Моторни гарнитури

Еве од денес, превземено од ФБ страната: Клуб на љубители на железниците во Македонија.

ВЛАДО МИСАЈЛОВСКИ: Освен нарачаните шест, ќе купиме уште нови возови

Имаше многу шпекулации по медиумите дека новиот воз не можел да вози по нашите пруги или дека технички не бил соодветен на железничкиот систем во Македонија, но еве изминатава недела ги демантиравме тие шпекулации. Овие возови се конструирани со техничка помош на македонски инженери

Во земјава по долги години се обновува потенцијалот во железничкиот сообраќај. Пристигна вториот воз од шесте нови што ги набави Владата. Со каква динамика ќе стасуваат и другите?

- За првпат по неколку децении започнавме со обнова на возниот парк во железницата. Сите бевме сведоци во каква состојба беа возовите пред оваа Влада да почне да инвестира во подобрување на возниот парк. Затоа решивме да инвестираме 25 милиони евра само во набавка на шест нови патнички воза. Велам само во патнички возови, затоа што инвестиравме и во набавка на товарни вагони и локомотиви.

Минатата година пристигна првиот електормоторен воз и тој пред неколку дена официјално го пуштивме во употреба на релација Скопје-Велес-Табановце. Имаше многу шпекулации по медиумите дека овој воз не можел да вози по нашите пруги или дека технички не бил соодветен на железничкиот систем во Македонија, но еве изминатава недела ги демантиравме тие шпекулации. Овие возови се конструирани со техничка помош на македонски инженери, кои директно учествуваа во процесот на производство во Кина. Сите возови се произведени по европски стандарди на кои одговараат и нашите пруги, така што нема простор за шпекулации.

Вториот воз е од типот на дизел моторна гарнитура, кој ќе сообраќа на релација кон Битола. Но пред да го пуштиме во употреба најпрво ќе мора да ги помине истите безбедносни тестови за кои имам информации дека ќе траат околу еден месец. Останатите четири воза ќе стигнат најдоцна до крајот на април, и тоа најпрво ќе пристигнат два, па потоа уште другите два воза. Со оваа инвестиција ќе го замениме 60 проценти од патничкиот возен парк во железницата.

Дополнително правиме анализа да набавиме уште неколку воза, со што целосно ќе го обновиме возниот парк и ќе овозможиме сигурен, безбеден и квалитетен патнички превоз за граѓаните на Македонија

Во тек е и проектот за реконструкција на железничките станици по должина на Коридорот 10. Во која фаза е изградбата на пругата до Бугарија, од Битола кон Грција и проектот за изградба на пруга од Кичево кон Албанија?

- Откако оваа Влада дојде на власт ја согледавме потребата од нужно рехабилитирање на пругите и изградба на нови делници, сè со цел од една страна за да ја раздвижиме домашната економија и да ги задоволиме потребите на домашните компании кои го користат железничкиот сообраќај, а од друга страна Македонија да ја направиме конкурентна транзитна земја за надворешните компании, бидејќи тука поминува еден од најважните коридори, а тоа е Коридор 10.

Приоритет изминатите години ни беше рехабилитација на пругата токму на коридорот од Табановце до Гевгелија. Со завршување на оваа реконструкција ќе овозможиме поголеми брзини на пругите, а со тоа и намалување на времето за транспорт, што е многу важно во бизнисот со превоз на стока.

Во исто време, започнавме со еден проект со кој сметаме дека дополнително ќе го раздвижиме железничкиот транспорт низ Македонија, а тоа е изградба на пруга на Коридор 8. Ова е исклучителен важен проект бидејќи ќе овозможиме железничка врска на Исток кон Бугарија и на Запад кон Албанија. Во меѓувреме, работиме и на проектирање на нова пруга од Кичево до Лин, границата со Албанија и еден крак од оваа пруга и кон Охрид.

Морам да спомнам дека завршивме со реконструкцијата на меѓународната железничка станица во Скопје, а работиме и на реконструкција на 10 железнички станици на Коридор 10 за кои очекувам дека комплетно ќе бидат завршени оваа година, за што вкупно инвестиравме околу 4,5 милиони евра, средства добиени преку европските фондови.

Целото интервју на http://telegraf.mk/aktuelno/ekonomija/ns-newsarticle-vlado-misajlovski-osven-naracanite-sest-ke-kupime-uste-novi-vozovi-intervju.nspx

Добивме две гарнитури!!! Се знае ли кога ќе пристигне следната?

Originally posted by Vladimir P Originally posted by ViktorMKD Добивме две гарнитури!!! Се знае ли кога ќе пристигне следната? Многу бргу, во Средоземно море е

малце лаичко прашање... дали сите ќе поминуваат на истите тестови?

zabegan, Со новата дизел моторна гарнитура да во делот на моторите (тоа е различно од предходната)
Но со сите следни веќе ќе го нема тој период на обуки и тестирања.
Иначе во моментов една од гарнитура се тестира на огромно (за нас) растојание во Кина

zokidac, Во принцип може но сепак се проектирани да се троделни (мотори, хидраулика, ...)

Originally posted by ehrlich Мислам, навистина не би сакал, но се повеќе оди кон тоа дека навистина има проблем со самите пруги.

Наводно и најверојатно проблемот се работи во поставеноста на тркалата на возот, односно врз тркалата е спојот на вагоните, а не како на вагоните што ги имаме каде што за секој вагон си има тркала посебно.
И сега, проблемот се јавувал во одредени места или кривини каде нема добра нивелација на пругата, па се случува да напред вагонот се наклонува првин на лево да речеме, па на десно. Е во моментите кога предниот вагон во тој момент се наклонува на десно, вториот вагон е наклонет кон лево и сето тоа предизвикувало да реагираат тие сензори, се надминувала дозволената толеранција на ваквиот начин на однесување на вагоните во текот на движењето.

Денеска

Originally posted by Џоле Денес читав во некоио медиуми дека пристигнал и третиот кинески воз во Македонија.

Eve sega gledam na TVNOVA tretiot voz e stignat. Se zboruva deka nema da se zastane na ovie 6 voza.

Знае ли некој дали е пуштена дизел-моторната гарнитура (второ пристигнатата) и ако да, на која линија? Благодарам!

Edited by stratus - 29-Feb-2016 at 22:06