, имајќи предвид дека во Европа, па и во овој дел на Балканот најевтин превоз за стока и патници е железничкиот транспорт.

- Со железничкиот превоз ќе има можност за поголем проток на патници. Тој е „попријателски настроен“ кон животната средина и со него може многу повеќе луѓе да патуваат. Подобар е од патничкиот превоз зашто не се уништуваат патиштата, многу е поевтин и побрз за транспорт на стока и на патници. Многу фирми ќе може да го користат зашто Пелагонискиот регион директно ќе има излез на солунското пристаниште - додава Спировски.

Обновата на железничката пруга од Битола до грчката граница беше еден од приоритетните проекти на еврорегионот, кој ги опфаќа пограничните општини на Битола, Грција и на Албанија.

- Вклучувајќи ги пограничните општини од регионот на Македонија, Грција и Албанија има околу 500.000 жители. Во јуни ќе биде распишан тендер за подготовка на цела документација. Во 2013 година ќе почне да се реконструира, а во 2014 ќе биде завршена. Железничката пруга ќе поднесе брзина до 100 километри на час - изјави Владимир Талески, градоначалник на Битола.

И покрај комплицираните односи меѓу Грација и Македонија, јужниот сосед веќе ја ревитализира пругата од Лерин до границата со Македонија.

- Железничката линија од наша страна е готова, што значи за да ја подобриме комуникацијата, треба да се ревитализира единствено делот од Битола до границата. Грција секогаш е заинтересирана да ви помогне на патот кон ЕУ, а врз тоа одлучувачко влијание имаат локалните заедници, кои меѓу другото бараат и подобра комуникација меѓу себе - изјави Стефанос Папанастасиу, градоначалник на Лерин.

Во рамки на проектот се предвидува и осовременување на железничките станици во Прилеп и во Битола. Покрај реконструкцијата на пругата, се размислува и за продолжување на автопатот Скопје - Велес кон Прилеп и кон Битола и негово поврзување на југ со грчкиот автопат Солун - Атина.

Сега руинираната железничка делница некогаш беше составен дел од пругата Велес - Битола - Лерин, изградена во 1894 година.

http://dnevnik.com.mk/?ItemID=BD2143F8C44A614A85494D438A88A000

Back to Top
La Linea View Drop Down
Senior Member
Senior Member
Avatar

Joined: 07-Nov-2007
Location: Skopje
Online Status: Offline
Posts: 2067
  Quote La Linea Quote  Post ReplyReply #26 Posted: 03-Mar-2010 at 00:36

Во фамозната 2014-година ќе затруби воз и за Лерин?

За обновување на пругата ќе се потрошат 10 милиони евра од претпристапните европски фондови

БИТОЛА - Во фамозната 2014 која е година на големи проекти ќе затруби и воз на пругата Битола - Лерин. Ова го најавува Министерството за транспорт и врски откако државата дозволи две и пол децении целосно да се запушти пругата која ги поврзуваше Битола со градот Лерин во Грција. Јавното претпријатие „Македонски железници“ е немоќно да инвестира во ремонт на делницата, но за овој зафат ќе се искористат претпристапните европски фондови. Проценето е дека за ревитализација на пругата ќе се потрошат 10 милиони евра. Истовремено ќе се реновираат и железничките станици во Битола и во Прилеп.

„Пругата не функционира од 1986 година. Средства се обезбедени од ИПА-фондовите и се работи на идеен проект за ревитализација на делницата Битола - Кременица. Два милиона евра ќе се потрошат за проектот, а остатокот за железничката пруга“, ова го најави Дарко Спировски од Министерството за транспорт и врски, раководител на секторот за ЕУ кој беше на средба во Битола каде што покрај претставници на локалните власти на Битола и на Прилеп присуствуваше и градоначалникот на општината Лерин.

Јужните соседи сметаат дека ревитализацијата на македонскиот дел од пругата ќе биде придобивка за целиот еврорегион, вклучувајќи ја и Албанија. „Ова е најкрупниот залак за Лерин и за Битола по трите проекти во рамките на прекуграничната соработка“, оцени леринскиот градоначалник Стефанос Папанастасиу.

Доколку пругата повторно се стави во функција, Пелагонискиот регион ќе има директен пристап до солунското пристаниште. Транспортот на стоки и патници за Грција ќе биде значително поевтин.

„Во јуни годинава ќе се распише тендер и ќе се подготви документација. Пругата која ќе биде изградена за една година, од 2013 до 2014 ќе биде така конструирана за да може возот да се движи со брзина од 100 км на час“, изјави градоначалникот на Битола, Владимир Талески. Според него, годинава треба да се потпише договор помеѓу земјите-членки на ЕУ и оние што се надвор од зоната за слободно движење на патници со воз преку границите. Тоа значи дека административните работи ќе се извршуваат само на еден пункт и тоа само во Битола.

Луѓе од железницата велат дека долниот дел од пругата е цврст, што не подразбира големи интервенции. Потребна е само постелка од кршен камен и замена на старите прагови и шини со нови. За враќање на стабилноста на пругата треба да се реконструираат и двата железни моста.

Пругата Битола - Лерин е дел од историјата на Битола. Делницата Велес-Битола – Лерин, па се' до Солун е изградена во 1894 година. Многу патеписци-картографи, па и своевремено важни личности, како што е Јосип Броз Тито, патувале по оваа пруга.

Со години трасираната пруга по која минувале возови минатиот век речиси и не личи на железница, бидејќи е обрасната со трња и треви, а наместа затскриена од грмушки. Живко Атанасовски, машиновозач во пензија, со носталгија се потсетува дека за Лерин имало возови два пати на ден, а тие тежеле од патници и стока. „Во Кременица, на последната станица на македонска територија, по четириесетина магариња, маски и коњи доаѓаа за да ги пречекаат патниците од околните села и нивната стока. На оваа пруга се возеа полесни и помали локомотиви зашто пругата не можеше да ги издржи стандардните 160 тонски влечни машини. Два пати на ден се товараше и дневното производство од некогашната фабрика за фрижидери ‘Фринко‘. Сега се' е обраснато, а по пругата можат да се движат само магариња“, вели седумдесет и осумгодишниот Атанасовски, кој 28 година беше машиновозач од Кременица до Белград.

Меѓутоа, не само што ќе се реконструира пругата Битола - Лерин туку веќе се прават планови за проширување и на автопатот од Скопје до граничниот премин Меџитлија. „Преговараме за трета лента на автопатот Скопје – Прилеп - Битола за да се надоврземе на автопатот Лерин - Солун кон Атина. Така ќе се скрати и времето за патување низ Македонија“, нагласува Марјан Ристески, градоначалник на Прилеп. (А.Б.)


http://www.utrinski.com.mk/?ItemID=497621A1F9ACD34995D0FAE1CCA04269

Помогнете во Македонската Википедија - Слободна енциклопедија!
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #27 Posted: 03-Mar-2010 at 00:42
А како сте аплицирале за ИПАРД ако немате проект бе дечки? Не сте џабе со Митотакис таму под рака ЕУ е имбецил и даде 11 милиони без да го види проектот и да процени сама колку чини Што значи мислам (и знам) дека има проект готов, ама има друга причина што тек тогаш ќе се почне со изградба.
Arguing on the internet is like running at the special olympics. Even if you win, you're still retarded.
Back to Top
lslcrew View Drop Down
Senior Member
Senior Member
Avatar

Joined: 14-Jan-2008
Location: Skopje
Online Status: Offline
Posts: 10988
  Quote lslcrew Quote  Post ReplyReply #28 Posted: 03-Mar-2010 at 15:33
Денешно соопштение...
5:09 Изработен идејниот проект за железничката линија Битола - Лерин
Скопје, 3 март (МИА) - Министерството за транспорт и врски денеска соопшти дека е подготвен идеен проект за воспоставување на железничката линија на Коридорот 10, од Битола до Лерин ...bulletПОВЕЌЕ
Се предвидуваат активности за воспоставување на железничка линија од Битола до Лерин - 3.3.2010

Почитувани,

 

Ве информираме дека во текот на 2010 година, Министерството за транспорт и врски, предвидува реализирање на повеќе проекти од областа на железниците, кои ќе бидат директно насочени кон подобрување на состојбата во овој сегмент, а со што ќе се обезбеди подобра и поефикасна услуга за учесниците во железничкиот сообраќај во Република Македонија.

 

Покрај проектите за изградба на железничката траса на Коридор 8 и реконструкцијата и модернизацијата на Коридорот 10, активно се работи на проектот за воспоставување на железничка линија на Коридор 10, и тоа на потегот од Битола до Лерин, Република Грција, за што минатата седмица во Битола се состанаа градоначалниците на општините Битола, Прилеп и Лерин.

 

За реализација на овој проект од страна на ЈП „Македонски Железници“ е изработен идеен проект, а следен чекор е избор на консултант кој ќе ги изработи потребните студии и основен и изведбен проект. Се очекува во текот на јуни 2010 година да биде распишан  јавен повик за подготовка на потребната документацијата, а во текот на 2014 година, да се заврши железничкото поврзување на делницата Битола – Кременица – Лерин.

 

За реализација на овој проект, со цел заокружување на финансиската конструкција и побрзо и поефикасно одвивање на активностите, поднесена е апликација до претпристапните фондови на Европската Унија (ИПА).

 

Меѓународната железничка  линија Битола - Лерин која е во должина од околу 20 километри, функционираше како редовна се до 1986-та година. Со реализација на овој проект, истата ќе биде рехабилитирана и ставена во употреба.

 

Со почит,

Министерство за транспорт и врски

Напомена: Линкот горе ќе биде активен 8 часа од објавување на веста.
Back to Top
Cloverstack View Drop Down
Admin Group
Admin Group
Avatar

Joined: 01-Sep-2007
Location: Скопје
Online Status: Offline
Posts: 12453
  Quote Cloverstack Quote  Post ReplyReply #29 Posted: 08-Jun-2010 at 08:00
http://www.build.mk/forum/forum_posts.asp?TID=457&PID=67288#67288

Edited by Cloverstack - 01-Feb-2011 at 23:09
Back to Top
Danielbtmk View Drop Down
Senior Member
Senior Member
Avatar

Joined: 26-Jan-2010
Location: Skopje
Online Status: Offline
Posts: 693
  Quote Danielbtmk Quote  Post ReplyReply #30 Posted: 06-Aug-2010 at 23:13
Мислам дека полека почнува припремата за реконструкција. Во Битола веќе има донесено 2 пружни возила за интервенција на пруги... Shifty

Edited by Danielbtmk - 20-Aug-2010 at 18:54
Back to Top
BOJAN View Drop Down
Senior Member
Senior Member
Avatar

Joined: 09-Sep-2008
Location: SKOPJE
Online Status: Offline
Posts: 3438
  Quote BOJAN Quote  Post ReplyReply #31 Posted: 07-Aug-2010 at 10:26
Грешка бе другар, грешкаBig%20smile! Во Кичево и Гостивар со месеци стојат локомотиви за ремонт на пруги, па сеуште возовите возат 30 км/ч кај село Лакавица.

Искрено, не верувам дека ќе почнат со санација на пругата оваа година, за понатаму ќе видиме. Можеби се прави некаква санација на делницата до Битола, бидејќи има делови од Велес до Битола што одамна треба да се санираат.
Back to Top
Danielbtmk View Drop Down
Senior Member
Senior Member
Avatar

Joined: 26-Jan-2010
Location: Skopje
Online Status: Offline
Posts: 693
  Quote Danielbtmk Quote  Post ReplyReply #32 Posted: 07-Aug-2010 at 14:51
Уппсс.... во право си. Само што чудно ми беше оти долго време немало такви пружни возила во битола па....Bonk


Edited by Danielbtmk - 20-Aug-2010 at 18:53
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #33 Posted: 07-Aug-2010 at 18:04
Иначе тоа се пружни возила, за поправки на трасата, не локомотиви

Е кога би имале локомотиви ко порано со домни станици како Битола, Велес, Гевгелија ... би било убаво, но за жал немаме ни за редовен сообраќај а камоли за резерва или испомош на повеќе пунктови.
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
Danielbtmk View Drop Down
Senior Member
Senior Member
Avatar

Joined: 26-Jan-2010
Location: Skopje
Online Status: Offline
Posts: 693
  Quote Danielbtmk Quote  Post ReplyReply #34 Posted: 20-Aug-2010 at 18:58
Пругата на 1км пред грција







Edited by Danielbtmk - 20-Aug-2010 at 19:00
Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #35 Posted: 20-Aug-2010 at 20:32
Добро е што ги има овие премини, иначе за некоја година никој не ќе знае дека има-ло пруга
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
Danielbtmk View Drop Down
Senior Member
Senior Member
Avatar

Joined: 26-Jan-2010
Location: Skopje
Online Status: Offline
Posts: 693
  Quote Danielbtmk Quote  Post ReplyReply #36 Posted: 20-Aug-2010 at 21:57
Да се надеваме дека за некоја година ќе "светни", како што се најавува...
Back to Top
Danielbtmk View Drop Down
Senior Member
Senior Member
Avatar

Joined: 26-Jan-2010
Location: Skopje
Online Status: Offline
Posts: 693
  Quote Danielbtmk Quote  Post ReplyReply #37 Posted: 10-Sep-2010 at 11:38



Back to Top
Vladimir P View Drop Down
Senior Member
Senior Member
Avatar

Joined: 06-Apr-2008
Location: Скопје
Online Status: Offline
Posts: 3304
  Quote Vladimir P Quote  Post ReplyReply #38 Posted: 10-Sep-2010 at 17:23
Несе така стари праговите, само од 1957 година.
Клуб на љубители на железниците во Македонија, Macedonian Railways Fan Club
https://www.facebook.com/767277056651521/
Back to Top
truckerinsoul View Drop Down
Newbiе
Newbiе


Joined: 17-Sep-2010
Location: 0
Online Status: Offline
Posts: 0
  Quote truckerinsoul Quote  Post ReplyReply #39 Posted: 17-Sep-2010 at 07:13
Пруга Битола-Лерин? Лажги со опашки. Само не знам кои возови ке одат на таја релација, а btw, од бт сум.
Back to Top
гитардемон View Drop Down
Senior Member
Senior Member
Avatar

Joined: 19-Feb-2008
Online Status: Offline
Posts: 5422
  Quote гитардемон Quote  Post ReplyReply #40 Posted: 17-Sep-2010 at 12:27
Нема потреба од вакви паушални изјави. Возовите кои ќе одат на таа релација ќе бидат тие на МЖ и ОСЕ.
Arguing on the internet is like running at the special olympics. Even if you win, you're still retarded.
Back to Top
 Post Reply Post Reply Page  <1234 12>

Forum Jump Forum Permissions View Drop Down



This page was generated in 0.102 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.