Гаражни објекти (општо)

zborev so lugeto, koga ke ja pustele garazata ke go zatvorele i parkingot koj e sega na kej, a ke podnesele i baranje da se zatvori toj ilegalniot parking gore kaj lavot. daj boze sve ova da ispadne inaku nema poenta garazava

tocno, kako i poveketo pustanja kaj nas i ova bese fiktivno. ama ne veruvam deka nema da proraboti skoro posto celite sistemi za parkiranje se montirani se dorabotuvaat uste nekolku detalji. e sega kako ke funkcionira i sve toa ke vidime

a be, ako se onevozmozat fizicki da pristapat do kejot ili do bilo koj div parking okolu, sakale-nejkele ke ja koristat, sto da praat drugo

Додека да проработи ваква слика ќе гледаме за жал

Овој потег од Камени мост до мост Гоце Делчев е неверојатен. Оградиле и за тоа тркалото на почетокот, така да пешаците дефинитивно веќе не се пожелни изгледа за градот таму. Срамота е голема за најцентралното подрачје ова.

Брука.

СОЛУНСКИ КОНГРЕС ЗАТВОРЕНА НАРЕДНИТЕ 10 ДЕНА

СЕ ТРЕСАТ ЛИФТОВИТЕ ВО АВТОМАТИЗИРАНАТА ГАРАЖА

Откако почна паркирањето во гаражата, надлежните забележале дека при пренесување на возилата од приземјето до катовите имало мали вибрации на лифтовите, па во моментов се вршат интервенции за да имаат поголема стабилност

Не работи автоматизираната катна гаража Солунски конгрес на ЈП за стопанисување со станбен и деловен простор. Само еден месец откако беше свечено пуштена во употреба, гаражата е затворена, бидејќи се вршат дополнителни зафати на лифтовите со кои се пренесуваат возилата. Откако почна паркирањето во гаражата, надлежните забележале дека при пренесување на возилата од приземјето до катовите имало мали вибрации на лифтовите. Во моментов се вршат интервенции за да има поголема стабилност.

"Гаражата нема да работи околу десетина дена. Вибрациите се појавуваат кога има поголем број возила кои треба да се паркираат, па лифтовите се движат со поголема брзина. За да се среди ова, се поставуваат стабилизатори на столбовите", вели Цветко Грозданов, директор на ЈП за стопанисување со станбен и деловен простор.

И покрај овој проблем, надлежните велат дека катната гаража е квалитетно направена.

"Ова нема врска со квалитетот на објектот. Тврдам дека гаражата е најквалитетна во Југоисточна Европа. За разлика од ваквите катни гаражи во регионот, нашата е најдобра. Тоа е како да споредувате соба за приватно сместување во Охрид со хотел од 5 звезди во Солун", додава Грозданов.

Катната гаража Солунски конгрес беше свечено пуштена во употреба на 8 Септември годинава. Располага со 280 паркинг-места, распоредени на едно подземно ниво, девет над земја и едно полуниво. Во гаражата на приземјето има кафуле, а на потпокривот ресторан. Цената за паркирање првиот час е 40 денари, вториот 30 денари, а секој нареден час по 20 денари. (А.А.)

http://www.vest.mk/default.asp?ItemID=66FDA3EF1997D145B1B80270438495F8

ЗЕМАШ КАРТИЧКА И ИЗЛЕГУВАШ, А ПАРКИРА РОБОТ




Наместо да вртите кругови на неколку ката и да барате слободно место, во првата автоматизирана катна гаража „Солунски конгрес“ во центарот на градот кај МЕПСО, роботиката врши с` за вас. Само земате картичка на рампата, го ставате возилото во лифт, излегувате од автомобилот и целата работа понатаму е во рацете на современата компјутерска технологија. Целата гаража работи на сензори, па така самиот лифт го распоредува автомобилот на погорните катови, а човечкиот фактор нема пристап. Има 280 паркинг-места, а вработените целиот процес го следат на камери и се подготвени да интервенираат само ако нешто не е во ред.

Kога ќе сакате да го земете автомобилот, плаќате со метални или книжни пари во автоматот на долниот кат, а апаратот враќа кусур. Автоматот потоа праќа команда до софтверот дека сте подготвени да си заминете и тој знае кое возило е вашето. Автомобилот стасува долу за две до пет минути, во зависност од тоа колкумина во моментот платиле и чекаат исто како вас.

Тешки камиони ја блокираат улицата до гаражата

До новата катна гаража, која официјално беше отворена пред еден месец, се стасува преку улицата Орце Николов, првата улица десно по зградата „Тифани“, која води до плоштадот Македонија, поточно до поранешниот паркинг. Се вози 50 метри право, а потоа лево и до рампата се стасува откако ќе се помине покрај зградата на МЕПСО.

Голем проблем во моментов е што тешко се доаѓа до објектот за паркирање, се губи време во чекање, разминување со камиони и автомобили, а дополнително движењето е отежнато и од големиот број возила кои се непрописно паркирани. На теренот има три градилишта чии тешки возила постојано ја блокираат трасата до гаражата - изградбата на хотелот и резиденцијалниот комплекс „Градска куќа“ на грчката компанија на Димитрис Kондоминас, градилиштетот на хотелот „Мериот“ и изведбата на надземните прскалки на плоштадот. Неодамна на кејот почна и изградбата на Панорамското тркало.

Цветко Грозданов, директор на Агенцијата за стопанисување со станбен и деловен простор, која е инвеститор на катната гаража, изјави дека проблемот ќе го решат со надлежните институции. Во меѓувреме, дневно во гаражата се паркираат од 50 до 60 возила.

- Цената што ја оформивме е ниска, иако паркирањето во ваков тип објекти секаде е скапо. Одредивме 40 денари за првиот час, 30 денари за вториот, а секој нареден е 20 денари. Нашата цел е да ги навикнеме граѓаните да ја користат, па затоа и работиме на работ на рентабилноста - информира Грозданов.

Профитот ќе се обезбедува од издавањето на деловните простори во рамките на гаражата - два големи простора за ресторани со мезанини, од кои оној на вториот кат е со видиковец. Деловниот простор с` уште не е огласен за закуп.

Изградбата на „Солунски конгрес“ чинеше 5,5 милиони евра.

Kлучот си го земате кај себе

Во изминатата недела, неколку дена гаражата беше затворена и се работеше на стабилизирање и на најмалите вибрации во лифтовите. Станува збор за четири лифта, кои служат за качување и симнување на возилата и се двострани - од едната страна се влегува, од другата се излегува. Според директорот, во моментов од Агенцијата работат на забрзување на процесот на качување и симнување, за да не се губи време во чекање, на пример кога во исто време повеќемина ќе посакаат да си ги земат возилата.

Грозданов ја објасни предноста од автоматизирана гаража и обична.

- Во современите гаражи со повеќе катови, како што е оваа, возачите не мора да вртат кругови и да губат време барајќи слободно место. Самата роботика тоа го прави за вас, а и клучот си го земате со вас, односно не го оставате кај вработените како кај гаражите со застарена технологија. Воедно никаде не ја запишувате ни вашата регистрација, с` тоа го знае компјутерот - објасни директорот, додавајќи дека безбедноста во гаражата е загарантирана. Никој не може да се доближи до возилата.

Што се однесува до автомобилите со гасен уред, пристапот за нив во првата автоматизирана гаража с` уште е забранет поради стандардите и опасноста од искрење и ризик од пожар. Но, како што рече Грозданов, тоа очекуваат да се смени. Работат на обезбедување сертификат за влез на ваквите возила, поточно за поставување на уредите за мерење на испустот на гас. Оние што ќе ги исполнуваат стандардите, ќе може да се паркираат.

Ако возилото го ставите во лифтот во катната гаража „Солунски конгрес“ и излезете од него, а притоа внатре заборавите дете или животно, вратата од лифтот нема да се затвори и автомобилот нема да замине на погорните катови. Напротив, роботиката и сензорите ќе предупредат дека нешто не е во ред. Истото се однесува и ако вратата од автомобилот не ја затворите добро, објасни директорот на Агенцијата за станбен и деловен простор, Цветко Грозданов.

Јорданка Ивановска
#
http://dnevnik.mk/?ItemID=BB69FA9DB7DB8546B86A9453103228B1

Колите што се паркираат околу и покрај гаражата се на посетителите на бродот-ресторан. Пред некој ден се шетав и видов еден тип како се паркираше со својата „корвета“ и потоа си влезе во ресторанот. Така што, се плашам дека и да проработи гаражата, ако тука не поминува пајак-службата да ги собира непрописно паркираните возила, никој „паметен“ нема да плаќа за паркирање и ќе си се паркира на кејот.

Се бара партнер што ќе изгради две катни гаражи во комплексот клиники



Министерството за здравство распиша нов оглас за воспоставување јавно-приватно партнерство за изградба на две катни гаражи во комплексот клиники „Мајка Тереза“ откако лани првиот обид заврши без успех. Проценетата вредност за изградба на двете гаражи, според Министерството, е 1,2 милијарда денари, односно околу 19,5 милиони евра. Приватниот партнер што ќе ги изгради гаражите ќе стопанисува со нив 35 години.

Првата катна гаража ќе се гради на просторот помеѓу Инфективната клиника и Фармацевтскиот факултет, а втората ќе се гради на местото каде што сега е Институтот за туберкулоза откако тој ќе биде преселен во новиот објект на клиничкиот центар. Двете катни гаражи ќе имаат по седум ката и ќе бидат со вкупно 2.500 паркинг-места, односно по 1.250 во една. Тие ќе имаат и деловен простор со површина од по 4.000 квадратни метри. Во втората катна гаража ќе има и хелиодром. Приватниот партнер ќе има обврска да го изгради хелиодромот, а со него ќе управуваат клиниките. Со урбанистичкото решение се предвидува да се изгради и сервисна улица, што ќе треба да го растовари сообраќајот на булеварот Мајка Тереза (поранешна „Водњанска“).

Од Министерството за здравство велат дека критериум за доделување на договорот за воспоставување јавно-приватно партнерство е најниската понудена цена за паркирање за еден час.

Идејното решение, како и сите потребни проекти за изградба на двете катни гаражи се обврска на приватниот партнер и тој ќе биде должен да ги изработи во согласност со условите во тендерската документација. Идејниот проект за изградба на катните гаражи и деловните простории треба да го изработи во рок од три месеци од склучувањето на договорот, а основниот проект треба да е готов во рок од шест месеци. Треба да предложат три варијанти за фасадно решение на катните гаражи во согласност на изгледот на клиничкиот комплекс, од кои јавниот партнер ќе избере едно, кое ќе го реализира приватниот партнер - информираат од Министерството за здравство.

Според физибилити-студијата за јавно-приватно партнерство, која ја изготви консултантската компанија „ЕПИ интернационал“, повратот на инвестицијата би бил за 12 години. Се предвидува да бидат вработени 60 лица. Бројот на паркинг-местата што ќе се градат, според физибилити-студијата, е проектиран врз база на сегашната состојба и проекциите за наредните 35 години. Земени се предвид бројот на возилата на вработените и на пациентите од Скопје и од внатрешноста, периодите за влез, излез и задржување на возилата. Утврдено е дека во просек на двата постојни паркинзи дневно влегуваат 2.041 возило, од кои 465 на вработените. Во еден момент на паркинзите се паркирани и над 1.500 возила. На интервали од 15 минути во комплексот клиники влегуваат од 60 до 70 возила. Најголема е фреквенцијата во периодот од 7 до 9 часот наутро.

Приватниот партнер ќе треба да наплаќа билет за еден час паркирање со износ од најмногу 50 денари, а ќе има можност да ја коригира цената за 10 проценти на секои 5 години.
Заинтересираните своите понуди треба да ги достават до 15 јануари 2015 година.

http://www.dnevnik.mk/?ItemID=B4F88DEF52315B41A743C344049030DF