Студенти истражуваа во археолошкиот локалитет „Стоби“



Две интернационални работилници за конзервација на керамика и на мозаик, паралелно се одвиваа во јуни годинава во археолошкиот локалитет „Стоби“ во соработка со фондацијата „Балканско наследство“. Учесниците работеа на копии и автентични римски садови. Работилницата за конзервација на мозаици беше реализирана заедно со втората фаза на проектот за конзервација на мозаикот од нартексот на Епископската базилика. Проектот опфаќаше лиење и поставување на алуминиумско саќе на мозаикот од нартексот кој беше изваден во 2012 година. Како дел од овие два проекта, беа одржани и уште две помали работилници за конзервација на стаклени садови и фрески.

Како што соопштија од Националната установа „Стоби“ , во јуни и јули биле реализирани и ископувања на Западната некропола и Театарот како дел од капиталните проекти за археолошки истражувања, финансирани од Владата. Со ископувањата на некрополата биле откриени 51 гроб од пвиот до третиот век од нашата ера. Наодите покажале дека покојниците биле кремирани и имале гробни прилози, како керамички садови, светилки, стаклени садови и бронзени монети. Како посебно интересен, НУ Стоби го издвојува гробот во кој кремираните остатоци биле поставени во оловна урна.

Ископувањата во Театарот се одвиваа во мал дел на централниот циркуларен коридор при што беа истражувани подни нивоа од доцната антика (5-6 век) кога објектот не бил во функција, а неговите ѕидови и коридори биле искористени во рамките на куќите подигнати на овој простор..

Како трет проект од соработката со фондацијата „Балканско наследство“ била интернационална археолошка школа, која се одржала од 29 јуни до 28 јули. На неа учествувале 16 учесници од повеќе земји, главно од САД и од Канада.

Ископувањата биле на просторот помеѓу Тедосијанската палата и т.н. „Затвор“. Била истражена една од подоцнежните соби на палатата која во текот на 6 век била поделена на два дела. Откриени се фрагменти керамика, животински коски, фрагменти од стакло, бронзени монети, мала мермерна скулптура со претстава на голо машко божество и една железна стрела.

Останатите пет проекти, финансирани од Годишната програма на Министерството за култура, ќе бидат реализирани во следните месеци.

- Двата проекта за конзервација на метални предмети и стаклени садови ќе отпочнат во текот на август, додека ископувањата во делот на Храмот на Изида ќе се одвиваат во текот на септември. Проектот за конзервација и реставрација на Театарот ќе продолжи на почетокот од септември и ќе трае до крајот на ноември, информираа од НУ Стоби.

Од таму информираат дека за оваа година е предвидена конзервација и реконструкција на сводовите од тули на централниот радијален коридор и страничните простории, по што ќе следи конзервацијата и реконструкцијата на лежиштата за седишта.

Се очекува до 2015 година Театарот да биде подготвен за реконструкција на мермерните седишта во источната половина. Последниот проект за 2014 година предвидува враќање на мозаикот од централниот брод на Старата епископска базилика. Подготовките за реализација на проектот ќе почнат на 15 август.

http://duma.mk/kultura/13-kultura/11992-2014-08-07-14-51-46

Археолошки истражувања на локалитетот „Бела земја“ кај Неготино





regioni.mk

Коколов рид, с. Виничка Кршла, претставува комплексен археолошки локалитет. Се наоѓа на 3 км. североисточно од градот Виница на левата страна од патот Виница - с. Виничка Кршла





Edited by Џоле - 08-Aug-2014 at 13:17

Македонска монументална гробница од крајот на IV век пред нашата ера, археолошки локалитет Павла Чука, с. Бонче.

Римска бања во село Бањско, Струмичко



familytripstomacedonia.com

НАПОМЕНА: Голем дел од горните постови се преземени од ЅЅС и затоа можно е фотографиите, видеата, како и самите текстови, да се застарени!

Архео парк Бразда


Archaeological Park 'Brazda' by HaemusNGO, on Flickr


Archaeological Park 'Brazda' by HaemusNGO, on Flickr


Archaeological Park 'Brazda' by HaemusNGO, on Flickr


Archaeological Park 'Brazda' by HaemusNGO, on Flickr


Archaeological Park 'Brazda' by HaemusNGO, on Flickr

Edited by Џоле - 08-Aug-2014 at 14:03

Во Прилеп се бара седиштето на кралот на Пелагонците

Седумнаесет члена македонска археолошка експедиција, од кои 11 археолози врши ископувања на врвот Висока на Селечка Планина на 1.470 метри надморска височина.



Според директорот на Управата за заштита на културното наследство Виктор Лилчиќ ова е капитален проект и трет пат, но и најобемен да се истражува на Висока.

- Досега два пати, но само по неколку дена, се истражувало на Висока. Ова е најобемно едномесечно истражување. Станува збор за фантастичен град на околу 2 хектари кој има одбранбен ѕид што датира од доцната антика, но има и внатрешен дворец изграден од огромни камени блокови, кој пак, според конструкцијата на блоковите датира од раната антика, од 4 век пр. н.е. На Висока се наоѓаат остатоци од еден висок горни град кој поседува владетелски карактеристики. Човекот што го подигнал, што го утврдил, не бил обичен човек. Најверојатно бил владетел. Наше е да откриеме дали биол владетел на локална територија, на некое кнежевство, или бил владетел, како што претпоставуваме, на целото Пелагонско кралство, кралството на Пелагонците кое егзистирало некаде 5,4,3 век пред н.е, вели Лилчиќ.

Со истражувањата од предходните години, главно се откриени: керамика, садови, фрагменти од садови, доста монети.

- Тие монети укажуваат на една хронологија од Филип Втори па се до византискиот цар Јустинијан во 6 век од новата ера. Има монети на македонскиот крал Антигон-Гонат, монети на Деметриј, монети на раните македонски градови Анфиполис, Тесалоника, на Пела, има монета на римскиот цар Нерон, монети од 4 век, од 6 век на византиските цареви Јустинијан Први и Втори, па дури и монета од средновековниот период, од 12 или 13 век. Ова покажува континуитет на цивилизирано градско живеење на оваа позиција, објаснува Лилчиќ.

Според Дејан Кебакоски, археолог од Институтот за старословенска култура од Прилеп, кој ја предводи експедицијата, сите се возбудени зашто се откриваат внатрешни ѕидови и монети.

- Овие истражувања се насочени концелосно откривање на надворешноста на раноантичкиот ѕид, а еден дел од тимот работи во внатрешниот простор на акрополата каде е откриен ѕид од раноантичкиот период кој исто така е изграден со големи камени блокови. Пронајдени се 15-ина доцноантички монети, пронајдена е една раноантичка монета, една малоазиска фибула и поголем број фрагменти од високолуксузна црнофирнисана керамика, вели археологот Кебакоски.

Директорот на Управата за заштита на културното наследство Виктор Лилчиќ кој деновиве ги посети археолозите на Висока, прецизира дека нови отркитија многу се значајни. Бронзената монета, посочува, што е сега пронајдена е на македонскиот крал деметриј Први кој владеел во 3 век пред нашата ера. Пронајден е рановизантиски клуч, тег за мерење златници,керамичен пирамидален тег за ткаење на разбој. Луксузната керамика е донесена од Атика.

- Од она што го имаме горе на Висока отркиено и од ова што сега го откриваме со оваа најнова и најобемна експедиција што ја предводи м-р Дејан кебакоски од Институтот за старословенска култура од Прилеп, ќе го потврди нашето убедување дека се работи за кралот на Пелагонците. Дворецот, главно датира од 4 век пр. н.ера, тогаш е изграден и се согласува со споменувањето на кралот на Пелагонците од 365 година пр. н.е. Интересно е дека што предокот на Пелагонците се споменува во Илијадата на Хомер, вели Лилчиќ.

Пред околу две години археолозите истражуваа во подножјето на Висока, на 600-700 метри каде целосно е откриена кралската гробница.

- Таму откривме остатоци од голем ѕид за кој претпоставуваме дека била зимската палата на кралот кој во периодот на студените месеци се спуштал во подножјето, рече Лилчиќ.

Комплетното истражување на археолошката експедиција на Висока ќе трае еден месец и експедицијата е на половината од истражувањата.

http://kurir.mk/makedonija/kultura/168242-Vo-Prilep-se-bara-sedisteto-na-kralot-na-Pelagoncite

Конзервацијата на мозаичните подови и осветлување на локалитетот Манчевци

Годинава се работи на конзервацијата на мозаичните подови како и на комплетната илуминацијата на локалитетот …

Во рамките на реализацијата на програмата за заштита на културното наследство, а со финансиска поддршка на Министерството за култура, стручните екипи на Заводот за заштита на спомениците и музеј Охрид, интензивно работат на третата фаза од конзервацијата на археолошкиот локалитет Манчевци во Охрид.

Во изминатите две години на овој локалитет беа извршени археолошки истражувања, а се заврши и конзервацијата на остатоците од рано христијанската базилика. Годинава се работи на конзервацијата на мозаичните подови како и на комплетната илуминацијата на локалитетот.

 

Со реализацијата на завршната фаза од работите на археолошкиот локалитет Манчевци градот Охрид до крајот на годинава ќе се здобие со уште еден атрактивен археолошки локалитет кој нуди одлична можност за дополнителна афирмација на културното наследство на Република Македонија.

http://cooltura.mk/?p=52975&utm_source=rss&utm_medium=rss&utm_campaign=%25d0%25ba%25d0%25be%25d0%25bd%25d0%25b7%25d0%25b5%25d1%2580%25d0%25b2%25d0%25b0%25d1%2586%25d0%25b8%25d1%2598%25d0%25b0%25d1%2582%25d0%25b0-%25d0%25bd%25d0%25b0-%25d0%25bc%25d0%25be%25d0%25b7%25d0%25b0%25d0%25b8%25d1%2587%25d0%25bd%25d0%25b8%25d1%2582%25d0%25b5-%25d0%25bf%25d0%25be%25d0%25b4%25d0%25be%25d0%25b2%25d0%25b8

Каде се наоѓа поточно овој локалитет???

Најдов нешто околу локацијата

Археолошкиот локалитет „Манчевци“ се наоѓа во близина на катедралната црква „Света Софија“, на потегот кон Античкиот театар. Откриен е случајно во 2009 година при изведба на градежни работи на три индивидуални станбени објекти во Стариот дел на градот.
http://www.vlada.mk/node/4188

Сонцата од црквата во Разловци (Фото)

Во селото Разловци, каде што во 1876 година македонскиот народ со крв го натопил својот вековен идеал за слободна и независна Македонија, се наоѓа христијанскиот храм „Свети цар Константин и царица Елена“.

Она што е посебно интересно за оваа црква од пијанечкиот регион, е тоа што покрај фреските на светци, во неа можат да се видат насликани и поголем број на осум и шеснаесетзрачни сонца, слични на оние на античката македонска династија Аргеади.

За разлика од сонцето од Кутлеш (Вергина) кое што е откриено дури во 1977 година, сонцата од црквата „Свети цар Константин и царица Елена“ никогаш и немало потреба да бидат откривани.

Од нејзината изградба во околу 1850 година, па сè до денес, тие духовно го просветлуваат секој оној кој што ќе влезе во неа, немо сведочејќи за античкиот континуитет на Македонија и на Македонците.

Текст: Александар Стеванов

Фото: Радмила Симевска

http://mkd-news.com/sontsata-od-tsrkvata-vo-razlovtsi-foto/