Демографија

Ova se preliminarni podatoci koj seuste ne se podpolni osobeno vo delot na zivorodeni deca kade seuste nema korekcija. Ocekuvam vo konecnite podatoci minimum plus 500-750 novorodeni deca poveke a za zal i isto tolkavo zgolemuvanje kaj pocinatite.

Порталб анализа: 40 отсто од високообразованите живеат и работат во странство (инфографик)

Официјално, пописот во земјава почна. На 1 март започна попишувањето на нерезидентното население, луѓето кои повеќе од една година се надвор од земјава, главно дијаспората. Статистичката операција која треба да го „преброи“ населението ќе биде дочекана со загрижувачки податоци кои досега „премолчено“ се коментираа во јавноста, пишува „Порталб.мк“. Еден од нив што се очекува да исплива на површина е егзодусот на „мозоци“.

Стратегија за спречување на „одлив на мозоци“ има, но дали има ефекти?

Незапирлив тренд на одлив на високообразован кадар од земјава. Во 2010 година, според проценките на Светска банка, 29,1 отсто од високо образованите луѓе од земјава заминале да живеат или работат во странство. Девет години подоцна состојбата е драстично влошена.

„Според последните податоци и издадената анализа во 2019 година стапката на високообразован кадар што живее и работи во странство е особено висока и изнесува скоро 40 отсто или повеќе од една третина од високообразованиот кадар“, нотира анализата „Владино планирање – ефективност на владините мерки за справување со ризиците на пазарот на труд и начинот на планирање на средствата за надминувување на истите“ на Државниот завод за ревизија.

„Порталб.мк“ веќе ги објави клучните наоди од оваа анализа кои се однесуваат на горливиот проблем „младинската невработеност“, како и на невработеноста која е последица на ковид кризата, но ова истражување содржи сериозни забелешки за тоа дали институциите ги спроведуваат мерките за да се запре „белата чума“. Така, ревизорите потсетуваат дека Министерството за образование има изготвено Национална статегија за спречување на одлив на високообразован и стручен кадар 2013-2020, а за нејзино реализирање бил изготвен и Акциски план до 2014, но не и до 2020 година.

„По спроведените интервјуа и разговори со надлежни лица ревизијата не доби информација, ниту извештаи за реализација на утврдените цели и активности од стратегијата. На ваков начин и покрај вложените ресурси за изработка на ваков значаен стратешки документ за намалување на одливот на високообразовани и стручни кадри, ревизијата не доби докази дека стратегијата заживеала во пракса и без образложение за истото“, забележуваат ревизорите.

За една година – 5.000 нови луѓе пријавиле дека ја напуштиле Македонија

Ревизорите ги нотираат институциите кои го регистрираат „одливот“ на луѓе, привремено или трајно заминати во странство. Дел од тој ланец се МВР и Државниот завод за статистика. Така, се забележува дека различни институции раполагаат со различни податоци за тоа колку луѓе со какво образование ја напуштиле земјава.

Овие податоци покажуваат дека само за една година Министерството за внатрешни работи регистрирало 5.000 нови луѓе кои пријавиле престој во странство – или ја напуштиле Македонија. Според Државниот завод за статистика пак, само за една година, за повеќе од четири пати е зголемен бројот на отселени граѓани со високо образование. Без разлика што податоците доаѓаат од различни извори и мерени се според различни критериуми – епилогот е ист, на годишно ниво драматично се зголемува бројот на граѓани што ја напуштаат земјава.

„Причините кои водат до одлив на мозоци генерално се должат на можностите за вработување, повисоки плати, професионално унапредување и обука, подобра иднина за членовите на семејството, како што се можности за образование на децата и подобри услови за живеење и работа“, заклучуваат ревизорите.

На крајот од минатиот месец, Агенцијата за вработување регистра 13.262 невработени со високо образование.





https://meta.mk/portalb-analiza-40-otsto-od-visokoobrazovanite-zhiveat-i-rabotat-vo-stranstvo-infografik

Маврово-Ростуше има толку иселеници по светот за да има толкав процент? Или едноставно има многу мал наталитет па од тие ~10 родени деца 7 биле во странство?

Ах беее,.... Македонциве да беа само "два грама" попаметни и да беа доволно верен сојузник западен, за да не треба западот да бара сојузници во малцинставата во Македонија. Па немаше да треба да ни се случува цела оваа симулација, оваа "виртуелна реалност" во избирачки списоци. Све ова што е иселено ќе се отпишеше од гласачи и од државни вработувања. Ама не... глупото македонче ако му се остави таква ситуациај, на првите избори ќе направи од државава втора република српска, бастион на антизападно расположение и хардкор руско влијание. Ете затоа не му се остава на глупото македонче да направи саглам држава, пошто е бетер од бугарија е за терање геополитика. Па да не гледаме овакви glitch-ови во нормалните статистики, и глупости како 65% born abroad идни гласачи.

Originally posted by Staro Skopje ....доаѓаме до бројка од 1.695.262, што е блиску до често употребуваната бројка од ~1.680.000 здравствени осигуреници. Со тоа Македонија би скокнала од 75 на 62 место по БДП (ПКМ) по глава на жител.

Ова е интересен аспект на тоа дека Македонија нема 2 туку 1,7 милиони жители. Прашање е на кои све листи Македонија би имала друга позиција, него ли само на БДП. И не само тоа, туку кај би биле европските држави со БДП пер цапита доколку се додаде целото присутно гастербајтерско население, а не само локалните државјани.

Originally posted by my Macedonia За 4 дена се регистрирани над 25 илјади ,,гастарбаитери,, а до април ќе си стигне сигурно до 200 илјади ако не и повеќе. Сепак тоа нема да биде реална бројка, лично познавам доволно мк-граѓани што немаат никаков интерес да се регистрираат а има и од оние, што ниту не се информирани што каде како. Сликата е грда, пример од 8то оделение учев со 30 ученици, од таа класа сега 28 се во странство.

Поради тоа бесмислено е да се попишуваат луѓе кои едвај еднаш годишно ќе се вратат во родното место и пак бегаат. Државата троши средства при изготвувањето и спроведувањето на социо-економските политики, бидејќи реперот според кој се водат е неточен.
Секако дека треба да бидат избројани и тие државјани кои се иселени, но нема логика еден човек да биде броен во две или три држави, особено ако не живее подолг период во нив.

Околу 2.4м државјани имаме ако не се лажам.

Јас не можам да разберам зашто кога веќе направиле апликација за дијаспората, истата не речат, еве ќе ја користиме и за домашните (или ќе треба лаптопите од 4 милиони евра да се искористат).

Објаснувањето на Владата, сите одложија, ама тие имаа пописи пред 10 години, а ние немавме, е толку глупо, што не ни требало да го пишуваат.

Од Македонија многумина си заминале, ама и се вратиле со стекнато високо образование

Од економски и политички причини, земјите од Западен Балкан традиционално се земји за иселување и тој тренд продолжува и во периодот од 2010 до 2019 година. Сепак, степенот на нето-иселување (разлика меѓу бројот на оние што си заминале и оние што се вратиле) се разликува во различни земји и е најголем во Босна и Херцеговина, проследен со Косово и Албанија, а понизок е во Црна Гора, Северна Македонија и во Србија, објави Виенскиот институт за интернационални студии во најновата анализа за нето-миграцијата во Западен Балкан.

Според ова истражување, она што е специфично за Македонија, како и за Црна Гора и за Србија, е што во овие земји има големо враќање на луѓе што си заминале од земјата за да се образоваат, односно тие се вратиле во својата земја со странско образование.

„Нашата анализа открива нето-имиграција на високообразовани – а со тоа и ‘прилив на мозок’ – во Црна Гора, Северна Македонија и во Србија, што е генерално на највисоко ниво кај оние од 20-ина години, односно на возраст кога обично се завршува високото образование. Нашите резултати сугерираат дека нето-имиграцијата на високообразованите главно се води од студенти што се враќаат во своите матични земји по завршувањето на високото образование во странство“, објави Виенскиот институт.

Оттаму велат дека во исто време е забележан нето-одлив на луѓе со средно општо и со стручно образование, што е во согласност со теоријата дека двете групи заминуваат во странство и се враќаат како дипломирани студенти.

Анализата покажала дека се променила старосната структура на оние што мигрирале од Македонија во периодот од 2011 до 2014 година и од 2014 до 2019 година. Во периодот од 2011 до 2014 година најмногу си заминувале млади на возраст од 25 до 34 години, додека најмногу враќања имало кај младите од 15 до 19 години и кај возрасната група од 35 до 39 години. Во периодот од 2015 до 2019 година, заминувањето било почесто отколку во претходниот период и си заминувале луѓе од сите анализирани возрасни групи од 15 до 39 години, освен оние од групата од 30 до 34 години. Спротивно, пак, најмногу од странство во Македонија, во овој период, се вратиле токму луѓето на возраст од 30 до 34 години.

Но, за тоа колкаво е нето-иселувањето, како разлика меѓу заминатите и вратените, во периодот од 2010 до 2019 година, од Виенскиот институт констатираат дека е тешко да се каже со точност, затоа што последниот попис е од 2002 година, а процените се базираат на тој попис. Така, Виенскиот институт дошол до процена за нето-имиграција од Македонија во периодот од 2010 до 2019 година од само 16.000 луѓе, но и оттаму потенцираат дека овој број е многу мал во однос на многу други проценки и притоа ги нагласуваат процените на Обединетите нации за нето-иселување во истиот период, а кои зборуваат за дури 131.000 луѓе.

Анализирајќи ги стимуланси за иселувањето во земјите од Западен Балкан, Виенскиот институт ги наведува: „Сеприсутна сиромаштија (како, на пример, во Косово), мрежи на дијаспората што даваат информации и ресурси што ја олеснуваат емиграцијата, релативно висока стапка на невработеност, повеќе, поквалитетни и подобро платени опции за вработување во потенцијалните земји на дестинација, или посебни шеми што ја олеснија миграцијата, како што е Регулативата за Западен Балкан на Германија, која стапи на сила во 2016 година и предизвика државјани на Западен Балкан да бараат работа во Германија“.

За 9 години 160.000 луѓе од Македонија добиле разни дозволи за престој во Европа
Она што веројатно ќе даде една подобра слика за процесот на заминување од државата се податоците од Евростат за миграции, а кој ги презентира Виенскиот институт. Според овие податоци, вкупен број издадени први дозволи во ЕУ28 и Исланд, Лихтенштајн, Норвешка, Швајцарија се 160.663. Притоа 88.267 дозволи се на луѓе што се приклучиле на своето семејство, односно на член од семејство кој е веќе во некоја од овие земји. На школување, во овој период заминале 9.324 државјани на Македонија, за активности за усовршување биле дадени 41.189 дозволи и по други основи – 23.932 дозволи. Она што може да се забележи е дека вкупниот број дозволи е значително помал во периодот од 2010 до 2014 година кога биле издадени 58.865 дозволи, во однос на периодот од 2015 до 2019 година кога нивниот вкупен број изнесувал 101.768.

https://www.slobodenpecat.mk/od-makedonija-mnogumina-si-zaminale-ama-i-se-vratile-so-steknato-visoko-obrazovanie/

Броење на иселените



Една од причините зошто никој не знае колку луѓе живеат во Северна Македонија е тоа што никој не знае колку луѓе ја напуштиле земјата, особено по последниот попис во 2002 година.

Проблемот е како да се дефинира кој сѐ ќе се брои како Македонец за да се изброи колку Македонци живеат во странство. Дури и ако ги броите само тие што имаат македонски државјанства, набргу ќе увидите дека расположливите податоци се нецелосни и неверодостојни.

Непотврдените бројки се вткаени во политичката дебата како да се точни или потврдени. Малкумина разбираат дека бројките што се цитираат од инаку доверливи организации, како Светска банка или Обединетите нации, се груби пресметки.

Причината е што тие организации не собираат свои податоци, туку мора да се потпираат на бројките од други места.

Првото нешто што треба да се разбере е на кого точно се мисли или кој точно се брои. Дали зборуваме за етнички Македонци, државјани на Македонија или за потомци на луѓето што порано ја напуштиле Македонија?

Ако е последното, тогаш е важно да се напомене дека многу од нивните предци емигрирале од регион што е многу поголем од денешната Северна Македонија.

Македонците емигрирале во големи групи уште од доцниот 19 век, што значи дека сигурно има голема бројка луѓе во странство со македонско потекло или луѓе што имаат корени од Македонија.

Обединетата македонска дијаспора (ОМД), со седиште во Вашингтон, САД, ги претставува етничките Македонци. Според тоа, Албанците, Турците, Ромите и други малцинства од сегашната Северна Македонија не се вклучуваат во нивните слободни проценки за бројот на Македонците во странство.

ОМД тврди дека има околу 250.000 луѓе од македонско потекло во Канада, околу 300.000 во Австралија, до 600.000 низ Европа (не вклучувајќи ја Северна Македонија) и околу 500.000 во САД. Со тоа се доаѓа до бројка од околу 1,65 милион.

Сепак, значаен, но неутврден дел од овие луѓе се потомци на иселениците што ја напуштиле Македонија во османлиското време, од која дел бил и Солун, денес втор град по големина во Грција.

За време на Балканските војни во 1912 и во 1913 година, оваа територија била поделена на три дела. Еден мал дел ѝ припаднал на Бугарија, но најголемиот дел бил поделен меѓу Грција и Србија.

По крајот на Втората светска војна, српскиот дел стана една од шесте југословенски републики, и таа денес е Северна Македонија.

По крајот на Втората светска војна, во Грција избувна граѓанска војна поради која десетици илјади етнички Македонци, често наречени егејски Македонци, избегаа од земјата.

Заедно со бегалците од грчка Македонија, многу од нив биле евакуирани во Советскиот Сојуз (поточно во Ташкент, Узбекистан) и во други земји од источниот блок. Други пребегале во Австралија, САД и во Канада.

Илјадници, сепак, се доселија во југословенскиот дел на Македонија директно, од кои голем дел беа луѓе што не се иселиле во Советскиот Сојуз или на други места во првите две децении по војната.

До средината на 1960-тите, се проценува дека околу 50.000 егејски Македонци нашле нов дом тука. Од друга страна, некои биле населени во Војводина, во северна Србија.

До средината на 1960-тите, емиграцијата од Југославија била, или незаконска, или екстремно тешка. Македонија, сепак, беше голем исклучок. Договорот меѓу Турција и Југославија им дозволил на Турците од Македонија слободно да се иселуваат.

Според турското Министерство за надворешни работи, околу 170.000 Турци се иселиле од земјата меѓу 1953 и 1968 година. Сепак, иако мнозинството биле Турци, имало и Албанци и Македонци муслимани што се декларирале како Турци за да можат да заминат.

Разликата меѓу овие луѓе и етничките Македонци што емигрирале е што додека едните силно го бранеле својот македонски идентитет во дијаспората, тие што се иселиле во Турција, по кратко време целосно се идентификувале како Турци.

Од средината на 1960-тите, Македонците, како и другите Југословени, почнаа да се иселуваат во Германија и во други европски земји во потрага по работа, и тогаш почна ново поглавје во историјата на македонската емиграција.

Денес, освен проценките од организациите на дијаспората, се вртат и неколку други цифри за бројот на Македонците во странство.

Во март 2019 година, владата ја објави Националната стратегија за соработка со дијаспората, во која се вели дека 700.000 луѓе „може да се сметаат за груба проценка на емиграцијата“. Но, се предупредува дека оваа проценка може да се добие само од „странски извори на податоци“.

Во една проценка на Обединетите нации од 2019 година, исто така заснована на странски податоци, се дава прецизна бројка од 658.264, додека од Светска банка има заокружена бројка од 500.000.

Едмонд Адеми, министерот за дијаспора, вели дека, според него, точната бројка е меѓу 500 и 600 илјади, додека Изет Зеќири, кој ги проучувал овие бројки, смета дека таа е меѓу 600 и 640 илјади.

Кога Македонците во странство се појавуваат во базите на податоци, тоа значи дека се државјани, а етничката припадност не се зема како фактор. Сепак, се гледа дека во некои земји има тенденција, различните националности да се групираат заедно.

Албанците се големо мнозинство меѓу македонските иселеници во Швајцарија, на пример. Македонците муслимани одат во Италија, а етничките Македонци одат во Словенија и во Шведска.

Ако тие што се во странство, исто така, зеле друго државјанство, тогаш најчесто не се ни појавуваат во бројките.

Австралија, на пример, дава бројка од 49.000 илјади свои жители што биле родени во она што денес е Северна Македонија.

Во Европа, според податоците од Евростат (кои всушност се собираат од државните статистички агенции), на 1 јануари 2019 имало 102.000 луѓе од Македонија во Германија, 66.600 во Швајцарија, 63.600 во Италија, 23.400 во Австрија и 12.300 во Словенија.

Според Евростат, имало 156.900 македонски државјани во ЕУ, во 2010 и 220.400 во 2019 година.

Но, како и сите такви бројки, и овие се проблематични. Прво, најмалку 81.000 Македонци зеле бугарски пасоши, со кои лесно можат да работат во ЕУ. Така, секој Македонец што се регистрирал како Бугарин во ЕУ, нема да се покаже во податоците како Македонец.

Второ, според Апостол Симовски, директор на Државниот завод за статистика, странските податоци за македонските државјани во странство не покажуваат од каде дошле тие.

На пример, бројот на Македонци во Италија се намалува, а бројот во Германија се зголемува.

Затоа би било погрешно да се претпостави дека тие што доаѓаат во Германија или на други места се нови емигранти од Северна Македонија и дека, според тоа, бројот на населението во земјата опаднал за истата бројка. Новодојденците во една земја можеби ја напуштиле Северна Македонија години порано, само сега се преселиле од една во друга земја.

Трето, бројките на Евростат, а според тоа и националните податоци од кои тие се составени, се збунувачки и нецелосни. Евростат бележи дека бројката на Македонци во Грција, Шпанија, Велика Британија, Малта и во Хрватска е нула.

Но, се проценува дека има околу 3.000 Македонци што живеат во Велика Британија, не броејќи ги тие што се регистрирале како Бугари, според Канцеларијата за национална статистика. На крајот од 2018 година имало 1.591 македонски државјанин со дозволи за престој во Малта.

Ако напишете на Гугл „колку е голема ирската дијаспора“, првиот резултат што ќе се појави е напис во „Ајриш тајмс“, во кој се вели дека таа изнесува „од три до 70 милиони луѓе, во зависност за кого станува збор“.

Има 4,83 милиони луѓе во Република Ирска. Македонците во странство си го наметнуваат епитетот „Ирци од Балканот“, но, за разлика од Ирците, тие не знаат колкумина живеат ниту дома .

https://prizma.mk/broene-na-iselenite/