Моторни гарнитури

Анѓушев: Половина од новите кинески возови се неисправни, се водат постапки во институциите

Вицепремиерот, Кочо Анѓушев, откри денеска дека се неисправни половина од шестте воза кои ги набави претходната Влада, а дека ниту еден воз не го поминал техничкиот прием. Анѓушев рече дека возовите не ги задоволувале условите, поради што се водат и постапки, додаде, во надлежните институции.

-Од шест гарнитури дојдени од Кина за патничкиот сообраќај половина се веќе неисправни. Договорите се такви да треба да се одржуваат во Кина. Тука треба јавноста да знае дека тие се уште не се ниту технички примени. Убаво што се возевме, убаво што ги видовме, но не се технички примени затоа што не ги задоволуваат условите по договор, затоа има постапки што ги водат институциите – рече Анѓушев.

Владата на ВМРО-ДПМНЕ инаку ги набави возовите во 2015 година, за близу 25 милиони евра, а државата парите ги обезбеди од кредитот на ЕБРД.

Што се однесува до договорот за локомотите, напомена тој, четири исто така требаше да пристигнат од Кина.

-Првата требаше да пристигне во јануари 2018, а тек сега пристигнува, врз основа на договори од 2016 година. Тоа јавноста треба да го знае – додаде Анѓушев.

Вицепремиерот посочи дека Македонски Железници е во тешка и незавидна финансиска состојба со долг од 80 милиони евра, не сметајќи ги тука каматите.

-Нови набавки во железницата не треба да има затоа што Железницата, ние мора отворено да кажеме, има над 80 мил евра долгови без камати. Железницата е во многу тешка состојба која што е наследена и предизвикана од ваквите потези, мислам дека таквите информации со јавноста треба да бидат споделени. Излезно решение во Железницата, ние го најавивме веќе, е во делот на Транспортот. МЖ Транспорт треба да оди во приватизација. Треба да се најде оператор кој што тоа соодветно ќе го прави пред се обезбедувајќи нови ликвидни средства. Ако сакаме Железницата да ги задоволи стандардите треба да се инвестираат 50 милиони евра. Инфраструктурата и пругите треба да останат во сопственост на државата – рече Анѓушев.

https://fokus.mk/angushev-polovina-od-novite-kineski-vozovi-se-neispravni-se-vodat-postapki-vo-institutsiite/?fbclid=IwAR0CrRJfotiSHrswhmQavVAFU-FipqBrJGfmehVD7pdUrktpxs4jSrdfRXo

Вечерва една дизел гарнитура е во Кичево.
Мислам дека е "премиера" ?

Не знам до кога ќе брендираат возовите и автобусите ала тотал маркетинг. Ужасно е за патниците внатре, не можеш да гледаш нанадвор кон природа, но и најважно не можеш да забележиш на која станица треба да се симнеш. Буквално како сардина се чувствуваш. Многу грдо и алчно изгледа од маркетинг агенциите.

За одржување на возовите е потребна голема сума на пари. По неколку години сообраќај, секоја локомотива мора да се оди на една обнова. Тоа го викаат средна оправка, но чини десетици илјади евра и за обичен вагон, а не пак за дизел моторна гарнитура. Ако се има пари, овие гарнитури се праќаат на средна оправка, а ако се немаат пари, тие сообраќаат се до оној момент до кога не им откаже некој поважен дел. Тоа е тоа. Во моментов немаат пари ниту за исплата на плата, т.е. вака е веќе едно две-три години.

Originally posted by BOJAN    Проблемот со алкохол во железница е

... или едноставно човекот ја користи својата пауза за еден мал одмор
кој впрочем на овој начин го користат голем број на професионални возачи.
.

Државна фирма...


Инаку, ова да не е во кинезите сликано?
http://www.motika.com.mk/mojata-chudesna-makedonija-2/

Edited by Тркало - 24-Sep-2017 at 22:50

Како што веќе напоменав, многу сум загрижен за состојба во која се наоѓаат дизел моторните гарнитури Шпанец. Како што напоменав, 712-105/106 е исчерупана и оставена пред депо Лисиче. Еве фотографии од неа. Во возна состојба со сигурно е 712-101/102 што сообраќа кон Кочани. Денес ја фотнав. Кон Куманово и Велес сообраќа 712-103/104, но подолго време ја немам видено и 712-107/108.

Дали е возможно за толку кратко време од четири постари гарнитури во возна состојба да сме се свеле на само две? Новите кинески гарнитури во моментов трчаат кон Битола и Гевгелија, ама ако една отиде на поправка, ќе мора да се вклучат старите возови. Не ми е јасно како е можна волкава негрижа за возовите да има. Просто неверојатно!