Булевар Цветан Димов

Пропадна проширувањето на улицата „Цветан Димов“, Град Скопје пренаменил 2,3 милиони евра за исплата на долгови

2,3 милиони евра за проектот за проширување на улицата „Цветан Димов“, или поинаку позната како улицата кај „Јахја Паша“, Градот Скопје ги повлекол и ги пренаменил за покривање на обврските на Град Скопје кон Министерството за финансии, велат од Општина Чаир еден месец откако градоначалникот на оваа општина, Висар Ганиу, изјави дека со Данела Арсовска немаат ни комуникација, ни соработка за овој проект. Од Град Скопје велат дека средствата биле предмет на извршување поради долговите направени од претходното раководство на градот на чело со Петре Шилегов, пишува Порталб.мк.

Главната артерија што ја поврзува Општина Чаир со центарот на Скопје и понатаму е вистински хаос. Советниците на Град Скопје на крај на мај 2023 година гласаа за издвојување на 140 милиони денари (околу 2,3 милиони евра) за започнување на работите, а советниците на Општина Чаир, една недела потоа, донесоа одлука за меѓуопштинска соработка помеѓу Град Скопје и општината за овој проект. Работите требаше да започнат во септември 2023 година, но досега помина повеќе од половина година, а на терен нема никаква активност.

Од општина Чаир за Порталб.мк објаснуваат дека Градот Скопје ги повлекол средствата за овој проект за да ги пренамени на покривање на обврските на градот кон Министерството за финансии.

„Средствата што Град Скопје ги одвои за почеток на првата фаза за проширување на булеварот „Цветан Димов“, се повлечени и истите се пренаменети за покривање на обврските што Градот Скопје ги има кон Министерство за финансии. Министерството за финансии и Градот Скопје мора да одговорат како и зошто се повлечени средствата наменети за проширување на булеварот „Цветан Димов“, велат од Општина Чаир.

Од друга страна, од Град Скопје велат дека парите биле предмет на извршување поради долговите настанати во периодот на поранешниот градоначалник на Скопје Петре Шилегов, а сега Советот повторно ќе треба да одвои пари.

„За жал, а не по вина на Град Скопје, финансиските средства кои се обезбедени за таа цел се предмет на извршување од страна на Министерството за финансии поради стари спорови направени во периодот од 2017-2022 година во периодот кога градоначалник на Градот Скопје беше Петре Шилегов, и кои требало да се исплатат во 2023 година. Со оглед на тоа што Буџетот на Град Скопје е ограничен поради исплатата на стари долгови направени во периодот од 2017-2021 година за време на мандатот на претходниот градоначалник Шилегов, од кои голем дел се платени во 2023 година, а сега финансирањето на овој проект годинава зависи од Градскиот совет“, велат од Град Скопје за Порталб.мк.

Оттаму додаваат дека советниците од градското раководство добиле информација дека за реализација на овој проект, кој е прифатен од Град Скопје, но и од Општина Чаир, мора да овозможат негово соодветно финансирање.

Кон средината на декември во разговор за Порталб.мк, Ганиу изјави дека проектот претставува меѓуопштинска соработка и дека тие си ги исполниле обврските, но дека Град Скопје е тој што не ги исполнува обврските.

„Проблемот за улицата „Цветан Димов“ дојде до фаза кога беше потребна проценка за експропријација на објектите. Тој повик за јавни набавки и за избор на операторот беше направен од Град Скопје и стигна во завршна фаза, а потоа потпишавме меморандум за меѓуопштинска соработка каде презедовме дел од проектот и направивме анимација како ќе изгледа улицата „Цветан Димов“ и комисиите неколку пати имаа состаноци, но од моментот кога Град Скопје ја зеде како иницијатива, ние и до денес не знаеме до каде е стигнат“, вели Ганиу.

Прашан дали комуницирал со градоначалничката на Скопје, Данела Арсовска, тој рече „само писмено, службено“, но додава дека има доцнења, бидејќи Град Скопје не одговара на нивните барања.

„Има задоцнувања, бидејќи ние неколку пати сме испратиле допис со барање да заедничката комисија функционира и да одржи состанок и од таму да произлезат сите обврски што сме ги добиле, но тој состанок никако да се свика“, рече Ганиу, додавајќи дека Град Скопје воопшто не одговара на нивните барања.

Инаку проблемот со хаосот на улицата „Цветан Димов“ позната како улицата на „Јахја Паша“ е предвидено да се реши со заеднички проект меѓу Град Скопје и Општина Чаир, но од оваа соработка на терен нема никаков резултат. Овој повеќегодишен проблем не се реши ниту за време на мандатот на претходниот градоначалник на Град Скопје, Петре Шилегов, кој за време на полицискиот час поради ковид-пандемијата, во соработка со општината постави ѕид за поделба на улицата, за да не се дозволи возилата да се вртат на сред пат и за да не се дозволи граѓаните да ја преминуваат улицата на места каде што тоа не е означено со бели линии. Ѕидот, како што беше најавено, требаше да биде само привремено решение, но сè уште не е тргнат, а хаосот продолжува, особено во временските периоди кога граѓаните одат и се враќаат од работа.

https://meta.mk/propadna-proshiruvanjeto-na-ulicata-cvetan-dimov-grad-skopje-prenamenil-23-milioni-evra-za-isplata-na-dolgovi/

Советниците треба да поддржат изградба на улица во Чаир вредна 2,3 милиони евра, од „Зелен хуман град“ велат: Најпрво јавно нека се објави проектот!

Пред советниците на градскиот Совет утре повторно ќе се најде предлог-одлуката за воспоставување меѓуопштинска соработка помеѓу Град Скопје и Општина Чаир за изработка на проектна документација и изградба на улицата Цветан Димов, која не беше изгласана на претходната седница. Станува збор за делницата од раскрсница со булевар Никола Карев до раскрсницата со улицата Џон Кенеди и улицата Христијан Тодоровски Карпош.

Како што се наведува во предлог-одлуката, Градот Скопје во остварувањето на оваа соработка ќе учествува со средства во висина од 140.000.000 денари, односно околу 2,3 милиони евра, со вклучен ДДВ. Парите ќе се обезбедуваат од градскиот Буџет оваа и во наредните две години и тоа 10.000.000 денари за 2023 година, 70.000.000 денари за 2024 година и 60.000.000 денари за 2025 година, од потпрограма ЈДА 482130, како и со решавање на имотноправните спорови. Учеството на Општина Чаир во предложената соработка е со изработка на ревидиран Урбанистички проект.

Пред утрешната седница се огласија од „Зелен хуман град“ чии двајца советници се дел од актуелниот состав на Советот на Град Скопје, со став дека втора седница по ред се очекува советниците да изгласаат, како што велат; фантастични 140 милиони денари за изградба на улицата Цветан Димов во Општина Чаир, за која нема јавно достапен проект, туку Општина Чаир допрва треба да го прави, односно да го ревидира.

140 милиони денари се 20 отсто од Буџетот на Град Скопје за улици и патишта за 2023 година. Дополнително, ќе се трошат јавни пари за експропријација, а тоа во овој момент немаме информација колку ќе чини – велат од „Зелен хуман град“.

Оттаму нагласуваат дека мора да ѝ дојде крајот на лошата практика да се бара од советниците да гласаат за изградба и реконструкција на улици во Скопје за кои никој не го видел проектот по кој ќе се работи. Тие велат дека ќе го поддржат проектот само доколку останат постојните дрвја на улицата и ако се обезбедени инфраструктура и за пешаците и за велосипедистите.

Ќе го поддржиме спроведувањето на овој предлог само ако прво јавно се објави проектот по кој ќе се работи за да се осигуриме и ние и целата јавност дека повеќедеценискиот дрворед на таа улица ќе остане нечепнат, дека коловозните ленти ќе бидат со максимална ширина од 3 метри, како и дека ќе има соодветна и функционална пешачка и велоинфраструктура, инклузивно испланирана да ги задоволи потребите на лицата со попреченост и на сите ранливи категории граѓани. Доста ни е од Карангелески сценарија во овој град и смртоносни автоцентрични пустини! Зеленилото во Скопје го губиме со брзина на светлината – нагласуваат од Иницијативата.

Од „Зелен хуман град“ потсетуваат дека секоја година прерано умираат повеќе од 4.000 граѓани како последица од загаден воздух, а не постои статистика колкумина прерано умираат од топлотните бранови поради намалување а зеленилото.

https://www.slobodenpecat.mk/sovetnicite-treba-da-poddrzhat-izgradba-na-ulica-vo-chair-vredna-23-milioni-evra-od-zelen-human-grad-velat-najprvo-javno-neka-se-objavi-proektot/

да бидеме реални, единстена причина за метежот на буеваров не е неговиот профил, туку сообраќајниот хаос што владее на него

Булеварот „Цветан Димов“ со шест ленти ветен од Висар Ганиу и натаму останува блокирана артерија на Чаир





Проширувањето на булеварот „Цветан Димов“ сè уште е предизвик за локалните власти и секојдневен проблем за граѓаните на Чаир, на кои поради гужвата во сообраќајот за да поминат еден километар пат им се потребни десетина минути, пишува Порталб.мк.

Таканаречената улица „Кај Јахја Паша“ е една од најфреквентните улици во Чаир, и е главната артерија што ја поврзува оваа општина со центарот на Скопје. Долги години улицата е „кошмар“ за возачите кои за да го поминат овој пат треба да се соочат со несовесните граѓани кои ги паркираат своите автомобили на сред пат, но и со пешаците кои ја преминуваат улицата и таму каде што нема премини за пешаците.

Од општина Чаир за Порталб.мк велат дека во тек е проектирањето на документацијата за евалуација на имотите.

„Ние како општина сме во постојана координација со Град Скопје како носител на оваа капитална инвестиција која е од особено значење за жителите на Чаир и која претставува решение за повеќегодишниот сообраќаен хаос. При крај е последната фаза од проектирањето на документацијата и почетокот на евалуацијата на имотите кои се опфатени со овој проект. И јавно и во нашата официјална комуникација со Град Скопје сме ја изразиле нашата подготвеност и ги ставаме на располагање сите наши капацитети за реализација на овој проект“, велат од општина Чаир.

Порталб.мк испрати прашања и до Град Скопје, но до објавување на овој напис од таму не добивме никаков одговор.

Досегашните активности не го решија проблемот со сообраќајот во оваа општина. За време на мандатот на градоначалникот Петре Шилегов, за време на полицискиот час, беше поставен зид за да им оневозможи возачите да свртат на сред улица. Меѓутоа, сообраќајниот хаос продолжува, при што најкритично е од делот каде што завршува надвозникот на Бит Пазар до надвозникот кај Јахја Паша, кои иако беа поставени за пешаците, може да се рече дека се скоро и неупотребени од нивна страна.

Актуелниот градоначалник за време на предизборната кампања вети дека со 7 милиони евра ќе го прошири овој булевар, со цел да се намали сообраќајниот хаос.

Проширувањето на булеварот „Цветан Димов“ е еден од најважните проекти што ќе олесни сообраќајот и ќе ги забрза сообраќајните линии. Покрај тоа, поставувањето на велосипедските патеки ќе го намали загадувањето. Оваа сообраќајница со должина од 1.000 метри ќе биде проширена од двете страни на коловозот со ширина од 35 метри, ќе има 6 ленти и зеленило меѓу коловозните ленти, тротоари од двете страни и исто така и велосипедски патеки од двете страни на коловозот. Оваа инвестиција изнесува 7.000.000 евра“, гласеше ветувањето на градоначалникот на општина Чаир, Висар Ганиу, во неговата изборна програма „Избери живот, гласај зелено“.

Но, од 5 ноември 2021 година кога дојде на градоначалничката функција во Чаир помина година и пол, а состојбата на терен е сè уште иста.

https://meta.mk/bulevarot-cvetan-dimov-so-shest-lenti-veten-od-visar-ganiu-i-natamu-ostanuva-blokirana-arterija-na-chair/

2,5 милиони евра само од градот и само за делот од Џон Кенеди до ХТ Карпош, значи дека ќе се прави нешто сериозно со повеќе експропријации. Проблемот е што и стариот дел на ХТ Карпош кој веќе е булевар плаче за реконструкција, велосипедски и нови тротоари со столпчиња.

Ќе се реконстуира улица „Цветан Димов“

Улицата „Цветан Димов“ во Чаир ќе се реконструира на потегот кај раскрсницата на улица „Џон Кенеди“ и улицата ,,Христијан Тодоровски Карпош“. На седницата на Советот на Град Скопје што ќе се одржи во вторник советниците треба да дадат зелено светло на предлог-одлуката за воспоставување меѓуопштинска соработка помеѓу Град Скопје и Општина Чаир за изработка на проектна документација и изградба на улицата ,,Цветан Димов’.

Градот Скопје во остварувањето на оваа соработка ќе учествува со 140 милиони денари обезбедени од буџетот и тоа 10 милиони годинава, 70 милиони за 2024 година и 60 милиони денари за 2025 година, од подпрограма ЈДА 482130, како и со решавање на имотно – правните спорови. Општина Чаир во остварувањето на оваа соработка ќе учествува со изработка на ревидиран урбанистички проект.

https://www.vecer.press/ќе-се-реконстуира-улица-цветан-димов/

Чаирчанка ќе се проширува следната година? – Ганиу: Во јануари почнува експропријацијата на околните објекти



https://mk.tv21.tv/chairchanka-ke-se-proshiruva-slednata-godina-ganiu-vo-januari-pochnuva-eksproprijatsijata-na-okolnite-objekti/

И зашто?? Кога нема една причина нормална зашто да се извадат, само зголемена безбедност? Што сега, треба да сеуште "на мртвога германца шамар опалише"? Ете изгуби Шилегов на избори, доста ги бодете неговите проекти како да се некаква вуду кукла од Шилегов. Клошаришта жмровски!

Edited by user8642 - 12-Jun-2022 at 13:47

Се најавува проширување на улицата кај Чаирчанка, Ганиу: Ќе се врши експроприација на околните објекти



https://mk.tv21.tv/se-najavuva-proshiruvane-na-ulitsata-kaj-chairchanka-ganiu-ke-se-vrshi-ekspropriatsija-na-okolnite-objekti

НаТочак: Одлуката за изградба на „Цветан Димов“ со шест коловозни ленти да се промисли


Иницијативата НаТочак реагира по вчерашната прес-конференција на Град Скопје дека почнала јавната набавка за изработка на основниот проект за реконструкција и изградба на булеварот „Цветан Димов“ во општина Чаир. Според најавите, тој треба да добие 6 коловозни ленти, по 3 во една насока, тротоари, велосипедски патеки, зеленило и ново осветлување по должината на целата траса од 1.100 метри. Од друга страна, НаТочак смета дека одлуката три пати треба да се промисли, тврдејќи дека улицата би станала доминатна за автомобили.

„Сте се запрашале зошто ‘Партизанска’ и ‘Јане Сандански’ се поподносливи како булевари иако имаат многу ленти за автомобили? Затоа што содветно на асфалтот имаат голема површина со странично и централно зеленило, зашто имаат широки (за наши услови) велосипедски патеки и широки тротоари. Затоа што просторот е релативно пропорционално распределен“, забележуваат од НаТочак.

Од слични причини, велат тие, булеварот „Климент Охридски“ е неподнослив и е автопатски пекол. Односно, посочуваат, затоа што на помала вкупна широчина добил ист број ленти за автомобили како горенаведените.

„Затоа што просторот не е пропорционално распределен. Затоа што таа широчина нема капацитет за толку коловозни ленти. Taa широчина треба да добие помал број коловозни ленти“, напоменуваат вело-активистите.

За споредба, посочуваат дека профилот на булеварот „Климент Охридски“ меѓу регулациони линии (јавниот простор: коловоз + вело + тротоар) изнесува 38 метри. На „Христијан Тодоровски Карпош“ и „АСНОМ“ велат дека изнесува 40 метри, на „Партизанска“ 50 метри, а на „Јане Сандански“ 60 метри.

„Сите овие се со по 6 ленти на коловоз. Чувството е различно на сите зашто во различна широчина на уличен профил се ставаат ист број ленти за коли. Секогаш страда непропорционално зеленилото, пешачките патеки, велосипедските. А ‘Цветан Димов’ во спорниот сегмент е широк само 29 метри! За 9 метри помалку од булеварот ‘Климент Охридски. Со 6 коловозни ленти ќе бидат атмосферата и пропорциите дури и многу полоши од тие на Климент Охридски! И нема да има простор за зеленило во функција на пешачките и велосипедски патеки кои ќе бидат со минимални димензии, несоодветни за булевар. Додека на Партизански Одреди и Јане Сандански коловозот е 35-42% од целиот профил на улицата, на Христијан Тодоровски Карпош (новото продолжение) е 52.5%, на Климент Охридски е 55%, на Цветан Димов ќе биде околу 70%! Со тоа таа би станала веројатно најавтодоминираната улица во градот, далеку од планирање за 21-ви век по принципите #УлициЗаЛуѓе. Секако ова е само еден од аспектите кои заслужуваат внимание. Ова одлука мора 3 пати да се промисли“, се вели во реакцијата на НаТочак.

Инаку, според вчерашните најави, основниот проект за реконструкција и изградба на „Цветан Димов“ во Чаир ќе важи за потегот од крстосницата со улицата „Џон Кенеди“ до крстосницата со булеварот „Никола Карев“. На овој потег е предвидено да минува и втората траса на БРТ системот на брз автобуски превоз која ќе се движи од Бутел до Кисела Вода.

Според градските власти, со развојот на сообраќајната инфраструктура во северниот дел од градот, „Градот Скопје создава услови кои директно влијаат на зголемување на мобилноста на жителите на овие скопски општини, што индиректно влијае и на подобрувањето на локалниот економски развој“.

Радио МОФ