Ваквото искривување е делумно поради куќите, а и поради тоа што има тука некое брдо мало со благи нагиби па во рамки на стандардни и поголеми радиуси да се избегне непотребно искачување и симнување. А и нема ништо лошо во тоа да има радиуси ако тоа е според дозволиви радиуси и во рамки на стандарди за планирање. Проблем е кога се импровизира со невозможни радиуси и крпеници како новиот мост, тука не би било проблем да се избегнат куѓите, напротив пожелно е. Не сме северна Кореја да проектираме прави линии по секоја цена непотребно. Затоа се измислени тие стандарди. Овдека може би е и можно првовремено да се насочат силите и да се иде кон изградба на едниот коловоз, не е ова таков тип на зафат што захтева изградба на двата коловоза одеднаш како на пример тунелот во Кисела Вода за кој зборувавме неодамна, па да се овозможи сообраќајот па потоа без притисоци да се изгради и втората, што е доста чест и практичен случај низ Скопје.

Во однос на проблеми со експропријација не гледам дека посебно би се јавиле големи проблеми освен со таа една куќа непосредно до клучката и лозјата кои изгледа биле под некое земјоделско стопанство до пред некое време па сега најверојатно се заглавени во денационализациски постапки. Но ако си прејудицираат вака проблеми и креваат раце а приори нема ни да ги решат. Затоа уште сега нека се зафатат, да не им биде после тоа трн во изградбата.

Инаку за таа кривата улица, (се сеќавам како дете кога ја правеа, живеев во близина), незнам зашто така криво ја направија. Барем од западниот крај можеше да се направи според планот и да се формира раскрсницата како што е планирана.

Моја проценка ~ 2 до 2,5 милиона евра.

Еве ја ситуацијата опишана во ГУПот. Најголема придобивка на оваа сообраќајница ќе биде конечното решавање на хаосот обележан со црвеното кругче. Косата улица би требало да ја снема, и на нејзино место да се направи продолжение на Боца Ивановска (и соодветната раскрсница со Бутелска), со што ќе се избегне сегашната ситуација кога доаѓаат возила од 6 правци, а притоа нема ниту семафор, ниту кружен тек.

За самиот булевар, јас би избрал траса што не е толку свиткана (ме потсеќа на мостот кај железничка). Знам дека најверојатно се труделе да ги избегнат куќите (кај ознаката 48 7H11 -37 - 9) меѓутоа и после нив можно е да се направи поелегантна кривина од оваа.

Креирав нова нишка, бидејќи веќе одамна се збори за овој проект, а веќе имаме и најавен датум.