Станбени комплекси: Grand Prestige,Домино,Trim&Lum

Неим Хусеини сопственик на „Импексел два“ вели дека целиот објект не е сопрен ниту еден ден и дека, напортив се засилува работата за да се исполни ветеното на купците. Објектот има имотен лист,купувачите се запишани во катастар, тие немаат преддоговор туку нотарски акт дека станот е нивни, немаат никаков ризик, вели Хусеин.

Хусеини уверува дека проектот „Гранд Престиж“ ќе биде во целост реализиран.Едната зграда ке биде пуштена во употреба до Нова година, другата во март, а брзо потоа ке почне изградбата и на останатите четири згради од комплексот. Според него, на процесот нема да влијае кривичната пријава и судскиот процес кој се води против фирмата партнер „Еуроактива“ чиј сопственик е осомничен за затајување данок. Зад обидот да се оцрни репутација на „Импексел два“, Хусеини ја препознава конкуренцијата.

-Најверојатно некој има лични интереси,немаат продажба,па го користат ова што се случува со мојот партнер, ни наметнуваат етикети. Го користат вакуумот, ние да прекинеме со продажба, а тие да ги земат клиентите. Но, ние и во вакви денови продаваме станови, лугето имаат доверба и си платија, нагласува Хусеини.

Според Хусеини од 320 станови колку што ќе има во двете згради, досега се продадени 40 отсто. Становите ке продолжат да ги продаваат сами без посредство на агенции за недвижности по цена од 1100 евра за метар квадратен. Изградбата на компелксот вреден 70 милиони евра започна во мај кога „Импексел два“ и „Еуро актива“ потпишаа меморандум за долгорочно партнерство со „Стопанска банка“.

Празна куќарка на експозитурата на Стопанска банка - Скопје стои на градилиштето на комплексот „Гранд престиж“ во скопската населба Тафталиџе. Овде, до пред извесно време граѓаните заинтересирани за купување стан во најавуваниот елитен комплекс можеа на самото место да се информираат за условите за кредитирање, но и да поднесат документи за аплицирање. Оваа банка во мај потпиша Меморандум за долгорочно партнерство со фирмите „Еуро актива“ и „Импексл 2“, кои се инвеститори на изградбата. При објавувањето на соработката меѓу банката и двете компании беше најавено дека изградбата на целиот комплекс ќе чини околу 60 милиони евра, при што 50-60 отсто од потребните средства како кредит ќе ги обезбеди Стопанска банка. Згора на тоа, и дека секој што сака да купи стан, може да се обрати за кредит до банката, па ако ги исполнува условите, ќе може лесно да дојде до покрив над главата. Притоа се најави дека за да бидат поблиску до граѓаните, на самото градилиште ќе се отворат простории на банката.

- Пред извесно време банката се повлече од канцелариите. Вработени ги собраа сите документи што ги имаа и заминаа - велат на градилиштето на „Гранд престиж“.

И во Секторот за кредитирање на Стопанска, доколку побарате информации за станбен кредит за оние објекти што се во изградба, ќе ве информираат дека вакво кредитирање, со ставање во залог на станот кој е во изградба, е можно доколку сакате да купите стан во некоја од фирмите кои се партнери на банката. Но ако прашате за стан од комплексот „Гранд престиж“, ќе добиете информација дека може да аплицирате, но како гаранција треба да оставите друга хипотека, а не станот што сакате да го купите.

Работите очигледно се сменија по апсењето и определувањето триесетдневен притвор за сопственикот, кој е и управител на еден од инвеститорите, фирмата „Еуро актива“, против која Финансиската полиција поднесе кривична пријава за злосторничко здружување. Односно, истата се товари дека како дел од криминална група ја оштетила државата за 2,3 милиона евра, а предизвиканата штета што ја предизвикала самата фирма е утврдена на околу 900.000 евра.

Со ова веројатно изградбата станува неизвесна, а најоштетени може да останат граѓаните.

Стопанска банка во целава приказна се вклучи во мај годинава кога изградбата на две од вкупно шест згради, колку што треба да ги има во целиот комплекс, беше во поодмината фаза. Најавеното кредитирање и долгорочната соработка во јавноста наидоа на изненадување од причина што банките, кога одобруваат кредити, многу се ригорозни, бараат и „влакно во јајцето“, односно да се има „чисто досие“. Во случајов, еден од инвеститорите, фирмата „Импексл 2“, воопшто не важеше за таква бидејќи веќе беше на „црната листа“ на градежни фирми, а на нејзиниот станбени објект на улица Огнен Прица се најавуваше рушење на последниот кат кој беше дивоградба.

Kако што се дознава, банката веќе има одобрено два кредита од по 6 милиони евра, за секоја од зградите во Тафталиџе. Kолку пари се префрлени по основа на одобрени станбени кредити, односно колку вакви кредити се одобрени, не е познато бидејќи од банката не одговараат за ништо поврзано со „Гранд престиж“. Според она што може да се прочита на интернет-страницата на Стопанска во делот на кредитирање станови во изградба, основен услов е кредитобарателот да обезбеди 25 отсто сопствено учество. Ако се земе предвид она што директно им е дадено на инвеститорите и она што се доплаќа за секој одобрен станбен кредит по основа на сопствено учество на граѓанинот и делот што се одобрува како кредит, излегува дека во суштина „главен инвеститор“ на „Гранд престиж“ е токму Стопанска банка. Од банката нема информации што ќе се случи ако запре изградбата и не бидат завршени становите, односно што со кредитите на оние што имаат уплатено стан во овој комплекс.

Според најавите, една од двете згради треба да биде вселива до крајот на годината, а втората во март идната година. (Р.Д.)