Летниковец на плоштад

Попладнево на плоштадот „Македонија“ во летниковецот беше поставена скулптурата „Вљубени“ на авторката Валентина Стефановска.

Делото со височина од околу 1 метар е излиено во бронза и на него се претставени машка и женска фигура, облечени во старогрчка гардероба. 

На поставувањето на скулптурата присутна беше и авторката, но одби да зборува за своето дело, како и многупати досега кога беа поставувани нејзини споменици.

Споменикот на Александар Македонски на плоштадот Македонија, Триумфалната порта, споменикот на Филип Втори во Автокоманда, но и комплекот фонтани со носечката скуплтура од Филип Втори кој допрва ќе биде поставен на плоштадот Капрошово востание од левата страна на камениот мост се исто така во авторство на Стефановска која за сите овие проекти, според опозицијата, заработи неверојатна сума од близу три милиони евра од кои дел нетранспарентно, без јавен оглас.

Летниковецот го изгради „Бетон“, градежната фирма кој се јавува како изведувач на поголемиот дел градби од „Скопје 2014“. За изградба на ова здание, Општина Центар ќе плати речиси 350.000 евра. Неговата изградба во писменото образложение на проектот „Скопје 2014“ е оправдана како потреба од украсен елемент на плоштадот.