Коридор 10

За жал сега немам многу време за подетална анализа и оценка на проектов, но две работи треба да се јасни:

ИПА фондовите се ЕУ фондови кои се неповратни (не треба да враќаме ништо). ЕБРД пак има најдобри каматни стапки за големи инфраструктурни кредити.

Стручната јавност се огласи и кажа дека овие средства се крајно недоволни за целосен ремонт на пругата, однсно за апгрејд. Станува збор за реконструкција и делумно осовременување со мало подигнување на брзините (веројатно враќање кон проектната брзина на пругата која моментално е снижена заради неодржување, но не и подигнување на проектираната брзина на пругата). Сфатете го ова како крпење на дупки или преасфалтирање на парчиња, наместо целосно преасфалтирање на една улица (од основа до асфалт).

Дали е ова правилниот потход за долгорочно решавање на проблемот, или крпење на сегашната ситуација?-моето мислење во некоја следна пригода.

Од МИА:

Со рехабилитацијата, брзината шна движење ќе се зголеми на 120 или 160 километри на час.

Што треба да значи ова или/или ?!?
Во зависност инспирацијата на градежните работници ли ? Ако им тргне и едно Ауди да не извадат ?

Како треба да го сфатиме макар спомнувањето на 160 km/h особено кога ќе се земе во предвид неконкретноста и непрецизноста на иформацијата, а и минорните финансиските средства за проектот. Дали воопшто има простор да се надеаме на такви брзини на некоја од споменатите делници, или веќе и за вакви егзактни податоци може да се сервираат комплетни дезинформации?



Edited by Cloverstack - 10-Jul-2012 at 15:17

Македонија нема шанса никогаш да добие пруга со брзини од 160 км/час,освен делницата Гостивар -Тетово,каде и сега се равиваат добри брзини од 120-130(Томо знае подобро).Токлу мала а толку планинска земја,со градови и села на многу блиски растојанија,како и премини за замјоделски машини и селки премини(Сулари на пример)нема ама баш никаква шанса да добие брза железница.

И да се фрлат милијарди евра да се добие брза железница,секојдневни глетки ќе бидат несреќи,прегазени коли и трактори,нагли кочења и слично.

доволно е за Македонија да се заменат дрвените прагови со бетонски да се заменат шините со нови,како и зајакнување на мостовите посебно на правецот Гостивар-Кичево,бидејќи овој правец во иднина ќе се користи за носење на железо и железна руда од тајмиште,како и во поблиска иднина носење на јаглен од Косово за ТЕЦ Осломеј.

просечни брзини(ама стварно такви брзини) од 80-100 км на час за нас ќе значат како да патуваме со ТГВ

Почнуваат големи инвестиции во железницата
Сабота, 10 Ноември 2012 15:17

На железничката станица во Куманово денеска стартуваа градежните работи за ремонт на железничките делници Куманово - Табановце и Миравци - Смоквица од Коридорот 10. Активностите се дел од владиниот проект „За целосен ремонт на делниците долж Коридорот 10“ во должина од 54 километри за кои се обезбедени 17,6 милиони евра.

Покрај Табановце-Куманово и Миравци-Смоквица наскоро треба да ревитализира и делницата Ногаевци-Неготино.

- Со почетокот на големата реконструкција на железничките пруги значително ќе се подобри функцијата на железницата, ќе се зголеми безбедноста на овој транспорт и ќе се овозможи побрзо движење на возовите до 120 километри чија што просечна брзина сега е од 40 до 50 километри, изјави премиерот Никола Груевски на одбележувањето на почетокот на градежните работи за ревитализација на пругите.

Ревитализацијата на пругите треба да биде завршена за една година, а ќе ги изведува германскиот конзорциум „Wiebe & Alpine“.

Покрај ревитализацијата на овие делници, укажа Груевски, почнати се подготвителни активности за ремонт на пругата Битола - Кременица што моментно не се користи. Со тоа повторно ќе се стави во употреба со што ќе се подобрат можностите за транспорт и превоз помеѓу Македонија и Грција. Нејзиниот ремонт, според премиерот, е значаен и за индустриската зона „Жабени“ кај Битола, а истовремено ќе се излезе во пресрет и на барањето на бизнис-заедницата за воспоставување железничка врска помеѓу Пелагонискиот регион и северниот дел на Грција.

Од Коридорот 10 предвидена е реконструкција и на железничката пруга на делниците Куманово - Дељадровце и Драчево - Велес, а ќе почнат активности и за рехабилитација и надградба и на поголемите железнички станици.
http://kurir.mk/images/stories/2012/03/04/kumanovo500.jpg
- Покрај инвестирање во нови и ремонт на старите пруги планираме набавка и на повеќе нови гарнитури на возови и вагони, за подобрување на безбедноста и сигнализацијата на пругите, за автоматска регулација на брзината на светлината, како и други проекти кои јасно ставаат до знаење дека работите во македонскиот железнички транспорт конечно се раздвижуваат на подобро, истакна премиерот Груевски
http://kurir.mk/images/stories/2012/03/04/gruevski-janakieksi500.jpg
Најдоцна до мај, најави, треба да почне и изградбата на железничката пруга кон Бугарија на делницата Куманово-Бељаковце и веќе се во тек подготовките.

Премиерот укажа и оти Владата почна проект за набавка на 150 вагони и 4 локомотиви. Во тек е избор на консултант кој треба да помогне за подготовка на тендерска документација. Кон крајот на првиот или почетокот на вториот квартал следната година треба да заврши анализата и да се објави тендерот за набавка и кон крајот на 2013 да се склучи договор за набавка на локомотивите од кои поголемиот дел би пристигнале во 2014 година.

Според вицепремиерот Зоран Ставрески, во услови кога никој не може да прогнозира колку ќе трае европската должничка криза Владата на Република Македонија продолжува со напорите да ја поттикне економската активност на земјата преку одржување високо ниво на капитални инвестиции.

- Финансиите за проектот во износ од 17,5 милиони евра се обезбедени во услови кога економската криза налага поголема конкурентност и инвестиции во железничката инфраструктура како најекономичен начин на транспорт на стоките и затоа за Македонија е значајно да се подобри брзината на стоките, безбедноста на железницата и на Коридорот 10 и на Коридорот 8, посочи Ставрески.

Министерот за транспорт и врски Миле Јанакиески нагласи дека почетокот на градежните активности за рехабилитација на пругите се многу значајни за инфраструктурата и се само сегмент од визијата на Владата за подбрување на состојбите во таа област. Владата реализира и голем број други активности, меѓу кои и реконструкцијата на делницата Куманово-Бељаковце од Коридорот 8 во должина од 30 километри и очекуваме крајот на месецов или почетокот на следниот да имаме и распишан јавен повик за градежна компанија која ќе работи на овој проект и во првиот квартал наредната година да склучиме договор за градежни работи, наведе Јанакиески.

Веќе се изработени, додаде, и физибилити студија и идејни проекти за поврзување со Албанија делницата Кичево-Лин и на почетокот на следната година да има повик на изработка на главен проект.

Градежните работи за рехабилитација на пругите од Коридорот 10 опфаќаат санација на долниот строј на пругата, подобрување на техничките карактеристики на горниот строј на пругата преку замена на трулите дрвени прагови со нови армирано бетонски како и замена на шините и положување нов толчаник. Исто така, со проектот е предвидено обнова на горниот строј на девет патни премини во ниво и истовремено ќе се врши замена на постојаните стојалиштата со нови бетонски елементи.

http://www.kurir.mk/makedonija/vesti/91487-Pocnuvaat-golemi-investicii-vo-zeleznicata

Остајте тоа, не сме премногу глупави за да разбереме дека е ова една медиумска помпа. Дали забележавте дека цел владин кабинет работеше врз шини и бетонски прагови кои се поставувени НАД постоечкиот колосек. Голем скандал за мене е ова, се разбира дека треба да се направи промоција на проектот, ама не морале да биде баш бодријаров симулакрум. Многу килаво, а и некако гледам дека австријците си ангажирале од МЖ - Инфраструктура возила за реконструкцијата, така што не ми е јасно зошто самото претпријатие не го реализираше проектот, наместо да се бара градежна компанија.

имам гледано емисија на Дискавери за градбата на шпанската супебрза железница,и таму вака се ставаа шините на бетонските прагови,и така заедно се носеа со посебен вагон и се положуваа на `коловозот`.нормално после тоа се става чакалот.

дали е ова истото или сепак се работи за медиумска промоција,незнам

Originally posted by gjoko имам гледано емисија на Дискавери за градбата на шпанската супебрза железница,и таму вака се ставаа шините на бетонските прагови,и така заедно се носеа со посебен вагон и се положуваа на `коловозот`.нормално после тоа се става чакалот. дали е ова истото или сепак се работи за медиумска промоција,незнам

ако одговараше на коментарот на Бојан, мислам дека збореше за тоа како новите прагови со шините се поставени директно врз постоечки колосек (види ја фотографијата)

добро,еве се испостави дека тоа е направено за да се покаже(најмногу премиерот) како ќе се монтираат шините на праговите.има и видео како премиерот(како пред избори) ги заштрафува затегачите на шините со специјална машина.значи се работи за чист маркетинг за фирмата,премиерот,министрите,и целиот проект.

подобро вака него да покажуваат со раце:овде ќе биде тоа,овде ќе биде она(имагинарно нешто)

еве некоја слика од Владимир,ги гледав попладнето на српски форум,ама несакав да ги ставам да не испадне дека му фрлам реклама на премиерот.

 
Добро што се работи, но сеуште никој не ми одговори на прашањето:
 
Дали е во ред и пред се, безбедно за да се поставува нова железничка пруга врз веќе постоечка и застарена железничка пруга ?

 
Благодарам за информацијата.
 
На фотографијата во наредниот цитат изгледа како да се поставува новата железничка пруга врз старата железничка пруга, но бидејќи ти велиш дека не е така, очигледно погрешно сум разбрал.
 

Originally posted by gjoko Почнуваат големи инвестиции во железницата Сабота, 10 Ноември 2012 15:17 На железничката станица во Куманово денеска стартуваа градежните работи за ремонт на железничките делници Куманово - Табановце и Миравци - Смоквица од Коридорот 10. Активностите се дел од владиниот проект „За целосен ремонт на делниците долж Коридорот 10“ во должина од 54 километри за кои се обезбедени 17,6 милиони евра.   ...     ...   http://www.kurir.mk/makedonija/vesti/91487-Pocnuvaat-golemi-investicii-vo-zeleznicata

Edited by Dexter26 - 11-Nov-2012 at 17:16