Гаражни објекти (општо) |
Post Reply | Page <1 3031323334 36> |
Author | ||
alexsend
Senior Member Joined: 11-May-2011 Location: Скопје, Центар Online Status: Offline Posts: 2083 |
Quote Reply #621 Posted: 31-Oct-2014 at 18:37 | |
Инаку катната кај макпетрол уште трпи огромна штета од дивиот паркинг кој го направи градот или општина центар, небитно. И по толку време уште нема рампа!!!
|
||
jyvation
Senior Member Joined: 11-May-2013 Location: Skopje Online Status: Offline Posts: 4190 |
Quote Reply #622 Posted: 04-Dec-2014 at 00:17 | |
Се бара партнер што ќе изгради две катни гаражи во комплексот клиники
Министерството за здравство распиша нов оглас за воспоставување јавно-приватно партнерство за изградба на две катни гаражи во комплексот клиники „Мајка Тереза“ откако лани првиот обид заврши без успех. Проценетата вредност за изградба на двете гаражи, според Министерството, е 1,2 милијарда денари, односно околу 19,5 милиони евра. Приватниот партнер што ќе ги изгради гаражите ќе стопанисува со нив 35 години. Првата катна гаража ќе се гради на просторот помеѓу Инфективната клиника и Фармацевтскиот факултет, а втората ќе се гради на местото каде што сега е Институтот за туберкулоза откако тој ќе биде преселен во новиот објект на клиничкиот центар. Двете катни гаражи ќе имаат по седум ката и ќе бидат со вкупно 2.500 паркинг-места, односно по 1.250 во една. Тие ќе имаат и деловен простор со површина од по 4.000 квадратни метри. Во втората катна гаража ќе има и хелиодром. Приватниот партнер ќе има обврска да го изгради хелиодромот, а со него ќе управуваат клиниките. Со урбанистичкото решение се предвидува да се изгради и сервисна улица, што ќе треба да го растовари сообраќајот на булеварот Мајка Тереза (поранешна „Водњанска“). Од Министерството за здравство велат дека критериум за доделување на договорот за воспоставување јавно-приватно партнерство е најниската понудена цена за паркирање за еден час. Идејното решение, како и сите потребни проекти за изградба на двете катни гаражи се обврска на приватниот партнер и тој ќе биде должен да ги изработи во согласност со условите во тендерската документација. Идејниот проект за изградба на катните гаражи и деловните простории треба да го изработи во рок од три месеци од склучувањето на договорот, а основниот проект треба да е готов во рок од шест месеци. Треба да предложат три варијанти за фасадно решение на катните гаражи во согласност на изгледот на клиничкиот комплекс, од кои јавниот партнер ќе избере едно, кое ќе го реализира приватниот партнер - информираат од Министерството за здравство. Според физибилити-студијата за јавно-приватно партнерство, која ја изготви консултантската компанија „ЕПИ интернационал“, повратот на инвестицијата би бил за 12 години. Се предвидува да бидат вработени 60 лица. Бројот на паркинг-местата што ќе се градат, според физибилити-студијата, е проектиран врз база на сегашната состојба и проекциите за наредните 35 години. Земени се предвид бројот на возилата на вработените и на пациентите од Скопје и од внатрешноста, периодите за влез, излез и задржување на возилата. Утврдено е дека во просек на двата постојни паркинзи дневно влегуваат 2.041 возило, од кои 465 на вработените. Во еден момент на паркинзите се паркирани и над 1.500 возила. На интервали од 15 минути во комплексот клиники влегуваат од 60 до 70 возила. Најголема е фреквенцијата во периодот од 7 до 9 часот наутро. Приватниот партнер ќе треба да наплаќа билет за еден час паркирање со износ од најмногу 50 денари, а ќе има можност да ја коригира цената за 10 проценти на секои 5 години. Заинтересираните своите понуди треба да ги достават до 15 јануари 2015 година. http://www.dnevnik.mk/?ItemID=B4F88DEF52315B41A743C344049030DF |
||
zabegan
Senior Member Joined: 01-Jul-2008 Location: Skopje Online Status: Offline Posts: 7859 |
Quote Reply #623 Posted: 04-Dec-2014 at 22:47 | |
ќе дојде ли момент во иднина кога на некој во земјава ќе му текне дека паркинзи се градат и под земја? ...наместо некое пријатно паркче, пациентите ќе имаат катна гаража пред нос... брилијантно
|
||
Architects create dreams...politicians create nightmares
|
||
gjoko
Senior Member Joined: 18-Jun-2011 Location: kicevo Online Status: Offline Posts: 6554 |
Quote Reply #624 Posted: 05-Dec-2014 at 01:14 | |
80-тите бев во Истамбул и тогаш беше тренд паркинзите да се градат испод урбаните автопати.да речиме во Скопје масовно да се паркира испод Партизанска.И растеретени улици и паркирање одма до зграда
|
||
Џоле
Moderator Group Joined: 23-Apr-2013 Location: Скопје Online Status: Offline Posts: 15016 |
Quote Reply #625 Posted: 05-Dec-2014 at 14:30 | |
empanadalady.tumblr.com |
||
За сè има вторпат
|
||
kultuzin
Senior Member Joined: 07-Nov-2010 Online Status: Offline Posts: 3811 |
Quote Reply #626 Posted: 05-Dec-2014 at 14:44 | |
Дали некој бил во автоматската гаража кај поштата. Еве најдов еден систем на автоматизирање (види линк има и видео) и ме интересира дали истиот принцип е вграден и во СКопје.
http://www.dw.de/neues-parkhaussystem/av-18031311 |
||
Џоле
Moderator Group Joined: 23-Apr-2013 Location: Скопје Online Status: Offline Posts: 15016 |
Quote Reply #627 Posted: 05-Dec-2014 at 17:24 | |
На МТВ гледав една реклама за гаражата „Солунски конгрес“ на која беше прикажан и системот на автоматско паркирање, и ќе кажам дека е поинаков од оној на линкот. Ми се чини дека системот во „Солунски конгрес“ е понапреден, барем од она што го видов на рекламата.
|
||
За сè има вторпат
|
||
xnx
Senior Member Joined: 05-Apr-2009 Online Status: Offline Posts: 1943 |
Quote Reply #628 Posted: 04-Apr-2015 at 11:53 | |
vcera bev na revija vo Solunski Kongres. prijatno sum iznenaden od lift sistemite-funkcioniraat i se dosta efektivni, cekavme ne poveke od 3 minuti.
a prostorot kadesto se odrza revijata se pokaza super, ima ubav volumen, neutralna boja i e idealen za slicni nastani. pogledot od vntare e isto mnogu ubav, se gleda kaleto i teatarot. eve na linkov ima sliki od revijata i od samiot prostor http://www.divianarts.com/125558 |
||
FT
Senior Member Joined: 22-Jun-2010 Location: Kocani Online Status: Offline Posts: 565 |
Quote Reply #629 Posted: 17-Apr-2015 at 19:50 | |
|
||
jyvation
Senior Member Joined: 11-May-2013 Location: Skopje Online Status: Offline Posts: 4190 |
Quote Reply #630 Posted: 17-Apr-2015 at 19:53 | |
Одлично се вклопи покрај Соравиа.Дали тоа забележувам дрвца на покривот на катнава гаража
Edited by jyvation - 17-Apr-2015 at 19:54 |
||
FT
Senior Member Joined: 22-Jun-2010 Location: Kocani Online Status: Offline Posts: 565 |
Quote Reply #631 Posted: 17-Apr-2015 at 19:57 | |
Изгледа се дрвца, а според мене треба комплетно да се раззеленат и решетките од страните. |
||
|
||
Џоле
Moderator Group Joined: 23-Apr-2013 Location: Скопје Online Status: Offline Posts: 15016 |
Quote Reply #632 Posted: 17-Apr-2015 at 20:10 | |
Веројатно еден од ретките објекти изградени во последно време на кои се внимавало да се вклопи со околните згради.
|
||
За сè има вторпат
|
||
ehrlich
Senior Member Joined: 31-May-2012 Location: Скопје Online Status: Offline Posts: 1365 |
Quote Reply #633 Posted: 17-Apr-2015 at 20:59 | |
И другите се вклопуваат со околните згради, откако истите тие згради ќе се префасадираат бидејќи не им дихтувале прозорците
|
||
alexsend
Senior Member Joined: 11-May-2011 Location: Скопје, Центар Online Status: Offline Posts: 2083 |
Quote Reply #634 Posted: 18-Apr-2015 at 17:01 | |
Е вака го замислувам јас Скопје, модерно!
Инаку да, на врвот има дрвца, сигурно ќе личи многу убаво кога ќе разеленат |
||
Јас Скопје никогаш не сум го замислувал вака.
|
||
zabegan
Senior Member Joined: 01-Jul-2008 Location: Skopje Online Status: Offline Posts: 7859 |
Quote Reply #635 Posted: 19-Apr-2015 at 15:20 | |
|
||
Architects create dreams...politicians create nightmares
|
||
Џоле
Moderator Group Joined: 23-Apr-2013 Location: Скопје Online Status: Offline Posts: 15016 |
Quote Reply #636 Posted: 22-Apr-2015 at 08:58 | |
КАТНИ ГАРАЖИ КАКО ПЕЧУРКИ ПО ДОЖД
Со катната гаража кај Музејот на холокаустот, Скопје ќе има над 2.500 паркинг- места, не сметајќи ги оние во катните гаражи на приватните инвеститори СНЕЖАНА КАЛАБАКОВА Скопје се' уште има проблеми со паркирањето. Особено централното подрачје. И покрај воведувањето зонско паркирање и покрај изградбата на бројни катни гаражи во центарот на градот, и натаму е проблем да се паркира. Во Деталниот урбанистички план за „Малиот ринг“ во последните три-четири години почнаа да никнуваат маркички за катни гаражи како печурки по дожд. Некои од овие објекти веќе се изградени и во функција, а некои се во тек на изградба. Но, факт е дека повеќето од катните гаражи зјаат празни во поголем дел. Сепак, надлежните не се откажуваат од намерата да градат уште вакви објекти. Во моментов во градот има речиси 3.000 паркинг-места во катни гаражи, без оние на приватните инвеститори. А приватни се: „Зебра“, катната гаража „Импексел“ зад Универзална сала, катната гаража до „Веро“ кај „Идадија“ и објектот спроти МАНУ која е инвестиција на фирмата „Макоил“, во чија сопственост се уште две локации со иста намена, и тоа зад „Веро-центар“ и на плоштад во близина на поранешната зграда на „Телеком“. Освен овие, приватен сопственик има и катната гаража предвидена кај „Автомакедонија“, за која има голем отпор од жителите на околните згради, па засега е неизвесно дали таа воопшто ќе се гради. Кога во 2010 година беа носени измените на ДУП-от, беше планирано да се градат осум катни гаражи на државно земјиште. Четири требаше да гради и со нив да стопанисува Јавното станбено претпријатие, а по две да добијат Градот Скопје и Општината Центар. Станбеното претпријатие ги доби двете локации на самиот плоштад, лево и десно кај МЕПСО и ЕЛЕМ, парцелата кај Музејот на холокаустот и кај Работнички дом, но подоцна, поради финансиски причини, се откажа и и' го врати на државата земјиштето на постојниот мал паркинг на „Телеком“, кое потоа го купи „Макоил“ по цена од 500 евра за квадрат. Градот Скопје ги доби локациите кај „Беко“ и кај „Автомакедонија“, додека Општина Центар парцелите кај Судска палата и до „Нова Македонија“. Градот Скопје досега изгради една катна гаража. Од 2013 година во функција е катната гаража на улицата „Свети Кирил и Методиј“, спроти дирекцијата на „Макпетрол“, кај стариот Цветен пазар. Објектот има капацитет од 445 паркинг-места, од кои 17 места се за лица со посебни потреби. Катната гаража го доби името „Македонска фаланга“ и со неа стопанисува ЈП „Градски паркинг“. Изградбата на овој објект чинеше 743 милиони денари, или приближно 12 милиони евра. Втората катна гаража „Тодор Александров“, на улицата „Даме Груев“ спроти полициската станица „Беко“, се' уште се гради. Има седум ката над и две нивоа под земја и капацитет од 605 паркинг-места. Проценките се дека инвестицијата ќе изнесува 850 милиони денари, односно околу 13,8 милиони евра. Општина Центар е инвеститор на катната гаража кај Судска палата. Кај овој објект се појави проблем поради неквалитетната градба, па поради прокиснување гаражата еден период не беше употреблива. „Центар во моментов не гради ниту една катна гаража. За објектот што требаше да се гради кај ’Нова Македонија‘ договорот е раскинат, а раскинат е и договорот за кредит за негова изградба“, велат од Општина Центар. Акционерското друштво за изградба и стопанисување со станбен и деловен простор стопанисува со три катни гаражи. Веќе се во употреба две, „Разловечко востание“ пред Работнички дом и „Солунски конгрес“ кај МЕПСО, а во тек е изградбата на катната гаража „Смилевски конгрес“ до Музејот на холокаустот, која ќе располага со 169 паркинг-места. Ќе има едно подземно ниво, приземје и седум ката над земја за паркирање. Зацртан е и рокот за изградба, октомври годинава. „Разловечко востание“ има модерна застаклена фасада и располага со 516 паркинг-места, додека катната гаража „Солунски конгрес“ е во барокен стил и има простор за 280 возила. Овој објект е на две подземни нивоа, приземје и девет нивоа за паркирање и поткровје. „Сите катни гаражи располагаат со административно-деловен простор со различна намена. Паркирањето во ’Солунски конгрес‘ е целосно автоматизирано, објектот е со висока технологија и еден од ретките од ваков тип на Балканот и воопшто во Југоисточна Европа“, велат од АД за станбен простор и објаснуваат дека објектот располага и со кафе-ресторан, видиковец, информативен систем за следење на процесот на преземање на возилото и идентификација на слободен лифт, како и со паркинг-менаџмент сервер. http://www.utrinski.mk/?ItemID=9197136700BB4243BC6C098DB67C7717 |
||
За сè има вторпат
|
||
jyvation
Senior Member Joined: 11-May-2013 Location: Skopje Online Status: Offline Posts: 4190 |
Quote Reply #637 Posted: 31-May-2015 at 12:28 | |
Во катната гаража „Судска палата“ ќе се селат „Паркинзи“ и независната културна сцена
Дел од катната гаража „Судска палата“ ќе се адаптира во канцеларии за општинското јавно претпријатие „Паркинзи“, а друг дел во простории за некоја независна културна сцена, информира градоначалникот Андреј Жерновски. Гаражата речиси една година беше во еден свој дел нефункционална како последица на невремето што се случи на 23 мај минатата година. Беше поплавена во голема мера, а надлежните од Општина Центар тврдеа дека станува збор за грешки на фирмат-изведувач „Бетон“. повеќе на линкот: http://www.dnevnik.mk/?ItemID=412627095671FB468E9DC8DBB44CB225 |
||
alexsend
Senior Member Joined: 11-May-2011 Location: Скопје, Центар Online Status: Offline Posts: 2083 |
Quote Reply #638 Posted: 01-Jun-2015 at 18:06 | |
Конечно е послушан гласот!
|
||
Јас Скопје никогаш не сум го замислувал вака.
|
||
Џоле
Moderator Group Joined: 23-Apr-2013 Location: Скопје Online Status: Offline Posts: 15016 |
Quote Reply #639 Posted: 11-Jun-2015 at 09:11 | |
Привршува изградбата на подземната гаража кај МОБ
Градежните работи за изведба на новата подземна гаража кај Македонската опера и балет (МОБ) се приближуваат кон својот крај. Скопски „Бетон“ ја привршува работата на терен, а деновиве Службата за општи и заеднички работи на Владата на Република Македонија публикуваше оглас за пронаоѓање компанија што ќе ги изведе трите излези од подземното паркиралиште со капацитет од 845 паркинг места. Тие процениле дека изградбата на излезите од идниот паркинг ќе чинат околу 1,7 милиони денари, без вкалкулиран ДДВ. Доставувањето на понудите за реализација на зафатот е до 19 јуни, по што ќе следи изборот на градежна компанија што ќе ги изведе излезите. Изградбата на подземната гаража на две нивоа доцни веќе една и пол година. Паркингот ќе се протега на површина од 21.770 метри квадратни, а неговото завршување е од исклучително значење, поради тоа што не постои адекватен паркинг капацитет за новоизградените објекти од проектот „Скопје 2014“ долж реката Вардар, но и за објектот на Македонската опера и балет. Од државниот буџет за новата подземна гаража кај МОБ се издвоија финансиски средства од над 570 милиони денари, односно околу 9,3 милиони евра. http://www.build.mk/?p=44807 |
||
За сè има вторпат
|
||
jyvation
Senior Member Joined: 11-May-2013 Location: Skopje Online Status: Offline Posts: 4190 |
Quote Reply #640 Posted: 10-Oct-2015 at 11:21 | |
Која компанија ќе гради катна гаража во населбата Карпош-1?
Се отвора ли можноста за изградба на катна гаража во скопската населба Карпош-1? Општина Карпош вчера продаде градежна парцела со површина од 1.193 метри квадратни наменета за објект од комуналната супраструктура. Според неофицијалните информации на „Билд“, најверојатно е дека на оваа локација ќе се гради катна гаража. Неизграденото градежно земјиште се наоѓа помеѓу улиците „Никола Тесла“ и „Орце Николов“, а маркичката е вцртана во неодамна донесениот ДУП за „Градска четврт З 08“ од страна на Советот на општина Карпош. Иако е неопходно да се објави за пошироката јавност, овој детален урбанистички план до денешен ден не е поставен на веб-страницата на општината. Атрактивното земјиште на вчерашното електронско јавно наддавање е продадено по цена од 6.292 денари за метар квадратен. Покрај за обезбедување на паркинг – простор, вцртаната маркичка за идниот објект предвидува и компатибилни класи на намена – мали комерцијални и деловни намени, големи трговски единици, големи угостителски единици и деловни простори. Вкупната развиена површина на идниот објект ќе изнесува 4.932 метри квадратни, додека неговата висина ќе достигне 17 метри. Иако „Билд“ денеска достави прашања до Општина Карпош, од локалната самоуправа не беа заинтересирани да зборуваат на оваа тема. Она што засега останува нејасно е името на идниот инвеститор на катната гаража што треба да се гради на оваа локација. Воедно, од Општина Карпош денеска не сакаа да одговорат што точно е предвидено да се гради на оваа парцела во Карпош-1, ниту пак да кажат од кои причини не е објавен Деталниот урбанистички план за „Градската четврт З 08“. Компанијата што планира да гради катна гаража на земјиштето треба во рок од девет месеци да обезбеди одобрение за градење од страна на локалната самоуправа. Пред само неколку дена, на територијата на Општина Карпош се собираа потписи против донесувањето на ДУП-от за населбата Карпош-4. Негодувајќи поради најавите за уништување на зелените површини, граѓаните поведоа иницијатива за собирање на потписи за враќање на предложениот урбанистички план на јавна расправа. Жителите на оваа скопска населба се жалеа на фактот што во урбанистичкиот план се појавуваат парцели за изградба на паркинзи, станбени објекти и деловни објекти на местото на постоечкото зеленило. http://www.build.mk/?p=46645 |
||
Post Reply | Page <1 3031323334 36> |
Forum Jump | Forum Permissions You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum |