Скопје после земјотресот

Хм Хм Хм, ко да си бил Сведок или оние кои сведочеле волкави Црковни (градби) Храмови граделе, сепак можеле ако сакале бар ко Објект На Култура да го водат и така завршаат, но многуверојатно од идеолошки причини ни тоа не биднало случај [1] впрочем Соборниот Храм во Скопје е инициран токму во време кога (првиот асномски Министер за Култура) кавадарчанецот Никола Минчев бил републички кормилар на Собранието [2][2] а сигурно по инсистирање на Архиепископот Доситеј [3] кој Возобновувајќи ја Охридската Архиепископија сиигурно и им потенцирал поусрдно на македонските комунисти дека бар и како културна посебност Црквата е неопходна во републиката, нагаѓам но во недостаток на никакво рекла-казала сведоштво што друго ми останува!? но еве во прилог бар некои концизни и релевантни ...

12 Август 1990-та Осветување на Соборниот Храм Свети Климент Охридски

Камен Темелник 23 Април 1972-ра https://mk-otvori.com/на-денешен-ден-е-поставен-камен-темелн/

http://www.build.mk/forum/forum_posts.asp?TID=625&PID=123435#123435

аман бе до толку ли е работава?

ајде, ти Благодарам, камо да имав лекторка и подома мислам разликувајте бе Луѓе народно и административно форумско думање, каде со овој памет!? асномски официјално може мора со големи букви во институција, ама каде бе тука разговорно, очигледно не разликует некој дека големи букви посреди форумска дебата е налик ГАЛАМА!!! некој ни запирки не користи, некој пак меѓу нив не остава празно место, просто, СТИЛ Е СТИЛ НАУЧЕТЕ!

ај с’к бек тук риалити, да прашам јас кој од Вас излегувал пред Црква во 90-тите, едно време не викаа на вести црните гаврани, а всушност ние (тие) алтернативни субкултурни групи што таму ни беше сврталиште пред по или во Град сред мрак, така таму сме си имале Прибежиште, несвесно натопувајќи се од спунт во Благодат, а дури годиње подоцна ставија Ограда иако повторно нецелосно па и баш не ми е јасен ефектот од оградувањето, иако дефакто тогашните Млади и оние посттранзиционите се разликуваа сигурно поприлично, во наше време имаше бар ефтин МрМр ефтино Вино Пиво Ракија дури и во дискотеки или пак во кафани а не пак за на клупа карши Гранап кој ако сакаш и до сабајле ќе те чека за од кауција да собира кајмак!

Посета на кинескиот Претседател (официјално Претседател на Комунистичката партија на Кина) Хуа Гуопинг на Скопје, 24 август 1978: britishpathe.com
Значи покрај советот Хрушчов, и Гуопинг го посетил главниот град на СР Македонија. Џералд Форд, кој подоцна станал Претседател на САД, дошол по земјотресот како член на делегација на Конгресот.

Background: Chinese President Hua ???eng visited Skopje and Zagreb during his 8 days long visit to Yugoslavia. In Skopje he visited factory "11. octombri" and Macedonian A??? Academy for Arts and Sciences, and in the evening same day the Skopje Shopping Centre. He was heartily applauded in Sko???je as well as in Zagreb the next day /August 25/. In Zagreb he was in "Rade Koncar" big factory producing electric generators, and other metal machines. In Skopje he visited a factory producing buses.

Поглед кон Скопје, 1973

Поглед кон централното јадро на Старата скопска чаршија од Калето. Џоел М. Халперн (*авторот на фотографиите, забелешка на модераторот) бил изненаден од брзата трансформација на Скопје. На фотографијата се забележува изградбата на модерни семејни куќи, поназад се гледа и изградбата на Театарот на народностите.

Поглед кон зградата на Палатата на управата и кон зградите од структурата Градски ѕид, 1973

Во преден план се гледа Палатата на управата, дело на македонскиот архитект Петар Муличкоски, што била изградена и пуштена во употреба во 1971 година. Во тоа време делото на П. Муличкоски од стручната јавност било оценето како „извонредно дело на македонската архитектура“, а од жири-комисијата неговиот проект бил оценет како „извонредно функционално решение со беспрекорна хармонија во просторот каде динамичниот објект [е] поставен на хоризонтално формирана платформа – плато [кое] ги решава основните главни функции на објектот: пешачките пристапи и колските пристапи“. Најголемата структура, пак, во планот на јапонскиот и светски архитект Кензо Танге што го дефинира центарот на градот бил Градскиот ѕид. Градскиот ѕид бил првенствено станбена структура намената за живеење. Оваа урбана структура била замислена како утврдување во облик на прстен околу центарот на градот, согласно со можностите на топографијата. Првичната идеја била тој да биде составен од поврзани високи блокови чиј долен дел би бил трапезоиден. Претрпувајќи повеќекратни промени, планот на Кензо Танге и визиите за Градскиот ѕид повеќепати се менувале. Блоковите од Градскиот ѕид предвидени да се градат на левиот брег на Вардар изостанале. На крајот, во формата на Градскиот ѕид биле имплементирани и кули.

Кулите на булеварот „Партизански одреди“, 1973

Урбанизирање на просторот на новонастанатата населба Карпош 4 кон крајот на 60-тите и почетокот на 70-тите години на ХХ век. Забележливо е, покрај изградбата на кулите по должината на булеварот „Партизански одреди“, дека просторот се обезбедува и со сета друга придружна урбана опрема и објекти.

Поглед кон Султанмуратовата џамија и Саат-кулата, 1973



Стоковна куќа „Илинден“, 1973

Стоковна куќа „Илинден“ изградена по земјотресот на левиот брег на Вардар, на влезот кон старата скопска чаршија.

Средба во паркот пред „руските згради“ во Карпош 4, 1973

Средба и соседски муабет во паркот покрај „руските згради“ во населбата Карпош 4.

^ wow

Колкав потенцијал имало Скопје... Оваа слика ми текнува секој пат кога поминувам покрај Транспортен:
https://www.instagram.com/p/B4KpbCanya5/

Edited by FT - 05-Jun-2020 at 15:49

Покрај линкот погоре, тука може да се најде остатокот од фотките на Халперн. Којзнае уште колку има, дел од сликите од изложбата која ја сподели Џоле не се објавени на credo.

И овие се интересни:











Edited by Staro Skopje - 05-Jun-2020 at 17:26

Архитектонски медалјон на влезот во Градскиот парк

Градскиот парк во Скопје е најголемиот градски парк во Северна Македонија и со парк-шумата Гази Баба единствен од ваков обем. Градскиот парк датира уште од 19 век, а во периодот пред Втората светска војна во времето на најголемиот скопски градоначалник Јосиф Михаиловиќ е проширен, уредени се патеките и направени се фонтани. Паркот е дооформен по земјотресот во 1963 година, кога е и направен еден од најголемите технолошки зафати во земјава, регулацијата на коритото на реката Вардар.

Градски парк кој го знаеме денес е направен во 1970 година, кога е завршен насипот на Вардар, а како круна на паркот во 1971 година пуштена е во употреба фонтаната „Лотос“. Градскиот парк денес зафаќа површина од 486 илјади квадратни метри и се простира помеѓу улиците „Ленинова“ на исток, булеварот „Октомвриска револуција“ на запад, реката Вардар на север и булеварот „Илинден“ на југ.



ФОНТАНАТА „ЛОТОС“ ПОРТА НА ПАРКОТ

Како и секој парк и нашиот парк има своја порта. Движејќи се со возило по овие улици единствено место кое гласно нè повикува и кое јасно им назначува и на оние кои случајно залутале во Скопје, каде се слави, почитува и архитектонски заокружува природата, а тоа во центарот на градот е фонтаната „Лотос“. Тоа е таа капија на паркот, свечена, акцентирана, каде ништо не е случајно. Тенденциозна, романтична сонувачка, елегантна, но модерна таа е онаа која нè повикува да пристапиме, да одмориме, да се забавуваме, да уживаме, да се чувствуваме свечено и важно. Истовремено да бидеме и дел од природата, но да бидеме и урбани. Фонтаната „Лотос“ не е носталгична, таа е храбра и современа, таа не се покорува, таа придонесува и го надградува и паркот и градот. Фонтаната е мошне вешто проектантски балансирана, подредена на паркот токму онолку колку што е потребно да ја нагласи неговата важност и умерено претенциозно нагласена за да го надополни паркот, како нов, современ елемент кој придонесува на неговата убавина.



На местото на фонтаната пред нејзината изградба имало мочуриште, полно со убави бели цветови. И токму оттаму потекнува инспирацијата за проектантот, лотосовиот цвет. Фонтаната „Лотос“ е дело на архитектката Мирјана Милановиќ-Волињец (1938-1982), која работела во Заводот за урбанизам и архитектура Скопје. Фонтаната уште пред нејзината реализација се очекувала со големо нетрпение и била најавувана во медиумите како најубава и најрепрезентативна во земјата.


архитект Мирјана Милановиќ-Волињец (1938-1982)

Токму онаква каква што била и каква што треба да биде и денес, ние поубава и немаме. Отворена е на 3 мај 1971 година со гламурозна вечерна свеченост на која покрај проектантот и градските власти присуствувале и голем број значајни гости, меѓу кои и легендарниот градоначалник на Белград Бранко Пешиќ, градоначалникот на Атина, англискиот амбасадор во тогашната Југославија, кој свечено ја пресекол лентата, пуштајќи ја во употреба, како и многу други видни гости. И тогаш се сечеле ленти, црвени, се пееле и песни, се сликале, но ленти се сечеле кога е создадено нешто капитално и вредно, а не за пешачки мост преку река за тежина од 100 килограми или засадена трева и понекоја жардиниера со елитистички пароли за грижата за зеленилото.



отварање на фонтаната 3.05.1971

Фонтаната била предвидена со Планот за Градскиот парк, а плановите тогаш биле стручни, изработени врз основа на опсежни анализи од сериозни тимови составени од професионалци. А не како денешниве, кои се изработуваат по желба на инвеститори и сопственици на локации. Овие последниве, веројатно сè би дале на оваа локација да може да изградат некоја станбена зграда, се разбира со ситна структура на станови.

Поставена е на плато подигнато со скали од улиците, со висина пријатна за чекорење. Фонтаната чие корито е со дијаметар 10 метри е централна тема на просторот, но не и централно поставена. Таа е настрана, отмено повлечена, како девојка од добра куќа, која е доволно забележлива, но не и претенциозна. Главната осовина е оставена слободна за визура, а главниот влез води директно кон споменикот на Гоце Делчев, дело на вајарот Љубомир Делчев, (велат дека имал македонско потекло), а подарок од градот Софија. Пјацетата се развива лево и десно од влезот, а фонтаната изгледа како лотосов цвет кој никнува од земја. Коритото е спуштено до партерот, иако во идејниот проект било предвидено да биде одвоено и претставува еден вид чинија на цветот. Од коритото се издигнуваат четири топки, една поставена централно највисоко и три пониски околу, формирани од прскалки за вода. Во времето кога е направена фонтаната била и технолошки и технички многу напредна, препознатлива и по својата игра на водата, која е составен дел на архитектурата, а проектот за водоводните инсталации е изработен од италијанската фирма „Алпина“ од Ферара. Во ноќните часови била фасцинантна со својата игра на светло и сенки, постигната и со просторната композиција и со осветлувањето.



„Предвидено е фонтаната да изгледа како воден цвет – лотос, смирен по својот колорит, како да никнува од земја. Во долната чинија на фонтаната, која е и носител на цветот, водата непрекинато се движи, паѓајќи од ’листовите на цветот‘ и од т.н. водени толчници. Играта на водата се одвива во четири програми. Водата си игра меѓу цветовите со специјална структура на движењето на водените млазови“, изјавила архитектката Волињец за своето дело.



ДЕЛ ОД УРБАНИСТИЧКИ АНСАМБЛ

Но фонтаната не е сама за себе, таа е дел од цел урбанистички ансамбл и партерно уредување решено вешто од почеток до крај, без ништо, како што вообичаено денес бива, особено кога станува збор за партерите, препуштено само на себе. Тој ансамбл е формиран како заокружена целина, каде преовладува бела боја, која се истакнува во однос на зелената заднина, но и обратно, природата се истакнува во однос на белината, и овие две главни слики се надополнуваат, почитувајќи се меѓусебно. Околу фонтаната, по контурите на платото поставени се клупи, кои делумно го оградуваат просторот. Клупите се организирани во полукружно седење, создаваат полујавни-полуинтимни простори, повлечени за точно половина круг, кои овозможуваат собирање на група посетители која има можност да седи и ужива во просторот, еден вид соба на отворено. Формата на клупите е формирана од бетон, има свој препознатлив дизајн со закосени страни, аголот се отвора како оди кон партерот и се создава современа силуета со препознатлива контура и пријатна димензија. Во истиот манир се проектирани и жардиниерите (во некои растат и смокви), со еден збор секој елемент е проектиран, а не набавен преку јавна набавка. Материјалот е натур бетон, облагороден со мермерен малтер во бела боја. „Колоритот на фонтаната со бела боја ќе доминира во просторот, имајќи го како фонд богатството на зеленилото од паркот“, изјавила Волињец. Животот на архитектката Мирјана Милановиќ-Волињец завршува ненадејно и прерано. Ни ја остави нашата фонтана за која професор Живко Поповски во ин меморијам издаден од тогашниот Сојуз на архитекти СДАМ, денес ААМ ќе напише: „Фонтаната во нескротен цвет, со партерно уредување на влезот во градскиот парк е естетска минијатура пред еден систем на просторно вреднување во облик на архитектонски медалјон, кој зборува во особена светлина за творецот, како исклучителна личност и страстен читач на животот“.


архитект Волињец и градоначалникот на Атина

ФОНТАНАТА Е СКОПСКА

Оној кој е од Скопје и кој е малку повозрасен или во најдобри години, ја памети фонтаната во сиот свој сјај. Не постои скопјанец кој не шетал таму, не постои некој кој нема фотографии и спомени од својата младост или детство токму на ова место. Кога бевме деца на фонтаната нè носеа родителите да прошетаме и да ја посетиме, како споменик. Но не како било, туку сите облечени во најубавата облека и нови чевли. Играта на водата нè воодушевуваше, млазовите вода кои прскаа од топките беа бели и воздушести како пена. Големо доживување беше да се стави рака во коритото, во спротивно исто како да не си бил. Кога пораснавме одевме таму често, а мислам дека најчесто кога бегавме од часови и секој со своето друштво седеше на полукружните клупи, во својата соба на отворено. Фонтаната секогаш предизвикуваше радост, сите луѓе присутни во тој архитектонски ансамбл беа насмеани.



Но фонтаната стивна, вода нема или тече тажно, руинирана е, направени се обиди за реновирање, сите до еден неуспешни, како обложување на коритото со сив гранит, веројатно донесен од некој магацин, останат од некоја јавна набавка, поставен вертикално, под прав агол, со што е изгубен потегот на закосување на оригиналното корито. На подот се поставени сиви, безлични плочки (од некое од оние спомнати реновирања), наместо оригиналните кои беа во две нијанси на слонова коска, со различна текстура, поставени во штрафти. Клупите се скршени, бојата излупена, целиот просторот е исчкртан со графити. Не дека не почитувам уметност на графити, токму спротивното. Сите оние кои велат дека графитите не се уметност, туку вандализам, гадно се лажат. Уметниците тоа го прават од чиста љубов и обично сакаат да пренесат некоја порака. Но ова што ѝ е направено на фонтаната е обично чкртање, порака за чист вандализам, несфаќање на нејзината вредност, непочитување, недостаток на домашно воспитание.



ЗАРЕМ НЕ ИМ СМЕТА КОГА СЕКОЈДНЕВНО ЈА ГЛЕДААТ СОСТОЈБАТА?

И сè ова не го велам со носталгија или жал за младоста. Ова го пишувам затоа што со ништо не можам да си објаснам две работи.

Фонтаната „Лотос“ не е ниту прв, ниту единствен објект во градот, кој е вреден и значаен, а препуштен сам на себе и секој обид да му се подобри состојбата, најчесто е декларативен или по обичај завршува неславно. Едната работа која не ми е јасна е: Овој простор е буквално, ама буквално „пред нос“ на официјалните лица и на Град Скопје и на Општина Центар. Зарем не им смета кога секојдневно ја гледаат состојбата? Си велам, веројатно човек и на убавина и на грдотија се навикнува кога тоа му е секојдневие, па очигледно се навикнале, во овој случај на нашата бивша убавица. Втората работа е: Помодарството во повикувањето за што повеќе паркови и зеленило, па градоначалниците сакајќи да соберат политички поени, а мислејќи дека се авангардни и којзнае што прават, се сликаат со секое дрвце и трева и даваат изјави како на избор за Мис на светот.



И тоа не е лошо, не е нешто особено важно, бидејќи решенијата се спорадични, но нека садат зеленило. Со години се прашувам зошто не ја реновираат најубавата, единствената вистинска фонтана во центарот на градот? Зачудува и факот што често се спроведуваат конкурси за паркови и се презентираат некои недоречени решенија со нејасни визуализации, а „Лотос“ никој не ја споменува. Бидејќи во животот често не е сè така како што изгледа, па ни 3Д анимациите, особено кај нас, како ќе изгледаат тие новопредвидени паркови сè уште не е многу јасно. Па така во меѓувреме може да се охрабрат и да нарачаат проект за реновирање на фонтаната „Лотос“. Не треба ништо особено да направат, треба само да состават проектна програма која ќе бара реновирање на фонтаната во сè според тоа каква била, тоа значи да не ѝ се прави ништо повеќе и ништо помалку. Сите ќе им бидеме благодарни, нема потреба да ја „разубавуваат“, само нека ја направат иста и само нека најдат пари. Впрочем тоа им е и работа, нели, менаџери на градот. А кога фонтаната, нашата дама, повторно ќе блесне со сиот свој сјај, е тоа ќе биде нов ветер на култура кон просторот, односот кон природата и почитување на вредностите кои ги имаме. Така ќе покажат дека разбрале, можеби не сфатиле, но покажале дека умеат да послушаат професионалци и да почитуваат.

* * *

Нека расцути белиот лотосов цвет со сета своја волшебност и убавина. Нека повторно нè запре и повика барем на миг, да му пријдеме и споделиме со него нешто наше носталгично, интимно и љубовно. Ја слушаме песната на водените самовили и божествената разнеженост на стотици и стотици капки по нашето лице и тело.

Те посакуваме убавице како што и ти нас нè посакуваш.

Со љубов , Игор Волињец (син на авторката)



https://www.porta3.mk/arhitektonski-medaljon-na-vlezot-vo-gradskiot-park/?fbclid=IwAR3fDpIGZkCtQnw0eudn6m_ugY-C1QY_Gtk8dsTijczQdvnFFCAfxHK2nDU

Далечната 1969 година во текот на изградбата на новата зграда на гимназијата [Никола Карев].Зградата официјално е пуштена во употреба на 27.04.1970, а лентата била свечено пресечена од страна на тогашниот Министер за просвета. ⏳🎞



извор

image not found

личи на блокот што е карши Лептокарија