Ramstore Mall

Колку што можам да видам на рендеров, место сегашната реклама за часовници ќе има нова тераса, место улицата која води до паркингот ќе има пешачка патека и дрворед. Ништо посебно...

Според вработени од трговскиов, горе се прави уште еден спрат, иако тоа на рендеров не се гледа. Долго време имале проблем да обезбедат дозвола, али штом почнале веќе да градат, ваљда и тоа го средиле. Иначе вториов кат ќе добие само промена на просторот, а не и нови бутици (можно е уште некој локал за храна).
Сеа за сеа, за влез на Индитекс нема најава.

Тоа се вика ефект на Скопје 2014.

Да го имаме изгледот и на стариот "Рамстор мол"

Се работи во доцните часови

Од денес
















Edited by Z|evzek - 20-Mar-2015 at 23:11

Originally posted by Teglarot Дефинитивно изгледа многу подобро. Меѓутоа како што напоменав, нема понуда за купувачите, тоа е најважното. Не е се во турските продавници.

Рамстор има една голема предност, има многу брендови за богати купувачи. Ако досега иаме тренд на затварање на продавници со ефтина роба, Рамстор е едини кој што ги задржа скапите брендови плус дополнително се отворија нови. Во таквите продавници влагаат купувачи кои од шала оставаат 1000 евра и затоа Рамстор никад нема да пропадне. Се додека ги има Гант, Лакоста, МаксМара, Најки, Тимберленд, Армани, Версаче, Пол енд Шарк и сл, никад нема да има "зима" за Рамстор. Затоа и се скоро едини мол у градов со многу мала промена на локалите, а е најстар.

СЕ ПРОДАВА ТРГОВСКИОТ ЦЕНТАР „РАМСТОР“ И ЛАНЕЦОТ МАРКЕТИ, ГИ КУПУВА „СИТИ ПЛАЗА“ НА АЈДОВАН АДЕМОВСКИ

Трговскиот центар „Рамстор“ и истоимениот ланец маркети се ставени на продажба, а ќе ги купи фирмата „Сити Плаза“ сопственост на Ајдован Адемовски. Досегашните сопственици „Мигрос Тиџарет” денеска соопштија дека потпишан e преддговор со компанијата „Сити Плаза ДОО” и во тек се преговорите во врска со потпишувањето на договорот за пренос на акциите.

„Почнати се преговори за продажба на 100 отсто од акциите на подружницата „Рамсторе Бугарија ЕАД”, која поседува 99 отсто од акциите на „Рамстор Македонија” на компанијата „Сити Плаза ДОО Скопје”, стои во соопштението на „Мигрос Тиџарет”.

Фирмата „Сити Плаза ДОО” е сопственик на трговскиот центар „Капитол мол” и на хотелот „Хилтон” во Општина Аеродром. Ајдован Адемовски е претседател на Македонско-турска стопанска комора во Македонија (МАТТО) и почесен конзул на Турција.

https://sdk.mk/index.php/makedonija/se-prodava-trgovskiot-tsentar-ramstor-i-lanetsot-marketi-gi-kupuva-siti-plaza-na-ajdovan-ademovski/

Ајде сега да се руши Рамстор, и да се изгради нешто попристојно на локацијата.

Новиот сопственик на „Рамстор мол“ најавува инвестиции од над 100 милиони евра и 700 нови вработувања

Во време кога компаниите кај нас и секаде во светот се соочуваат со огромни предизвици заради пандемијата од КОВИД-19 и поради тоа ги намалуваат трошоците и бројот на вработени, вистинска реткост е влегување во нови инвестиции и најава за нови вработувања. Еден од ретките такви примери кај нас е планот на „Сити Плаза“ на бизнисменот Ајдован Адемоски по преземањето на трговскиот центар „Рамстор“ и истоимениот синџир маркети, во наредните четири-пет години да вложи над 105 милиони евра и да отвори над 700 нови работни места. За ова ќе стане збор и на презентацијата на инвестицискиот план утре во хотелот Хилтон, на која се најавено обраќање на новиот и досегашниот сопственик на „Рамстор“, како и на други говорници.

Списокот на инвестиции е навистина импресивен: зголемување на капацитетот на трговскиот центар „Рамстор“, проширување на продажната мрежа на маркети, изградба на ритеил паркови, логистички центар…

„За следниот период, од 2021 до 2025 година, компанијата планира нов инвестициски циклус и диверзификација од досегашното работење со цел да се одговори на променетите услови во опкружувањето, наметнати од кризата со корона вирусот. Анализата на опкружувањето и пазарот укажуваат дека планираните инвестициски проекти имаат пазарна, оперативна и финансиска изводливост“, велат од „Сити Плаза“.

„Вкупната вредност на планираните инвестиции изнесува 105.150.000 евра“, додаваат од компанијата.

Овој голем инвестициски циклус, кој би бил значаен и за многу поголеми земји отколку што е македонската економија предвидува: зголемување на капацитетот на трговскиот центар „Рамстор мол“ и изградба на подземна гаража, проширување на продажната мрежа на „Рамстор“ маркетите, а не помалку значајна а еи најавата дека ќе е зголеми бројот на вработени за дополнителни 700 лица во сите сектори од работењето на друштвото.

Од компанијата исто така највуваат и три „РАМСТОРЕ Retail Парк“ ширум државата на локации каде штто „Рамстор“ не е присутен, потоа 18 нови малопродажни места, изградба и модернизација на логистички центар „Рамстор“ на површина од преку 25.000 метри квадратни развиена површина и нов административно деловен простор „Рамстор“.

Плановите на компанијата не се ограничуваат само на сегментот на малопродажбата, туку се предвидува и инвестиција во фотонапонска централа (5 MW) во Кочанско.

Исто така, во амбициозниот развоен план се и инвестициите во погон за преработка и пакување на прехранбени производи, како и стратешко партнерство со МИГРОС Турција што подразбира продлабочување на соработката во делот на обезбедување и франшиза на трговска марка „М“ за балканскиот регион која ќе овозможи пристап до странски пазари каде освен „Рамстор“ ќе се вклучат и останати македонски и турски производители.

Во ера на пандемија и во војна која го зафати целиот свет со непознат непријател, во време на здравствена и економска криза, ние одлучивме да инвестираме над 100 милиони евра во нашата иднина и во иднината на нашата држава. Не можеме да се бориме против ова општочовечко зло, против оваа чума со тоа што ќе се затвориме целосно во изолација и ќе чекаме подобри времиња. Подобрите времиња треба сами да ги правиме. Не можеме да дозволиме судбината да ни биде иднина. Таа сами ќе ја градиме“, вели бизнисменот Ајдован Адемоски.

Како што е познато, компанијата на Адемоски „Сити Плаза“ и поранешниот сопственик на „Рамстор мол“, компанијата „Мигрос Тиџарет“ на почетокот на февруари годинава соопштија дека е потпишан преддоговор за купопродажба, а во наредниот период беше потпишан и договорот за пренос на акциите. Со тоа од страна на компанијата „Сити Плаза ДОО Скопје“ беа купени 100 отсто од акциите на подружницата „Рамсторе Бугарија ЕАД“, која поседува 99 отсто од акциите на „Рамстор Македонија“.

Сопственикот на „Сити Плаза ДОО“, Адемоски е добро познат во домашната јавност како еден од најуспешните претприемачи. Тој е сопственик на хотелот „Стоун бриџ“ во строгиот центар на Скопје, како и на трговскиот центар „Капитол мол“ и на хотелот „Хилтон“ во општина Аеродром. Адемоски е претседател на Македонско-турската стопанска комора во Македонија (МАТТО), претседател на Бордот на директори на Меѓународниот балкански универзитет и почесен конзул на Турција во нашата земја. Вкупната вредност на досегашните инвестициски проекти, кои се веќе завршени, надминува 100 милиони евра.

Големото искуство на сопствениците и тимот на „Сити Плаза“ во реализација на големи инвестициски проекти се потврда повеќе дека и овие амбициозни планови ќе се реализираат.

Инаку, холдингот „Сити Плаза“ ја започна соработката со „Мигрос“ Турција уште во 2002 година и од тогаш наваму беше партнер кој партиципираше во деловните одлуки. Сега, како што велат од компанијата, во својство на целосен сопственик на акциите на „Рамсторе Бугарија“ и „Рамсторе Македонија“, планира да го продолжи своето искуство и знаење во понатамошен развој и прилагодување на новите стандарди во вршење трговија и трговска размена.

Рамстор“ е еден од најголемите синџири во делот на малопродажбата во земјава, со маркети во најголемите градови.

Овој бренд во Македонија започна со работа во 2005 година (на 10 јуни 2005 година беше отворен првиот маркет во Скопје), како дел од „Мигрос Тиџарет А.Ш“, најголемиот синџир на маркети во областа на меѓународните маркети за малопродажба.

Денес „Рамстор“ ги нуди своите услуги во седум различни градови низ Македонија со вкупно 28 маркети на вкупна површина од 23.883 метри квадратни. Во 2019 година приходите изнесувале 61,9 милиони евра, а остварената добивка била околу два милиони евра. Денес во Македонија има вкупно 750 вработени.

Со плановите кои што ги презентира новиот сопственик на овој синџир маркети, очигледно се најавува уште поголем пробив во делот на малопродажбата во земјава, со што се отвораат и значајни перспективи како во делот на инвестициите, така и за нови работни места.

Адемоски важи за бизнисмен кој гледа напред. Така, во почетокот на јануари тој изјави дека државните економски антикризни пакети се задоволителни, но за да имаат ефект и значење, паралелно треба да се забрза растот преку зголемување на извозот, забрзување на инвестициите и почнување производство со додадена вредност.

„Не е доволно да се затвори 2020 година, неопходно е да се планира 2021-ва. Дури и ако пристигне вакцината, товарот од пандемијата ќе продолжи и во наредните години“, изјави Адемоски, во својство на претседател на Стопанската комора Македонија – Турција (МАТТО).

„Време е на храбри одлуки и паметни чекори“, изјави тогаш. Три месеци подоцна, сведоци сме дека тоа не било само фраза, туку јасна визија за развој.

https://nezavisen.mk/noviot-sopstvenik-na-ramstor-mol-najavuva-investicii-od-nad-100-milioni-evra-i-700-novi-vrabotuvanja/