Македонско (етно) село во Нерези

Се асфалтира делницата од Средно до Горно Нерези.Мислам дека се средува патот повеќе за Етно селото.






Извор:Општина Карпош

Originally posted by Џоле Сигурен сум дека го спремаат за етно селото и за посетителите.

...или за милионерите и нивните нови палати?
како и да е потребно е вакво нешто, штета што нема одводна мрежа. Иначе во овој регион кај етно селото и околината има константен проблем со водоснабдувањето.

Originally posted by martind Originally posted by Џоле Сигурен сум дека го спремаат за етно селото и за посетителите. ...или за милионерите и нивните нови палати? како и да е потребно е вакво нешто, штета што нема одводна мрежа. Иначе во овој регион кај етно селото и околината има константен проблем со водоснабдувањето.

Си прави пат градоначалникот до викенд куќичето

fina e prikaznava so selovo, ama vo zemji kade postoeckite sela se avtenticno zacuvani i neguvani, a nasive se raspagaat dodeka nie si pravime vestacki

СЕЛОТО ГО МЕРКААТ ЗА СВАДБИ, ПРЕТСТАВИ И ПРИЕМИ




Kако што привршува изградбата на „Македонско село“ во близина на манастирот „Свети Пантелејмон“ во Горно Нерези на Водно, така се зголемува интересот на граѓаните за можностите за користење и изнајмување на овој туристички комплекс, прв од ваков вид во Македонија. Граѓани доаѓаат и прашуваат кога ќе бидат отворени објектите и дали може таму да организираат свадби и други свечености. Градежните работи се при крај, куќите се одамна изградени, набавени се и мебелот и опремата за занаетите што таму автентично ќе бидат прикажани.

- Kај нас веќе се јавиле повеќемина. Се интересираат делегации, но и културно-уметнички друштва за одржување одредени настани бидејќи во селото има плоштад со чешма, односно сретсело, кој има и мал амфитеатар и е наменет за одржување културни настани, рецитали и помали театарски претстави - велат од фирмата „Евроконсалтинг“, кој е надзорен орган на градбата.

Додека екипата на „Дневник“ вчера го разгледуваше селото, двајца посетители, маж и жена, се интересираа дали може овде за два-три месеци да организираат свадба.

Kилимите ги бараат во селата

Владиниот проект „Македонско село“ е замислен како комплекс од 12 автентични македонски куќи од повеќе региони: беровска, делчевска, кумановска, реканска, струшка, прилепска, тетовска, кратовска, од Скопска Црна Гора, галичка, битолска и велешка куќа.

- Целата опрема е набавена. На пример, направен е разбој по примерот на стар автентичен разбој, а килимите што бидат послани во собите ги бараме во селата. Тие се автентични, ткаени од пред 50 години, но се одлично зачувани - велат од „Евроконсалтинг“.

Во моментот во селото се доработува резервоарот за вода.

- Селото ќе има сопствен резервоар. Сега се вршат испитувања за тоа како ќе функционираат уредите, како што се климатизерите, и се довршуваат одредени финеси. Поставени се и камерите. Досега немавме притисок за крајниот рок на изведбата. Битно е с` да биде во ред, а Владата ќе одлучи кога комплексот ќе биде пуштен во функција - објаснија од надзорната фирма.

И од Министерството за економија потврдуваат дека привршуваат со деталите за внатрешното уредување.

- Поставени се струјомерите, поставена е и калдрмата, а од страна на Министерството за култура при крај е подготовката на музејот. Резервоарот за вода се поврзува со пречистителната станица. Со „Македонско село“ ќе стопанисува фирмата „Тренд плус“, која треба да се придржува до владините критериуми и концепт за претворање на овој музеј на отворено во ексклузивна туристичка атракција. Kонцесијата е на период од 20 години - изјави Наим Вренези, портпарол во Министерството за економија.

Грнчарија, вино, мезалак...

Во секоја од автентичните куќи ќе биде прикажан некој занает кој е карактеристичен за регионот.

- Во битолската куќа ќе биде прикажан грнчарскиот занает. Ќе има човек што ќе прави грнчарски производи, а посетителите ќе можат сами да пробаат да направат или да си купат готов грнчарски производ. Во кратовската куќа ќе има винарска визба бидејќи некогаш кратовскиот регион бил познат по тоа што се произведувало квалитетно вино, а во галичката куќа ќе се произведуваат млечни производи. Во делчевската куќа ќе има ткајачница, а во прилепската ќе биде прикажана обработката на тутунот - објаснија од надзорниот орган.

На горните катови има апартмани каде што туристите ќе може да преспијат. Од Министерството за економија истакнаа дека ќе има вкупно 51 соба за преноќување.

Во комплексот е изграден ан каде што ќе може да се руча, селска меана која ќе работи само во лето бидејќи е отворена, потоа два помали ресторана во кумановската и во струшката куќа каде што гостите ќе бидат послужени со традиционални јадења од тој крај, како што е познатиот кумановски мезалак. Исто така, има продавница за сувенири, како и етнолошки музеј, со кој ќе стопанисува Музејот на Македонија.

Во рамките на комплексот има и стопански дел, кој е одвоен и во него има воденица, валалница, штала и трло.

- И овие објекти се веќе готови. Имаше дилема за тоа дали овде можат да се донесат домашни животни, овци и слично. Но, констатиравме дека не може. Од последниот разговор со концесионерите произлезе дека би било добро да се донесат барем два-три расни коњи, со кои туристите би можеле да прошетаат. Освен тоа, ќе има и рибник каде што ќе се одгледуваат риби за потребите на меаната. Има пешачки патеки до Матка и до Милениумскиот крст, на кои ќе може да се реализираат убави прошетки. Странците тоа го сакаат и го бараат - велат нашите соговорници.

Патот до комплексот е обновен, а пред него има паркинг-простор. До „Македонско село“ ќе биде воведена и автобуска линија.

Од Министерството за економија велат дека, откако ќе се завршат сите работи, во согласност со проектот, чија вредност е 5 милиони евра, концесионерот ќе почне да стопанисува.

ДАТАТА НА ПУШТАЊЕ ВО УПОТРЕБА С` УШТЕ НЕ Е УТВРДЕНА

Неофицијално, пуштањето во употреба на селото се планира за септември. Но, ниту концесионерот ниту од Министерството за економија вчера тоа не го потврдија. Од министерството само одговорија дека отворањето ќе се случи наскоро.

Од нашите соговорници не добивме одговор дали ќе се наплаќа влезница за посета и колку таа ќе чини, како и колку луѓе ќе бидат вработени во комплексот.

- Тоа е работа на договор меѓу концесионерот и Владата – велат од Министерството за економија.

Изведувач на градежните работи е фирмата „АK инвест“, а за ентериерот е задолжен „Бауер БГ“. Резервоарот го изведува фирмата „Жикол“.

Анела Петрова
http://dnevnik.mk/?ItemID=D59E432798BA834C862362F732792E3D

Веројатно се чека некој празник или значаен датум. Уште во јули, кога бев таму, се чинеше дека комплексот е при крај, и се работеше само на некои ситници. Се надевам дека ќе ја уредат и околината со зеленило, зашто кога го посетив селото не беше сосем во „најчист“ елемент.

Ах тие компресори од климите...

На линковите имате куп слики од селото, а некои ја прикажуваат и внатрешноста на објектите... Фотографиите се од 30 јули. Ставам линкови зашто голем дел од нив нема да се прикажат на форумов, не знам од кои причини... И порано сум го имал тој проблем со преземање фотки од фејсбук.

http://www.skyscrapercity.com/showpost.php?p=116713602&postcount=1764

http://www.skyscrapercity.com/showpost.php?p=116713630&postcount=1765

http://www.skyscrapercity.com/showpost.php?p=116713656&postcount=1766

На една од фотографиите од линковите што ги стави Џоле погоре фатен е еден шарпланинец во кадар. Е сега незнам дали во концесионерскиот договор има такво задложение, но како и да е штета би било кога веќе темата е македонско село штета би било да не го изпрезентираме и кралот на нашите планински села и предели.