Агрокор (Агрофруктус) - Струмица

“Агрокор“ ја претстави највредната гринфилд инвестиција во Македонија

Денеска во Струмица “Агрокор“ го отвори откупно-дистрибутивниот центар кој годишно ќе може да откупува и дистрибуира повеќе од 60 илјади тони овошје и зеленчук. Центарот е опремен со најсовремени мерни апарати, ладилници, калибратори, сали за пакување и транспорт. Оваа најнова инвестиција на “Агрокор“ има површина од 13.000 м² и моментално има 250 вработени, а производите ќе ги пласира воглавно во земјите членки на Европската Унија и на подрачјето на бившата Руска Федерација. Се очекува првите производи од откупно-дистрибутивниот центар до своите потрошувачи да пристигнат до првата половина на овој месец, со што и центарот целосно ќе биде пуштен во функција.

“Задоволство ни е, како најголема регионална компанија во Адриа регионот и една од најголемите компании во земјите на транзиција, во погон да ставиме гринфилд инвестиција на оваа локација. “Агрокор“ одамна ја препозна Република Македонија како земја со голем потенцијал за инвестиции, затоа и пред неколку години започнавме со интензивни активности на оваа подрачје. Би сакал во оваа прилика да се заблагодарам на Владата на Република Македонија и Општина Струмица, на нивната полна поддршка која како странски инвеститор ја имавме во текот на целиот процес. Денес можеме да кажеме дека административните државни и локални тела, работното опкружување, државниот и локалниот апарат се многу оперативни и ние како инвеститори се чувствуваме како добредојдени. Затоа повикуваме и други инвеститори од светот и опкружувањето да дојдат на македонскиот пазар, а “Агрокор“ секако со инвестициските активности ќе продолжи и во иднина“ – изјави на отворањето во Струмица, претседателот на концернот “Агрокор“ од Хрватска, Ивица Тодориќ.

Владата ги обезбеди сите правни и економски предуслови и му даде целосна поддршка на овој проект, а Општина Струмица ја изгради целосната комунална инфраструктура.

Премиерот на Република Македонија, Никола Груевски истакна дека со оглед на тоа што во Македонија ваквите капацитети се дефицитарни, градењето на нови и осовремувањето на постојните беше и останува еден од врвните приоритети на Владата на Република Македонија. Владата во соработка со општините изнаоѓа нови локации за нивна изградба на откупно-дистрибутивни центри. Крајна цел ќе биде забрзан развој и што поголема конкурентност. Дистрибутивниот центар за земјоделски производи од страна на хрватскиот концерн “Агрокор“ станува реалност и почнува со работа. Со оваа вредна инвестиција значително ќе се подобрат состојбите со откуп и пласман на земјоделските производи во Струмичкиот и поширокиот регион.

“Агрофруктус“ е само почеток на вложувањата што ги планира “Агрокор“ во земјава. Како што најави Тодориќ, планирана е изградба на уште еден ваков објект веднаш до “Агрофруктус“ за што е веќе откупено земјиштето, но слични центри, покрај овој во Струмица, ќе се градат и во други региони низ државата. (Р.Ѓ.)

В понеделник во Струмица ќе почне со работа откупно-дистрибутивниот центар на хрватската компанија „Агрокор“.

Според директорот на претставништвото на „Агрокор“, Блажо Витанов, монтирани се машините и останатата опрема и со откуп ќе стартуваат на сезонските земјоделски производи, како што се индустриската црвена пиперка, доматите и корнишоните.

- Овој откупно-дистрибутивен центар, прв од таков тип во државата, располага со најсовремени мерни уреди, разладни комори, калибратори, хали за пакување и транспортни системи за прифаќање и дистрибуција на зеленчук и овошје, со дневен капацитет меѓу 200 и 300 тони - изјави Витанов.

Центарот, кој почна да се гради во февруари годинава, зафаќа површина од 8.000 метри квадратни и во него досега се инвестирани 11 милиони евра. Се очекува во Центарот годишно да се откупуваат околу 50 илјади тони зеленчук и овошје.

Државата ќе гради шест откупно-дистрибутивни центри

Министерството за земјоделство, шумарство и водостопанство најавува изградба на шест откупно-дистрибутивни центри за овошје и зеленчук од кои три е предвидено да се изградат во Скопје, и по еден во Валандово, Радовиш и Гевгелија. Вкупната инвестиција е предвидено да изнесува два милиона евра, а ќе се реализира преку ИПАРД и Програмата за рурален развој, со што државата ќе кофинансира половина од трошоците на домашните инвестииции во откупно-дистрибутивните центри.

Министерството најавува подобрување на откупот и пласманот на јаболката за што во Ресенско се најавува отворање центар со капацитет од 25.000 тони.

Од идниот месец треба да почне со работа и првиот откупно-дистрибутивен центар за овошје и зеленчук во Струмица, инвестиција на хрватската компанија Агрокор вредна речиси девет милиони евра. Објектот што зафаќа површина од 8.000 метри квадратни ќе има најсовремени разладни комори и калибратори. Опремата речиси е набавена, а во финална фаза е и надворешното уредување. Според најавите, годишно ќе се откупуваат 30.000 до 50.000 тони овошје и зеленчук со што се очекува да се реши еден од најголемите проблеми на земјоделците во регионот, откупот и пласманот.

Потпретседателот на Владата и министер за финансии, Зоран Ставревски денеска во Струмица го посети откупно-дистрибутивниот центар во изградба на хрватската компанија “Агрокор“, или идната струмичка агроберза.

“Откупниот центар на “Агрокор“ во Струмица, чија што изградба е во напредна фаза, не е само ветување, туку е и реалност и тој ќе биде готов до крајот на јуни или во почетокот на јули. Очигледно е дека, кога се работи со сериозни компании, можат да се постигнат резултати. Владата го одработи својот дел во смисла на поддршка на проектот со обезбедување земјиште, инфраструктура и се друго што беше потребно за отворање на идната агроберза во Струмица, која ќе реши најголем дел од проблемите на земјоделците при откупот и пласманот на зеленчук и на други земјоделски производи. Реализацијата на оваа инвестиција покажува дека ние опстојуваме на сопствените ветувања и дека ќе настојуваме и во иднина да им помагаме на земјоделците во изградбата на вакви откупни центри, но и помош во се она што е потребно за да се постигне поквалитетно производство и подобри цени“ - изјави Ставревски.

http://strumicanet.com/world/world-news/europe/item/1851-%D0%B2%D0%B8%D1%86%D0%B5%D0%BF%D1%80%D0%B5%D0%BC%D0%B8%D0%B5%D1%80%D0%BE%D1%82-%D1%81%D1%82%D0%B0%D0%B2%D1%80%D0%B5%D0%B2%D1%81%D0%BA%D0%B8-%D0%B2%D0%BE-%D0%BF%D0%BE%D1%81%D0%B5%D1%82%D0%B0-%D0%BD%D0%B0-%E2%80%9C%D0%B0%D0%B3%D1%80%D0%BE%D0%BA%D0%BE%D1%80%E2%80%9C-%D0%B2%D0%BE-%D1%81%D1%82%D1%80%D1%83%D0%BC%D0%B8%D1%86%D0%B0.html

За долго најавуваниот откупно-дистрибутивен центар за земјоделски производи, односно агроберзата во Струмица, која забрзано ја гради Хрватската компанија „Агрокор“ ќе бидат бидат инвестирани околу девет милиони евра.

Комплексот се очекува да биде готов до почетокот на летото и веќе во годинашнава градинарска сезона, со откуп на околу 30 илјади тони зеленчук и овошје, да реши барем дел од проблемите поврзани со откупот и пласманот на зеленчук во регионот.

- Струмичката Агроберза ќе се простира на површина од околу осум илјади метри квадратни. Очекуваме веќе во текот на јули да почне откупот на градинарски производи во новиот откупно-дистрибутивен центар, како еден од најсовремените објекти од таков тип во Републикава. Досега имаме склучено договори за откуп на зеленчук и овошје со над 2.000 кооперанти, кои однапред ќе добијат субвенции во вештачки ѓубрива, заштитни средства, семенски и други репроматеријали, вели Блажо Витанов, директор на фирмата „Плодови-фруктус“, претставник на „Агрокор“.

Се надеваме дека годинава ќе соработуваме со околу 5.000 земјоделци од Струмичко од кои ќе откупиме вкупно 30 илјади тони градинарски производи, или 30 отсто повеќе од лани.

Како што е предвидено, струмичката Агроберза ќе располага со најсовремени мерни уреди, разладни комори, калибратори, хали за пакување и транспортни системи за дистрибуција на ран и индустриски зеленчук и овошје.

Се гради откупниот центар на Агрокор во Струмица