Не ни верувам дека некој се обиде да ги обвини колективно Албанците Бојан. Секако дека се работи или за изолирани случаи или за детска невнимателност. Она што е точно е дека сепак овој феномен се случува токму на правецот кон Кичево и е исклучително опасен. Невини луѓе може да изгината од една таква камена барикада, независно од националност.

Инаку децата може да бидат навистина идиоти и нивните родители треба да се потрудат да ги воспитаат и да се во тек со тоа што го прават но реално неможат секогаш да постигнат. Еве не дека моите родители биле лоши или сум бил некоја битанга, но во основно школо знаевме по некогаш да гаѓаме коли на регионалниот пат Маврово-Дебар со литарски стаклени шишиња затскриени над патот. Не често но сигурно го имаме правено ова 10на пати. Нас тоа ни изгледаше на добро зезање, но може да замислите каков шок може да биде додека мирно возите и ве пукне литарско шише од кока кола (кое е прилично тешко) во шофершајбна и какви може да се последиците.

Значи идиотлук par excellence, да не не збркаше еднашка еден камионџија по планина можеби ќе продолжевме со праксата и којзнае што ќе излезеше од сето тоа

Burst муабетот се мисли на дипломатска реакција, и барање за кривична одговорнсот од министерстават засегнати. Немора од тоа ништо да излезе на медиум и немора да се прави големата бадијала. Дали овака ако се преќути ќе престане?! Не! Туку баш вака ќе се даде дополнителен мотив и за нареден пат да се деси истото! Неможеме да чекаме да им пројде меракот на вандалите! Од многу проста и едноставна ситуација ја разврзавте две страни муабет. Си има смислена процедура и нема што сега да измислуваме топла вода! Проблемот е што воопшто не се ни обидуваме со редовната процедура!

А еве гледам и албанци сте спомнале у пакет. Андреј не се сложувам со твојата констатација и не би требало воопшто да ја насочуваме дискусијата натаму, не е ниту подобно за форумов а во најмала мера е навредливо и неморално. Но убеден сум дека ваквите вандали го одработуваат стереотипот за својата нацијата. Многу повеќе штета направиле за себе одколку што мислат дека нешто постигнале!


Edited by lslcrew - 12-Oct-2009 at 22:48

Возот Кичево - Скопје нема да сообраќа

Возот до Кичево нема да сообраќа. Машиновозачите се заканија дека ќе престанат да возат на релацијата оти возовите секојдневно се каменувани, а и на пругите се поставувале препреки.

Со ова е загрозена безбедноста и на патниците и на машиновозачите.

„И понатаму ништо ако не се преземе, ние ќе мораме да прекинеме на тој дел на пругата да не патуваме, поради наша безбедна причина и безбедност на патниците“, вели Латко Јовановски, претседател на синдикат на машиновозачи.

Десет машиновозачи писмено се изјасниле и веќе не возат кон Кичево. Се откажуваат и контролорите. Избегнати се неколку сериозни несреќи, имало и повредени патници.

„Последниот пат имаше кај виканото место Кисела Вода наместено големи камења. Среќа што возот не беше полн со патници. Апелираме до месното население, до месните градоначалници на Радуша, Тетово, Гостивар. Последниот пат во Гостивар е повреден патник, со камен мавнат од надвор. секој ден прозорци ни кршат“, рече Јовановски.

Вработените се сомневаат дека зад ова стојат бизнис интереси на диви превозници, кои во трката за сопствена заработувачка, се обидуваат возот да го прикажат како небезбеден и луѓето да патуваат со нив.

Сето ова само ја надополнува и онака лошата слика за железницата. Нечистотијата почнува од влезната врата - лифтовите кои дури не работат се прва слика.

Ѓубре и пајажини, како со години никој да не поминал. Ништо подобра не е ниту сликата кога ќе влезете во старите, дотраени вагони.

Сето ова, заедно со нарушената безбедност како на кичевската релација ја води железницата во уште понезавидна позиција.

http://www.a1.com.mk/vesti/default.aspx?VestID=115702

Edited by Cloverstack - 01-Nov-2009 at 18:45

Еве да ја постирам и видео веста за закана на машиновозачите за прекин на релацијата кон Кичево.


Извор: А1 ТВ

Во некоја не толку далечна дискусија бетон (или Мах не сум сигурен) , имаше ваква теорија за дивите превозници. Ако објавава ја земеме здраво за готово, воопшто не бил далеку од вистината.

Немаме нишка црна хроника, ама ова е една специфична несреќа од областа на железниците, па да ја евиентираме...

Скопјанец се фрлил под воз и преживеал Македонија Скопјанец се обидел да се самоубие фрлајќи се под воз што сообраќал на пругата во Кисела Вода и за чудо преживеал. 43 годишниот С.Д. кој имал нарушени односи со сопругата имал голема среќа бидејќипаднал меѓу двете шини и во моментот кога наишол возот минал над него без да му нанесе и најмала повреда.   Обидот за самоубиство се случил вчера околу 18.30 чсот, а скопјанецот се фрлил пред возот што сообраќа на релацијата од Скопје кон Гевгелија. http://sitel.com.mk/dnevnik/makedonija/skopjanec-se-frlil-pod-voz-i-preziveal

Може ли некој да подобајсни како е ова можно и колку простор има под локомотивата и под вагоните. Нема ли воопшто да висат некои шипки некои железа некои кабли?!

Има доволно простор ако човекот е легнат, и нема нешто што го повредило

Но не би го препорачал никому тоа да го проба

Редовна состојба на линијата Скопје-Кичево...  

Полицијата како и секогаш, претпоставувам дека ќе го евидентира случајот и толку 

Шпорет оштетил воз   Патнички воз што сообраќал на железничката пруга Скопје-Кичево во саботата доцна попладне удрил во остатоци од шпорет поставени на шините и за малку не излетал од шините       Според полицијата, патничкиот воз со бројот 6.904 пред влезот во тетовската станица удрил во остатоците од шпоретот околу 18 часот. Локомотивата, за среќа, останала на шините, но од ударот бил оштетен еден од моторите на возилото. Во инцидентот нема повредени, а материјална штета дополнително ќе биде утврдена. Полицијата презема мерки за расчистување на настанот и идентификување на лицето што го ставило шпоретот на шините.

http://www.novamakedonija.com.mk/NewsDetal.asp?vest=118101041357&id=12&prilog=0&setIzdanie=21887

Покрај тоа што можат да се фрлаат под воз, сега можи и да скокаат од воз. Вчера се враќав со воз за битола, - Вагоните катастрофа: Сијалици искршени, седишта искинати и што е најлошо некои врати се ширум отворени - слободно за скокање

Edited by Danielbtmk - 16-Feb-2010 at 00:24

А еве и какви идеи се развиваат  поединци со цел да се уништи патничкиот сообраќај во овој регион. Ме интересира која гарнитура е сега оштетена. Веќе еден Шпанец не работи поради оштетен мотор, дали можеби новата гарнитура е оштетена?!?

17.01.2010 - Од попречно поставена блокада од лим наполнет со камења и друг цврст матерјал на пругата крај полскиот пат Тетово - Требош, синоќа е оштетен патничкиот моторен воз на релација Скопје- Кичево

Синоќа патничкиот моторен воз што сообраќа на релацијата Скоопје - Кичево од железничката станица во Тетово, појде со извесно задоцнување.

Единствена причина за доценењето на моторниот патнички воз број 69О4 е попречната бариера од лим исполнет со камен и друг цврст матерјал била поставена на железничката пруга во близина на полскиот пат Џепчиште - Треботш во близина на Тетово, соопшти шефот на железничката станица во Тетово, Бесник Јусуфи.

Машиновозачот Садула Шабедини со намалување на брзината во управувањето со возот се обидел да ги ублажи последиците од барикадата на отворената пруга. Притоа дошло до оштетување на дизел моторнарната гарнетура, односно на нејзините инсталации, а целосно бил уништен еден од двата мотори. Среќна околност е што нема повредени патници.

Така оштетениот моторен воз успеал да пристигне во тетовската железничка станица каде бил извршен детален преглед на исправноста и на причинетата матерјална штета. Потоа само со еден мотор, патничкиот воз го продолжил патот кон Гостивар и Кичево. Увид на местото на поставената блокада на пругата и на оштетениот воз извршиле екипи од СВР Тетово, од Оперативната служба на Македонски железници и од Полициската станица за придружба на возови, кои непрекинато работат на откривање и идентификување на сторителите и нивно повикување на кривична одговорност.

Поставувањето барикади со цврсти предмети на пругата во околината Тетово, како и каменување на возовите во кои минатата година од камен беше повредена студентка од Кичево е зачестена појава во тетовскиот крај. Според најновите информации од Јавното претпријатие Македонски железници никој од поставувачите на барикадите и од каменувачите во Тетово и околината не е откриен.

Во услови на економска ктриза, возот претставува најекономично превозно средство поради што бројот на патниците, особено на учениците и студентите постојано се зголемува. Со цел да се прилагоди возниот ред спрема започнувањето на часовите во средните училишта и на факултетите во состав на Универзитетите во Тетово и Скопје изготвен е нов возен ред кој веќе се применува.

Првиот воз од Тетово за Скопје тргнува во 6 часот и 33 , а последниот во 2О часот и 18 минути. Првиот воз од Скопје за Тетово-Гостивар и Кичево тргнува во 2 часот и 5О минути по полноќ , а последниот во 16 часот и 5О минути.

http://www.kiss.com.mk/mak/novosti1.asp?id=8820, ТВ КИСС, ТЕТОВО